潮州王牛什粉麵

营业中

休息中

去聯和墟食潮州打冷，見到呢間好多人坐，門口掛D滷水又幾靚，所以試下。就咁叫左2條招牌菜🤤滷水拼盤同豉椒炒蜆👍🏻😋我見枱枱都有叫🤤果然味道幾好🤩而且份量都好大碟。值得一食

星期六 爆場 擺街邊都滿不過好快有位 8pm入座我為咗個 韭菜豬紅而黎點餐嘅時候 侍應姐姐同我講買晒😞😞😞😞當時想起身唔食 但係算啦 都坐低咗鹽焗走地雞-半隻 時價$120肉質嫩 入味 雞胸平時唔食 因為好多都又韌又柴但佢哋整得啱啱好不過食到底嘅時候發現咗一舊唔熟嘅雞 呢度要扣分話晒呢半隻雞嘅價錢都唔平滷水拼盤 $120咩都有啲 唔使煩唔使諗大部份都整得唔錯但其中三樣我唔太滿意滷大腸 滷雞蛋 偏鹹好彩叫咗碗粥 中和一下佢哋嘅味道失望嘅係 一心以為個底放滷水豆腐點知係豆腐卜 😭😭平時係滷水豆腐

朋友介紹話椒鹽瀨尿蝦好食😋就去食，入到去好多人，朋友一早選左室內，有冷氣怕熱既人岩曬，仲有好似我地怕煙味就最岩。椒鹽瀨尿蝦：好野味，唔大隻但好入味，蝦肉結實好鮮甜，好濃郁椒鹽味，鹹鹹地咁送啤酒一流。😍炒蜆：呢度既炒蜆好野味，唔同出面又無沙，個醬汁唔簡單，食到有少少香料味，食唔出係咩味，隻隻都比醬汁包住，好正，難怪朋友至愛食。🤪😜墨魚併鹵水豆腐：先講下豆腐先，好滑，鹵水豆腐皮食到有少少巴椒味，放係墨魚🦑底都好多塊，好味道😍😛再講下墨魚，切得好薄容易黏滿醬汁食，再點佢既秘制辣椒油食，好香好入味又鮮甜，食到我停唔到口，朋友話點蜆汁食仲正，真係正😋😋🤩鹵水雞蛋：朋友必推，唔好睇佢好普通，食落無得嘆，超級入味，入曬鹵水汁香味，蛋黃好豐厚，唔散，硬硬地咁，愈咬愈香，入味到似菜葉蛋，應該浸左好耐，值得讚！😄😁👍🏻👍🏻之後再打包碟椒鹽瀨尿蝦同鹵水鵝掌鵝翼返屋企比屋企人試下，埋單先$500幾都抵食，會再去。👍🏻👍🏻👍🏻👍🏻👍🏻

細佬突然來電約我同媽媽一齊食飯, 都唔知食乜好, 諗一諗, 媽媽很喜歡食豬紅, 於是決定到粉嶺食打冷, 三個人叫左四碟, 蠔餅, 鵝肉, 炒蜆, 當然唔少得韮菜豬紅, 蠔味十足, 炸得脆, 但粉底就比較遜色, 鵝肉好香, 肉質唔韌, 例牌墊底有花生豆腐, 媽媽就清了所有花生, 豆腐非常滑, 炒蜆粒粒好飽滿, 味道同平常食開的有少少分別, 不過不失, 韮菜豬紅味道剛剛好, 唔會太咸, 下次想食打冷, 呢間都可以繼續選擇.

聽聞多次說好味，路過多次說嘗，最終可嘗了。其實店名是：潮州王打冷鹵水鵝片下有我稱的“乾皮豆腐”和“水煮花生”再淋上鹵水汁，鵝片好入味又淋沒根，花生淋，豆腐不入味是正常，食到最後一兩片鵝片便感覺太鹹，總括是好味。鹽醃牙帶魚，超鹹才能好好配合潮州白粥。潮州白粥是個人至愛，什麼都不需說。狗菜豬紅，豬紅早已加入糊椒粉（不多），明白用來除去腥味，所以是可以接受。這道菜是好入味也好味，也熱辣辣。

20160709--初搬近聯和墟，晩上多次到訪此店。按照相片的價錢牌名字"潮州王打冷"，在openrice搜尋了很久，也找不到此店。特意在日間經過看看店名，終於發現沒錯，原來一邊是潮州王牛什粉麵，另一邊字眼是正宗潮州打冷。依稀記年若干年前這店是賣牛什粉麵的，不知為甚麼仍沿用這個招牌，另外發現openrice地址好像還沒更新。看相片對照，應該是正確的，先寫食評。我也不知道詳細地址，應該在聯和道上交界，一邊對面馬路是街市，另一邊角路對面是聯和墟遊樂場，就是鄰店就是吃甜品、串燒等店。晩上也很易找，因為這條道上燈火通明，開滿桌子。此店晩上在店外放滿桌子，通常也坐滿客人，打冷就是這樣熱鬧。但我總愛坐在店內，我到此也有五次以上，但每次也是吃同幾款食物，特別喜歡吃走地雞和豬紅:走地雞--打正旗號說是走地雞，貨真價實，肉質結實，有雞味，雞皮爽脆，但味道是偏咸的。曾經為這走地雞來了很多次，真的很好吃。好像$120多元半隻)。九菜豬紅--九菜爽脆，豬紅細滑，沒有腥味，配搭店內的辣椒油吃，味道一流。鹵水拼盤--有紅腸、墨丸、鵝腸、雞蛋、腩肉，豬耳仔、豬大腸等等，款式多，總有一款對胃口吧。味道不錯，大伙兒必選

受傷無得操拳，承機偷偷懶先。幸運地朋友仔有空短聚食餐便飯，即刻殺入粉嶺啦。對粉嶺全無慨念，好采村民文迪姐帶路搵食啫，介紹路邊打冷！唔毒唔食！酸辣、膏蟹、滷水鵝、啤酒！快過打針，敷左跌打草藥既右腳眼同膝頭即時出晒水泡仔，好痕呀！凍膏蟹，完全無提示、無方向食什麼好呢！唯有靠文迪姐問老闆推介幾款佳餚享用啦。果然係泥蟹，好多老泥呢！貨真價實，好聚手重秤下。果然夠晒原汁原味，海水味超濃縮，蟹膏好咸啊！邊道鄉下架？熟蟹唔知道放左幾耐，有種已封乾無肉汁之感，幸好蟹肉保持鮮甜可口，結實帶滑，夠大隻啖啖肉，滿足。滷水鵝片配大豆芽底，厚切？有點鞋有點渣啊，肉質好結實，應該做開健身呢！用力呀，用力肉緊一點先得。滷水味道陰沉單調，沒怎麼驚喜，中規中矩。大豆芽清爽多汁，捲住鵝片同吃更加滋味。滷水鵝腎配大豆芽底，腎不是應該爽的嗎？質感軟棉腍腍的，味道清香，幾好食喎。雖然跟鵝片同是滷水，鵝腎好食得多呢。豉椒炒蜆，生炒蜆，讚！原汁原味，肥美飽滿充滿海水味道，夠晒鮮甜。豉椒惹味調得剛好，不會蓋過蜆肉天然味道及香氣。很多食肆汆水再加芡汁翻炒，鮮味全失，淡而無味，過熟質地似香口膠，最討厭！鹽焗烏頭，沒有半滴黃油的烏頭，充滿

打冷俾我既感覺係好隨意，最緊要係夠熱鬧，對住個打冷檔口各樣美食，見到自己喜歡既嘢食就落order，非常合我心意。全個粉嶺得依度有得食潮州打冷，咁就襯星期日夜晚嚟依度坐下街邊打冷。依度既食物選擇幾多，每次打冷都必叫既鹵水鵝片，依度既鹵水汁幾夠味夠濃郁，鵝片好食唔靭，送啤酒一流。另外既大豆芽豆卜，份量好多。九菜豬虹則入口無渣好食。春菜煲既春菜夠淋夠入味。最後既蠔仔粥，蠔仔夠多而且夠飽滿，不錯的潮州打冷選擇。

當日我去粉嶺目的係食客家菜.點知去到客家菜店門口.接待冷淡地說2個人.無訂位..無啊!隔一分鍾又問.你係咪2個.之後又當我隱形....間客家菜店.唔接受2個人食晚飯,就一早講.....我感覺似去間客家菜店借錢....該店我列入黑名單....當晚又凍, 粉嶺街道又少人.無奈地.變了去打冷...呢間店...在聯和墟.下面的食家都係咁講....我隱約記得.我來過呢間店...不過我覺得呢間店轉左手....大眼雞:好大條,好新鮮..凍吃的大眼雞比較實肉....我覺得鮮甜...美味的....腩汁生菜...腩汁又不是太肥,落腩汁令個菜的味道,不會單調.吸了肉的鮮味......唔錯....一去到...望下的食物...見到一隻好細的雞....店員話沙頭角.走地...的確好食.骨硬.但肉軟而嫩滑...而皮薄都好似紙.....味道香而甜....勁正....120元一隻,我都覺值.真係好好味.....

琴日，我同我朋友去果間粉嶺聯和墟潮州王到食野。呀，古唔到果ｄ野咁好味，又有人情味，環境雖然逼逼地但都好乾淨。我地鍾意食蠔餅﹑韮菜豬紅﹑蠔仔粥，鍾意飲夏枯草涼茶下一次我又約多幾個朋友黎食先！

呢間野個地方就唔係咁靚, 但係d野真係唔錯, 我已經係呢間野過好幾次, 水準都未試過下滑, 由其係佢個蠔仔粥, 係食過咁多度so far最好食既一間, 推推推~胡椒豬肚湯 - 推推推~

今日又玩遊車河遊戲...哈哈... 目的地係粉嶺!!!有咩食? 唔知喎...入到去周圍搵下囉...一落車就0係聯安街見到一檔大冷, 同一間小菜0係聯和墟兜個圈, 最尾決定揀潮州王, 因為佢平囉!兩個人叫左一碟鹵水鵝片, 韮菜豬紅, 通菜, 一個飯+一個可樂鵝片几好味, 唔會霉. 不過略嫌鹵水香唔夠, 好似只有咸味?韮菜豬紅都几油, 不過個沙嗲底做得好好味, 豬紅又夠鮮所以我到而家都唔明點解陳春記d 豬紅可以一d 味都無...?!通菜雖然係一般油菜, 不過唔要腐乳要腩汁都唔錯啊! 好想食炒蜆, 不過兩個人食唔到咁多啦...哥哥仔同老闆d 服務態度都非常好...$110 都唔駛埋單都老細前老細後, 多謝前多謝後...抵讚!!!誤打誤撞都食到好野...都几好呀! ^_^ 不過几時先有下次再去潮州王?p.s. 點解我食0個間個地址同呢個好似有d 唔同???因為我食0個個"潮州王"肯定0係聯安街附近, 同T Cafe 係一頭一尾的但係睇呢度張門面相, 又同我去0個度一模一樣架喎, 地址係咪出錯?

以前很喜歡去吃晚飯, 但自從它們轉了師傅後, 試了幾次, 就沒有再去。因為....1/ 打冷的食物全部細碟了很多, 起碼少1/3。知道物價升, 但都唔好甘"離浦"2/ 味道不同了, 沒有"老水"香, 只得咸味, 咸到入唔到口3/ 連最普通的"潮州三寶" - 菜圃, 花生及咸菜都退步了4/ 事頭婆 - 一邊包雲吞一邊收錢, 但收完錢及做完其他事情沒有洗手, 繼續包雲吞5/ 一個晚上, 正在吃東西的時候, 怱然看見一隻"mickey mouse" 在櫃頂走來走去, 告訴師傅, 沒有理會, 好像 "mickey mouse" 是常客, 自由出入慣, 不用理會6/ 話事人及其他顧客在店內吸煙 , 辛苦我們這些非煙民

第一次去試這裡的潮洲餸, 雖然地方不大, 似普通式的潮洲粉麫店, 有潮洲粉麫及打冷(夜市), 我們點了卥水鵝片, 有豆腐及花生墊底, 鵝片入味夠瘦夠厚片, 但不'鞋'口, 豆腐很軟滑; 炒蜆約($20), 味道雖不及港式的豉椒惹味, 但蜆肉夠大及多, 而且差不多每隻蜆都有肉, 老細看見我們剩餘一些未開口的蜆, 於是叫我們不用擔心, 可以很容易打開它, 因為他們的蜆是先灼熟才去炒, 不會是未熟的; 炒蜆味道也不錯；蠔仔粥$20(小)已很大碗, 二人吃已很多, 蠔仔份量多而且肥美新鮮, 粥底也不錯, 我們二人各吃了好像有三至四碗; 大眼雞可以選擇大小, 不過普通size都要$30-40元; 腐乳通菜$10已很大碟, 而且菜的質素也不是平價貨, 街方生意也不錯, 平日下午7:00幫襯己坐滿客, 他們還開摺枱在門外。老細態度很親切, 不會趕着你落單, 又會介紹一些菜式給你意見。整體來説都不錯, 份量足, 味道也不是過濃, 又沒有太多味精, 可惜不能坐耐點, 因地方不大, 若遇上多人也不想人家等位。

hi~又係我~上次叫左碗墨魚丸麵外賣覺得麻麻地；今次特登食多次，不過哩次係堂食呀！同個fd 兩個人，一人叫左一碗麵(我要左個魚蛋麵，我個fd 叫左碗雜麵)、韮菜豬紅、腩汁生菜和炸蠔餅。堂食個麵同埋d 魚蛋都係無咩特別，係d 麵冇上次食咁軟身，中規中矩啦。個韮菜豬紅好好味，唔係太識點形容，因為我都係第一次食豬紅咋，覺得d 豬紅好爽冇腥味囉，但有油左少少。炸蠔餅都好好食，但我個fd 話d 蠔唔靚喎@.@ 我就唔係點食得出勒！最後叫左杯荳漿，@$4一杯都ok好味~p.s. 其實間野主要係食牛架，但係我又唔食牛既≧▽≦