潮庭 (新都會廣場)

营业中

休息中

今天跟家人去飲茶，午市時段選擇了位於新都會廣場的朝廷。未到食飯時間，茶客數量不是十分多，不需要等候就可以直接入座。環境闊落，枱與枱之間距離還好。可以不要前菜，點了普洱茶，茶的味道不錯。點心方面，點了菠蘿叉燒包，蘿蔔糕，金錢肚，沙律名蝦角。比是有驚喜的是菠蘿叉燒包，做到菠蘿包的脆皮，內裹亦有不少的叉燒，一個點心，雙重享受，非常好食。其次是沙律名蝦角，做到外脆內軟，加上沙律醬的味道，配搭上非常完美。酒樓位於地鐵站附近，位置非常好

服務態度極差，出現漏單錯單啊姐帶位帶錯 去左另一張枱一坐低點心紙都無張 唔叫佢攞佢都唔比你叫啲啊姐睇到扮睇唔到啲阿姐完全係懶散嘅態度落單又落錯枱 又漏左一樣點心 又黎少一樣甜品嘢食都未到齊就係咁吹你埋單下午茶等位等左接近一小時以為美心集團服務態度都唔差得去邊 原來唔係既唔會再有下次食完一肚火 平時都唔會專登打食評既但今次食完除左嬲無其他心情所以專登上黎比番個差評佢經過今次我絕對唔會有下一次嚟食嘢服務態度根本太差

六畤晚餐畤段，等了一阵便有位，叫了卤水鹅片，煎蚝饼，卤水大肠和芋头鸭。卤水鹅片及大肠都颇有水准，软滑入味，不咸不腻。煎饼不过不失，不够香脆，芋头鸭唔错，稍嫌油腻。铁观音茶叶够香，整体水准满意。

經過琴日交通大混亂之後 我同啲同事決定早啲過嚟葵芳飲茶 再返工😪 廢事遲到啦 新都會廣場都有幾間酒樓 我地是旦揀咗間😂 未夠八點 啲客人企晒喺外面排隊 原來係因為佢八點正先開😮 一開門 啲公公婆婆就急不及待咁揀個靚位 孖寶點心選擇唔算多 但勝在飯或者粥都有得揀👍🏻 我地嗌咗兩個孖寶 鳳爪排骨飯 拼魚湯鮮竹卷 皮蛋瘦肉粥 拼香煎蘿蔔糕 再加一籠蟹籽蒸燒賣 同埋四寶滑雞扎😋 飯同粥嘅份量好多 包保食得飽😉 另外點心唔會一次過上晒 冇咁快凍 可以新鮮熱辣咁食😛 味道都唔錯 最值得推介嘅係呢個潮州辣椒油🌶️ 同啲點心一齊食好惹味⭐️ 可惜客人太多 員工未能及時招呼 嗌茶同加位需時 整體嚟講 呢個用餐體驗都唔錯嘅😗

又有同事生日啦, 今次一行十三人所以簡左酒樓, 點心可以叫多幾樣, 又坐得舒服嘛, 卜左12點45分一去到就有位啦, 不過唔知點解會間唔中聞到一陣陣臭味, 我地懷疑係d濕布既臭味, 有少少影響食慾..叉燒波羅包, 上枱時仲時喇喇, 個包夠鬆脆, 推介之一今次叫左好多炸野食, 炸雲吞咸水角依d都係每次必叫, 次次都好好味架, 水準都保持到！依個滷水鵝片我地係冇order既, 點知佢送錯左咁我地就照要, 點知原來差唔多$200一碟, 有少少太貴, 埋單一千六百幾, 每人都係一百頭, 算係抵食呀！

叫了一個原價為1400，但信用卡優惠為798嘅套餐。 叫起菜時先送來蒸魚，碟是暖的，明顯蒸起了一段時間，算了。跟著上滷水四式拼盤， 豬腩肉片是一大片肥夾，一點瘦肉，好食與否見人見至至。五人吃飯但同一時間起了七碗湯， 理由是懶得番手再裝湯， 真攪笑。 高湯龍蝦伊麵上場，龍蝦不錯， 但啲伊麵像BB糊仔，又碎又爛，慘不忍睹⋯⋯沙拉骨可以，但傾向硬身， 正常，總好過Deep fried後仍然軟滑，那麼鬆肉粉便太多了了整體下下之作。

今天同媽媽飲早茶。潮庭其實有等位apps ,但諗住兩個人好快有位，就沒有用手機先取票，最後在門口等了15分鐘。全場沒有撘枱，我們坐了張四人小圓枱，好鬆動。早茶時段，點心紙上大中小點一律$22，腸粉特點$28 ，還有早晨孖寶套餐。鳯爪排骨飯蒸飯上枱有煙，好夠熱。一盅飯份量好多，面頭鋪滿鳳爪排骨，排骨不肥，好滑好入味，加左豆鼓好香，豆鼓香浸曬入飯粒。我只是加了一點鼓油入白飯，就夠曬味。鳳爪調味唔錯，這個飯蒸得好。鮮蝦滑腸粉蝦好大隻，食得出係雪藏蝦。腸粉皮唔太薄唔太厚，但上枱已經唔熱，腸粉唔熱就不夠滑。但唔係難食既！如果可以熱一點會好食好多。我常常覺得腸粉，小籠包，湯粉......等食物，夠熱係好重要。個鼓油甜甜地，幾好味加分川弓燉魚頭上枱用錫紙蓋住，一開錫紙有少少煙。個湯聞落去有葯材香，飲落去沒有太濃的川弓葯材味道，好咸，咸味多過川弓味。湯浸過魚頭一半，魚頭有兩件，一件骨，一件肉。魚頭沒有腥味，沒有魚鮮味，只係同個湯一樣的咸味。黑白芝麻糕上下椰汁糕夾住中間芝麻糕，口感幾好，像布甸的質地，不是大菜糕個種硬身。白色椰汁糕，不是好重椰汁。黑色芝麻糕好重芝麻味，咬下去有芝麻粉。甜度如果10級最甜，

約咗幾個老友聚下舊，飲茶當然係首選啦😊又唔怕時間限制，傾計大聲少少又唔怕嘈親人😂😂揀咗呢間潮州酒樓，好大唔使等位，好企理，餐具好靚呀！特別喜歡呢個海鮮炸芋盒，芋蓉好香，海鮮餡好足，外面又蘇又脆，真心正😌叧外，蜆蚧鯪魚球好有魚味，蜆蚧好濃嘅蠔香，仲有幾粒蠔仔添。其他點心都好好味，大大碟，又吾太咸，11點前仲有好多優惠呢😆

潮庭今晚同朋友飯局，大家想揀一間舒舒服服嘅總裁，一切圍桌而坐，傾吓計，揀咗葵芳一間美心集團嘅酒樓。地方非常寬敞，座位舒適，九人枱也不會坐得很擠迫。很適合一家大細一同吃餐飯。在香港，大集團的潮式酒樓，已經買少見少，這一間大集團經營的中菜廳，水準是不容易的，可是分享偏小，最喜愛的小食，一定是鹹蛋黃魚皮，魚皮非常香脆，非常香口呢。兩面黃，也是比較難得可以吃到的菜式，很多餐廳走路，也吃不到這個面，雖然不是非常有特色，但是潮菜必點啊。請問啲菜式，不過不失，不會令人失望，也不是特別大驚喜，不過是一個非常舒適的地方，適合一大班人吃晚飯呢。

成日都話午餐想飲茶今日終於四個同事一齊食可以飲啦熱辣辣，喺返商場度樣算啦呢間潮洲酒家，想試好耐無面好靚好Morden.餐具好乾淨好精緻😊飲茶都係食嗰啲㗎啦但呢度啲嘢幾特別喎好似平時啲點心紙，好少見到咁就點左特別啲嘅嘢其他嘢就不過不失啦！

正所為以客為整做食市,客人入到黎都係想食個飯,打電話訂左位,去到話冇record,算啦。。。10分鍾內都即刻安排到位,不過就係坐門口位,本身間野感該係有個receptiin位既,但是晚入到去見到呢個位都做埋生意,放左幾枱人,中間有個搬唔走既高身擺設,其實係會擋左埋面3張枱既視線,侍應係冇可能見到我地既,當然做飲食服務業係好辛苦理解,要怪只怪該集團management同training唔夠完善,入座坐低左等成10分鐘都冇個餐牌睇下,揮極手叫極都冇人睇到我地,其實人手唔夠,位置又真係睇唔到既。。點解枱要開到出呢個位接咁多客呢.??叫5個餸係同事落單既,黎左3個就婷左,第4個等左好耐成個鐘。。。7點半入座,最後吹左幾次自8:45分比埋個咕嚕肉我地,睇得出係人手唔夠,員工疲勞,唔熟手,所以我地冇投訴,個個阿姐都係譚仔質素同口音,合埋眼會感受到自己食緊譚仔😅😅~~~埋單同個美心app儲分,個阿姐話唔識用😞😞不過最後都儲到。潮州野黎講呢間其實味道ok家,都真係唔差,但係你收得我咁既價錢,又想做到同8月居,北京樓咁既同集團質素(可能兩者而家都一樣咁差),真係唔得唔值囉,對唔對我住自己既集團品牌呀??

今日行新都會廣場，又大有斬獲滿載而歸，血拼緊係女士嘅專利啦，又到午飯時間，同好友決定要搵一間坐得舒服又唔怕畀人趕嘅地方，我朋友提議去潮庭食午飯，反正飲茶係一個消磨時間嘅好地方。呢間潮庭裝修好優雅，枱與枱之間都十分寬敞，我最怕飲茶嘅時候聽到隔離枱講嘢，亦怕畀人聽到我哋傾計嘅內容，呢間潮庭環境真係十分舒適，我們叫了一些點心及一個鹹魚雞粒炒飯，估唔到畀我去開荃灣區嘅酒樓水準真係高出一籌。先講蝦餃，蝦餃皮真薄，而每粒都很大，裏面嘅蝦肉很爽口，熱辣辣真係好好食。另外一個要介紹就係豉汁鳳爪，豉汁很入味。醬料亦唔會太濃，鳳爪好柔軟，有些少辣味， 好醒神。這個鹹魚雞粒炒飯，炒飯炒得很乾身，真係有水準。我個人對飲茶真係有高要求，例如地方，食物，仲要求服務員態度，呢度既侍應都好好笑容，抵讚。

尋晚16人包咗間房(滿七千蚊已經可以有房)，房間幾大幾舒服， 有一個服務員全程招呼我地， 服務都幾好。因為是星期五大家剛放工一去到已經叫咗好多飯前小食金香炸魚皮: 有鹹蛋黃香味，入口依然是暖普寧炸豆腐: 冇味，得個脆字小黃瓜海蜇頭: 小黃瓜好味椒鹽九肚魚: 一般蒜片牛仔粒: 一般鹵水豬腳: 一般菜單: 鴻運乳豬全體: 豬夠脆皮唔肥，仲有心心閃燈眼，有心思翠綠蝦球玉帶子: 蝦同大帶子都夠大隻萬壽果螺頭燉雞: 一開燉盅已經聞到香味鮑魚花菰扣海參: 賣相麻麻，不過海參夠爽，鮑魚都夠入味清蒸大花尾: 冇特別，一般水準當紅炸子雞: 隻雞偏細，唔夠脆上湯水餃麵: 個麵爽口，水餃都好味瑤柱蛋白炒飯: 無味又唔夠鑊氣祝賀壽包: 冇鹹蛋黃好失望楊枝甘露: 一般水準，但分量較少

潮庭每日早茶同下午茶時間都會企滿人等位，早茶系早上8點至11:30，下午茶系下午2點至4點，所有小中大點一律賣22蚊，而特點，粥，腸粉，盅頭飯都也是一律28蚊。經濟實惠，唔怪得咁多人來食。其實可以用food gulu apps預先拎號，咁就晤洗浪費時間企定定響度啦潮州點心的並不算多款，不過均一價22蚊，都算系咁啦。今天我地主要糸來飲茶食點心，點左幾樣野，不過等到頸都長，一樣都未來，周圍食客都有不停催單，有d混亂吖。終於，焗叉燒菠羅包上左來，我地已經等到好肚餓，一人一個食包包，筷子一夾，d酥皮已經碎開，好鬆軟!新鮮滾熱辣吖！咪講笑！叉燒醬汁好糖心咁流出來，容不易食晒一個！一個人多三個都可以的！哈哈，可能夠熱辣卦，所以要趁熱食！呢個潮州糯米包，就普通左了，同超市賣果d,自家蒸，冇太大分別。潮州粉粿，蟹籽燒賣，不過不失，好大粒，系ok既，不過真的沒有太特別。三色腰豆糕，如果你貪得意，都可以試下。但如果你對糕品要求好高，咁少點一樣都可以，因為佢有d普通。准山黑松露素餃，如果佢唔講黑松露，反而我會比佢高分，因為口感嫩滑，皮薄而Q，食到淮山的綿密，比粉粿特別。但可惜，真的真的真的冇咩黑松露味。

記得細細個成日跟呀媽去茶樓飲茶，係我既印象黎講，茶樓同排檔其實冇咩分別，食既野大同小異，味道不過不失，係個環境好排檔小小。然而，琴晚同屋企人食既一餐飯，就改變左我既睇法。我地黎到新都會食飯，係大家都冇乜所謂既情況下，就揀左呢間美心旗下既潮庭。第一個餸黎到份量比預期少，一食落去啲鵝肉有啲鞋，冇乜驚喜，係個晚較為失色既一個。之後嗌左個湯暖下胃，胡椒味好濃，豬肚好爽脆，冬天飲一流呀！正正常常冇咩特別，價錢略貴，算係不過不失啦。呢個不得了！全晚最好食既餸，生蠔超大隻超肥美，估唔到蘿蔔糕同生蠔咁夾，吸哂啲精華超濃味！呢個又係驚喜之作，啲飯粒粒分明，啲臘味亦好足料，食到停唔到口！今餐飯好滿足，原來酒樓都可以咁好食，令人咁有驚喜。