潮江春 (怡和大廈) (已結業)

(1/12/06)十人的dept lunch,那個似查小欣的侍應,次次都俾意見,話我地咁多人,唔夠食,所以今次又勁叫。鵝片,本人麻麻o地,較欣賞墊底的滑滑豆腐。蒜蓉白菜仔,好油。蠔仔粥,柴魚勁香,令潮州粥加點香。芋蓉餅、潮州粉果、小籠包、麻蓉及豆沙水晶包、蝦餃(以上皆沒吃)。筍果,真係全筍粒,好「毒」吧~皮又厚!沙嗲牛肉菜心,味道ok,賣相麻麻,菜心好靚。素鵝,即腐皮包住紅蘿蔔、木耳絲,都唔錯。特色炒粉絲,是「查小欣」推介,好多臺都話好食,果然粉絲幼,加肉鬆、木耳等,好冶味。仲有樣推介,蠔珠,形容像天婦羅,不過我地無叫。糖醋麵,加糖加醋食,真係好好味(menu唔見,$88)。p.s.講開糖醋麵,力寶軒的,最是難忘。

12 November 2006 (Sun) - 晚飯姑媽喺度擺結婚週年宴，雖然只係四圍枱，但真係熱鬧非常！食物真既非常好，可能真係熟客關係．．．今次個翅真係非常得，好多好正，啖啖都係翅，未食過咁好既翅！仲有呢度既炸雞同糖醋麵真係無與論比，今次最後仲有炸油粿同壽包，個夀包仲要係奶王流沙饀，超正！！不過亦有人想食返佢原本既蓮蓉或豆沙饀，都係既，傳統啲嘛！總括，呢度我係好鍾意，比唔到喊面/ok，真係要笑面！！

尋晚成大班人0黎食宵夜, 不過可能因為太夜, 大家有d 累又無乜胃口, 食0左唔多.- 鹵水鵝片: 咁韌0既? 不過好彩幾入味. 個人覺得伴碟的墨魚片/豆腐好食好多!- 糖醋麵: 夠乾身; 我就淨係鍾意蘸糖食, 甜甜0地乾乾0地幾好食.- 川椒雞: 呢度呢d 當然唔及九龍城樂口福, 不過都唔錯, 個人覺得再辣少少就更好食.其實除0左九龍城樂口福同創發之外有邊度0既潮州菜館好食+抵食呢? 真係好想試多幾間.

(12/5/06)同事生日飯,唔知老闆叫左好多小菜,十人喎!我再地劃左好多點心,真係成台都係o野,乜都食"雲"晒。鹵水鵝片,好大碟,好好味,鹵豆腐又滑。沙嗲牛肉芥蘭,芥蘭削皮幼左,沙嗲牛肉攤凍,"琼"了>.<唔知咩名,似啫啫雞件,ok。肉鬆四季豆,應該唔係四季豆o黎o既,似豆角甜豆,都ok。福建炒飯,好味。蟹肉莧菜,普普通通。點心:蟹籽菜餃,皮太厚。xo醬腸炒,好咸好咸。蝦餃,皮夠通透。潮式炸春卷,內有綠豆,好特別。潮州糯米餅,在荃灣食過,是壓偏煎,呢度真係成粒芋蓉煎湯圓咁形狀,同事話好油。千層馬拉糕,用馬拉糕分四層,餡料無真正的千層糕咁,咁漏咁甜。(個名好復雜)什麼滑燒賣,平時唔食燒賣,因叫得太多野,食過,都好味既。义燒包,兩個大大個的。蛋撻仔,熱辣辣的,最後先黎,只可容納pat燉蛋。

大年初四，仍抱著放假的心情開工大吉! 今天是開工吉日，聽說只要回公司坐坐、開開電腦、掃掃塵也算是開工了，實際的工作可以放慢腳步吧。老板請吃開工飯，先來一碟會“叫”的潮州四小碟(會“叫”是因為碟中央放了個發聲器播放鵲聲，什麼喜鵲報喜云云)，有蝦丸、海蜇、帶子、鵝片和豆腐，鵝片最好吃; 蝦丸加入馬蹄，但口感太“淋”，麻麻地; 還有發財好事、雞絲翅、蟹肉扒豆苗、炸子雞(皮脆肉嫩，好吃)、香煎鯧魚(口感不錯，但略咸)、上湯水餃(水餃皮很硬，上湯不夠熱，不好吃); 最美味的是壓軸的糖醋麵和糖水紫米椰露加花生湯丸，回味無窮。九九(狗狗)不盡，多謝老板!

4 December 2005 - 晚飯呢日同屋企人包括姑媽阿伯們一齊去咗拜山，再做埋彌撒之後就黎咗呢間我哋幫襯咗好耐既潮江春食晚飯！姑媽同呢度既部長就最熟，一來成日黎，二來姑媽係一個非常有人緣既人！其實呢度既嘢食我一向都覺得幾好架，不過今次個翅就真係麻麻，根本就冇乜翅，只係有好多既花膠同參！但係呢度最值得推介既係佢既糖醋麵！！原本我哋個餐最尾係食炒飯，但係都改咗做糖醋麵，因為咁樣人人都有胃口！同埋今次個脆皮鷄都好好味！雖然今次唔係食點心，不過都要介紹返佢最好味既炸油角，係我既至愛，好好味！有緣人下次可一試，不過未必係你杯茶！

今日(8 Apr 05)黎左食lunch, 中環處處都咁多人。呢度仲人手唔夠, 叫極D waiter/waitress都應接唔黎, 雖然係咁, 但態度依然OK既。其實都可理解, 係佢地公司唔請多D人手jer….入番正題先。我地兩個人, 叫左兩個點心: 菜苗菠浪餃, 好味, d皮好煙un, 蝦同菜都好鮮甜、生”祝”牛肉, 牛肉”林”左D bor! 另外叫左個飯:潮陽炒飯，聽個名都吸引啦! 味道好冶味。材料有D唔知咩黎, 啡色一絲絲的, 咸魚黎卦? 既物體啦, 有芥蘭切片, 豬肉粹, 炒飯。其實呢度點心唔算多, 叫炒o野既多D, 睇下大家想要/想食D咩類型o野啦…..

我都覺得潮江春唔好食，亦試過杏花邨嘅潮江春，一樣咁難食。所以唔會再去喇。

近期鐘意玩即興，今日又與同事即興o黎飲茶，係中環咁耐都係第一次o黎。去過幾間係中環的美心集團中菜，論環境及食物最差就係呢間。地方幾迫又好噪，我以為去了屋村的酒樓。而食物又冇其他同集團的咁好食，糯米卷一夾就散、方魚炒芥蘭似普通一碟清炒時菜，而且炒得好老，灌湯餃d料大家都食唔出係咩o黎，亦都冇湯係隻餃度、記得雪怡話過上環鳳城d馬拉榚一般，如果佢食潮江春d奶皇馬拉榚，就更加話難食，莫講話有奶皇味，連d蛋味我都食唔到，而窩蠔仔粥似肉碎粥多d，仲要108一細窩，真係唔值。service我o地個男侍應仲有好勁體味tim，好難頂呀!

今晚有親戚請去那兒飲, 諗注中環區都算係唔錯啦, 但在上菜時我們整台都很不滿意, 因為上到條魚時, 我們向服務員投訴話條魚蒸得唔係好熟, 她竟然無咩反應又無出聲就幫我地收左條魚, 雖然那味魚已吃了7成, 只欠中間少許唔熟, 但那服務員的態度實在唔掂, 原全好似啞左甘, 睬你都死甘, 實在令人對這店子失望,話晒都中環區, 服務員的質數都有番甘上下丫... 而且"潮江春"這類集團式酒家, 應該對員工有點要求, 真令人失望, 我就唔會再去幫襯呀, 無為貼錢買難受...><

一般都OK,除了所謂擔擔麵,只是一碗普通的鹼水麵,不用點了.

delicious - so soremember to check your bill - always wrong billyou need a long time to wait for foodno one will tell you the food you ordered were sold out