潮滋味

营业中

休息中

昨日開app睇下外賣自取有咩優惠，咁啱見到呢間就諗住試下細細個果時有食過潮州菜，體驗都唔錯，跟住見到竟然有得再食，緊係要比較下先。最想食都係佢個九毛糕飲品，冇咩地方有得飲。口感食落其實有少少似大菜糕咁有少咬口。叫咗鹵牛展同炸雞翼飯，味道唔錯。價錢都可接受，可再黎食

黎到石門京瑞廣場食特色腸粉和海豐小米，雖然店鋪空間唔大，但都幾乎坐爆，今日就點左個腸粉套餐:麻辣手撕雞腸粉+海豐小米+酸梅汁，共$59手撕雞腸粉唔算太麻辣，腸粉都算幾滑溜，仲有少少冬菇粒同莞茜配料，口感相當唔錯海豐小米外表似潮州粉果，而裡面餡料十足似魚皮餃嘅豬肉餡，海豐小米質地煙韌，細細粒容易食，不過稍嫌太黐身，整體味道都ok餐飲叫咗酸梅汁，飲落酸酸地可以解下食左咁多肉嘅油膩，又清涼呢間鋪雖小，但小店可以用心做到咁有特色食物算幾好

前些日子去石門換證件後, 在周圍找食店時, 給店外潮式食物相片吸引, 第一次進去為了小米, 再加一個牛肉餅湯, 吃得十分滿足。 今日再專程過去為吃菜茶, 因為上次吃不到, 對它念念不忘。小店地方較小, 坐位不多, 服務員都是禮貌的, 我一個人等了5分左右就可入坐, 一坐下就點了菜茶跟凍飲, 本想再點多一份小米, 但服務員提醒一個人可能太飽。 遞上來的菜茶份量大, 味道清淡, 應該沒味精, 裡面有花生,炒米, 雜菜, 粉絲, 臘腸, 蝦米等等, 口感豐富, 有家庭的味道, 一個人吃實在很飽, 唯有下次再吃其他餐點。總結兩次吃的都不失望, 價錢合理, 所以決定推介多些為食朋友知道。菜茶

今日做完身份證，周圍搵野食。見到呢間食潮州野，好似幾特別就入去坐底🤪一嚟就比個腸粉吸引咗，見人地枱又大碟，望落又好滑，所以就叫咗嚟食🤣今日叫咗蝦米菜甫腸粉+牛丸湯🐮，仲忍唔住叫咗個咸湯丸😛其實出面好多潮式餐廳，掛個名之餘，D野食係唔好食嘅。呢一間真係喜出望外🤩唔好睇佢舖頭細細，佢嘅野食都好「潮」，係我喺潮州食過嘅味道！牛丸真係好彈牙！成粒乒乓波咁彈🏓不過個湯咸咗D🤭但落咗胡椒粉真好香好好味！至於咸湯丸就好足料！其實一個人食會勁飽！你地快d嚟試下啦！

今日嚟石門做身份證，做完就搵飯食。經過呢間舖，雖然位置唔多，但睇落乾淨，又坐得舒服，咪入去試下。野食價錢都唔算貴，大概都係$5x左右一個餐，餐會有一份主食+一份小食+飲品。主食都大碟，而所謂小食可以係一份丸湯，入面都有成6粒丸，所以絕對夠食。今次叫咗蝦米菜甫腸粉+牛丸湯，另外加多咗份咸湯丸。🍄蝦米菜甫腸粉：非常大碟，而且好足料。除咗蝦米菜甫，仲有蛋、菜同冬菇。汁就可以揀冬菇汁或者豉油，我地就揀咗冬菇汁，食落唔咸而且好香冬菇味！🐮牛丸湯湯略咸，但重胡椒味，食得出唔係味精，不過可以唔洗咁多鹽🤣牛丸超彈牙！我真係喺潮州食過當地牛丸，呢個係真。潮州風味嘅牛丸！彈牙得嚟唔係落化學物料嘅彈，而且有牛香味！🍡咸湯丸份量多，味道適中，同樣都重胡椒味，食落好香唔會刺鼻。👍🏼店員落單仲會問要唔要芫荽蔥，非常貼心👍🏼跟手太好食，再叫多份叉燒腸粉+墨魚丸湯同樣無令人失望！🐖叉燒腸粉今次揀咗豉油汁，唔好睇佢好簡單咁，食到腸粉嘅米味，同埋今次無蛋，就顯出非常滑身！🦑墨丸湯同樣好食，丸夠彈牙，不過今次彈有點似落咗化學物質嘅彈，唔知道正宗嘅係咪咁，但食落係好食嘅！而且係有墨魚嘅香味，唔會得個咸字。整體都非常滿意，而且

同朋友附近玩，玩完肚餓周圍睇下有無啱食嘅餐廳，就見到呢間疫情關係，都好耐無食過潮洲野。套餐形式飲品都有，有寫明跟餐，正價和加配價錢。朋友叫咗個麻辣手撕雞腸粉配牛肉餅湯。但朋友唔食芫荽，職員又無問，我地2個都以為相中係葱，所以就無講，但如果有得揀生菜就好了牛肉餅一般我就叫咗個鮮蝦雞蛋腸粉配海豐小米，芫荽和雞蛋係不能缺少嘅材料，美中不足就覺得無咗d豬肉碎，不過都覺得可以。小米嘅伙伴也不能缺少，距就係蠔油！！！Q彈好食不能錯過嘅飲品九毛膏！！！甜品：炸香芋卷可以止到家鄉癮，不過不失。

今天去石門剪頭髮，順道就食埋野先行街，諗起好耐冇食“潮式小米”，就上去食當回味一下，我選坐吧頭位置上面，那裡4人平排坐，分隔為2+2，我坐在左手邊，當食物送來，食到一半，職員要搭人埋黎，我問是否可有分隔板可隔開？職員答“沒有”，迫到大家手撞手，我唯有加速食完起身走人。我到收銀處同個小姐講，如果要咁樣搭枱，應該要用分隔板隔開啦！佢話“一般佢地唔會咁搭枱”，我話“咁現在又要咁樣搭”，佢話因為假期。我話“咁樣好易受感染”，佢話“如果係有人係感染者，就算隔開都會中啦！”我即刻話“中唔中就唔知，但係隔開，係你地舖頭應該做嘅事。”我食10粒小米+牛丸揚+紅豆奶茶=$65蚊，其實已經唔係平，點解仲要食得咁辛苦，最重要係職員D態度，所以，我唔會再去，太受氣了！

餐廳售賣少見既潮州小食，星期三、六特別提供菜茶。近窗位採用高枱，格外有feel。侍應做事好快手，而且有禮貌，食物好快送上。2個套餐均有飲品。香茜叉燒腸粉套餐($54)，腸粉一份夠飽肚，皺紋，每條份量十足。叉燒軟，易咬。甜豉油配腸粉一流。海豐小米10粒，超好食，外皮超級超級煙靭，QQ口感。入面豬肉餡超香，配蠔油/辣醬食jeng。香炸豬扒腸仔米線($49)。豬扒超香孜然味，廚師貼心切左幾下，方便可以食。湯麵湯底濃。整體，超有心製作既潮州小食，最特別係小米一試難忘。價錢又貼地。

性價比🎖：💰💰💰💰 (Max 5💰)回頭度🔎：💎💎 (Max 5 💎)✨性價比高的潮洲菜🍽牛肉餅米線: HK $40之前去完潮洲就念念不忘佢啲嘢食🤤🤤，香港又唔係好多正宗潮州菜食，難得黎到石門又俾我搵到間潮州菜食，梗係要試吓啦😎。依間餐廳舖面好細，坐就坐得唔係咁舒服架啦，不過野食真係幾好食👍🏻👍🏻。我同事係潮州人，都話依間小店嘅潮州菜幾正宗😆。牛肉餅份量十足，一碗米粉都有成七八舊牛肉餅，仲有佢啲米線都幾彈牙爽口，唔會煮到腍曬😋。咁高質素嘅米線賣40蚊一碗，我覺得真係好抵食😌😌。大家下次黎石門可以試吓依間餐廳🤩。

石門多小店好多人都知，今日梗係又出動食好野啦😋，今次試左間潮式餐廳，叫左個招牌腸粉套餐（腸粉+小食+餐飲）🤤香茜叉燒腸粉（圖一）大碟，料多，雖然腸粉唔算勁滑，但係食落質感夠細膩，而且夾埋叉燒同芫茜惹味度即刻提升，好味呀🤩海豐小米（圖二）睇名睇樣都唔知咩黎，細細粒個樣好似蝦餃咁款，食落好有咬口，皮煙煙韌韌似粉果皮，內裡係細細粒既肉餡，點埋佢配好既蠔油，食落勁鮮，估唔到呢幾粒野咁鬼正😋潮滋味（石門）

今日星期三有菜茶提供，所以就去試一試！之前他們的牛肉餅十分Q彈，魚蛋湯鮮味，小米記住要趁熱食，我食過以上的也好味😋所以今日特登嚟試菜茶！菜茶內有：魷魚🦑，臘腸，冬菇🍄，菜，荷蘭豆，花生🥜，米卜，粉絲，大蝦干，小小瘦肉(全部碎上)還有粟米是逐粒meet出嚟的，不是用罐頭🥫！所以誠意有100分,但係我就飲唔到有茶味，覺得是湯味，因為佢用臘腸起鑊，所以個湯好香！貴唔貴⋯⋯見仁見智！我覺得手工菜,收呢個價是OK的(菜茶$4x)　Tea Set 普遍是$4x-5x (有2款咸食+1杯嘢飲)本人覺得，我誠意推介，好食😋

我與好友們到中大邵逸夫堂觀看音樂會，原本約會到「潮滋味」晚飯，但兩位好友因事臨時未能一起用膳，祇有我與另一位好友嘗味食肆的主打菜譜~菜茶。小店舖的電視屏幕不停播放菜茶製作過程，我感覺到有點兒熟悉感，我在桂林吃過類似的家鄉名物。眼前的菜茶分量可分四碗，材料頗多，湯水味道很淡，所以確定沒味精也吃不到茶味，炒米與炸花生米也被湯水泡腍，非常敗筆！我們也點選菜譜炒蛋飯分享，味道尚可。餐飲是自家酸梅湯，加埋冰塊，又是非常淡，喝不到酸梅湯味道。雖然吃得不爽，但都要多謝好友作東道。

不嬲都勁鐘意食皺皮腸粉，lunch set 一碟腸粉加牛丸湯再加野飲，5x蚊。本來都覺得有啲貴，但食咗發現都值嘅，啲腸粉粉量都幾多，好滑好滑。 個牛丸又幾好食，食得出唔係cheap野，幾有牛味。

一路幫襯開都覺得好好，差唔多個個星期都會去，食品質素幾好，好中意食佢地個菜茶同腸粉，店員態度都好友善👍🏻但係，最近一次黎買外賣，完全令我對佢地既印象改觀。應該係新請嘅妹妹態度差到PK（之前好似無見過佢），非繁忙時間叫外賣，落單都全程黑面，自問唔該前唔該後，但無啦啦都要受佢氣，真心澳牛哥哥d態度都好過…………………貼錢買難受👎🏻👎🏻希望店主可以重視員工培訓，如果唔係食品質素幾好都唔會有人黎

網上見倒有間新興既潮州菜, 聽聞好食又特別.睇店外餐牌, 見倒D名都幾特別, 價錢好似又偏貴左少少, 令人有少少卻步, 不過既然黎到, 入面又有位, 同埋網上既名氣, 就膽粗粗試一試啦.店入面唔算大, 但裝修都稍為精美, 有D似cafe既感覺, 亦有吧枱對窗座, 適合一人enjoy.網上提及最出名係腸粉, 但原來唔只腸粉, 海豐小米都係一絕.潮式皺皮腸其實係大陸都食過, 雖然皺晒皮咁, 但係粉皮都係滑既, 叉燒都算多, 同埋店員好貼心, 都會問一聲要唔要芫茜, 但係豉油係咸既, 仲落得比較多, 食到一半D腸粉已經索晒D豉油, 搞到仲咸左, 如果餐店可以比客人自己落的話, 會更加好.腸粉套餐有得揀幾樣野, 因為麵食個邊揀左2款試, 所以揀埋海豐小米試下, 雖然唔知咩黎, 但感覺有D似魚皮餃, 又有D似小型既粉果. 食落去好特別, 外皮真係粉果皮, 唔算厚, 只係頂端收尾位厚左DD, 內饀係豬肉溝大地魚, 醬汁係蠔油, 醮完食落口, 味道有D似魚皮餃既饀, 但係大地魚既味道慢慢滲出黎, 豬肉既鮮甜味, 再加上蠔油既海鮮味, 有D難形容, 只係覺得好有層次好複雜. 原身諗住食10粒會好飽,