潮濠城酒樓 (已結業)

很久已沒有光顧，看見食評不錯，所以今午來飲茶，點知，等執檯都等了20分鐘，廚點 $48 一碟，椒鹽九肚魚。。。賣相超差，完全看不出是九肚魚。樓面，部長，問多句都唔答，態度差到無人有👎食品質素。。。差得很😣 沒有下次

放假去D2行左陣，又好耐無飲過茶了，就黎左潮濠城，等左一陣。 先來個鮮蝦腐皮卷，樣子正正方方同卷字好似不是太配合，不過外表很脆，內面亦足料，蝦都算新鮮，食落很香口。 煎釀茄子，魚肉好好味，香口，茄子相對較淡味，整體都比較油。 奶黃包俾想像中不是流心，奶黃較硬，香味較少，同來到已經收縮了。 鮮蝦時菜餃，好多菜，清清地都幾不錯，蝦亦都算新鮮，爽口彈牙。 呢個原來就係叫糖醋煎餅，菜單上係無，要自己叫，脆脆地又不錯，第一次食，一定要點糖同醋一齊食，更帶出味道層次，甜甜的帶點醋香原來同煎左既面係咁夾，好食

今日放假，於是到潮濠城飲茶，來到時已經兩點幾，都幾多人但不用等位。當然不可以錯過食佢既咖哩魷魚啦！食過好多間，呢間最入味，而且由細食到大，每次都必點～另外仲叫左蝦餃，味道都唔錯，下次會再黎過！

離開求學階段之後，都好耐未接觸過啲運動會之類，適逢教會搞咗個大型運動會，讓小弟再次踏入深水埗運動場，有唔少細胞小組組員參加咗親子比賽，小弟就當然要嚟撐吓場打吓氣啦。完咗運動會，就同佢哋一齊過嚟長沙灣廣場嘅潮濠城大擦番一餐！始終喺午市，人氣有番咁上下旺，加上附近有住宅，有廠廈，而中式酒樓晌茘枝角區競爭應該唔算太大，所以，生意應該唔憂。格局就一般嘅中式酒家，四平八穩，無咩特別，一張枱拍一張枱，唯通道都算闊落。咪睇潮豪城個名好似好「娘」，其實晌度消費都唔平。睇睇張點菜紙，小點$16、中點$22、大點$28、特點$32、頂點$38，茶位$12，佔座位就大小同價，出面有啲酒樓如見喺太細個仲坐緊BB櫈，多數都唔收茶錢，另外仲月潮式烚花生$10碟，好似我哋一行8大4細，未見官，先打$174（3碟花生）。因為都喺純粹搵個地方飲吓茶，食吓點心，所以，就算嚟到潮濠城，都無話要特別試啲乜。不過，見午市有啲孖寶（$98），今日仲喺蠔仔肉粹粥，又有灼時蔬，幾啱口味，就不妨點一份。蠔仔肉粹粥撈一撈，都見有幾多蠔仔，絕無欺場之感，而粥底喺潮式嘅粥水，但啲米粒都煮到爆米花，整體味道唔錯，有份鹹香味。灼生菜只要啲生菜本

荔枝角飲茶的選擇不少，質素亦大不同，吃過一次潮濠城決定以後也在這裡吃了！地方大，雖然環境裝潢有點老土，但勝在食物質素不錯。每次必點的滷水拼盤，鵝片很大塊也十分入味，豆腐吸收了滷水精華也十分入味！另外他們的腸粉也十分薄皮細滑，可以說質素屬上等。咸水角除了涵料少了一點，外面的皮十分煙un也炸得剛好，十分出色。每次飲茶必點的蠔仔粥也是我的最愛，蠔仔份量多，湯頭十分夠味，這樣帶著飯粒會不停的吃。每次必須叫姐姐拿一碟潮州辣椒油給我，拌什麼都好吃，十分香辣。最後以一杯功夫茶結尾，撐著肚子回公司上班。

I already had a very satisfying Roasted Duck leg rice at about 1130hrs so at 1pm I am hardly hungry.Ordered 3 simple dishes:1. Siew Mai2. Beancurd skin with shrimps3. Vegetable dumpling with shrimpsThe siew mai was alright, the beancurd skin with shrimps was crispy and nice. The star of the day was the dumpling...The skin was thin and translucent yet non-sticky - they did not stick together and they did not stick to the wax paper that came in the baseket (which was quite common even in restauran

每年我們一家都會到潮濠城做冬，除了因為味道不錯，也因為真的很方便大家，就在荔枝角站一上去的長沙灣廣場。每次都會指定坐這靠大門位置，闊落而且自成一角，很適合一家人聊天！今次也是預訂這個懷舊潮菜全包宴，套餐裡的菜色會定期轉換一下，每次吃都有少許不同的。先來每人一小杯味甘的潮州茶，公公婆婆最愛！卥水鵝肉大拼盤，卥汁較為淡口，鵝肉不夠入味，腩肉肥瘦均勻，亦較薄身夠入味不錯吃，整體雖則較淡，但不愛太味濃的家人反而頗為喜歡。潮州凍花蟹，size屬中形，肉不特別厚身，肉質鬆化鮮甜，蟹羔算多但實身。懷舊雙拼-潮陽梅羔骨拼炸普寧豆腐，前者是以梅羔醬製作的甜酸排骨，肉質軟腍，件件掛汁，甜甜酸酸很開胃，令人忍不住要一口接一口 後者豆腐軟滑無比，豆香飄逸，只是外皮炸得不夠金黃香脆，令整味菜失色不少。碧綠川椒雞，正宗川椒雞以花椒作重要調味，但這個吃不到花椒香，也不覺辣，但味道惹味，雞肉亦十分嫩滑，配以炸菠菜葉同吃很香口，不知正宗不正宗，但味道切合香港人口味！蟲草蒸龍躉頭腩，肉質彈牙，皮與肉間的膠質非常豐富，一咬下去把牙齒都黏住了，對女士來說絕對是一絕的恩物 欖菜肉碎粉飯，飯粒炒得乾身不油膩，欖菜咸香撲鼻，加

這天路過長沙灣，正值下午茶時段，小倆口子就來趟午茶吧!對這區酒樓並不熟悉，環顧四周就只有潮濠城感覺較特別。當下就決定「擇嗲」去。(潮州話飲茶的意思) 傳純酒樓格局，樓底較底，有點壓迫感。除正價點心紙外，也有下午茶特價點心紙，另設美食亭，不過為時不早，好些美食已售罄。小食是潮式鹽水花生($8)，大顆圓潤，十分香口。時值下午茶時段，小、中點$15.8，大點$22，特點$28。  第一個上桌的，竟然是甜品銀杏芋泥($25)。潮州人嗜甜，因此這兒的潮式甜品也不少。銀杏用糖水煮過，甜甜的，靱身的口感，一般般吧。芋泥也做得不如理想，炒的時間不足，不算滑身，不比莆田的美味。   隨後上桌的特製蝦餃王(特點$28)個兒不少，全用中蝦製成。  蝦味鮮甜，爽彈且有肉汁。美中不足的是餃皮黏筷，一夾即穿，但味道是不俗的。 鳳爪排骨飯售罄關係，改選豉汁蒸鳳爪排骨($22)。排骨半肥半瘦，肉質結實且有肉香，那蒜香鼓汁十分惹味。鳳爪味道調得不錯，但屬先炸後炆的一種鳳爪，個人不太喜歡，其他食客該會受落。  來到潮州酒家，一定要試試潮州魚蛋粉($38)。湯頭頗鮮，用上炸過的大地魚碎來提味，白魚蛋軟滑、魚片帶爽，比一般的

其實我對食物要求都唔算高，繼之前一晚聚會已經食咗一餐只貼近OK臉之晚飯後，諗住今日同拍擋下晝開會去飲茶，更難得係我肯正午12點去到荔枝角，咁諗住食返好少少啦，知道平時長沙灣廣場上面同附近啲酒樓，由正午12點左右開始已經超多人，咁諗住響公司附近求其搵間酒樓，應該無死錯人啦，拍檔點了十多款點心，有义燒腸粉、豉汁蒸牛肚、XO醬炒蘿蔔糕、蝦餃(其實真係無乜印象，有好多已經無心情去影相，所以只影咗幾樣)...........之後無影相印象中有山竹牛肉、干蒸燒賣、珍珠鷄、馬拉糕、潮州粉果、流沙包，仲有一、兩樣好似食完都唔知係乜？基本上大部分食物都食剩。义燒腸粉，當時係侍應啱啱入完單後唔夠1分鐘就出現(入單位置距離我哋張枱唔夠2.5米，侍應一接張單已經飛身去入單)，遠睇顏色還可以，近睇係見到蒸得過火，但不容易用筷子夾開，真係神乎其技，食咗一啖，係腍到粉，定粉到腍，真係唔識形容，相信要整定之後放過夜加蒸過火才會做到此效果。XO醬炒蘿蔔糕，基本上係靠XO醬啲味嚟點綴啲蘿蔔糕，蘿蔔糕故之然太粉、無乜料在內之餘XO醬又不入味，真係一絕。豉汁蒸牛肚，啲汁夠濃但又形容唔到係乜味，牛肚係蒸到過熟同過腍，全無爽口感

跟幾位好友飯聚，想找一個坐得舒適又可以開懷暢談的地方，選址遠離旅遊區的荔枝角，晚市比午市人少，但都有九成入座率，幸好我們有訂座。未點菜前，侍應已送上特有的功夫茶。當晚我們決點散叫，不要套餐，小菜選擇頗多。由於男士比較多人，我們選了一個晚飯孖寶再加了7個飯菜。先上糖醋麵，感覺比之前退步，味道一般。潮洲菜當然不能缺少鵝片，非常入味，好嫩滑，不得不試。沙拉骨味道酸酸甜甜，豬肉嫩滑，令人胃口大開。西蘭花帶子味道一般，帶子的鮮味不突出。孖寶上場，全晚最差就是這個班頭腩，有一半以上是魚骨，賣相就像已食了一半的餸菜，非常失望，炒雙蚌就OK，但都已經那個魚腩拖低不少分數。這個炸雞幫之前的魚加回不少分數，皮脆肉嫩，有肉汁，非常美味。炒飯不錯，軟硬適中，又不會太乾身，但又做到粒粒飯分明。菜芯好鮮甜

員工細心,服務周到. 這裡的潮式蠔餅,可說是在香港本人食過最好的, 其他潮吃也相當有水準, 很適合大顆兒節日或紀念日子聚餐, 價錢合理推介指數8.5分.十年人事幾番新, 記得剛出來工作就是在荔枝角, 閒時也會和同事這裡飲茶, 當時的印象是這裡的蠔餅實在太出色了. 蠔餅外皮既脆且薄, 內裡的質地更出奇的軟綿, 蠔和薯粉比例配合得而 相比起一般港式蠔餅 , 只有濃濃的油炸味道, 確實讓我留下印象深刻.自從離開了荔枝角工作後, 也極少到訪該區, 除了處理些小事外, 也沒有在這裡用膳, 一轉眼就是十年沒有探望我這位舊相識了. 上週在上環陳勤記吃過那裡的蠔餅, 味道非常不錯, 讓我再次憶起昔日的好地方. 不要再拖了, 趁着母親節, 便和太太來過故地重遊, 也讓她相信我的說話, 除了感情分外, 這裡的蠔餅是最好的.今天是節日, 通常也是一家十數人出外用餐, 在沒有訂坐下, 應該很難找到位子 , 幸好我們只有兩人, 等了一會就有位置了. 員工見到我身邊這位準媽媽也特別照料, 安排了一個很優靜的坐位, 很是貼心. 由於今天是節日關係, 平日的菜式未必供應, 看見各員工忙到不可開交, 但也很細心的幫我們

上星期食0既糖醋麵麻麻，諗起數年前係荔枝角返工，經常食潮濠城，覺得呢度0既糖醋麵好好味，所以多年後再0黎試過。初時以為一定要叫成大碟，後來侍應話星期六日有細碟叫，當點心，真好。最後我哋兩個人叫左4個點心 :糖醋麵(大點) : 感覺無以前咁好食，唔知係咪今次只係點心，唔係係廚房整出嚟，始終都唔夠脆。家鄉湯銀針粉 (大點) : 而加好少地方食到，個湯底幾好味，銀針粉好滑小籠包 (大點): 唔得，小籠包裏面完全無汁，食落去好似變左食餃子咁懷舊芝麻糕 (中點): 呢個係4籠點心中最好食，一來而加其他酒樓通常只有凍0既芝麻卷，呢個係熱0既。二來煎香左之後除左好濃芝麻味外，仲有一粒粒原粒芝麻夾左係裏面。總括而言，好像比數年前失色，唔會專登再去lu。

生日飯想食潮州野，見到前面c兄話抵食，就去試吓我地叫左那個六位用的套餐, $888, 因為今日係weekday, 所以茶芥加一全免食物份量方面非常足夠六位用, 包括:1) 潮州凍蟹 - ok鮮甜, 蟹的size 略細，但街市買隻花蟹都30蚊両，size算唔錯2) 鹵水鵞肉拼盆 - 鵞肉好入味, 鹵水汁好香3) 炸蝦棗 - 熱騰騰, 好香口4) 豬腳凍 - 好爽口, 一d 都唔覺得肥，正5) 迷你冬瓜盅 - 睇得到係燉足時間，好好味！6) 鹹酸菜煮龍躉球 - 龍躉球新鮮, 湯底係胡椒酸菜，好惹味！7) 蒜蓉蒸龍躉頭腩 - 非常新鮮8) 川椒雞 - 呢個, 我就麻麻地9) 豬軟骨芥菜 - 豬軟骨好林, 湯底好惹味10) 菠蘿炒飯 - 炒得好濕, 似西炒飯11) 炸油粿 - 非常有特色，唔油, 唔太甜, 花生芝麻好香口12) 紫米露 - 唔錯13) 我哋加咗$42，半打壽包，有意外驚喜：有奶黃同蓮蓉兩種，奶黃味好香，又唔太甜大部份老伙計，服務不錯。那平日晚上人流少，我哋無乜幫到佢哋，唯有寫吓食評!

一行六人今晚想食潮州菜, 去左長沙灣廣場的潮濠城酒樓, 平時lunch 時間都幾多人飲茶, 晚市則少人好多, 酒樓環境都算大, 但樓底好低, 如果多人應該都幾嘈, 除左門口個知客好無禮貌外, 其他都ok我地叫左個六位用的套餐, $888, 因為今日係weekday, 所以茶芥加一全免食物份量方面都足夠六位用, 包括:1) 潮州凍蟹 - 一般, 但蟹的size 略細2) 鹵水鵞肉拼盆 - 鵞肉好入味, 鹵水汁好香3) 炸蝦棗 - 熱騰騰, 好香口4) 豬腳凍 - 好爽口, 一d 都唔覺得肥5) 砂窩魚翅 - 普通6) 鹹酸菜煮龍躉球 - 龍躉球新鮮, 份量都幾多7) 蒜蓉蒸龍躉頭腩 - 好味8) 川椒雞 - 我覺得最好食係呢個, 必食9) 豬軟骨芥菜 - 豬軟骨好林, 湯底好惹味10) 菠蘿炒飯 - 炒得好濕, 唔好食11) 炸油粿 - 唔油, 唔太甜, 花生芝麻好香口12) 紫米露 - 唔錯埋單每人都係$150, 抵食!!

諗住同朋友去開倉前叉下電。為左想一陣有氣有力去行，當然要食飯啦！首先叫左臘腸雞飯，d飯勁濕、超爛，連雞都係咁，好啱bb同老人家食，唔怪得未到一點就賣晒，因為有好多老人家幫襯。蘿蔔絲酥餅，雖然佢唔靚，但又真係好味，料夠多，不過太細件。藕餅，一般。清湯腩，唔錯，若果牛筋無咁碎會好d。水餃，好食都算足料。馬拉糕，好香，但好嚡，味淡。食品選擇唔多，又無特別優惠，下次唔洗再黎。