潮濠城酒樓 (已結業)

雞燉翅特價，雖是瓦煲仔，但是分到7-8碗，夾起都有幾多翅，算不錯。相比下有鵝片、海蜇、炸蝦丸及帶子的併盤則頗貴，分量不算多都要$240，而且鵝肉普通不夠香，令人有點失望。煎蠔仔餅是一般水準，嫌粉漿稍多。加個啫啫通菜，連同送的甜品和糖水，還有餐前餐後的功夫茶，也算吃得滿意。

24/12/2006 (星期日)朋友s的囝囝聖誕節一歲生日,提前一天為他慶祝,今晚老闆說食好些,因為他那些馬仔近來都幾聽話,為他進帳不少,他點了老闆娘喜愛的凍蟹一隻,一條大烏頭,一煲菜膽肘子鷄鮑翅湯,其餘大家各點了一些小菜,芋茸什菌,蒜茸蒸開邊蝦,鍋仔班頭腩,上湯豆苗.凍蟹我就覺得不夠鮮味而且肉質不夠彈,但媽媽卻說這隻蟹尚算新鮮,烏頭都是一般啦,我亦是覺得不夠鮮甜,今次媽媽也有同感,芋茸什菌,經炒過後的什菌加上少許臘肉芋茸放在面上,又香又好味,媽媽說這道菜做法簡單,日後又可多一樣餸煮,蒜茸蒸蝦最唔抵食又唔新鮮,只得5條小蝦開邊蒸,蝦肉好淋無鮮味,班頭腩同豆苗又是一般,反而鷄鮑翅湯好清甜,剛巧足夠6人份量,最後也送上糖水,甜點,生果併盤,結帳時候由朋友s的老公同老闆爭結帳,最後當然敵不過老闆啦!這頓飯雖然不是太好味,不過大家一齊開開心心共歡暢就算了.

早陣子，幫了老友搭路，令他賺了一筆。友人為答謝我，請我吃一頓飯。兩個男人，到西餐廳唔係咁適合，所以到酒樓。地點任他選。懶得睇餐牌，隨便點了「至尊名菜超值套餐」（$298 / 位）。連茶芥和一碗潮州粥，埋單$690，價錢適中。這個套餐包餐前小食、炸物一客、翅一碗、網鮑一隻、自選小菜一客、甜品一碗。先來凍的濕毛巾，作抹手用。再飲杯「潮州功夫茶」，吃筴「潮州鹹酸菜」。Ready！是日餐前小食：「雞絲海蜇」調味和下油恰當，不用太多麻醬巳經okay。兩款海鮮炸物：「金沙蒜香大蝦」或「百花釀蟹拑」。各要一客。老友的大蝦體積唔細，肉質爽甜，賣相味道超班。我的蟹拑炸得好好，唔油膩，外皮脆而不硬，蝦蟹膠超彈牙，蝦味濃濃。師好手勢唔差！翅亦有兩款：「菜膽雞燉鮑翅」或「煲紅燒竹笙翅」。各要一客。老友的燉翅味道清但不淡，雞湯香濃；雞肉菜膽大大舊，鮑魚理所當然地薄薄一小片；翅亦是厚厚的兩大湯匙。我的紅燒翅，味濃但配料簡單，竹笙絲和肉絲較少，但魚翅亦是厚厚的兩大湯匙。兩款都OK 架。鮑魚係「原隻大網鮑」，以砂鍋上桌，當然只係一隻細碼鮑魚，當然唔係「溏心」，幸而煮得軟滑、鮑魚味亦濃郁。自選小菜：有廿款任選，我地兩個

星期一和中學同學過了一個非常闊太的下午。四位當日不用上班的女士山長水遠去長沙灣飲茶，飲完茶再行街歎咖啡，重拾中學放暑假的悠閑生活。大部份同學都是第一次去潮濠城，叫了不少點心和潮式食物。滷水併盤有鵝片、滷水蛋、滷水豆腐和滷水鴨賢。鵝片鞋口，令人頗為失望，其餘的不算入味，非常普通。另外要了兩條凍魚(見圖)，大的那條肉質非常淋，不及小的那條鮮味，個人prefer大眼雞。點心方面推介糯米卷和馬拉糕；糖水非常一般，清心丸也不夠煙韌。

朋友知道昨日我會去荔枝角,於是相約我同媽媽去飲下午茶,長沙灣廣場只得這間同富臨酒樓,記得幾年前公司來這裡吃新年飯,那次的飯局真的令人懷念,吃到個個津津樂道,可能平時我們只去一些大排檔或小館打冷吃潮菜,都是些平常吃慣的,但當晚所吃到的菜式除了特別外,有內涵亦有美觀,之後亦有來過飲茶同吃小菜.但是普普通通,總是回憶中最好.今天點了豉汁蒸鳳爪,鮮蝦菜餃,方魚肉碎粥,炸明蝦角,白灼菜心,叉燒腸粉,紫米西米露. 除了叉燒腸粉的叉燒太咸,其餘點心不過不失,而這裡的侍應不論男女服務態度都好,我們還看到表演,其實是隔幾張檯不知點了什麼菜,一個部長還是經理推出了一架煮食車,不久有位廚師出來開始動手,先是聞到酒香然後見到師父將蝦放落鍋內,再用一支點火器具直接放入蝦燒,再炒幾下,不用4,5分鍾就完成了,真不知道是什麼名堂要在客人面前煮這道菜呢?無論是飲茶還是晚飯小菜,當你結帳時侍應都會奉上功夫茶,好飲與否就見仁見智.朋友太客氣了又是她結帳.

今日係潮濠城飲下午茶叫左個咸菜門膳煲仲有好大粒蝦餃同埋一碗蠔仔粥另外加一碗綠豆漺好有潮州feel 很特別^^環境清靜地方ok又近地下鐵站兩人埋單$88 真係好平可能係潮州菜關係有杯很迷你o既潮州茶味道好甘值得一試

由於係老細請,所以菜名同價錢都不詳當晚主角係大閘蟹,專程黎呢度食,係因為老細話呢度唔錯....每人三隻大閘蟹,翅,雞,魚,菜,臘味煲仔飯,蟹粉小籠包d 大閘蟹麻麻地多羔,第三隻叫做好D啦,其實無咩特別個翅咸左d,可能落得太多金華火腿豉油雞,但係用砂鍋上的,但隻雞好咸...,我連一隻雞翼尖都食唔到落去...(我已經係嗜咸架啦)其他野不過不失啦,可能食蟹食到累,所以都已經無咩胃口食其他野了XDD甜品除左清心丸糖水,仲有個炸粉果咁既物體,,入面係d 沙糖,芝麻之類,呢個我覺得幾好食啊!唔知呢隻'粿'叫咩名呢?

今日有人請生日酒，菜式如拼盤，潮州趐等都不錯。比較印象深刻係炸雁鵝，不肥而又香口。單尾甜品如馬拉糕水準都好。人地請所以唔知價錢。

上星期五，四個人去食晚飯，間餐廳大部份被一間公司包咗慶祝老班師誕，散枱唔多。叫咗以下菜餚:迷你冬瓜盅- 好清又好味，用料足夠火侯，每人有成2碗鬆D，飲完個湯、食埋D瓜肉同湯料都有D飽芥蘭方魚- D方魚都重脆，但D芥蘭可能唔當造，就澀D啦！鹵水鵝肉拚盤-D鵝肉同腩肉都幾稔嫩，但D墨魚就無乜味蠔仔粥一窩- 幾多料，蠔仔都幾肥美，值得食Overall,其實都幾滿意啦。

今日都係客人請下午茶, 地點選在潮濠城.長沙灣廣場內, 潮濠城都算硬淨, 其他好多間都已換左幾次.午間一共四個人, 客人點了些中式點心, 沒有多大特別, 質素都算不錯.最後叫了一客潮州糖水, 我忘了叫什麼名字, 內有原肉及很多豆. 相當不錯.因為是潮州食肆, 膳後都有功夫茶. 杯細細, 多飲兩杯亦無妨. 四人結賬175 元, 尚算經濟.若有長沙灣一帶工作, 潮濠城都可以是一個選擇.

值得一試的菜式有咸菜煮白膳, 欖菜鱈魚球同埋糖醋麵。平日晚飯仲有甜品同糖水送

我阿媽話呢間幾好食，咁我地聽晚去食，順便預早慶祝母親節，等我食完再同大家分享0下好唔好味先!

和同事一行五人o黎食lunch, 出邊有好多人等位, 即使識人都要等10分鐘, 因為趕時間的關係, 只係order了蠔仔粥和數款點心, 蠔仔粥都幾多料, 蠔仔都唔見食到一口沙, 味道不錯, 點心就普通d, 芋泥南瓜酥比較好食, 不過就油利o左d, 上點心上得幾慢下, 所以累我地都食得好琴青, 至於價錢則不詳, 因為係同事請客的關係

小菜真係唔差~ 不過個鹵水拼盤凍o既...... 有人請, 所以唔知貴唔貴~ <br> <br>

食物選擇多而且味道唔錯，不過lunch time 儈太多人.. <br> <br>