潮發粥麵茶餐廳

营业中

休息中

來尖沙咀向長輩拜年，晚飯就順便在附近解決。由於新年期間吃了太多煎炸食物，所以想清清地吃點粥麵。途經樂道，見到這間「潮發粥麵茶餐廳」，探頭內望，舖面雖然不大，但地方都幾乾淨企理，一於試下。餐牌壓咗係檯面嘅玻璃下面，另外牆身上亦掛了不少食物相片，項目一目了然。原來呢間餐廳嘅食物選擇都幾多，除咗有粥品、麵食之外，仲有飯類、湯類及小菜類等供應。我哋點咗腸粉 ($15)、鮮蝦雲吞、炸醬撈麵、鯇魚腩粥同飲品。碟腸粉味道真係唔錯，入口皮薄而不散，軟身但又唔會過腍，滑溜富彈性，食到一層層腸粉皮。至於醬汁方面，無論係豉油、甜醬、麻醬都下得毫不吝嗇，唯一可惜就是沒有灑上芝麻，否則食味更佳。鮮蝦雲吞，啲雲吞好巨型，粒粒都好似乒乓波咁大，蝦肉比例相稱，內餡蝦肉彈牙，而且豬肉唔會好膩，加上雲吞皮，薄而不爛，真正做到皮薄餡靚！最開心就係碗雲吞仲有生菜墊底，食多啲菜，健康又有益。接著送上的炸醬撈麵 ($51) 亦非常之有水準，麵條夠細夠爽，軟硬適中兼彈牙，入口完全無鹼水味，配上炸醬肉絲，極之惹味討好。最特別就係炸醬入面竟然加咗啲潮州酸辣菜，味道辛香但又唔太辣，令人相當難忘！推介要吃。鯇魚腩粥 ($46) 個粥底做得

呢排市況波動，都成日要周圍去，所以都多咗出街食lunch。今日去咗K11嗰邊，同同事搵完個客，就食個快飯先返公司繼續睇住個市先。雞鮑翅湯飯，個名就好似食緊D極度矜貴嘅食材，又鮑魚又魚翅咁，不過其實都只係仿製鮑魚同埋人造翅，貪佢清清地，食完唔會飽飽滯滯，湯飯又容易D消化。味道都唔錯，有少少雞油流落D湯度，令到湯飯更加濃郁。同事碗魚片雲吞湯河望落都好正常，我見到份量都唔會過少，佢話佢食開都夠飽。我地快快脆食完就返公司啦。

潮發粥麵餐廳呢排食得太多野 想食返啲清粥小菜喺尖沙咀iSquare附近發現到呢間唔錯嘅粥麵店💁🏻‍♀因為太耐冇去呢啲傳統粥麵店老闆見到我哋一頭霧水都有幫我地推薦😂入面環境光猛乾淨 價格係呢區都相宜😌叫咗個招牌八寶湯 有魚蛋 魚餅 魚片頭 魚扎 魚皮餃 韭菜餃 墨丸 牛丸等等好開心可以一次過試晒咁多款每樣都係好食既 仲有好多生菜就咁食一碗都飽🤣循例叫咗個雲吞麵 夠哂大碗麵韌度適中 雲吞有成五六粒乒乓波咁大都幾彈牙皮好薄湯底清清地 加啲潮州辣椒油一流😋仲叫左佢哋嘅牛三寶即係牛腩牛筋同牛肚花椒八角味好出牛筋夠淋每樣都好入味😆最有驚喜嘅係個窩蛋牛肉粥個粥底好綿 牛肉一啲都唔韌撈勻隻蛋 加埋胡椒粉令到個味更加出有時唔係話貴野先好嘅👍🏻

喺尖沙咀海防道附近食lunch，乜嘢最多？梗係茶記味喇。今次就試咗一間叫潮發既小店。唔好睇佢鋪仔細細食嘢嘅種類都好多，除咗平時食開嘅粥麵類，佢哋仲搞搞新花樣，就係有麻辣嘅湯底， 可惜嘅係我唔食辣嘢。 嗰日腸胃又有少少唔舒服就簡簡單單咁 叫咗個牛腩魚蛋雲吞麵，姐姐話畀我聽呢啲都係佢哋出名嘅食物。講下個麵先啦個麵底就冇得輸，正宗港式鹼水雲吞麵好味道👍🏻，到白魚蛋， 咬落去彈牙爽口， 唔似人哋,咬落去成口都係粉。之後就到牛腩， 其實加牛腩都係鍾意食腩汁，可惜今次牛腩就冇乜腩汁， 同埋覺得佢 唔夠淋身 有少少黐牙。 最後就係雲吞， 雲吞咬落去都見到好多蝦， 不過唔知係咪大地魚粉落得比較多 有啲偏咸。

係附近辦完正經事見有點肚餓但時間唔多充裕，見到有間潮發入面仲有位，就入去坐低食個快飯啦今日胃口唔太想食雲吞麵個類，就叫左我都幾鐘意食既柱侯牛腩飯多數牛腩飯都係跟白蘿蔔，呢度就唔同啲，佢跟幾條菜心牛腩份量都幾多，每一件都幾大舊肥瘦比例大概係4:6，對我黎講啱啱好，肥瘦適中汁底帶少少陳皮香味，牛腩痴住少少牛筋，食落有少少黏口，唔係硬身個種，證明佢煮得幾淋，我就最鐘意呢種質感成碗牛腩送飯一流，又夠哂飽肚，唔錯唔錯

今晚同老豆兩個人去了公司附近的潮州粉麵店食晚餐，餐廳主要以粉麵及泡飯為主，價錢都是$4-50起。牛三寶撈麵牛腩炆至入口肉質鬆化有牛味，牛筋炆至軟身，入口溶化，充滿骨膠原，牛肚都很腍，粗麵麵質爽口彈牙，加上特製腩汁，十分夠味。水餃湯麵水餃有兩大隻蝦仁，蝦仁新鮮爽口，裏面還有些木耳及筍等，幼滑沒有梘水味，湯底則是用了魚蛋粉的湯底，帶點胡椒辣味。招牌八寶湯有墨魚丸、魚餅、魚餃、魚扎、魚蛋、片頭、雲吞、豬肉丸，用料豐富，下面還以生菜墊底，魚類製品彈牙，墨丸有粒粒墨魚肉，不過雲吞就是用了普通的肉菜餃，但味道都不錯。

聖誕節一家人去尖沙咀行街睇燈飾，因為近日大家食左好多油膩食物，女兒話唔想食飯，剛好在樂道見到潮發粥麵餐廳，大家都想食粉麵做晚餐，一致同意就齊齊入座去。餐廳裝修簡約，地方整潔。店內粥粉麵飯連小食都有。鮮蝦雲吞湯麵：雲吞皮滑餡料飽滿，隻隻都有鮮蝦，十分爽口，湯底鮮甜，麵質也很爽口。金錢肚湯麵，金錢肚炆煮得好入味，彈牙有口感！魚旦魚片湯麵：魚片魚旦都好爽口彈牙。有魚的鮮甜味！及第粥：材料有豬潤、豬腰、豬粉腸、豬心、肉丸。全部都新鮮美味，尤其是豬潤，爽脆口感一流。粥底綿滑。熱柚子蜜：韓式飲品，甜度適中。

朋友話想食港式野，本來係尖沙咀都諗去深水埗食，點知經過見到呢間茶餐廳，價錢又唔貴，所以就入去食晚餐餐牌選擇真係比想像中多，老闆話口水雞、酸辣炸醬都好好食酸菜仲要係自家製既，不過因為唔係幾食得辣，所以都只係叫左份魚蛋粉粉入面有有貢丸、魚片頭等等。湯底係鮮魚湯，係幾鮮甜，連湯都可以飲埋！凍檸茶唔使講，夠晒地道。講真，係尖沙咀食到呢個三四十蚊價錢既晚餐，性價比好高，而且味道又唔差。不過係呢條街人流唔多，所以客都唔多，希望介紹到比大家去試試支持下啦～

收工又係食飯時間，好耐無食過粉麵檔，今日又轉吓口味，尖沙咀，日日必經的地方講到食肆真係日日食都食唔完⋯⋯😜😜😜牛三寶——-朋友至愛，望到都流晒口水，牛筋望落已經知道靚，炆得夠味又夠焾，牛肚更加不在講，喜歡吃牛的人必食之選自家制雲呑，皮薄餡靚，🦐肉新鮮又夠甜，自家煲豬🐷🦴骨湯調配，鮮甜好味道，我就連湯都飲清光😂😂😂😂又係我至愛吃招牌八寶——-足料，配以豬骨湯🥣底和生面，鮮甜豬骨湯，爽口彈🦷生面，配埋紅酒🍷般的醋，再加小小辣椒🌶️油，頂瓜瓜⋯⋯手打魚蛋，爽口蛋牙，🐟的鮮甜👍👍魚片、魚片頭、魚扎、魚皮餃，墨丸，豬肉丸🍡白菜🥬餃，簡直不得不吃檸檬茶🍋☕️都沖調得甘好飲，靚🍋⋯⋯無苦涩味👏👏👏👏👏酸辣口水🐔雞——味道特出，酸菜食落有點像柚子的味道，很特出，唔錯✌️✌️✌️✌️✌️

約咗個friend去尖沙咀攞嘢，佢啱啱去完日本，幫我買咗好多野返黎，真係好鬼重，好彩我攞定個大袋去。連duty free嘅酒都幫我買到，真係要請佢食呢餐。約咗去佢公司附近，佢話想食雲吞粉麵嗰類，有間潮發佢平時都有食開嘅，所以問下我食唔食，咁我實無問題喇。我叫咗個咖喱牛腩飯，飯嘅份量好多，一大碟，我都食唔晒。D白飯嘅質感都唔錯，唔會太腍，一patpat咁我最唔鍾意食。咖喱夠香濃，牛腩鬆軟，應該同煮牛腩麵嘅原料一樣，肉質都幾好。加上紅蘿蔔及薯仔，啱晒撈飯食。

有日跟朋友行山後回尖沙咀 Isquare 時有點肚餓，旁邊街道有間《潮發粥麵餐廳》就進去了😎環環乾淨、燈光通明、落車上菜敏捷，而且懂得跟老外溝通，敬業樂業。 牆上有很多小食如古法咸雞、秘制南乳豬手、口水雞等～ 但麻辣控又受不了誘惑，最後點了 中麻辣配上手制品如韭菜餃、水餃還有蠔仔、牛腩整體都不錯～ 凍檸茶 HKD 48 套餐有兩餸，其後每餸只加HKD 10 ～ 價錢抵食、足料又夠一人份量。 吃飽後更可到附近糖水店 XDD 😋

我們今日去尖沙咀！i square 背後的的樂道，潮發粥麵店！門口是一間傳統麵店的廚房！有師父在你面前煮麵！我們兩個人點了！三寶牛腩飯三寶有牛腩，金錢肚，牛根三款我最喜歡是牛根，又淋又入味，滿滿的骨膠原蛋白😍😍😍😍，牛腩和金錢肚都好內味！牛腩撈麵牛腩好入味，都是好喜歡這一間的牛根！貼貼的膠質！🥰🥰😍八寶湯有豬肉丸，墨魚丸，魚片，魚片頭，白菜餃......可以一次過試曬咁多款不同的丸！👍🏻👍🏻

上完堂走去尖沙咀食吓夜粥，可能撞正附近有集會啦，好多green objects，嚇到個心停一停呀！為咗要恢復心跳，大胃都係快啲搵間餐廳坐低食嘢先比起普通嘅粉麵店，呢度嘅湯底係會專登熬，豬骨湯底，唔係求其用熬牛肉嘅牛汁當湯底河粉唔會鬆散，一粒雲吞有成兩三粒蝦嘢飲唔會太甜，冰又唔會太多，水吧都做得唔錯粥煮得幾綿，上次對豬膶改觀之後，第二次挑戰豬膶，好彈牙，好好味呀粥底打撈到幾多牛肉，好滑口口痕重口味之選，雖然仲擔心自己歸家途中安危，食飽先算

係呢間潮發附近既教會參加與禮拜活動，有點肚餓不過啱啱先病好返，個人無咩胃口，淨係想食啲清淡野咁啱醒起附近有潮發，就打算去食個雲吞麵坐低睇下餐牌發現佢有方魚肉碎蠔仔泡飯剛好啱哂無胃口既我泡飯唔錯，蠔仔夠飽滿食落有淡淡方魚既鮮香味肉碎份量剛剛好，唔會太多或者太大粒之前係另一間餐廳食過肉碎蠔仔泡飯，入面係勁多肥豬肉碎，幾乎成碗都係咁….個感覺係勁噁心….好彩呢間潮發無呢個問題啫加入左薑絲同蔥花調味，除左可以辟走蠔仔既腥味之外，仲可以有提鮮既作用

出開尖沙咀見客，喺iSquare傾咗一輪，過咗食晏時間，都未食飯就周圍望下有咩好食。見到iSquare入面都有好多選擇，不過多數都係要慢慢食或者價錢唔算平。因為要趕返公司，食飯時間唔多，所以走返落街再睇下。喺樂道發現咗有間食雲吞粉麵舖頭，入面都有一批人食緊麵，我估水準都唔錯，門口見到價錢亦都算實惠，趕時間就入咗去食啦。點咗碗四寶麵，整體水平唔錯，湯底清清地唔會好油，而又唔會太淡。環境乾淨，坐得算舒適，下次再去尖沙咀開會，呢度都係一個唔錯嘅中途站。