潮發粥麵茶餐廳

营业中

休息中

下班很肚餓，拉著同事陪我吃晚餐，想找快靚正的茶餐廳，吃完便回家。路過樂道，見到這家潮發粥麵茶餐廳，正合我意。原來這裡除了粉麵也有飯， 見粉麵的配料很多選擇，單餸粉麵每碗$48,加餸每款十元，職員很熱情為我們介紹，鮮蝦雲吞是這裏的招牌菜式，就試試吧！坐在茶餐廳一角，和同事只說了幾句話，我的晚餐已送到，速度真的超快哦！可能知道我餓呢。鮮蝦雲吞河粉加牛腩$58, 喜歡它還有兩條油菜，感覺吃得健康。牛腩大大塊的，炆得夠腍夠入味，很喜歡花椒八角的香氣，吃湯粉麵一流。除了兩大塊牛腩，還有兩塊牛筋，我覺得比牛腩更好吃，覺得充滿骨膠原，炆得好腍， 滷水又入味， 超好吃的，下次我要吃牛筋河。主角鮮蝦雲吞，真的頗大粒，是這裡自家製，每天新鮮製造。吃一口，不得了！裏面鮮蝦最少有三隻，非常爽口，而且很鮮甜，因為鮮蝦太多的關係，所以豬肉比例較少，但也十分新鮮爽口，有很香的胡椒味，真的啖啖肉，吃得很過癮！超推介！河粉的好處是能吸收湯的味道， 河粉軟硬度剛好，有口感。有時候，清湯也很好吃的，特別是港式粉麵。吃了幾口才看到牆上貼著的餐牌，惠顧任何粉麵可加$25 一份的酸辣菜，立刻食指大動要追加，因為很喜歡吃酸菜呢！加

經過尖沙咀，就見到呢間茶餐廳有粥麵同普通嘅茶餐食，就入咗去啦。職員好有禮貌、好客氣同熱情招待，加分!自選兩餸粉面 雞中翼&韮菜餃米線 麻辣湯底本來就中意吃麻辣既我，諗都冇諗就叫左呢個湯面啦~呢個麻辣燙底係呢間餐廳自製既，味道的確好獨特，飲落口好有層次，似係用左好多配料配搭出來~至於韮菜餃，韮菜和豬肉既比例岩岩好，冇蓋過其中一種口味～而雞中翼味道好夠，相信單係醃料和煮既時間也用左唔少!涼拌手撕雞 (細)海哲超爽口，而手撕雞既咸味足夠，就算細份既份量都唔少，手撕雞最方便既係沒有骨!及第粥覺得突出既就係當中既豬膶!估唔到可以煮到咁爽口，真心推介!個人覺得如果粥底係生滾粥會更加分！

小時候經常食傳統的粥麵餐廳，現在卻買少見少了。經過尖沙咀有家好有傳統味道的餐廳就入去食啦～點了雲吞豬皮米線，有點似車仔麵～因為吃不到辣，所以點了豬骨湯。推薦雲吞！一來好大份，裡面有豬肉和2隻蝦（表示驚訝），抵食～朋友點了牛腩麻辣湯，麻香夠，點了小辣所以可以接受。牛腩好多，而且肉質軟軟，不錯。還加點一份口水雞，其酸辣菜是自家製，辣味夠，麵有麻香，而且很夠酸，和一般吃的口水雞不同，但都好吃。間中吃小店都好有驚喜喔！

#cassiegotst-今日瘦編去尖沙咀行街，試左一間尖沙咀嘅老字號，成日經過個頭都會見到。今日咁岩想食啲地道港式菜，又見價錢合理，唔會好貴，就入左去啦。🙆🏻‍♀️-我叫左碗牛腩雲吞魚蛋河粉，牛腩好嫩魚蛋彈牙，一食就知係手工製，同超級市場買嘅機製魚蛋好唔同。另外老闆推介佢地每日新鮮包嘅韮菜餃同白菜餃，即叫即煮，唔會預先煮定，避免啲皮同餸分開，同埋因為每日新鮮包，所以啲料好新鮮。💪🏿-除此之外，仲試左啲小菜，包括有酸辣口水雞同咖哩牛腩。口水雞啲肉好嫩，酸酸地好開胃。咖哩牛腩偏辣，不過都係好入味，兩樣都推介。🥰-味道評分▶️🌕🌕🌕🌕🌑 (4)抵食評分▶️️🌕🌕🌕🌕🌑 (4)回購評分▶️️️🌕🌕🌕🌕🌗 (4.5)-➡️潮發粥麵餐廳 (尖沙咀)📍尖沙咀樂道11號A地下-

同同事妹開完會食埋晚餐先歸家...大家諗住快食, 眼見有間潮州粉麵就衝入去, 入到去先記得我以前喺 Silvercord 返工時, 成日都去呢餐廳買早餐! 呢間餐廳印象深係因為佢好乾淨, 好難得呢類舖頭個地下係完全唔濕滑同無污漬! 潮州粉麵竟然有麻辣湯, 啱晒無乜胃口的我倆! 為免胃痛要小辣, 點知原來唔係好辣, 不過堅超級香! 自家制麻辣醬, 離遠未拎到埋嚟已經聞到麻香味, 食落味道有層次! 睇落好似好油, 實質不然! 麻辣雲吞牛腩米 ~ 雲吞食得出係新鮮包既, 蝦超大隻爽口彈牙, 豬肉唔會霉, 好有肉味, 雲吞皮薄而滑! 柱候牛腩好軟腍, 柱候味唔會太嗆, 正’s! 魚旦魚片河 ~ 手打魚旦啊…我愛上呢個魚旦, 超彈牙唔會 “水泡泡” 仲勁濃魚味! 我一般唔喜愛白色旦, 怕腥, 呢個白色旦唔會腥之餘仲堅有魚鮮味! 大推! 其實魚片都好味, 不過我愛魚旦多啲! 再來一客口水雞…有好多味菜喺面, 我就覺得甜甜哋平衡返個口水雞既辣, 小妹就話個味菜係辣辣哋….各人口味不同吧! 口水雞好好食, 雞肉滑而唔肥, 連雞皮都唔肥之餘竟然係脆口架…雞皮係脆口, 雞皮係脆口, 雞皮係脆口(重要事情講

今天路過尖沙咀，正是午餐時間，遠遠看到這裏的招牌，便來試試。麻辣湯底自選兩餸$48，麻辣湯是香中帶辣，辣中帶麻，加上豬骨湯底，層次感分明，是意想不到的驚喜。蘿蔔味道清甜，墨魚丸是自家製的，鬆軟中帶點芹菜的香味。牛丸牛腩河$48，牛丸紥實，牛腩軟腍，河粉軟滑。凍鴛鴦跟餐$9，咖啡、奶茶和花奶的比例剛剛好，算到上是一杯港式鴛鴦。招牌八寶湯$79，內有墨丸、魚餅、魚皮餃、魚札、魚蛋、魚片頭、雲吞、肉丸，其中以魚片頭和魚片，最為爽口彈牙。

上堂前有少少肚餓，但時間又唔係剩低好多，本身打算去快餐店食個快飯就算咁啱俾我經過潮發，咁食粉麵點都好過食快餐既坐低之後就叫左個牛三寶麵牛三寶包括有牛筋、牛腩同牛肚呢三寶味道都唔錯三寶都好入味，牛筋係我鐘意個種偏淋既質感牛腩肉質唔算太淋，唔係一夾就散個種，但又唔係柴皮質感，有三大舊而講到我最鐘意就係牛肚啦好似大約有5件，每一件牛肚都好軟淋，超級入味每一次食牛肚都好似一場賭博咁，今鋪小妹就嬴左啦~HAHA

講真平時好少去尖沙咀食雲吞麵 物價太貴但朋友想食被逼入左去 真係想即卡走但都騎虎難下 真係好唔抵 份量一般 不多不少 雲吞都可以接受 味道無太出色麵都係中等 湯又無話特別濃特別鮮 成碗麵都不過不失不過店裡面員工服務幾好 有講有笑環境都乾淨 唯獨係價錢真係嚇死人明白係尖沙咀呢D旺區開店既困難 店內都見旅客比較多但我下次都唔會再去 呢個價位可以食到更好既野只希望店裡面既食物質素可以再提高 咁先對得住個價位

中午趕時間，來個快食。結果真的是中了伏中之伏。來了一碗牛腩米。其實這是很基本的基本食品吧，可以說是多年來最難食之首位。牛腩“街濕濕”，無牛味，難食。湯底無色澤，比清湯更清。米粉也是碎濕濕。超無言。盛惠48塊錢，吃完這頓，應該沒下次。

去尖沙咀行完街，好鍾意食碗牛丸、牛腩麵，由橋底大牌檔開始已經常常吃的，但係入咗舖頭之後就發覺大不如前，食品質素勁差，還要人頭計最低消費，飲品又唔得，以後唔洗再食的店，又多一間。

中伏。唔俾餐牌中午和小朋友放學去吃午餐，一坐下沒有餐牌，已心感不妙，有個阿姐走過來幫我們點單，介紹我們吃淨牛腩，我天真地叫了一份淨牛腩拼牛肚和一碗白飯，阿姐沒有給單(有價錢嗰張纸仔）其他枱的客人是有的，再感不妙！雙拼上枱嚇左一跳，只見牛腩5件，牛肚6件，(心聲: 岀街碗牛腩麵d料都多過呢碟🤔😠) 埋單再嚇第二跳，HK$150 唔該哂！食咗一陣風，一肚怨氣！平時$150 可以食4碗牛腩麵飽到上喉嚨定囉樓上c兄講得非常正確，這間店是給那些視錢財如糞土的自由行幫襯的，香港人食會背脊骨落

成日放工就去食，阿姐記得我，推薦雞絲海蜇撈麵，仲送我一塊豬腳用料豐富，雞絲同海蜇有鮮味講真我唔多鍾意食茶餐廳，但呢間係尖沙嘴遊客區有咁既食物同服務質素，推薦埋單70蚊，唔平，但比起日本拉麵，我寧願幫襯呢間

約左朋友行尖沙咀，咁我又早到。所以就求其搵左間餐廳入去食。咁橋就見到呢一間麵店。我見外面寫住牛腩同雲吞專門店，咁就嗌左個雙拼 牛腩雲吞麵啦。價錢都偏貴既，不過座落係尖沙咀租都好貴啦，本來咁就唸住都算數啦。點知道呢試完就知道中伏啦，個牛腩真係不敢恭維，難咬之餘又勁乾身 完全係小弟食過最唔得既牛腩，真係有d失望！不過呢 雲吞就大大粒，口感又豐富，ok既。個麵普通啦總結，價錢貴，味道又唔係特別出色，可一不可再。

野食完全無味道！咩料！我自己屋企用清水煮都有味過佢啦！！又過份貴！$78一碗魚蛋粉！想「湯」客野食無味！又貴！又無禮貌！未食完就過黎收走我啲野食！趕客咩！，都唔洗湯到咁離譜啦！趕客咁款

其實見佢門口d 餐牌有咁多奇怪野，咩雞鮑翅撈飯就已經有d 戒心，只係奈何附都好似無一間普普通通嘅麵店就求其焗食，點知真係中伏...一碗牛腩河，湯底無味，辣椒油無味，牛腩無味，河粉質地正常，唯一讚係牛筋個膠質口感幾正之外，真係都幾唔得下。最大問題係咩？係佢遊客價$45,係$45呀！！！貴到呢，又貴又唔好食，貼錢買難受...其實作為一個最普通嘅食客，我只係想要好食嘅食物，其他都可以包容，可惜佢就係做唔好最根本嘅野...