潮福蒸氣石鍋 (已結業)

約左好朋友食飯，大家都係海鮮迷，決定食返餐勁既，之前都試過一d粥底蒸氣火鍋，感覺價錢都偏貴，今次朋友就話呢間出名材料新鮮好味，就決定黎試一試入到黎已經即刻比呢度既魚缸吸引住，全部海鮮都好生猛，而且標好晒價錢比你慢慢揀，價錢都算合理我地兩個人叫左d海鮮，見到都流晒口水侍應哥哥全程幫我地計時蒸埋夾埋落碗度，好好服務，我地就全程傾住偈等食mode新鮮海鮮梗係要清蒸食先夠原汁原味，呢隻龍蝦大大隻啖啖肉勁鮮甜扇貝一樣冇得彈，落少少蒜蓉粉絲已經吊晒d鮮味出黎象拔蚌仔，一樣好多肉蕃薯蜆，雖然只係要左半斤，但兩個人食都已經好夠另外仲order左一份四寶丸，估唔到既係豬肉丸最有特色不得不提，本人認為一定要order既流沙包，即蒸即食，超級流心，而且味道絕對同平時酒樓食開既唔一樣最後唔少得個粥底，索晒海鮮精華後既粥好清甜，而且夠棉夠滑，好正最后埋單每人6百多d，雖然唔平，但食物絕對高質，值得再黎

今次徐先生掉低徐太太，自己一個出去食好西。話說今日同舊同事farewell，有緣相聚，離開當然要食得特別啲。呢度全部煮食過程都由侍應哥哥姐姐代勞，我地全程專心傾計，煮好我地就自動波咁夾嚟食。佢有個timer定時會叫，確保食物唔會over-cook。我地點嗰4款海鮮都好新鮮，之後任點嘅菜式都好特別，全部都唔係啲例牌行貨，搞到我每款都想叫。最正係個粥底，集合所有海鮮加肉汁嘅精華，最衰食得太豐富，食唔晒個靚粥，有啲可惜。

2018年，新一年當然要食返餐豪嘅新年飯，之前聽朋友講過潮福蒸氣石鍋好ok,就決定同老公黎試下，我中午打電話去book位好彩即晚有位👍🏻 一去到安排我地坐卡位，卡位又有電視睇，坐得鬆動😊一黎就問服務員今晚有咩靚海鮮，店員推介，最後叫左聖子皇，南非鮮鮑魚，大紅花蟹，象拔蚌仔等等配淮山雞粥底，加多兩宗燉湯！揀完海鮮就返去為坐低等食，全程有Staff幫你，夾埋俾你，計晒時，保證吾會蒸過隆！首先蒸左隻花蟹，非常鮮甜！食完蟹之後就黎蒸聖子皇，用蒜蓉調味，爽脆有口感，再嚟象拔蚌啖啖肉超級滿足有趙口😋😋😋跟住蒸南非鮮鮑魚，食鮑魚我最驚嘅就係太過靭，但今次道鮑魚令到我非常之驚喜👍🏻好彈牙而且鮑魚鮮味十足，講真的，食左甘多次鮑魚今次算係得，太好味la😆😆😆之後在叫多個豬肉丸，肉丸爽彈又有咬口，最後當然係粥底登場，個粥底吸收晒各種食物嘅精華非常鮮甜而且粥身好綿滑唔會過稠，令我食完一碗又一碗！今餐豪得黎，捧住抱住個肚滿足回家,新一年好的開始😋😋😋

東風螺稱好，活生生要攞入廚房飛水，隔左一陣先攞出嚟，凍冰冰，經理話係咁，要係廚房加工後先可以攞俾客食，唔係會起" 潺",唔明點解海鮮要咁做，覺得有被騙感覺，成晚四人食飯，叫左花竹蝦，蚌，雞…，飲左九枝啤酒，埋單$1,549，都唔係平啦！後加東風螺，都要受到如此待遇，再問其他主任，待應，個個都有不同答案，有人話係咁處理，有人話唔知，總之個個解釋都唔同，感覺受騙，又無辦法，唯有埋單走人，唔知大家點睇，指點一吓!

今天是爸爸的正日生日,我們想了很久也不知吃什麼好,然後我哥哥提議吃這一間海鮮蔡氣,感覺上這幾年也好似流行起這種美食,本身我沒抱太多期望,因為本身不是太愛吃海鮮,但後來媽媽也想試,所以便決定來這試一試了頭盤第一味菜是乳鴒,媽媽說骨多過肉,不過我覺得味道還可以這個龍蝦非常好味,我很想再多吃一次,可惜每人只限一隻它的墨魚丸和龍蝦丸都是全人手打,非常好味聖子味道不錯,不過我還是比較喜歡炒這個龍躉為了營合爸爸口味而叫的丸叫了3次,還有馬拉糕,非常好味,很想再多吃一次飲品方面,種類不多,但它的忌廉十分夠氣,很好飲,不知不覺我飲了幾罐

天氣熱都不忘蒸海鮮! 朋友喺附近番工, 介紹我黎食潮福~一於山長水遠都黎搵好野食! 雖然門面似茶樓, 但食物質素及服務都係上等的!食物選擇雖不多, 但我地重質, 而且食左一轉要已經好好好飽了!自助調味料吧 - 好多野揀, 任君選擇!飲品都係自助又多款!湯水有兩款~一人一盅! 淮杞燉龍躉湯, 好足料, 而且冇味精! 姬崧茸燉螺肉, 的確有幾條姬崧茸及一件螺肉! 我比較鐘意飲姬崧茸燉螺肉。一人一隻乳鴿, 新鮮滾熱辣, 肉質有口感, 調味得好, 外皮又脆口! 我自己加左淮鹽吊一吊咪, 仲好食!貝殼盛盆 - 好多款貝殼類, 青口大粒又新鮮, 好鮮甜又汁! 蜆仔都唔細啊, 好好食! 主要夠新鮮!我們的海鮮盆!!!龍蝦有我成隻手掌咁大隻!! 新鮮蒜蓉蒸之餘不加其他調味, 出黎的結果好鮮甜! 龍蝦又多汁, 啖啖都係肉, 仲有少少膏, 連個蝦鉗都好大件肉! 真係大滿足啊!生猛鮮鮑魚好大隻....用左金針一齊蒸, 只係少少的調味, 都已經足夠帶出鮑魚的鮮味! 鮑魚的肉質十分彈牙及有口感, 但一點兒都不軔, 而且好香鮑魚味! 大讚!美國桶蠔, 蒸完都大大隻, 蠔味十足, 不愧係美國桶蠔! 鮮甜肥美!蘇格蘭

大家自己睇下想評評理，一隻扇貝要＄70三隻花竹蝦11兩呢個size其他大家都自己睇下啦⋯⋯重點佢話$38兩x11有再7折，都冇可能係呢一個價！睇相就知有幾大隻啦隻蝦！真係有圖有真相！

六, 七, 八, 九月都未放過公眾假期了, 黎到九月最後一個星期一, 係Blue Monday症最嚴重既一日為左治療D個好嚴重既症狀, 食美食係唯一既辦法,所以我同男朋友講, 我要食海鮮!!!食海鮮!!!食海鮮!!!佢知重要既事我會講三次, 所以是晚佢就帶左小妹黎食潮福蒸海鮮去到待應好熱情介紹D個任食套餐, 338+醬油30+加一=400蚊位找六蚊, 食蒸海鮮唔洗400蚊我覺得幾抵了, 一於叫D個野飲係自己隨便扲的, 有竹蔗水, 有啤酒, 但老媽子教落話邊食海鮮邊飲啤酒易有痛風所以我唔比男朋友飲蒸前小吃蒸海鮮前係要有D時間等佢黎海鮮, 預熱個爐, 潮福好細心咁比少少野你打住個底消磨下D時間先, 但呢D都唔HEA底, 個湯幾清甜, 但螺味無菇味咁重, 但我都OK既； 而隻乳鴿都幾好肉地, 唔會太咸, 落少少准鹽更吊出個鮮味龍蝦放完個粥底係底當然要馬上蒸龍蝦啦, 隻龍蝦啖啖肉, 好滿足, 而且落蒜蓉唔會過多, 明白到蒜蓉係為左吊起個味而唔係遮左龍蝦鮮味既大道理, 所以仲食得出龍蝦個鮮味出黎, 好好食貝貝大盛所有貝都好鮮味, 但咁多樣貝貝黎講令我最有驚喜係青口, 青口極之鮮嫩, 鮮味濃, 味

好耐好耐都冇食過蒸氣鍋尤其是我一向鍾意食海鮮嘅緣故....蒸氣鍋就最啱我啦....不過之前喺新界區食過一個蒸氣鍋.... 品質好似一般般...所以我都好耐冇食.....適逢今晚係旺角道見客....完成之後就call埋我老友去呢間...潮福蒸氣火鍋蒸一蒸先聽人講呢度嘅蒸氣火煱好正斗我就未試過....今次就嚟睇吓佢哋嘅質素有冇傳說中講到咁勁先三百零蚊任點任食又有海鮮....又真係好似幾吸引入到去個環境都好寬敞....而且啲位置舒適...唔會太迫...最緊要地方夠大....嘩....入到去見到佢哋個海鮮區....樣樣新鮮....都真係幾吸引喎首先佢仲送咗我哋乳鴿....就算一路等佢蒸海鮮....都起碼有隻乳鴿食下....而且只乳鴿好鮮嫩脆皮首先經理同我地蒸一啲貝殼類嘅海鮮....頭盤來講都算唔錯....而且隻青口大大隻添同埋好老實講....呢度真係食服務....😘😘因為有專人搞定時間幫你正海鮮放海鮮....你哋睇吓個海鮮拼盤見到都流晒口水啦仲要好多丸類任你添任你食....保證你食到捧住個肚走精華所在....就係每人半隻龍蝦....新鮮甜美....而且啖啖肉....食到耳仔都郁埋之後呢個粉絲帶

「潮福蒸氣石鍋」可以話係蒸氣海鮮鍋嘅鼻祖 年半前食過一次 個時剛剛流行蒸氣石鍋 而且所有海鮮都係要單點 都幾重皮下而家重新包裝唔同哂 套餐包一定數量嘅海鮮加指定配料飲品無限追加 成件事抵諗哂今晚豬先生同豬小姐決定再此飲飽食醉位置係旺角同大角咀中間 豬小姐覺得太子站出會比較近晚上八點半到達 接近爆場！環境係酒樓嘅裝潢 非常熱鬧 充滿人氣比較適合大伙兒邊食邊吹水唔抹咀哈哈講解下套餐先 相當豐富！套餐包括有燉湯 乳鴿 龍蝦 貝殼盛盤 自選粥底及自選四款海鮮 最後仲有任食任飲嘅配料點心及飲品先上燉湯兩盅淮杞燉龍躉骨湯飲落清而潤姬崧茸燉螺頭湯味道帶甘甜兩款湯都比人真材實料嘅感覺 十分滋潤再尼係每人半隻乳鴿乳鴿燒至外層脆皮 鴿肉亦唔會嚡口 每咬一下都溢出邪惡香油 惹味到不得了！貝殼盛盤排住隊等我地食有三到四款貝類海產 有沙白 珍珠蜆 螺等等只需一陣 佢地已經乖乖張開哂口 等我地品嚐全都新鮮富海水味 唔腥臭又無沙 都算新鮮貨啊！龍蝦半隻有得食！龍蝦鋪上蒜蓉一齊蒸 係提鮮嘅完美配撘！龍蝦超容易起肉 肉身彈牙入味 好爽！一啖放入口 真係好滿足大元貝 蟶子皇 鮑魚同埋龍躉件就係我地自選四款海鮮嘅final

自蒸海鮮興起後, 我前前後後都食過8次了, 如果單計海鮮質素, 潮福在我心中已經排緊第2名; 如果計海鮮質素、價錢、服務, 潮福在已經排第1名! 潮福環境唔錯, 2人都可以安排舒服卡位, 醬料自助, 飲品任飲, 住程有人幫你睇時間蒸海鮮及上碟, 服務冇得輸!一人一盅燉湯, 姬崧茸燉螺肉: 真係有姬崧茸燉螺肉, 可能冇落肉, 燉得不油膩,  飲落去好清甜, 冇味精, 係正宗的燉湯!一人半隻脆皮乳鴿: 的確好脆皮, 肉質口感好, 我好鐘意食! 記得在自助醬料吧拿淮鹽, 因為乳鴿及海鮮都可以用到。一人一份貝殼盛盆: 有大大隻青口、大蜆及小蜆，好新鮮！冇沙！自選4款海鮮! 我地揀左海蝦、蟶子皇、鮑魚及生蠔!先食每人半隻龍蝦, 係一隻手掌咁大隻! 而且好多肉, 有少少膏, 原本有蒜蓉鋪面再蒸, 我自己覺得點少少淮鹽真係好正, 龍蝦身及鉗都啖啖肉, 好有滿足感!之後係蒸蟶子, 不愧係蟶子皇, 厚肉、彈牙、爽脆! 好鮮甜! 大愛!蒸海蝦, 每人2隻, D蝦有好多蝦膏, 岩晒我呢個愛蝦人士!!YUMMY!蟲草花蒸鮑魚, 鮑魚有8CM大! 蒸熟左都係收左少少水, 都係好大隻, 嫩滑、有口感及鮮味, 連蟲

下面招牌很大個標題:任飲任食海鮮餐這個大家要注意，並非海鮮任飲任食，任食只包括上述紙，包括蟲草花清遠雞、和牛肉粒、和牛肉片、手打丸、雜菜等。三款海鮮是必備的，之後再選四款這家店的海鮮算不錯，我遲去店里，首盤東西已經半涼，但也沒有腥味或肉霉。反而帶住鮮甜味因為店家掌控，所以火喉時間都剛好，鮑魚嫩肉彈牙這魚比平日清蒸的味濃，但又嫩滑這個不推薦點，比較一般，沒什麼特別感覺和牛肉粒不錯，肉片還可以，這些都任食的。

齋打邊爐悶悶地有時都想食吓食蒸海鮮再加粥底全部蒸 感覺唔會太多肉又冇咁油今次介紹嘅係潮福蒸氣石鍋都幾多分店 旺區梗有一間今次我去幫襯嘅就係位於旺角嘅分店講下價錢先食蒸氣石鍋要兩位起星期一至四 5:30-8:30 每位$338 8:30後每位$298星期五至日5:30-8:30 每位$388 8:30後每位$348 以上嘅價錢係未計醬油及加一服務費海鮮套餐首先三選一粥底然後二選一一人一個湯每人有半隻乳鴿半隻龍蝦同埋一啲貝殼類海鮮每枱再自選四款海鮮一齊食之後仲有啲配料如丸類牛肉蔬菜等等可以任食啤酒汽水竹庶水韓式飲品全部任飲六位以上仲送白酒一支海鮮我哋揀左鮑魚丶蟶子丶貴妃蚌丶大元貝全部都幾新鮮大大份 味道幾好牛肉同和牛粒都有牛味整體食物味道都滿意另外我地有叫馬拉糕 不過店員會將佢同啲生嘅丸類放埋一齊痴住蒸從衛生角度出發 依一點感覺就麻麻地雖然好飽 不過最後嘅南瓜雞粥幾好食環境氣氛： ★★★☆☆食物質素： ★★★★☆服務態度： ★★★☆☆

今次去食呢個蒸氣海鮮餐今次就叫咗個$298 海鮮餐，啤酒汽水係任飲架！龍蝦好新鮮，街市上等貨，仲食咗大元貝，大大粒啲肉好實，有口感！之後仲叫咗一個北韓鮮鮑魚同埋生劏龍躉件，北韓鮑魚真係好大隻呀，啖啖肉好新鮮好好食！龍躉呢就冇骨頭，啲肉入口即好彈牙，完全無腥未，啱晒我呢啲唔鍾意食魚嘅人！之後牛肉同埋其他丸類都係任食架，牛肉真係好正啊，肥瘦適中，完全唔似普通打邊爐嗰啲牛肉，正！其他丸類就比較彈牙，我本人呢就幾鍾意食芋頭，佢嘅芋頭就比較粉，好食！總括嚟講其實佢啲牛肉啊丸類都係任食但質素高 之後佢哋嘅醬料都係任攞，佢哋嘅種類都好多，等我哋可以自己配搭一啲鍾意既！由於嘢飲都係任飲，所以食得熱氣嗰陣我哋可以叫一樽啤酒，咁就可以當涼茶咁用！唔係影左好多相，因為海鮮係咁蒸，不停咁食😎總括嚟講，呢間蒸氣火鍋比坊間既質素高，可能唔係最平，但性價比是比較高👍🏻👍🏻👍🏻

有朋友係國外返黎，約佢食飯個陣佢指定話想試下係蒸氣鍋。當時有朋友即刻話呢間可以一試，既然係咁，大家就決定食呢間。初初冇深究呢間野的來歷...就傻更更信朋友去旺角道呢間..點知後來先發現原來佢有唔小分店的...根本唔需要去呢間咁遠的食...大家請留意...入到去大家傾左一輪究竟點揀好...侍應哥哥見我地咁都有埋黎幫手解釋下，呢個加分既!當日係場內得3-4成滿..所以侍應的反應都算快!最後揀左聖子，龍躉，元貝同海蝦...再加上佢個餐一人有半隻龍蝦同貝類盛合...真係名符其實的海鮮餐!!一開始佢就上左一人一隻乳鴒，拿埋黎係肯定岩岩炸起的...肉夠嫩，好食!之後重頭戲就開始喇!一輪海鮮海鮮海鮮之後....朋友話...食完嫁喇...冇曬嫁喇....當時我地諗..少年..你太年輕了...因為除左海鮮之外，佢仲有好多款鮮肉丸同肉類任食的....不過不過..講返海鮮先!所有海鮮都係新鮮的...龍蝦好甜!聖子都好鮮味..係真係好食的!再黎當然係肉丸喇...朋友話唔夠飽丫麻..所以就狂叫左好多唔好款的野..所有肉丸都係新鮮的...味道唔錯!全餐飯大家都食得開心的...的野係好食的...唯一美中不足係...