潮興正宗打冷小廚

营业中

休息中

大眼雞硬到唔係人食，好差，不停吹啲野食，都冇黎，人又唔多，多人等就話，等下可以接受，但又唔係多人。蠔仔粥冇方魚、又冇味韭菜豬紅啲都冇嘢韭菜好老潮州麵線係家鄉炒米粉、極之難食好似BB糊仔咁、吹一個餸先來一個仲要等好耐叫咗碟例牌鵝肝吹左好多次、都唔嚟、只可以講食物超級差十分惡劣

第二回頭幫襯，都係忘不了佢嘅鵝肉蠔仔粥同烏頭魚。今次帶麗妹好食下好咪嘅打冷。鋪頭開響長沙灣東京街近李鄭屋。鋪面都算大。客源都好多，打冷就唔係浪漫野，我哋坐底都係搭台，唔介意啦，因為都算寬敞嘅。四個人一張六人圓台，我哋叫左三個餸，呀姐姐好熱情咁介紹我哋食鵝脾，話鵝件同鵝脾一定鵝脾啦⋯⋯啖啖肉。之後係蠔仔粥同黃油烏頭。之前食過某名人介紹嘅昌記打冷，又貴又難食，潮興記價錢雖然都唔便，但食物質素好好多，蠔仔粥足料夠野咪帶乾油魚吊味，加埋芫茜，落埋糊椒粉，就完美喇。條烏頭就好新鮮黃油總算是有但唔太多，肉資唔梅無泥味，我最怕食到泥味同腥味，今次係算有水準。鵝脾鹵味足肉資都嫩而唔太咸，個人覺得剛好。下次要試下佢啲炒野。

運動後，三人行經這裏便進去吃個晚飯。.潮州蠔仔粥(例) ($68)份量大概5-6碗，潮州粥有別於平時棉密的粥，米跟水比較分得開，鮮味十足，味道十分好吃。.潮州滷水雜拼(例) ($133)內裏有豬大腸，紅腸，墨魚，生腸，滷水蛋，腎，鵝腸，豬耳等，這拼盤配啤酒一流。.潮州滷水鵝片(例) ($133)鵝片肉軟，易咬開，不會有很鞋的感覺，下面有滷水豆腐墊底，本身挺好吃，但表皮吸收太多滷水，就變得太鹹。.啫啫通菜煲 ($80)果煲夠熱，菜炒得夠香口，十分惹味，味道偏重，但很好吃.全部餸配白飯吃，也很好入口。

宵夜時間去左長沙灣食潮式正宗打冷，叫左3個菜。一個係烏頭魚，一個炒四季豆，一個炸蠔餅。總體來講呢三個菜都好好味👍🏻👍🏻👍🏻👍🏻👍🏻首先烏頭魚，吾記得係鹽焗定清蒸，反正食落去有味夠鮮夠滑，係好味的，同埋佢有個標籤係魚尾，係用來證明條魚的來歷，甘樣令到客人食用放心係好好的👍🏻👍🏻👍🏻👍🏻四季豆不過不失，鐘意食四季豆可以選擇👍🏻👍🏻👍🏻👍🏻炸蠔餅係好味的，炸的夠脆夠香，蠔也夠多👍🏻👍🏻👍🏻👍🏻👍🏻P.s可以點酒，得閒宵夜可以約朋友來啤一啤

買個9菜豬紅消夜，唔知點解會變咗芽菜豬紅囉！我耐唔耐都會幫襯，食頭兩次幾好既，唔知係咪旺，叫個細併，啲食物變既，今次叫外賣為咗送粥，收$53，ok既。但你俾既唔係9菜係芽菜，咁得意既？淨豬紅都平過所謂既9菜豬紅囉！我唔係打手。我本身對呢間都ok既，而家我唔會再幫襯！咁既手法做生意👋🏻👋🏻

同朋友第一次打冷，對我嚟講無咩特別😂只能說普通，無咩驚喜。第一道滷水鴨，推介！有啲油脂幾嫩滑，但份量比較少。咁睇落去好似好多，但其實下面全部都係豆腐🥢第二道蠔仔粥，hmmm可能係我第一次食，我覺得賣相唔係特別討好，麻麻哋😂我好怕腥又唔鐘意芫茜，但個潮州粥係唔腥嘅，陣芫茜味我覺得幾夾。第三道蠔仔餅，太油，加上全部都係炸皮。我會話呢個係炸蠔仔... 同我以前食過嘅蠔餅差超遠😢總括而言：70/100

今日有個好學生嚟搵我食飯，我即時諗到公司附近呢間打冷，問左個靚女學生，佢話佢未食過打冷，所以一於食呢間啦平時呢間打冷一向多人食，今日食飯時間嚟到，咁我哋唯有撘枱加坐門口位啦。我哋兩個女士，食唔到好多，叫左我最愛嘅蠔仔粥、同埋鵝片靚女學生就話想食蠔餅，雖然係炸物，但最緊要佢食得開心，其他一於少理，哈哈呢食物嚟到之後，望落唔錯，個蠔餅都炸得幾脆，係啲蠔細粒左少少。鵝片係滑同埋唔騷，維持一貫水準，但個粥呢，唔只咸左啲，仲有隻蟲仔，嚇親我個學生！總括而言，食物味道唔錯，但衛生有待改善

<好正既打冷>😍喺長沙灣深水埗區好多打冷， 呢間 潮興我覺得十分唔錯 一來 地點近長沙灣站 二來都有一張大枱 以打冷鋪黎講 算係甘 若多朋友一齊食 係幾啱既 .💪🏻 餐牌上面都有好多潮洲 打冷野食 連一 d 舊式野 好似糖醋麵 同 蝦蟹棗都有 😍 值得一試 🍴滷水拼盤 有紅腸 魷魚 大腸 腩肉 鴨腎 蛋🦑🐖🦆 食得出每一樣野切 同擺位 都係訓練有素 放得夠靚 每一樣野食都好正 好似魷魚夠彈牙 腩肉夠肥美 腎夠口感 大腸充滿軟林口感夠哂入味 再加上墊底既芽菜🌿好味🍴韭菜豬紅🐖🌿大碗豬紅 豬紅個質感都唔錯 軟硬適中 唔會易爛 咬落去有棉棉口感 連埋底下吸哂汁既新鮮韭菜 🌿 正 ! 🍴潮式三寶有花生 炒得好香口 好味過平時酒樓放喺枱唔洗錢既小食好多🔥 菜莆 帶 d辣香 好爽口 同埋 咸 tbd菜酸咸開胃 💪🏻🌿 🍴蠔仔粥 🍚好正既蠔仔粥 d蠔仔都算大粒好 juicy配以芫茜 魚角增加香味同口感， 佢既粥米個軟硬度適中 我個人係 ok既 我仲鍾意落 d辣椒油落去食 都幾正🌶😈 🍴滷水鵝頸😈識食潮州滷水野一定要食鵝頸 雖然好邪惡 但佢真係好入味 鵝頸有層肥美既鵝皮 再咬入

好小寫負評，多數好食就推薦，不好吃就唔寫啦，睇評論專程乘車來試試，滿懷希望，門口很多人等位，等咗十五分鐘，我們兩人叫了 蠔仔肉碎粥（$60），鵝件併大腸（$130），醉豬手（$78），噢，中伏，蠔仔肉碎粥 勁多胡椒，蓋過晒鮮味，落了很多糖，湯底極甜，全湯碗差不多全部水，而飯，蠔仔，料極小，醉豬手 千萬別試，好難食，酒底極差 ，過得人過得自己，廚師有沒有試味？！咁難食就唔可以賣比客人，極之過份 鵝件併大腸外觀賣相非常好，鵝件尚可接受，數量唔多，但大腸沒有大腸味道，總結 失望而回，希望係我柯打呢三樣都唔好彩（店舖內真係擺檯椅極密，非常嘈吵，忘記影 蠔仔粥），去試第二間吧。。

和同事講開喜歡打冷的食物⋯佢興奮的話要我試試這間⋯我們叫了4⃣️個餸菜⋯上菜無比的快⋯熱騰騰⋯韮菜豬紅⋯平平的外表⋯味道絕不平凡⋯惹味丶入味丶爽滑⋯碟底墊有翠綠香口的韮菜葉⋯淨吃這個也可伴2碗大白飯啊😭蠔餅是我最喜歡打冷下酒菜⋯賣相很不錯⋯就是那粉團不是我想要的⋯只很薄和脆⋯而沒蛋香和帶點煙靭的口感⋯鵝片切得很厚身⋯鴨鵝的纖維比其他肉粗⋯肉的味道會越嚼越濃⋯厚切的做法就係塞滿成口⋯每一角落都充滿個味道⋯真不捨得吞下去⋯蠔仔粥就略嫌蠔仔數量不夠⋯蠔仔亦未有飽滿唧唧聲的口感⋯但莞茜巳令個粥很清新香口⋯店員拿出一碟反沙竽頭話係廚房煮多了⋯同事又話要⋯竽頭不是件件粉⋯而且也略嫌涼了欠了點味道⋯室內打冷總欠了點風味⋯但此店的碟頭絕不欺場⋯店員相當勤快和友善⋯也沒催促交枱⋯讚⋯打冷的大吃大喝⋯開懷𣈱飲⋯和好朋友一聚絕不是成熟男獨有的飲食文化⋯

真心覺得好味 之前行過見排晒隊 不唔有詐 都上吓OpenRice望下先 入到店面光猛 同人搭枱唔會覺得逼夾 伙計有禮貌 有一位長輩伙計仲會細心介紹食物嘅味道同配搭 好有親切感 講到食物滷水簡直入晒味包括滷水雜錦同埋滷水鵝片 方魚肉碎蠔仔粥好味 另外秘製花螺就遜色少少 比較淡味 辣味係夠但係唔夠濃味🤪 烏頭魚肉質嫩滑 不過本身條魚唔夠黃油不過都好好食 豆卜大豆芽都好夠味 用嚟送飯都一流 一定會再約朋友去試試雞煲小菜 見人哋隔離枱炒小菜都好正

本來想去附近的潮洲店，怎知道老豆自己決定話要食這間，好啦，父親節當然老豆話事。一進店大約晚上6點半左右，竟然已經剩下最後一枱，環境很光猛，地下也很整潔。來食潮州東西，當然先叫鹵水鵝片，要大的，因係阿囡至愛，盛惠150元而已。然後再叫了潮州蠔仔粥和凍烏頭，要講講條烏頭，原來是選用元朗烏頭，食落肉質真係好鮮嫩，值得推介，只是128元。其實個粥都好夠料夠味。。最後我們加碼叫了個四川雞煲，竟然好味到震，比好多所謂雞煲更有質素。總括而言，我們3大1小，連酒水只是504元，好味加捧腹而走，確實值得一試，我給8個叻👍🏻👍🏻👍🏻👍🏻👍🏻👍🏻👍🏻👍🏻

老闆話開業一週年為酬謝街坊，晚飯9折優惠，我每星期都會有一至二餐去幫襯，聽見都開心，D鹵水真冇得輸(正正正，蚝餅同元郎烏頭鱼又好食環境又清潔，現重有優惠，街坊價超值

媽媽同爸爸突然話想食潮州野，就帶左他們去打冷，點知令他們失望。1.叫左媽媽同爸爸最愛的獅蛤，真正潮州食法係半生熟食，係即叫即灼到半生熟，上枱應該有小小暖的，媽媽食到凍冰冰，應該整定放雪櫃吧！成碟只食幾粒就放棄了2.墨魚併生腸，生腸爽口，墨魚ok3.滷水鵝片，肥瘦適中，偏咸4.炸蠔餅，夠脆，粉多過蠔5.金菇肥牛煲，牛肉黎到已經好乾6.蛋麵，好脆，直得一讚ps由於爸爸係一個要邊食飯邊食餸的人，(一開始落單而落三個白飯)餸都到齊晒，白飯都未到，爸爸就同a侍應講，a侍應講黎緊，大約15-20mins後爸爸見未黎，再同b侍應講白飯未黎，無幾耐白飯到了，而b侍應又俾多三個白飯我們，爸爸講白飯到了，b侍應立即西面講咁你又嗌，我真係想問b侍應係你們員工溝通有問題，關我爸咩事？而且三碗白飯要煲45mins以上ma?食物一般，服務惡劣，可一不可再

想不到原來以前我好喜歡食深水埗的一家潮州店的大廚，原來自立門戶來到長沙灣，作為多年來的捧場客，當然要來光顧。店內同一般的潮州食店無悟，就是比較乾淨整潔，想必是新開的原故，希望之後都可以keep 住乾淨。有加多寶，清涼解渴。餐牌上的食物選擇多，就算平時無食開潮州菜的人都總會找到心頭好。大大隻花蟹，中意食蟹的朋友定唔可以錯過。滷水鵝，睇樣就知入味。果然有好多明星都來過吃師傅的手藝，牆上滿是師傅跟他們的合照。韭菜豬紅$40好大碗，豬紅爽口，入口較滑，完全無血腥味，韭菜新鮮。本身中意食豬紅，所以這個食得出是上等。潮州蠔仔碎肉粥$52大大碗，味道好清甜的湯頭，加上大大粒的蠔仔肉，碎肉又增添了不少鮮味。食完好暖和整個人！雜拼盤$110因為什麼都想試一下，所以就點了一個雜拼盤，裡面真的什麼都有。有我最愛的鵝腸、魷魚、大腸等等⋯⋯好吸引，一次過滿足我多個願望。大腸唔太肥，咬下爽口。所有食材都滷得好入味！這個是炸竽頭的甜點，好特別又惹味。炸得外皮香口不再說，竽頭更是又香又有咬口。鵝片$110大大碟的鵝片都只需$110，鵝本身肥瘦均勻。睇顏色就知滷水入口！食落更是出奇的多汁。食鵝片同食牛一樣，感覺剛剛熟熟