潮興正宗打冷小廚

营业中

休息中

星期經過長沙灣, 剛好爸爸媽媽想去打冷, 四周望望, 不遠處就有間叫"潮興"在前面, 見客人都不少, 所以就排隊入~ 我們是排第一的, 寒風下等了接近20分鐘，可惡的是待應竟然安排了遲來的食客先入座，安排方便實在有點失序。 款式選擇都幾多, 不過侍應態度不是太友善, 我們本想試這裡主打的滷水鵝, 另外還想要多款滷味和一只滷疍，但落單時侍應說一碟就夠了，這是否有點替老闆倒米?算吧，不想老人家捱餓，就順他吧~ 雜錦滷味拼 - 的確是什麼也有點, 滷味夠入味, 不過是愈食愈咸, 整體感覺不錯~ 滷水鵝腸 - 鵝腸味道不錯, 很有口感, 廚師加了點通菜和大荳芽在上面, 增加不少口感~ 蠔仔粥- 用料豐富, 包括有肉碎, 蠔仔, 冬菇, 葸花, 每口都有大量配料, 美味! 而且蠔仔粒粒飽滿肥美, 一碗都分到4碗, 不錯~ 媽咪點了條烏頭 -烏頭尾部貼上是楊氏出品, 雖然不知是什麼牌子, 但媽咪說幾香幾有魚味~ 隨烏頭送上豬皮蘿蔔, 不過唔好食的! 豬皮有毛毛, 蘿蔔唔爽口, 好淋, 唔好食! 原碟放低~ 最後還有小插曲, 點了反沙芋, 可是等了很久還未送上, 催促侍應，他們只

潮州打冷，你會聯想起很多的特色美食，可能包括炸蠔餅，烏頭魚及滷水拼盤等等，這一些都是打冷之中的代表作 ~ 但如果要想起一間正宗的潮州打冷餐廳，你又會想起哪一間呢?位於長沙灣東京街的它，菜式確實夠正宗，選擇夠多之餘，餐廳位置亦鄰近地鐵站，整體上性價比挺高的喔~餐廳門面鮮明有條理，容易察覺 ~店內環境不算太大，不過設有多張大枱，證明大枱的需求較高，亦乎合一大班朋友去打冷是比較受歡迎的 ~不過今天我們就只有3人，都是一個不錯的組合喔~ 同時，不要看上圖一位客人都沒有，當時是晚上6時正而已，時間一到晚上7時左右，餐廳立即爆滿....大部份的菜式，餐廳都有提供圖片參考，可見每款都相當吸引，而當晚所點的菜式，從菜單到出來的實物都沒有圖文不符的感覺 ~潮州滷水豬頸肉 - 豬頸肉經滷水烹煮後，口感軟熟，除本身的豬頸肉味道外，還有香濃的滷水味 ; 如果味道覺得還不夠，仍可以加上餐廳一同提供的潮州辣椒油，此辣椒油非常香口亦非常著名，因為它就是夠香 ! 同時，此辣椒油亦適用添加於多道菜式之中，非常不錯 ~ 而此滷水豬頸肉更可視為這一餐的頭盤小吃 ~ 潮州元朗烏頭魚 (附上豆卜) - 這一道菜可謂潮州打冷菜式

周日晚上，同兩個跟我一樣麻甩嘅女子選擇食潮州打冷。黎到呢間位於長沙灣嘅 潮州正宗打冷小廚！之前上網做過功課，呢度特別在於供應好多外面無得點嘅菜式！琳瑯滿目嘅野食已經呼喚緊我身為吃貨個肚喇！時間大概晚上7點半，食客都坐滿甘制！好彩早到姐鹵水鵝肝 （小）$168法式/西式煎鵝肝就試得多，潮州鹵水嘅又食過未？#潮州人 話必試！果然鵝肝吸曬鹵水汁味，入口即溶又唔覺膩！正！潮州獅蚶 $78 （小）初嘗開獅蚶神器，真係勁易打開！打開嘅獅蚶醃到超香蒜頭醬油辣味，肉汁勁鮮甜，友人同我都係獅蚶怪，食完encore 多碟！煎蠔餅 (小）$56蠔餅份量都唔算細，蠔仔肉肥美都多隻。熱辣辣脆卜卜，又唔過咸！辣酒炒花螺$98用炒嘅形式比較少螺好大隻，食落好滿足！螺肉都煮得幾稔身！鹵水雜拼鵝片（小）$158呢知簡直系選擇困難症嘅救星！矜貴嘅鵝片好少會出現拼盤入面，仲有掌翼添！想食鹵水但又心思思呢個拼盤可以話齊曬！好彩食前影左張合照，一陣龍捲風食清晒！仲有佢地嘅白粥都好值得一試！識食打冷嘅人係要配白粥 $9大大碗，米花煲得好綿滑！呢餐大家都表示好滿足

今晚約了舅父去打冷，舅父是潮州人，最喜觀食滷味及蠔仔粥。我見這間在長沙灣新開的滷味店價錢不貴，加上他又是住在附近，所以帶他來一試。星期日晚未夠七點到達，已經有且8-9成滿座，我們被安排坐在門口處，環境比較擠迫。除了打冷外，這裏還有小食等提供，款式甚多。我們只有三個人，所以全部都只要了例牌，免得浪費。潮州滷水鵝片鵝片每片切得厚薄適中，滷水汁非常入味，鵝皮煙韌，鵝肉很腍，下面還有些滷水豆腐及花生墊底，花生煲得很腍很好味。潮州滷水雜拼雜拼有豬大腸小腸、紅腸、墨魚、豬耳、豬頸肉等等，其中我最喜歡的是豬小腸及豬耳，非常爽脆，其次是墨魚，煙韌彈牙，下面還墊有芽菜，飽滿又爽脆。元朗烏頭烏頭裏面還有點黃油，顯示烏頭都幾肥美，肉質雪白且嫩滑，新鮮且不腥，外層以鹽醃過，所以只沾少許黃豆醬已經好鮮味。煎蠔餅蠔餅炸得很鬆脆，蠔肉不算多，但不會太油膩。蠔仔粥用料十足，有蜆、蠔仔、肉碎及冬菇絲等，粥底鮮甜不腥，蠔仔肉新鮮，飯粒不會煮得太腍。整體味道不俗，滷味都是大既百元，價錢合理公道，不過是座位比較狹窄。

見食評唔差去試一試，點知失望至極！食物偏鹹，服務態度極差！有禮貌地問侍應叔叔特式麵線有無芽菜，佢態度極差地回答：「鬼知呀！又唔係我煮！」我只好再説：「可唔可以幫我問下廚師？如果有幫我走芽菜。」佢話：「哦！」點知上菜都係有芽菜！厘種服務態度及食物質素完全唔值咁貴！係試過咁多間最差既打冷！絕對唔建議去!

今晚OT到8點，同事提議去打冷，我們就坐一個站去了長沙灣醫肚！這間潮興打冷很旺場，都坐滿了人，幸好都不用等太久就有位！一貫潮州打冷餐館的做法，近門口會有很多食物，例如凍蟹，鹵味！客人可點選！打冷怎少得鹵水鵝片，鵝肉十分嫩滑，鹵水味調較得很好，鵝肉脂肪又不多！鵝片底下有鹵水豆腐，也很不錯的！鹵水雜拼樣樣都有，有墨魚、大腸、生腸、紅腸、鵝腸、豬耳、鹵水蛋等等！全部都鹵得好入味！腸類最怕有怪味，這裡一定沒有！我最愛鵝腸，口感很爽脆！朋友很喜歡墨魚，好入味又不會韌！另一樣差不多每枱都有點的是秘制辣酒炒田螺，很香很惹味！是偏辣的，送酒一流，所以我們點了一枝藍妹！這個是下單時店員推介的特式三杯雞，雞件先炸過，再用調味料炆至入味，雞肉很嫩滑，也吸收了醬汁的味道，偏甜的，所以不會口渴！久不久來這種別有一番風味的打冷餐館，熱熱鬧鬧，店員跟食客都像朋友一樣，確實不錯！

放假搵朋友食飯, 佢帶我黎佢屋企附近呢間潮興打冷, 勝在開得夠夜而且好味道.打冷要鹵水拼盤唔少得, 呢個拼盤真係好豐富, 鵝片, 生腸, 紅腸, 魷魚, 豆腐, 連鵝腸都有, 睇到已經流口水.重點既鵝片鹵得好入味, 肉質咬落好軟腍, 層皮又唔會太厚, 食落好香.生腸同鵝腸好爽口, 夠乾淨. 紅腸唔會切得太薄太細.魷魚夠腍唔會硬實實, 豆腐都夠晒入味.佢呢度個鹵水汁真係一讚, 唔會太咸帶少少甜, 食完無口乾, 而且味度濃郁.

中式野好鍾意食打冷, 因為有鵝片, 蠔仔, 豬紅果D, 平時少機會食.今日響深水步收工, 肚子餓都係食埋飯先返屋企, 見呢度有間潮州打冷, 即時興起, 一於試下先.要左個煎蠔餅, 煎到金黃色, 好脆口但唔油膩, 而且無過晒火, 外脆內軟.D蠔仔新鮮, 好香蠔味, 而且一粒一粒漲卜卜, 好有口感, 夠彈牙.蠔仔足料, 唔會剩係得舊餅.仲有潮式煎麵, 平時去開酒樓食, 原來細鋪仔都會有, 煎麵唔會太硬, 又唔會太乾, 食落好爽口彈牙.就算凍左都唔會乾到一PAT PAT. 而且食落D麵好香蛋麵香, 好好味.下次再黎可以食埋豬紅, 鴨舌.

昨天晚上同家人一起去試試這鋪頭，點了鵝件、滷水生腸拼鵝腸、鵝肝、蠔餅四款食物。鵝件整碟都是碎濕濕的拼埋一碟，味道只有死鹹。滷水雙拼全冇味道，但都好過碟鵝件。蠔餅還可以，不過不失。鵝肝就差到離曬譜，又硬又實，又冇鵝肝味，都唔知是不是鵝肝，連雞肝都好食過佢，吃了一件已經停手，冇人吃，還賣咁貴。不會再來幫襯，之前看到的食評，我估也是搵人寫的假消息，吃過最差的一間打冷鋪，比他揾一次笨，以後不會再來

媽媽成日想食鵝紅，係鵝紅唔係豬紅，難得發現呢度有，即刻嚟試，超軟滑，同豬紅比完全兩回事 田螺，好多地方都無得食喇，夠入味 鵝片，呢個必食，鬆軟，夠滑，比起其他有名氣嘅打冷店，呢間贏晒另外ㄧ般小菜，炒麵線，方魚炒芥蘭，烏頭，鴨舌.... 都係有水準之作， 因為掛住食，有D都唔記得影相