潮薈軒

营业中

休息中

趁着假期就同屋企人去試吓公司附近嘅一間潮州菜，餐廳係位於巧明街附近非常之近APM，觀塘又比較少潮州菜館所以呢一間餐廳就吸引左我地。一入到去侍應就好好咁樣招呼左我哋，餐廳嘅裝修非常之光猛而且枱同枱中間係有好大嘅空間坐得比較闊落估唔到下晝兩點仍然都有咁多台客。係叫點心方面我哋就叫咗一個蟲草花蒸魚肚份量非常之十足，調味啱啱好蟲草花都好多仲叫咗一個係潮州菜嘅招牌糖醋麵。煎得非常之爽脆，加埋糖同埋醋去配搭，好香口好惹味。唔係成日食潮州菜嘅我，覺得非常之特別 我哋仲叫咗蝦餃同埋芋茸流沙包，蝦餃裏面個蝦非常之大粒同埋爽口而且個皮好薄熱辣辣，非常好食流沙包亦都唔錯唔會好甜。最後我哋仲叫咗呢一味川味雞。呢隻味小菜係我嘅最愛雞醃得非常之香口令我吃過不停，值得一試總括嚟講呢一間潮州酒樓性價比高，食物嘅品種亦都好多兼且服務態度亦都好好環境舒適坐得舒服

今天到觀塘行街，看到宣傳有新店，跟朋友上去一吃。原來吃潮州的食物，朋友胃口不大，也就叫了一個湯和小吃算了。滷水鵝掌滷水是潮州非常有名氣的食物，朋友因此想一吃呢，想不到，皮薄肉嫩的鵝掌，給陳年滷水煉得琥珀晶瑩。銀刀一剖，鵝油飛濺，滷汁四竄。再順勢而下，俐落去骨，分成兩份，擱在碟上，令人易吃，愛吃滷水的朋友，一定不可以錯過滷水鵝掌翼，很多人都說鵝掌翼好吃！真的棒，鵝掌部份的皮薄，能夠將滷水的精華完全，再補一勺微熱滷汁，感覺不錯。紫菜豆腐肉鬆湯紫菜營養價值高，朋友很愛紫菜。很喜歡煮這道快，靚，正營養湯水。網上一看，發現紫菜有助改善記憶力和注意力，而且這道湯食法簡單，今天等了５分鐘內能上桌呢，你也快來試試吧！真的是快靚正紫菜豆腐肉碎湯呢～紫菜份量也多，視乎個人口味你可以自己揀的～軟豆腐，沒有滾爛。這天的這小吃和紫菜肉碎豆腐湯，令放工有時想飲湯的朋友，煲湯不夠時間，可以試下來飲這個快靚正滾湯喔！

作為一個藍田人黎講(尤其住麗港城既朋友)，對敏姐呢個名應該唔陌生~曾經跟朋友到過麗港軒食潮州菜，其蛋白蒸蟹真係令人回味。知道最近敏姐喺觀塘新商廈開店就帶老公一試。打開Menu樣樣都好想食，奈何今晚只有2個人用餐，咁就簡簡單單二餸一湯有魚又有肉，點左凍魚、湯同鹵水鵝~餐前小碟既蘸咸酸菜惹味可口，輕食數片真係胃口大開!胡椒咸菜豬肚湯每次食潮州菜唔少得既胡椒咸菜豬肚湯，湯水味道雖帶陣陣噗鼻既胡椒強悍氣味，入口卻毫不傖喉不辛口。趁熱舀一大碗喝後身驅漸冒起一種血脈沸騰之感，胡椒粒能起暖胃温腸，散寒既作用。湯水色澤奶白，每一啖都順滑兼冇大胡椒渣粒。豬肚咸菜兩者用料甚足，豬肚前期處理功夫亦做得徹底，完全沒有腥味又或是內臟味道，要嚐呢個湯品還是建議到菜館總比自己動手做來得簡便輕鬆!凍烏頭潮州以海洋產物豐庶見稱，除左為人熟悉既方魚肉碎蠔仔粥之外，凍烏頭都係慣常吃到既大眾化菜式。烏頭魚上碟時魚身已呈半開狀，潮州食法喜歡配上黃豆醬一起吃，把小幅魚肉片輕點醬汁更能提升魚鮮度，而且豆醬本體亦唔太咸味，用後不會口乾。魚肌結實鮮味且白潤，呢度會去掉大骨駱位，都幾細心，用叉起肉真係啖啖肉。鹵水鵝肉併鵝肝潮州鹵味非常有

今日同媽咪想食潮州野 係觀塘唔係太多選擇 唯有上openrice 睇下 見呢間野新開又幾試正咁 所以就去左試下～ 入到去發現間野真係好大 我地早黎 所以未算好多人 坐低就睇下餐牌先！好傳統既潮州菜 有哂我鐘意食既野 yeah! 我地好快點左隻凍蟹 螺頭燉湯 滷水鵝 同個四季豆! 叫完菜都好快上齊 個螺頭湯好得意呀 用個茶壺仔裝住 倒出黎就飲得 一飲落都覺得好足料 有螺頭味 打開個壺仲有螺肉同雞腳眼 媽咪好鐘意呢個湯跟住就開始食蟹了 凍蟹幾鮮味 好有潮洲既風味 滷水鵝都好入味 唔會死鹹 賣相都好靚！四季豆炒得好好食～ 加埋D肉碎好香！香港人點都要叫翻個小炒先開心既！ 呢間野整體唔錯 下次有機會再黎觀塘食飯會再食

今日晏就經過觀塘 路經巧明街見到新開左一間新嘅潮洲菜- 潮薈軒由於好耐都冇食過潮洲菜 所以我地就上左去試下啦！⼀入到去 侍應就好好招呼 坐左入去之後 侍應就俾功夫茶我地 細細杯幾開胃 點⼼⽅面 我地就嗌左叉燒腸 雪山叉燒包 潮州韭菜果 蔥油海蜇 叉燒腸潮州韭菜果蔥油海蜇雪山叉燒包叉燒腸皮薄餡靚 叉燒味好出 口感好好 雪山叉燒包味道好夠 吾似出面啲空氣面包咁 好足料 但係如果個外觀可以再脹啲 會再靚啲 再吸引啲潮州韭菜果 簡單嘅餡料 韭菜味好出 好少係一般酒樓食到韭菜果 簡單又好味蔥油海蜇 酸酸辣辣好開胃 之後仲嗌左潮洲招牌 兩面黃 煎得好脆身 加埋糖同醋作配搭 對於吾係成日食潮洲菜嘅我黎講 係一個新嘗試 幾特別 ⼤家一定要試下兩面黃 食潮州美食 當然吾少得嗌滷水 我地嗌左滷水鵝件 底下再有滷水豆腐 滷水好入味 值得一試滷水鵝件依間新開嘅潮州酒樓真係好值得一試 食物款式好多 服務態度都好好 環境舒適 吾會太逼 經過觀塘要試下！

今日一行六日來到尼間新開的潮州私房菜食晚飯，我吔無訂位，上到三樓是非常有中國風特色的酒樓，不錯，我們選好了餐單，有老水鵝片好嫩滑，凍蟹多肉好鮮甜，老闆話海鮮佢哋每天親自送到，食物好新鮮及大碟。個人推介 豬肚湯超濃濃的胡椒香味，湯底是奶白色的，睇得出湯至少煲好幾個鐘好喝。食完飯重有包潮式綠豆爽 不太甜剛剛好。