澳瑪葡國菜 (已結業)

父親節我地一家三口去左尖沙咀Alma食鴨仔下午茶 Alma近海運LCX，其實我地行街成日經過，但最近知道佢地有鴨子主題下午茶，價錢又不貴，所以就訂枱來試試～原來B. Duck嘅妹妹叫 Buffy，媽我今日先識佢，一來到餐廳門口便有隻大Buffy，當然要打卡啦！巧Duck耳呀！我們2大1小一齊食一份Buffy下午茶，menu都零舍cute過人！甜點和咸點各有4款，另配2杯咖啡或茶。下午到啦！好豐富啊！碟子是粉紅色和黃色，跟Buffy好襯啊！咸點很夠份量，迷你安格斯漢堡飽內的漢堡肉很厚肉，而且有香濃肉味啊！ 另外吞拿魚醬多士好可愛，多士是Buffy的樣子，多士可能先烘一段時間，所以不夠脆和熱，但吞拿魚醬味道不錯，夠醬汁又不腥！ 而煎吞拿魚味道都幾fresh，青瓜大蝦一般，因為是冷點，就唔太啱小朋友食。小朋友還是愛甜點多點，推介Alma招牌葡撻，熱烘烘的又香甜，好好味呀！ 另外阿囝中意食紅苺蛋糕，這款不太甜，面層是cream狀，中間是海棉蛋糕，餅底是脆餅，多重口感。 馬卡龍上有趣緻的Buffy樣子，吃得特別開心！ 而芒果忌廉泡芙就似乎過甜了一點，我真係食唔到咁甜，但阿仔自己一個食哂，仲話好好

行完海港城搵個地方食個Tea先，呢間b duck咁可愛啱哂帶住小朋友嚟食！先講咸點。。。迷你安格斯burger好香牛味多肉汁，似某扒房的質素，而吞拿魚係厚厚的，也是高質素，不似普通壽司店食果d口感豐富，有少少芥茉但蝦配青瓜有點失望，蝦味道淡淡的，青瓜是清新，但沒有帶出蝦的鮮味，而另外吞拿魚醬很一般，沒什麼特別，多士得個樣，不脆。甜點也有4款，最普通是萄撻，無驚喜，相反泡芺有驚喜，不只是甜，有少許芒果味，有點像奶黃似的，有層次馬卡龍都ok；而紅莓蛋糕白朱古力脆，底同上半球分開🙈可能因為最後先食，已經溶溶地🤣不過呢個甜點相信都比較用心，雖然比較甜，但很香starwberry味，溫馨提示就算上下分開也不要分開食,因為脆底比較甜連埋上面的蛋糕食才剛好😍整體環境同食物都不錯！另外仲有b.duck的手機金屬扣或散子包仔送。

farewell lunch🍽葡國菜平時好少食 應該都係去澳門先會簡🙃餐廳環境唔錯 如果坐窗邊可以望住海景食飯🌊點餐諗左好耐 烤雞好定其他🧐最後點烤雞 點知要等45分鐘😨就改點烤乳豬配薯條🍟但係都等左35分鐘都未有野食 經理態度又唔太好 成件事扣分😖到上豬時 好難切因為乳豬皮有點un😥好彩第二件係脆卜卜😯肉質係唔錯既 但有點咸 醬可以唔點⋯同事既魚賣相都唔錯！總結 其實最好味係佢杯野飲😂😂有d似水蜜桃茶

「海邊既葡式風味」尋覓世間奇怪又好味的食物係我的目標！藍天，海景，葡國菜.星期六的下午去左海港城食lunch. 餐廳設有落地玻璃，一路食一路望出維港特別有風味. 平時好小食葡國/西班牙菜,呢次算係初體驗. 總括黎講可能佢地鍾意食重口味野食，每款都好香但就油左dd好鐘意室內環境，陽光晒住每一處，加上對住咁靚既海，好似去左外國渡假咁.2點幾好多人黎食tea.一流既葡撻，成餐飯既重點🤤葡式乳豬🐷蜆肉佢地習慣加好多油係炒飯度🤔

香港嘅葡國餐廳唔知點解唔係有好多選擇，印象中响中環嗰間叫似d葡國菜，其他嘅都只不過係一間中、西合壁嘅餐廳，今次呢間亦不例外，就當係一間西餐廳算啦，好在餐廳對住個維港，我哋下午六點多入坐，啱啱睇到日景、日落景同晚景，值得加分。今朝經個apps 訂枱，再打電話去要求坐窗邊位，接缐生話唔一定有，好彩去到都安排到。坐底睇吓個餐牌，講真，心中嘅葡國菜呢？馬介休、沙甸魚、牛尾、葡國雞⋯⋯ 成個餐牌都見唔到。今晚我點嘅嘢食係⋯ 龍蝦湯、清酒煮蜆、馬介休薯仔、龍蝦併燒牛柳、西班牙海鮮飯、霹靂燒雞。雖然全部都唔係葡國菜，不過野食係ok 嘅。d蜆好大隻，幾鮮味，龍蝦湯亦夠濃，如果加少少龍蝦肉會再好d，馬介休薯仔炸得幾香，龍蝦正常啦，牛柳五成熟啱啱好又夠冧，西班牙海鮮飯就一般啦，下次可以唔試，至於個癖力燒雞，個名就勁，得個名勁囉，食落好一般。服務係唔錯，服務周到。環境唔錯，不會太嘈吵，風景靚嘅，坐位唔會太迫。整體野食、環境、服務唔錯嘅，不過就唔似係一間食葡國菜嘅餐廳囉。

今日終於忙完工作，同事就話不如今日去食葡國菜 之前都喺海港城見到間葡國菜裝修都唔錯，而且仲可以見到海景，所以我哋今次就book咗枱三個人一齊去食葡國嘢 。去到門口 見到有葡撻 ，睇落個樣都唔錯，所以諗住一陣間都會叫一個嚟試一試。餐牌都有唔同嘅選擇，價錢都可以接受，最後我哋就叫咗個乳豬 全日早餐再加一個葡撻 ，作為一個甜品 。乳豬冇幾耐就嚟到， 喺呢份量都可以，而且有得揀薯蓉同薯條 ，我同事就揀咗薯蓉口感的確唔錯 而且味道濃，怪不得差不多每一台都會叫薯蓉。但係薯條就好失望， 因為薯條太凍而且淋身唔夠脆。乳酸方面味道都唔錯醃料 夠味 而且肉都算嫩滑皮都脆口。 全日早餐就偏油， 而且分量都唔算好多， 不久就到我哋食甜品葡撻嘅時間 但係沒想過其他最失望嘅一個甜品， 但未唔足而且偏甜葡撻唔脆口淨係得十分之油，食左一半放棄了。

I came here once two years ago, LOVED it so much!Introduced friends to come, one been here 2 times in the last 6 months, but this time with me, but both of us find the menu has been changed again.They used to have delicate dishes with unique flavors, now is just common HK kind of western food and doesn't seem to worth the price.  Expensive, very small portion.Not bad, but no more special.still a good place for happy place with the harbour view

無意中搵到海港城有間葡國餐廳估唔到超級好味，係openrice訂位無加特別要求下比左個海景位我地，已經好開心，食物仲要超班，但佢最好味既竟然唔係葡式食物，而係…炭燒安格斯肉眼扒$288超級好味，個扒係鐵扒上,,佢一倒個汁超級香！！切開試一啖好有牛味，又無筋已經秒清左成塊扒葡式烤乳豬$250 皮薄脆口，好耐無食過依陣烤豬仔味，通常食中式既乳豬多嘛，皮脆肥肉又多依個就唔會，大大啖幼嫩豬肉溶化係口裡面西班牙海鮮飯$238 依個反而麻麻，成個飯都偏乾味淡，不過海鮮就好多蝦、青口、蜆…都好鮮係個飯真係太亁黑松露薯蓉；依個都好味，松露醬味好出，薯蓉好滑靚景配美食，服務又唔錯可以再黎

係海運中心食完女士M，唔太肚餓，見到呢間未食過，諗住試下新野就決定入去餐廳入面有好多位，其中大部分係「留座」，但都要係出面等5分鐘，先有人安排到位置入去坐環境裝修唔錯，隻碟圖案都甩左色期間有侍應不停幫手加水，呢樣野幾好，數過同一時間有九位侍應加一位經理係場內我同朋友兩位，嗌左一個飯&一個意粉，大家share食落單後會有侍應送上麵包+牛油，個包雖然係暖暖地，但咬落去好硬西班牙海鮮飯>難食，中伏之選，仲要2百幾蚊真係可能唔啱我口味啦慢煮牛意粉>牛好冧幾好味，意粉上面有啲乾芝士配埋都唔錯總結：無下次Btw，臨走埋單前見到門口有一堆人排隊，望返餐廳入面，仲有大把位既，相信係無固定人手睇門口所以入座效率咁慢

價錢與食物不相符，價錢非常貴，食物質素非常港式，而且服務差， 如果如非必要都不會再來， 一個葡式海鮮飯但係只係食到番茄味， 另外叫咗個意粉係蕃茄意粉但係就什麼味道也沒有

星期日約左朋友係海港城食lunch傾計，原本約左去既餐廳太多人排隊，於是就周圍行下睇下，見到呢間無人排，二話不說就入左去。裏面既環境真係唔錯，枱與枱之間既距離好足夠，唔會聽到隔離枱人講野既內容，好適合同朋友傾計。而且有無敵海景，個日天氣又好，光線充足，整體感覺好舒服。環境好，同朋友傾計都傾得特別起勁，所以唔記得影食物相😝三個人叫左三個菜。左面既係紅菜頭沙律，紅菜頭係一種好健康既食物，有勁多抗氧化劑，好健康，而呢個沙律汁清清地，好配合d蔬菜。中間係餐包，無咩特別，一般餐包。右面既係檸檬白酒煮青口，青口幾大隻, 味道都唔錯，幾鮮甜。我地仲叫左個西班牙海鮮飯，但無影到相，而味道道一般般，。整體黎講，食物ok👌🏻，價錢都唔便，環境就好舒適👍🏻。

星期五放咗工約咗好朋友食飯， 用openrice book咗尖沙咀海港城嘅呢間葡國餐廳。我哋一行五人，畀咗張梳化位畀我哋， 我一去到坐咗喺梳化對住海景嗰邊， 即刻同朋友講個景好正呀 可以對住海景食飯，又可以睇幻彩詠啷啷我哋嗌咗一個沙律， 叫咗招牌菜霹靂春雞，乳豬，西班牙海鮮飯同埋三個sides。 成餐飯覺得最好食就係個沙律同埋薯條， 霹靂春雞好濃味， 豬手個皮都脆但係食幾啖就覺得好 漏， 西班牙海鮮飯啲海鮮一啲都唔新鮮， 咁就唔好期望啲飯有海鮮味啦。 我哋五個女仔都唔係話嗌咗好多嘢食，每人只係每樣食咗少少就已經覺得好濟同埋超級口喝，我成餐飯應該有飲咗四杯水 返到屋企仲要繼續飲先至覺得好d 唔知係落咗味精，定調味好濃， 總之之後想食葡國菜，都唔會諗起呢一間。

家姐幫我訂左嚟呢到食個細細地既生日飯。簡簡單單就好了。呢到望住海景都幾唔錯架。first start with salad, 紅菜頭其實真係好好味，又健康，係之後去廁所時得人驚啲...main course原本叫魚，但係竟然賣晒(其實都唔係好夜...), 咁就轉左lobster and steak. 未見過龍蝦咁多膏！都幾好味。其實仲叫左個雞，不過唔記得左影相。味道都幾特別。最後食葡國野無理由唔食葡撻。hmm..... 同kfc差不多.....我都鍾意食kfc個啲架

係香港唔係成日食到葡國菜，有次行行下海港城發現呢間奧瑪葡國菜，於是就book左一日坐望維港景嘅檯食晚飯。成間店鋪環境都好舒服，仲有所有啲碗碟都係有葡國特色，用番藍白色嘅格調。咁我同太太就叫左一個湯一個主菜同個小食。馬介休球　係澳門基本次次都會叫嘅菜色，呢度整得相當出色，好香嘅薯仔味，入面嘅馬介休大大舊得黎又唔係好鹹。葡式薯蓉青菜湯，一樣好香薯仔味，入面仲有好多片葡式臘腸，不會遜色過澳門餐廳。霹靂雞翼，最有驚喜同值得試嘅菜色，上面嘅黃色醬汁，甜甜酸酸，好開胃，雞翼本身有好濃嘅炭燒香味，外脆內嫩，再講多次係好好味！仲叫左個主菜海鮮飯，不過掛住食唔記得影~以後唔洗去澳門都可以係奧瑪葡國餐廳嘆到正宗葡國菜。

同舊朋友好耐冇見，為咗爭取更多見面嘅時間，我哋就揀咗呢間可以預先卜定嘅餐廳（其實就算唔卜就咁walk in都有大排位）。朋友話佢個招牌燒春雞唔錯喎，隔離枱個鬼佬都好似食得好滋味咁😳，我就聽佢講點咗個嚟試吓。一上枱，「嘩」咗吓，好大份😱...雞上面仲有層橙橙哋色嘅汁，少少辣咁幾開胃！加埋粒粒分明、軟硬度剛好嘅白飯，真係好好味🤩！可能預先上網卜枱嘅關係，仲可以坐喺窗邊欣賞超級無敵大海景，配上無限添飲的微甜紅茶😳，寫意！又一餐。