澳瑪葡國菜 (已結業)

我同男朋友都很怕坐船, 每次坐船都好辛苦, 會頭暈兼眼花！！雖然澳門距離香港好近, 想食葡菜都好方便, 但唸到要搭船真係怕怕！！ 所以都係係香港揾葡國菜食就好, 但又怕食得太飽, 於是揾到係尖沙咀嘅澳瑪葡國菜歎過 High Tea!! 嘩！！我最Like 嘅成個三層架上枱！！吾食得都睇得啦！！最上層有兩個葡式雞批, 香脆可口, 雞肉都算多！！仲有兩個葡式肉腸麵包就無乜特別！！中間個層有一個澳門豬扒包, 包包都幾焗得幾香脆, 豬扒肥瘦適中, 一D都吾乾BB, 抵讚!! 同兩個葡國蛋撻好好味, 酥皮夠脆加上幼滑的蛋餡, 絕！！最底層有個朱古力軟心蛋糕同兩個肉桂軟蛋糕就ok啦！！最後加埋兩杯香滑凍咖啡！！

友人在這間儲夠了印花 有$250 cash coupon 就來這裏食個晚飯 心想在能在海港城的海景鋪位生存 應該有相當質素......但是我錯了飲品加是日小食是happy hour set $78， 7點前供應飲品還好的 有 有酒精同無酒精揀今天的小食是炸魷魚圈 大概有6-7塊 味道還好無特別 起碼是熱的炸馬介休球 一份好似$78 有大概5粒 正常的味道正常的溫度食完兩個正常的小食 伏開始來了炭燒霹靂雞翼（$75）只有5隻 而且 是凍的 是凍的 是凍的！！凍之餘肉都是好硬這樣普通的雞翼從來未想過會中伏葡式肉腸焗鴨飯又是另一個大伏飯好乾 可能這一種米是這樣的 不怪他但鴨肉都是非常乾 加上是撕碎的 鞋的不得了 肉腸好鹹 但味道又跟其他的材料撈不埋葡國雞的雞肉一如既往的鞋又一如既往的有match不了的肉腸食過這餐只有一個疑問 為什麼這個質素的餐廳還能生存下去扣掉coupon 一個人都要百幾元無下次了

同事介紹話唔錯，之前食過葡撻都幾好，於是今次試試堂食。入到去被安排坐係牆邊梳化位，張梳化的盡頭唔係痴住道牆，個人好似跌左落去咁🤦🏻‍♀️隔壁位D袋放左係兩枱中間的梳化上，一邊牆一邊袋，勁逼勁辛苦！今次點咗葡撻、魷魚圈、海鮮西班牙飯同兩杯飲品——真實經歷，以普通客人身分寫，真金白銀比錢，非打手。沒有誇張失實。已盡量用客觀角度欣賞。——葡撻：熱辣辣，個皮好脆，但中間蛋漿位置太甜！魷魚圈🦑：呢個好食，十分推薦！魷魚唔係個種咬緊唔斷的魷魚，一切就斷。不過有少少油膩。海鮮西班牙飯🥘：期望愈大，失望愈大！雖然適合香港人口味，唔似西班牙的咁濃咁咸，但海鮮真係令人食唔落。面頭的蝦🦐要自己剝殼！青口和蜆臭到好似變壞咗！太誇張啦，完全食唔落！蝦最基本都應該冇殼啦，唔係個蝦味點入個飯到？蜆肉粒粒煮完得張紙咁薄🤷🏻‍♀️又臭！唔推介。沒有失實，當時冇同服務員講，因為太失望，唔覺得講左會有改變。飲品：Lisbon fizz 橙加芒果🍊的Mocktail, 略嫌太細杯。 Portuguese Sangria 🍷好似冇乜酒精的Cocktail，唔係紅酒做Base, 當冰溶咗先有酒精😅普通。-整體，唔會有下次。唔知係

服務可以接受，但食物完全係失望透頂，由佢10分鐘可以起到菜已經覺得有啲伏，嚟到擺入口更伏。 另外張凳極窄，唔好講我肥既辛苦，連我標準身材既兩老都覺得好似坐緊國泰商務艙咁…1. 燒雞，呢個已經係全餐最正常既部份，醃得算好味，但皮好淋同微溫，唔夠熱2. 燒豬， 皮韌既，另外騷，非常騷，仲要第一碟係酸嘅，再做一碟都係騷，皮連微脆都做唔到，醬汁仲要同個菜式味道相沖3. 海鮮飯，明顯係預製再番熱，乾柴，飯極硬，海鮮唔新鮮完全無鮮味，蜆係僅僅熟，青口冇味，蝦痴殼同霉簡單嚟講留返啲錢去第二度好過

剛去完Portugal, 掛住D馬介休,見用exxxgo 訂有折扣就試下新餐廳.環境: 好！安排窗口位有維港景睇食物:一般 ～ - 頭盤既蝦好味, - 馬介休同乳豬一般, - 最差係火腿芝士球, 一d火腿都冇!問經理佢話mixed咗落去,果d外表似’渣’就係...想死酒:好, 幾多選擇, 正常價可以一試,希望下次去有進步

唔講其他，食評只講食物，已夠差了。。我們這一家，2大2小，是日晚餐點咗：薯蓉青菜湯、白酒煮蜆、炸魷魚圈、葡國腸焗鴨飯，牛肋骨。等我續樣講：薯蓉青菜湯~ 其實係一碗忌廉湯加薯蓉，至於青菜~有嘅，三幾條囉！我認識嘅正常青菜湯應該係半透明帶微黃嘅湯（因有薯蓉），然後清晰可見滿滿嘅青菜，每一羹裝起都好多菜，再加少少煙火腿絲；但呢碗嘢一上枱，我仲以為佢比錯忌廉湯我！中間有一小撮菜，都唔知有無三條，再加切到好厚嘅葡國腸兩塊，完全唔係嗰回事!白酒煮蜆~雪藏蜆就預咗㗎喇，但雪到完全無味嘅又難得嘅! 碟嘢除有少少酒味，嗰啲貝殼類有蜆肉嘅咬口外，其他真係唔知點形容。。啲蜆係完全無蜆味嘅，啲汁又好少，食面嗰啲就無汁又無味，食到底又咸，碟嘢好細碟，但就有好多唔開口嘅蜆，淨係我自己一個用手打開都有10隻，未計我老公! 此足以証明佢唔單止雪藏，仲要係死咗一段時間先雪炸魷魚圈~ 剛上枱個賣相幾好，用义一拮落去就知“瀨”嘢! 剛炸起都可以硬到要用力先拮到落去，咬落好似炸過籠咁都係硬嘅，都唔知佢啲炸粉點調較。反而攤凍咗“淋”啲易食啲。牛肋骨~ 我寫食評同做人一樣都係持公平態度，唔好就唔好，好嘅都如實回報。呢碟牛肋骨係整

話說上月已吃過一次發現只吃沙律已很飽今日想吃得輕盈點 又想念紅菜頭橙沙律於是再訪細看餐牌原來主題標榜Super food雖然不算很多superfood的選擇但還是吃得有營每日的沙律應該都不同今天沒有紅菜頭 有點失望老公很討厭紅菜頭的怪味難得這裡同香橙及橙汁調過味不過今天有黑豆沙律及kale附上的無限添加的特飲今天點了熱的水果茶 同樣美味只吃沙律的話 variety 算不錯有通心粉沙律 南瓜沙律 豆類 芝士 麵包 水果 菇類如果有湯會更好吃了2碟其實已飽 甜點選擇都有4，5樣都是一口的蛋糕 價錢及食物質素都不錯

平日的晚上，海港城的每間食肆都有食客在等候，惟獨這間可以直接進入餐廳，雖然有點不好的預感，但為了節省時間，也為了滿足一下好奇心，就姑且一試。餐廳最可取之處是景觀甚佳，空間感十足，可一邊用餐一邊欣賞碼頭及維港夜景。打開餐牌，食物單價不算便宜，但慣在海港城也習慣了這樣的價位，儘管點了一客馬介休球和一客西班牙海鮮飯馬介休球$98 一客五件，大小也就是正常一湯匙的橢圓形狀小小的一碟，只是非常普通的薯球。。。心裡當下響起了中伏的感覺$288 海鮮飯上桌了原來約只有十多厘米的小缽盛載著（絕對不是那種金屬小鑊）海鮮有三隻蝦、四五隻青口、七八隻蜆吃不出新鮮味 是冰鮮的嗎？ 所謂的燴飯，是已熟的白飯泡在一碟稀身的蕃茄湯中我們默默低頭吃完了這頓飯 抱著半滿的肚子回家泡麵去 食物質素毫無誠意，希望餐廳可以認真檢視食物的質素

Definitely not worth the value. Dishes are too small, doesn't taste authentic and average service. If you're ordering the suckling pig, I suggest you go for the large portion for two people. The "small" suckling pig that is recommended for 1-2 persons is definitely only for one. Also, don't expect you'll get sides and if you do, it will only be enough for one. All in all, I suggest you spend your money elsewhere and actually go to a more authentic Portuguese/Spanish dining experience.

中午飯點到海運大廈，已經估計不容易找到吃飯的地方，但居然發現這家萄國菜沒有太多人排隊，而且等了不足十分鐘就有位。但在侍應帶位時知道我們用廣東話就已經有點不屑的眼神，坐下來點菜發現餐牌上就沒有幾個菜可選，隨便點了一只烤春雞和鴨肉飯，估計兩個人應該差不多。不料兩三分鐘后侍應就說所有點的都沒有，而且一副你們還不走的態度。難以想像一點多就沒有什麼吃的，還打開門做什麼生意！不知所謂！建議大家下次考慮清楚才入店點菜！

又用窮人book位apps book到半價優惠之前都幫襯過呢間既lunch set,記得質素唔錯，今次試下其他菜式。待應安排左窗囗位，好大個海境order左紅菜頭沙律，烤牛筯骨配薯條及墨魚燴飯。紅菜頭沙律好good,好清甜，好啱我囗味。烤牛筯骨則普普通通，有肉味，不過有點過熟···伴菜薯條新鮮炸起，夠脆又熱墨魚燴飯同我預期差好遠，唔係難食，只係我誤會佢係墨魚汁意大利飯，上枱個時已為送錯可以用家庭風味形容佢，味道咸咸淡淡，值得讚既係墨魚一d都咁韌用apps後勁底，性價比高

望住海景食lunch係幾正第一次試葡國菜, 係平日lunch time去 係有dd 失望o既, 因為無想像中咁好味, 但其實唔係難食o既, 只係覺得d食物普通, 但個價錢又貴, 可能係因為係尖沙咀o既呢個地段啦。每set lunch $128/ set +10% service charge, 有d特別d o既set 需要加錢.包前菜, 主菜, 飲品: alma (任飲o既, 甜甜地幾開胃)前菜(appetizer): 可選沙律/ 是日餐湯/ 雞翼炭燒霹靂雞翼: 賣相唔錯, 仲要有3隻。有少少松露味+微辣幾香, 不過中間有少少紅驚唔紅無食到中間炭燒黑毛豬燸米飯: 賣相一流, 但好細份, 女仔食可能夠飽, 份量一隻手掌都遮得住, 但無咩味到, 岩d 鍾意食味道淡o既人。葡式蝦麵包糊: 第一次食麵包糊, 口感幾得意, 有d似食得粥, 蝦幾好食幾新鮮葡式雞配稷麥飯: 呢個係最好味果個似咖哩飯, d汁重椰奶味, 對比起上面果2個主菜無咁淡味. 入面有薯仔,以呢個價錢黎講去食個景係抵食o既..不過要早book 枱先易有海景位坐.

入到嚟先發現原來望到維港景色，仲安排到窗邊位俾我哋添，真係有少少喜出望外！如果早少少過嚟應該可以睇埋『幻彩詠香江』添！位置幾闊落，裝修就以藍、白色為主，所以感覺幾良好。今晚人客唔多，仲有幸安排咗 4 人枱比我哋兩條友。好可惜，我最想試嘅乳豬今日賣晒啦 =( 點咗其他嘢都唔錯嘅，送菜嚟嘅時候先發現原來今餐好多 carbo～炸馬介休薯球馬介休球係葡國菜嘅必選小食，味道鹹鹹地同時又帶點鮮味。煎蛋、番茄薯仔呢道菜本身有個比較特別嘅名，不過大懵嘅我已經忘記咗 lu～ 雖然只係一堆普通嘢，用個迷你鑊仔上又變身做新菜式啦。葡式肉腸焗鴨飯除咗賣相外，味道其實同中式臘味飯都非常相似。由於太多澱粉質嘅關係，只係三個餸都食唔晒，叫外賣紙袋拎走發現佢哋有經 網上外賣平台 做外賣，下次可以試下今晚錯過咗嘅燒乳豬喇！

又貴又唔好食，服務差到無朋友。。。叫又唔應睇到又唔理，碟又唔收。。。真係得一次無下次，點都唔會試多次，可以既連呢次都唔想試，啲食物可以等成個鐘先上，食物咸到死服務差到死。。唔想做就咪做吧。。離晒普

由於今日係國慶假期，而大姨媽有夜晚嘅煙花匯演嘅門票，所以我們約埋舅父舅母一齊去睇，但我們就提早喺傍晚嗰陣食晚飯，所以我們就去咗較早前去食過覺得唔錯嘅海運大廈嘅「澳瑪葡國菜」食晚飯！我們叫咗葡式烤乳豬嘅外皮同之前一樣烤得好香口脆身，肉質好鬆化軟滑，脂肪亦唔會過多，真係好正呀！招牌炭燒霹靂春鷄嘅肉質好鬆軟嫩滑，至於呢個秘製嘅醬汁係表弟最鍾意嘅，因味道相當惹味，而且外層燒到有層焦香，真係好好味呀！炭燒是日鮮魚伴時蔬今日嘅鮮魚係鰂魚燒得好香脆，而且香氣撲鼻，肉質好鮮甜嫩滑！葡式海鮮燴飯嘅味道好似有啲啲海鮮味嘅蕃茄湯咁，但蝦肉都唔係好新鮮，有啲霉嘅感覺！炭燒牛肋排一上碟嗰陣我們個個都覺得唔太滿意，因啲牛肋排燒到又燶又黑，食落有超濃烈嘅苦澀味，而且肉質亦又乾又硬，真係令我們覺得好失望呀！葡式蛋撻嘅撻皮相當酥脆，蛋味亦好夠香，而且甜而不膩！