澳門仔火鍋串燒專門店 (已結業)

今日諗住食火鍋。食左呢間。但真係估唔到野食係咁高質。諗住麻甩佬求其食火鍋。呢間入去都完全唔覺得特別既火鍋餐廳，竟然食到我地讚不絕口。叫左個花膠雞煲。好多花膠，湯底可以飲。湯底味道好夠味，好靚既打邊爐湯底。雞肉整到口感好似海南雞咁潤滑。雞煲整到隻雞一啲都唔老，都需要好好功夫。雞肉本身都葉得夠味道，真係好好食。之後黎左個八鮮盤。乜海鮮都齊曬。蟹，蝦，蚌類，生蠔，鮑魚等。可以好肯定咁講，全部都好新鮮，味道超好，好爽口彈牙！特級安格斯牛肉又好肥美。新鮮又爽滑。加埋我自己調既蒜粒沙茶醬，好完美。仲有麻醬，同食日本高質牛肉放題有得fight。食完海鮮，靚牛肉同雞煲其實已經好飽。但因為放題，想叫埋其他野食。雪花肥牛都係高質野。同旺角食既放題唔同，呢個肥牛真係靚肥牛。脂肪同肉分佈均勻。食到真係好興奮。豬頸肉都新鮮，好彈牙。本身湯底靚，其實浸咩落去都好食。但呢度既肉全部都好高質，所以再好味啲！魚滑爽口，墨魚味重，都係好好食既配料。仲有牛坑腩食。煮極都係咁柔軟，好好食。今日真係食左好多好靚既肉。好滿足，下次一定會再去！

是晚約了朋友到油麻地，做完野就去搵食啦，本來是打算吃小菜的，但見到餐廳有火鍋放題，由百幾蚊位到二百幾蚊位，豐斂由人。仔細看過餐牌後，決定點$278一位的火鍋放題，有海鮮盤同安格斯牛，好像比較化算。揀完餐，店員先送上前菜小吃，麻辣木耳同酸青瓜，開開胃幾好味。任飲飲品有韓式罐裝仲有無糖嘅茶，Hite啤酒等。醬料都有好幾樣，放題全包價，不用額外加錢的。火鍋爐用上gas爐，不知是否鍋太厚？火力不夠，整晚個鍋都無大滾過。點了澳門花膠雞鍋，如點其他放題價的話是要額外加錢的，咁就當然要揀呢個湯底啦，抵左嘛。鍋內有雞半隻，花膠，螺頭，藥材等，十分足料。湯頭極濃郁，太正了先喝了兩碗湯先開始打，飲完完全係黏口嘅感覺，啫喱狀，哈哈。雞脾，煲完湯都咁湯嘅，幾好味喎，不過食完半隻雞都飽飽地。安格斯牛，靚肉！牛味十足又有咬口。八鮮盤，顧名思義就係八款海鮮啦，好似話晚晚唔同，睇下個日有乜新鮮貨喎。店員加水後做出仙境效果 ，型！第一round嘅任點食物，款式都幾多，上菜快，基本上都無乜漏單。普通肥牛都ok㗎，無安格斯咁正，但都幾嫩滑。羊肉片好有羊味，正喎。豬肉片意外地滑同味濃，encore之選。蝦都好鮮甜蓮藕片同木耳

今晚約咗朋友行朗豪坊， 之後一直沿住砵蘭街行到差不多到油麻地， 都冇心水食乜好，經過見到呢間 門口有游水海鮮，原來係任食火鍋，啱曬我哋呢班為食一族！試吓店外宣傳的一個花膠雞鍋，呢個雞窩同麻辣雞煲完全兩回事，入口很鮮甜，原來用成隻雞嚟煲， 仲有黨參， 杞子， 紅棗等等配料，果然足料！海鮮拼盤海生蝦十分新鮮，咬落爽口，鮮甜味美！蟹肉有很多膏，而且肉質紮實，連啲腳位都一串串肉出嚟！桶蠔很大隻很有海水味道，咬落口蠔味十足！仲有記得要打卡仲送鹽燒乳鴿免費食！呢度啤酒汽水任飲的，啱曬我兩位老友，佢哋係無酒不歡的！其他火鍋配料都係任點 任叫， 韮菜餃，韮菜顏色翠綠，豬肉平均沒有太多肥膏，好食！上菜速度算快及店員態度都很友善，價錢合理，絕對值得推介给各方胃食好友。

今日約咗契爺同契媽去買一些按摩用品，經過旺角與油麻地交界，發現成條街都係食肆，行下畀呢間澳門仔串燒火鍋專門店嘅 banner 吸引了，佢哋兩位都鍾意食火鍋，所以我哋就入去試試了！我們點了三位火鍋牛肉海鮮盤 @$278，呢個餐仲包括埋 [ 花膠雞鍋 ] ，侍應話一定要好好品嚐呢個雞鍋……除咗有半隻雞去淆製，仲有花膠都融化了，好入味好鮮甜，仲有幾件大螺肉！我們每人都飲咗兩至三碗，這個雞鍋 好清甜，唔會有太多藥材味，真係好好飲，我哋差不多將成煲雞鍋嘅湯都飲曬……才叫侍應加水準備打邊爐，侍應嘅時間剛剛好 ，隨即奉上一盤放了乾冰冒著煙的大海鮮拼盤，有生海蝦，蝴蝶蚌，大生蠔同一隻肉蟹 等等……而安格斯上等牛肉，紋理分明，憑我經驗只需要躺躺10至15秒漸變粉紅色就可以入口，牛肉味十足而且很柔軟，牛肉汁滲透口腔！而海鮮拼盤嘅蝴蝶蚌很新鮮很有咬口肉蟹肉質實淨亦有少量蟹膏，剛好不算太膩！海生蝦 稍為灼一灼，時間剛好，蝦殼很容易 脫去，肯定新鮮，入口爽甜！蟹子墨魚滑 很爽口，墨魚膠打得很勻循，鮮味！基本上我們都飽了七成有多，只隨便點了些 韮菜餃及魷魚……除咗有一般罐裝汽水之餘仲有啤酒及雪糕。 呢個價錢食到

凍凍地食羊腩㷛，$348味道唔錯，羊肉數量ok，支竹唔夠淋，用咗荀干，有沙，生菜一大碟。另外叫了椒鹽脆骨腩，等好耐，勁咸。即刻要叫大 檸茶，但茶味太澀。整體質素平平。

早兩日做完嘢，梗係同朋友去食個宵夜慰勞下自己。朋友仔推介去澳門仔，去到門口只係見到海鮮，心諗……我食素唔食海鮮，係咪去錯地方呀？入到去地方都舒適，一行5人就坐左張圓枱，然後就由朋友安排，原來澳門仔係火鍋、串燒、餐廳小廚，就算唔食海鮮同火鍋都仲有好多嘢食架！首先嚟個涼拌窩筍，又清甜又爽脆，加上辣辣地好開胃，食到停唔到口。之後到黄金涼瓜，咸旦黄搓成蓉然後包住涼瓜炒香，味道係非常之香口。涼瓜嘅甘味更慢慢係咸旦黄嘅咸味中滲出嚟。椒鹽豆腐，好似平平無奇，不過食落都唔錯架，豆腐夠滑，炸皮又薄，細細粒放入口，唔覺唔覺又一粒。咁少邊夠食丫，當然點埋串燒啦！！！燒日本甜薯，一串6粒，細細粒又甜又好味~不過重點推介係呢度嘅飲品同甜品……凍咸檸7，車~~~有咩咁特別呢？我同朋友一齊叫左3杯，佢先嚟6罐 7up，我心裡面已經覺得奇怪，我地叫左3杯，點解會嚟左咁多罐嘅？但當個杯嚟埋……您就會明白點解咁多，因為佢一杯係一個大玻璃樽，真係勁搞笑丫！！！大size咸檸7，正呀~~~最後叫番個椰汁大菜糕，當我以為又係無咩特別，加上我唔好大菜糕，所以無特別理會。點知佢一上枱……原隻椰青上，仲要啲大菜糕係原隻椰青水整，口感

幾個人約食飯~打邊爐真係最好的選擇~但唔係個個想打爐邊~呢一到就可以幫你解決唔同朋友想食唔同野的問題喇~呢到有串燒，小菜同火鍋選~可以話係滿足哂你三個願望呀~係落完個鍋之後，店員就拎左呢個配料俾我地混醬喇～雖然佢唔係有好多款，但其實係唔需要豉油，因個湯已經好夠味個煲一黎，嘩！左一聲，好大煲同好多海鮮呀～BTW我地叫左胡椒豬肚海鮮煲～個湯好重胡椒味，飲完就好暖～正係個煲未黎之前，我地仲叫左燒魷魚筒釀糯米～糯米好入味～好食～燒牛柳粒～個牛好淋，好易咬～燒豬頸肉～唔太特別，但都唔錯燒茄子～好多蒜容～燒到岩岩好大大杯檸檬茶～其實飲完都飽哂～lol～真係好大杯，兩個人一杯斬得呀～茶味好夠，佢差唔多有半個檸檬係入面GE我地仲叫左其他火煱配料，整體唔錯GE～

雖然澳門沒甚麼好吃，然而快離職的同事一場約到，無奈一嚐甚麼澳門仔火鍋。整整一煲的海鮮鍋，上枱時很是矚目，又蟹又蝦又肉，以為好豐富……誰知膏蟹少膏，蝦肉不爽甚至乎梅，吃完這個鍋就是覺得腥囉……海鮮打邊爐到處有，何必難為自己。

今次是第二次光顧，因為上次是食雞煲，看見人家食海解鍋很吸引而其他人食評都不錯，所以打算帶台灣朋友來食海鮮鍋。帶著期待來到，一坐下來就先點一個花甲蟹鍋，因為我們只有三個人，沒多點其他。當個鍋來到時賣相相當吸引，但味道就完全不吸引，首先是海鮮唔新鮮，相信一個海鮮鍋如果海鮮是新鮮的，味道一定會是100分。蝦是死的，蟹是無肉的，湯重味精，當我食完餐飯要不斷飲水。所以我不會再想光顧。

朋友食完話好食，話有間打邊邊，好特別叫一個窩入面已經好多海鮮食，出地鐵站好容易就揾到間舖頭,門口仲有部電視！海鮮乳豬豬骨鍋~窩入面配料真係好多，黎到幾個女仔一齊嘩一聲，乳豬皮仲係脆卜卜的，而且肉質好嫩口！蟹肉鮮甜，蟹蓋仲有蟹膏！蜆同蝦都係大大隻，一樣都係好鮮甜！食完D海鮮入面仲有好多豬骨係入面！真係剩係叫個煲都夠我地三個女仔食！Yummy

以前打邊爐淨係冬天既事，而家四季都唔少得！澳門仔豬骨就出名，今日試試個海鮮先。澳門海鮮豬骨鍋有大量既大蜆、仲有隻膏蟹添～大蜆好鮮味，好大隻！個湯底都唔錯，幾鮮甜，海鮮加豬骨係甜啲既。等個湯底滾既期間食住啲小食先，原條蒜蓉燒茄子辣辣地，滑溜溜咁～燒牛利就不得了囉～厚切～其餘火鍋配料都幾好，有靚烏冬食就更開心啦～～響鈴食得出係鮮炸，好新鮮，過一過水就食yummy！鍾意飲檸茶既朋友仲可以飲杯大檸茶添～爽！

唔知由幾時開始，香港既澳門食肆由如雨後春荀盤愈開愈多。朋友話去呢到食晚飯，本身都冇乜期待，點知最後就喜出望外。首先要講一定係澳門名物花甲蟹煲，由當件係澳門台山水佬榮仲未出名果時已經食緊，花甲蟹煲得唔得我隔住個芒都睇得出。而澳明仔呢個花甲蟹煲都相當出色，花甲大隻、肉厚而且冇沙，鮮甜。蟹夠大隻，肉實，上等貨色。加埋有豬骨同蝦等等，淨係食個花甲蟹煲都已經飽左一半。另外講到另一個澳門名物，豬扒包一定榜上有名，估唔到呢到主打打邊爐都竟然有豬扒包食，當然要會一會佢啦。豬扒醃得夠入味，而且又鬆軟，配上洋蔥絲實屬佳品。最後不得不提既係佢有水吧，可以飲大大杯凍檸茶同奶茶之類既茶記飲品，對於我呢個凍檸茶之鬼黎講絕對大大加分！

天氣漸冷，同朋友出街打邊爐當然係首選！這間火鍋店地方整潔，枱和枱中開都坐得濶落，又有電視睇！不錯！餐牌上不少特色鍋底，新奇獨特！另外還有不少其他小炒和串燒。先點了些小吃分享！先來個炸金菇，炸得十分酥脆，薄薄的脆漿配上椒鹽調味食得不停口。如果有啤酒送就真係十分好了！Pizza 菇拼白汁芝士菇用上了大大的啡菇，切開很juicy ! pizza 和白汁芝士各有特色,pizza 味較香口，白汁則香滑點！自己認為白汁較好吃！還有原條蒜蓉燒茄子，很香蒜蓉且帶點辣味，配上稔滑的茄子肉，十分惹味！我們愛吃海鮮，點了澳門花甲蟹蕃茄鍋 （$328）。大鍋端上枱時，份量大得太吸睛了！鍋上堆滿海蝦，花甲和蟹，大大隻又新鮮，底下還有不少菇，蘿蔔，西芹，椰菜，滾起來是一鍋很鮮味的海鮮蕃茄湯，忍不住飲了一碗又一碗，毫不浪費！我們還點了一份芋絲打爐用，索曬海鮮湯的鮮味，很滋味呢！順帶一把，服務員態度都算隨和有禮，不時加湯和添水，不知不覺吃了兩小時，過了滿足的一晚！

很久沒有在旺角吃飯，也不知吃什麼看見－間非常之燈火燦爛的餐廳， 外貌類似茶餐廳， 原來是吃火鍋的。椒鹽金菇菜 還以為是椒鹽白飯魚，是一道非常適合佐酒的小吃😋， 會令你上癮吃個不停。炭燒豬扒包 肉質鬆軟調味適中， 麵包香脆👍椒鹽豆腐是細細粒版豆腐外層鬆脆內裡卻很幼滑，口感很creamy, 還以為内有芝士，原來是豆腐的幼滑😝燒茄子，切開的茄子上面鋪滿了蒜蓉，少许葱花和醬汁，吃時非常治味。蘑菇超厚肉，啖啖肉燒得又juicy加上蕃茄芝士成了一道美味小食。秘制五香牛雜煲 很喜歡吃內臟的我， 今次可以盡歡而吃牛雜洗得很乾淨，尤其是腸沒有異味， 牛雜煲内的腐竹及蘿蔔索哂牛雜精華非常鮮甜美味，如果可以加点生菜就完美了。

有無諗過一間鋪頭會集齊哂打邊爐，海鮮塔，雞煲，羊腩煲，串燒，豬扒包，仲有乜乜乜...今日就試左海鮮湯底黎打邊爐： 個煲成座山咁，入面全部都係海鮮，個底當然有啲菜類，因為呢個係胡椒豬肚湯，所以仲有豬肚，冬天打邊爐呢個湯底簡直一流！啲海鮮好新鮮，隻蟹仲有羔嫁😍 唔記得係咩牛，有啲瘦但牛味幾重，細細塊幾岩女仔食！ 我地真係好中意嗌鱔片，因為好好食，好滑，一個人可以食哂一碟！ 嘩啲蠔大隻到你唔信！真係大過我隻手掌的，鮮甜肥美，不得了！ 硬係覺得澳門就要同豬扒包捏上關係，所以都嗌左兩個每人分啲黎食下！都幾好味，豬扒夠爽口，個包又唔會太乾。 燒茄子好吸引呀！一睇就知落左勁多蒜蓉同芝然粉，好淋好入味！ 最後好欣賞佢有咁大杯檸茶打邊爐一杯正常size野飲真係唔夠喉，呢個size就大fit啦！