澳門咖喱王清湯腩 (已結業)

當日係年初三，要搵地方食飯，又冇訂枱，記起朋友曾經介紹過呢間舖頭，打電話去問過有開，於是就去試下。舖頭係一間小型嘅茶餐廳，位置比較隱蔽，可提供選擇嘅小菜唔算多。不過我哋人數少，可以試嘅菜式亦有限。招牌清湯腩 一層切件嘅牛腩鋪喺數件蘿蔔上面，再配以清湯。牛腩帶有肥膏，好腍好滑，不過湯底就過咸，唔可以當湯就咁飲。以95蚊嘅價錢，份量就真係唔算好足。孜然爆羊腩 羊腩配以香草、中國芹菜同葱爆香，帶有新彊菜式風味，但碟餸一啲都唔乾。羊腩夠腍滑，有頗濃郁羊羶味，香草味十足，超惹味。不過羊腩粒嘅件頭就真係太細同太碎，唔多大體，加埋配菜，其實碟餸用嘅羊腩真係唔多。糖醋班片當日老闆要同廚房確認下有冇材料先落單，以為佢真係咁認真，點知煮咗出嚟先發現碟班片原來係用龍脷柳嚟造。同其他餸菜一樣，碟頭偏細，啲所謂班片一樣係切得好零碎，包埋炸粉都一樣係咁細件，味道過得去。以88蚊嘅定價嚟講，就真係…… 總括嚟講，間店舖嘅招牌菜都幾好味 ，不過以店舖地點，舒適度，餸菜碟頭嚟講，定價就有啲偏高。其實老闆有冇諗過將啲材料切番大小小，坐喺隔離枱嘅都係大男人，真係慣唔慣食嘢好似啄下啄下咁。

不諱言我對羊科類動物係有一種偏好，一看到心儀獵物眼子裏就會放光．．事源早前有朋友提及道位於牛頭角這間小舖，除了有牛清湯腩還供應羊貴為長情粉絲迷，當然不可走寶、本人已是為食精一名加上本能忠心粉絲迷當釋第二日就走去試試向來對茶記沒甚大興趣的我，長大後以很少踏足不是不愛基層大眾味道，而是年輕時吃多了吃厭了總有一種望門而不會入之感覺，令人裏足不前堂座徹徹實實的一間階層茶記，三數張枱全是街坊茶客偶有又看到一兩名打工仔入座，一坐便可落單、理應是有一班熟客底平日我會企定定睇實有何心水，今回早已鎖定所以一個馬步，坐定定等開餐一碗清湯羊腩湯河索價$55.，講真以茶記格局湯河構做其實定價較高粉層上面放上大約六、七件，切以方型細粒羊腩粒粒咬一口羊肉羶香滿嘴皆是，最抵加分底湯濃而不俗、沒有肥膩感湯底喝多兩口也沒有太大罪惡感腩位部份略帶油脂，嘴嚼間纖維的肉質又将鎖起肉汁引發出來做得不錯，不過未免切得太細太碎有點孤寒．．． 加多兩蚊要來一杯茶餐廳咖啡，不要渴求會有甚麼咖啡豆味道總之不嚡口，奶夠多收貨吧。

我們一家是街坊常客，差不多每餐出街食，所以真的很感激老闆在我們這個小區開了這所店，因為牛腩粉麵抵食之餘，小炒亦有水準。招牌牛腩食得出係用靚料，麵底亦好，比附近的店水準高出太多。茄湯用足料褒，值得推介。另外川醬炒牛河係我至愛，$50碟，比同區小小貴，但物有所值。或許，如果 閣下住得遠，未必值得您登山涉水去幫趁，但如果係官塘、牛龍灣街坊，食大商場的店食到悶，不妨去試試，應有驚喜。

平時黎食都係牛腩, 魚蛋粉麵, 有一日見到一個自己黎食麵嘅大叔, 見佢一個咁寂寞, 留意到佢嗌咗一份羊腩麵, 其間同店員講佢去過邊到食羊, 點樣煮會好食, 一聽就知係專業食家haha, 天氣咁凍, 我都嗌返碗會一會佢先, 全餐所有食物都禁用味精, 保証原汁原味, 食完唔會口乾 自上次之後就對佢念念不忘, 可惜冇帶相機, 今日就拉大隊黎試埋其他炒粉麵先 清湯羊腩河$55羊腩唔算好大舊, 一層肥一層瘦, 羊皮無毛, 清得好乾淨, 煮得夠淋, 湯底濃郁, 食一啖已經好暖喇 另有咖哩羊腩, 都好想食 各款炒粉麵都可以加辣, 師傅提醒我地真係好辣架, 炒麵黎到好香, 我地嗌小辣, 食開中辣雞煲嘅同事都算頂得順乾炒牛河$47星洲炒米$47每樣粉麵飯+$2有凍熱飲或蕃茄薯仔湯紅酒燴牛尾飯$55牛尾切得薄啲, 食嘅時間方便, 煮得入味又腍*呢間餐廳晚市會做私房菜, 有多款小菜, 開始入冬喇, 可以黎試下羊腩煲

俗語有道大隱隱於市，即使閣下練上了十八般武藝，亦無需鋒芒畢露，單求置家存活的話，只需幾道基本板斧，已足以大派用場，但若有時技癢的話，倒不妨於適當時候，顯露幾手真功夫.......近期最佳的例子，莫過於韜著食友的鴻福，去了一間主售清湯腩、咖喱的小店，吃的卻是豐盛的私房宴。多得Google Map的指示，我亦知悉在牛頭角一帶，有一條名為定富街的地方，期間也多得住在該區的朋友相助，行了一小段路後，終於在安老院的附近，找到了這間澳門咖喱王清湯腩，如果單看店名的話，原以為與坊間那些麵店無異，但入到之後，但除了格局相差不大之外，明顯於菜單上的選擇，可比同類店舖多出不少，除列出多道小炒菜式之外，牆內亦有蔡San的題字，既然連名家也看得上，可想而知絕非池中物.........既然店名寫上了澳門兩字，自然與當地有點淵源，期間也問過現任的店主，原來其伯爺就曾於濠江起家，上世代的馬交，可與現在的不一樣，隨便找上一家「平凡」小店，也能吃著高水準的食品，而且更是價廉物美。順道談談當晚的酒水內容，個人只帶上一枝紅酒前來，期間遇上相識的食友，還是可以喝著來自泡菜國的米漿酒及燒酒的。由於早到關係，除了與數位舊雨聊天之

自己都算幾鍾意同幾食得辣, 市面上亦都有好多食湖南菜同四川菜嘅地方,但係講到至愛都莫過於哩間 "澳門咖哩王清湯腩平時唔夠人所以都唔多機會可以嗌小菜, 不過今晚啱啱好湊夠人可以一齊品嚐到lu坐底即刻睇睇菜牌有咩可以揀, 整份菜牌當中以辣口味為主, 不過都有少部份俾唔食得辣嘅朋友選擇最後我地揀咗:麻辣爆炒煙臘肉京蔥炒牛肉孜然炒牛肉宮保雞丁白灼薑蔥牛柏葉田園三劍客等咗大概10分鐘, 首先嚟嘅係"京蔥炒牛肉", 牛肉口感味道新鮮, 同京蔥味道非常配合, 之後嚟嘅係"孜然炒牛肉", 牛肉一樣口感味道新鮮, 整碟都充滿住濃郁嘅孜然味(後尾問過老細原來佢地唔係用孜然粉, 而係用原粒孜然)等多一陣再嚟嘅係"宮保雞丁", 配料有青紅辣椒、乾指天椒同埋老細喺四川人貨嘅花椒, 雞丁口感嫩滑, 同配料亦都好夾再嚟就係"麻辣爆炒煙臘肉", 配料有紅辣椒, 乾指天椒, 大蔥同洋蔥等等, 令胃口大增,至於煙臘肉除咗有臘肉嘅口感之外, 仲多咗一種煙燻嘅味道之後再嚟嘅係"田園三劍客", "三劍客"其實係指三種唔同嘅瓜, 分別係苦瓜, 青瓜同矮瓜,再配以少量嘅辣椒碎同蒜粒清炒, 三種瓜食落都好爽口, 而苦瓜更加冇咗嗰種苦