瀚林廳 (已結業)

訂左酒店package包左二人自助晚餐食用時間由六點至到晚上九點位於一樓既academy room入到去即刻嚇親個感覺似大陸包團自助餐咁一排過既熱葷小菜/湯/甜品/飲料區另一排就係壽司刺身/麵食/牛扒兩排中間設有凍盤海鮮/沙律/凍肉凍盤海鮮波士頓龍蝦/蟹腳/青口/蝦/螺龍蝦同蝦都彈牙但兩者無咩味蟹腳試左兩round就好鹹青口同螺就無咩特別壽司既隨心擺法完全無食既意欲刺身試左三文魚同白肉豚都算不過不失沙律試左菠蘿雞沙律/泰式牛肉沙律菠蘿雞剩食到沙律醬味泰式牛肉酸酸地幾開胃熱葷試左烤羊/咖喱雞/冬菇燉時蔬/燒豬腩仔/焗扇貝/香煎三文魚不嬲覺得自助餐野熱葷就算唔好食但都唔好凍呀🙈試咗烤羊同咖喱雞焗扇貝都係常溫咁係微溫都稱唔上唔通係我哋太準時入席所以啲嘢食未熱得切🥲🥲🥲香煎三文魚算有溫度但就乾左少少冬菇算唔錯燒腩仔係唯一一樣有encore現切牛扒中規中距試左凍既熱葷唯有飲啖湯暖下胃雜菜湯/花膠煲雞湯前者係完全無味後者鮮甜·飲左2碗·麵食有豬骨/喇沙湯底湯底望落去好濃但味道好淡食之無棄·棄左又唔知食咩好🥲因為暫停供應蠔所以每位客人補左一碗鮑魚冬菇燉花膠呢個熱辣辣都算足料甜品最好食係芒果千層餅同芝

這間餐廳絕對是一無是處，侍仔態度超級惡劣，尤其是個部長同門面嗰個體型龐大的侍仔簡直是多餘趕客。食物超級差又唔新鮮，提供的選擇非常之少。那些生蠔一陣味的，三文魚及劍魚魚生唔新鮮又硬，凱撒沙律用的蔬菜是平價貨質地好像膠。牛排非常之鞋，裏面冇一樣食物是好食的。環境非常之黑暗，座位狹窄，環境非常污糟邋遢亦都沒有屏風分隔。如果要貼錢買難受快啲去嗰度感受一下。怪不得台灣的人不斷批評香港是非常之不適合旅行的地方，去呢度盡情體驗一下啦

我買套票包早加晚餐瀚林廳/樂韻廳國際自助晚餐，我呢晚係食樂韻廳。自從book完網上就有post講到食物極差，令到我都諗左好耐好無加錢轉食咖啡廊，不過結果滿意喎場內其實選擇吾多，但可能每個人要求吾同啦，我就覺得還可以，整體都吾錯架！但當然，你自問自己要求好高就食咖啡廊啦～*有蠔食，無諗過會有蠔，好似係新有，瘦就瘦身d但吾錯既*有耐吾耐出另外d野每枱畀我地；乳豬啦，中式花膠湯啦，鮑魚花膠冬菇等等。*可能場內有小朋友，竟然有請人扭氣球畀小朋友，都幾驚訝！

入住staycation package 包一餐晚餐有中式菜 意大利菜 給自助餐三揀一中菜同意大利菜係送上房食見網上 關於自助餐嘅評論 比較少 所以一試員工服務態度好好 本身都有少少期待雖然叫自助餐但可選擇的款式 很少 很少全部菜式加埋都沒有30款 也有沒有沙律吧有約6款熱食加少量刺身，凍蝦及蟹腳熱食試左羊架 好似煲完湯就掉既豬肉燒牛肉 多根食兩啖就 放棄其他嘢食就得返炒飯炒麵純粹為咗填飽個肚而設稍為期待的蟹腳唔止好大浸腥味幾隻都係黐殼嘅 蟹肉仲要霉嘅壽司同 其他餐廳嘅自助餐一樣都係大大嚿飯細細嚿肉最後甜品都有五款 但味道不過不失唯一亮點係有haagen dazs雪糕最後去咗Donki買外賣 有得揀千祈唔好試呢間

今次 嚟到呢間酒店嘅中式 婚宴菜式比起以前係有少少唔同。 釀蟹殼環保 婚宴 ，走魚翅換咗個燕窩蟹皇羹 ( 但係鍾唔鍾意食蟹，真係見仁見智， 不過就真心覺得足料) 哈哈 (蝦滑) + 華翡翠豆苗- 翡翠豆苗係比較尷尬嘅，因為有啲人都會怕佢嗰陣腥味。 其次就係 係婚宴裏面會少用因 賣相唔夠 grand.. 鴛鴦飯- 食到最尾始終有番個 令人覺得好滿足總括嚟講如果係蟹嘅粉絲，應該都會覺得比較特別嘅

今晚我們去咗尖東「海景嘉福酒店」嘅「瀚林廳」參加好朋友嘅婚宴！大紅乳豬全體：雖然皮脆肉嫩，但有一層好厚嘅肥膏，有啲美中不足！翡翠花枝蝦球：蝦球好爽口彈牙，花枝片唔太爽口同比較腍，西芹有根同有草青味！香酥脆蟹鉗：賣相炸得金黃香脆，但味道就淡而無味！蟹肉扒時蔬：蟹肉嘅份量比較少，西蘭花亦有草青味！花膠菜膽燉北菇湯：完全無湯味，花膠係一早白灼好之後放落湯面，完全唔係一盅燉湯嘅做法！碧綠鮮鮑片：鮑片好似無經烹調過，就加上鮑汁，小棠菜亦未煮熟，有非常濃烈嘅草青味！清蒸老虎斑：肉質都幾新鮮同嫩滑！當紅炸子鷄：都幾皮脆肉嫩，鷄味都幾濃郁！金絲燴伊麵：炒得一啲都唔乾身，非常濕同麵質過腍，味道淡而無味！鮑汁鷄粒炒飯：炒飯好「鞋」，味道亦都係淡而無味！蓮子百合紅棗茶：有一種怪怪嘅味道！合時鮮果盤：係本人從未食過咁難食嘅果盤！西瓜嘅色澤好似唔正常嘅血紅色，有點嚇人！食落係完全無味！哈蜜瓜同蜜瓜雪到變壞咗！士多啤梨極之非常酸！我真係想像唔到作為一間幾星級酒店嘅中菜廳，以一萬二千幾蚊一圍嘅價錢，出品食物嘅質素可以咁差劣，真係失敗之中嘅失敗！

是日參加C Kai Ming的喜宴, 來到尖東海景嘉福. 場內樓底雖然不高, 但配上大量水晶燈和數位美眉的襯托下, 感覺也變得隆重.大紅乳豬全體: 皮夠脆,合格有餘!翡翠花枝帶子: 花枝片不夠爽口，有點過淋。帶子則剛剛好，也有點鑊氣，okay的!香酥脆蟹拑: 外形肥美，賣相吸引。蟹拑新鮮炸起,　感覺也彈牙。可惜蟹味欠奉，混合了過多的麵粉？竹笙雙寶蔬: 竹笙夠淋但有咬口，做得不錯。金湯蟹皇海鮮羹: 加入了蟹粉的羹，反而只是單一吃到蟹粉味，完全覆蓋了其它材料的味道。碧綠北菇鮮鮑片: 鮑魚片未算入味, 感覺一般.清蒸大青斑: 肉質尚算嫩滑, 也算有鮮味.南乳脆皮雞:皮不夠脆，肉質而且非常＂鞋＂，令人失望。金絲燴伊麵:　伊麵太濕，燴得有點發脹了。美點雙輝:　小煎堆外脆內軟，口感夠煙韌，不俗。合時鮮困盤:　除了西瓜，蜜瓜和哈蜜瓜，竟然有士多啤梨提供，而且味道也夠甜，不錯。席上三位友人醉了，實在很盡興！在此祝兩位新人百頭到老, 永結同心!

又有老朋友結婚了，在此先恭喜 Erica，婚後生活快快樂樂，快點添一個小孩。朋友的囍事，永遠是令人開心及高興的。設宴在海景嘉福，延開二十多席，不過不是在聞名中外的海景軒，而是在海景嘉福的宴會廳，翰林廳，Academy Rooms。單是酒店的名字，令人感覺到有少少的氣派。 是晚是一個帶有少少宗教氣氛的一個晚宴，未開席，新人未進場，就有新娘子的朋友，在台上用豎琴彈奏一曲，新人進場說完客套的一番說話之後，再由牧師帶領大家祈禱，無論是酒樓、酒店或是一些展覽館場地，一場中式婚宴既開頭，總會是乳豬行頭。酒店的廚房，專門設計同訓練了做大型盛會，乳豬出場時做得非常有氣派，而且食得乳豬是精選的，豬皮薄而脆，肉嫩無骨，沒有多餘的肥肉，本身亦已醃到咸香，富有味道。 二松花枝象拔蚌，兩種都是上等的海產，雖不像鮑魚般雍容華貴但也是一些味道鮮美而且價位也不低廉的海鮮食材。花枝就是魷魚片，同象拔蚌 cross over 出來，一紅一白的，兩者都爽甜新鮮，簡單得黎，配埋瑤柱及西芹，味道鮮、帶點清新的蔬香，而又有瑤柱的濃香點綴，色彩豐富，味道