瀛燒居酒屋

营业中

休息中

去完旅行之後一直都好掛住日本就去左呢間Bookmark左好耐嘅居酒屋！裝修勁靚勁有feel！好濃厚嘅祭典感仲好特別咁有PartyGame同街機可以玩😂可以坐好耐Menu都好多選擇多元化難得放假就一人叫左一杯酒飲下❤️❤️自家手作梅酒甜度啱啱好！出去飲嘅梅酒多數都會太甜需要等舊冰融化先唔會太膩呢杯完全無呢個問題～好好飲❤️生啤❤️鰻魚玉子燒玉子燒非常juicy，帶有淡淡鰻魚香氣！❤️日本直送原條蓮子鯛刺身呢個刺身好彈牙！好好味我本身係唔鍾意食魚同刺身嘅人都覺得好值得叫！沾醬除左wasabi醬油之外仲有一個可以自己撈嘅沾醋2種醬料都好適合配搭埋咁食❤️串炸拼盤呢盤串炸有大阪元祖串炸舖嘅lv醬汁好濃郁又唔會過鹹最緊要真係好適合搭埋啤酒咁食😂男朋友食曬仲想加單叫多盤咁滯炸蓮藕真係巧巧食路過荃灣真係要試下！係返鄉下嘅味道

身為油尖旺人既我好少黎荃灣，但今日黎同個好耐無見既朋友聚舊，唯有就一就地點啦我同佢講要食荃灣好食既餐廳，佢就帶我黎左呢到一入到黎又有錯覺以為去左日本黎到就試d新鮮野我地叫左個魴鮄刺身，文盲既我走去查點讀原來讀「房忽」，又長知識呢隻刺身跟兩款汁，除左平時食開既豉油芥辣，仲有酸汁，酸汁另有配料，有蔥花蘿蔔蓉等都係for提升刺身既香口度，適合油脂味較重既刺身魴鮄刺身魚身紮實，味道清甜佐以點點芥末或酸汁都非常配襯個人最喜愛係連紫蘇葉一齊食紫蘇味獨特既香氣完全提升到刺身既味道消除魚脂腥之外仲帶黎種清新既感覺牛腸鍋由於實在太掛住日本既牛腸所以叫左個牛腸鍋，上枱時仲話如果有日本一半好食都收貨啦點知幾乎還原日本味道！我勁鍾意腸既咬勁同口感，講到腸，牛腸完勝豬腸個味道係濃好多同埋有陣微甜感呢煲野d牛腸係一d都唔孤寒，撈極都仲有，個湯又熬曬d牛腸味道超好飲，我同朋友都食到好滿足我地仲叫左d燒物，有一口和牛、雞脾肉、鵪鶉蛋、三文親子串佢既炸物首先要讚既係，炸皮非常出色做到熱辣辣唔厚粉之餘，仲食得出唔係千年油味，咬落去勁香口滿足每一款我都幾鍾意，尤其係三文親子，每一舊仲有d沙律醬同魚子提味呢串野叫提燈提燈唔係

喺荃灣搵食，通常入大商場，因為荃灣實在太多商場😂今次諗住去荃灣廣場同咗朋友食晚飯，行到附近佈滿車房嘅街道，見到一間好有特色嘅日本居酒屋「瀛燒居酒屋」，睇裝修已經好地道，好似真係去咗日本咁🤗🤗我哋兩個人超肚餓，先叫咗一個牛肉鍋壽喜燒，牛肉好新鮮，湯好甜，令到啲配菜都好香甜😋食親日本嘢都一定會叫刺身，佢哋嘅刺三點身盛盒(三文魚、油甘魚、帶子)，超肥美，好鮮呀～跟住個明太子玉子燒，涵好多，又係厚切，估唔咁大件，我哋已經飽咗大半。之後再嚟埋串炸 (秋葵、日本魚蛋、沙錐魚)，炸粉好薄，炸得好香脆；另外， 仲有串燒 (雞肉棒、牛舌芯、白鱔)，佢哋附上蛋汁點雞肉棒，好特別，原來點落係好夾喎！用嚟送我哋叫咗嘅梅酒、提子特飲，一流呀😚😚

好耐冇去過局酒屋，今日一行二人去到荃灣一間隱世居酒屋。一入坐都票斷有客入，好多人。裝修好有日本風情，牆上貼滿好多日本風懷舊海報，又有日本式燈籠，好有feel。今日叫左個水母刺身，原來水母都可以食，真係未試過。食落帶點檸檬酸味，加上有榨菜，酸酸甜甜好開胃，有新鮮感。牛腸鍋亦係未試過既，所以即管試一試。食落同豬大腸好唔同，好淋好滑，加上鍋內有菜有粉試，同金菇冬菇一齊煲勁香。刺食就唔少得啦。叫左油甘魚，吞拿魚，三文魚，大蝦同帆立貝。刺身一啲筋都冇，好嫩滑好新鮮。👍🏻👍🏻👍🏻更加唔少得係炸物啦😂 試左日本宮崎腸，日本白板魚蛋，秋葵，鵪鶉蛋同沙錐魚。好特別，平時好少得到依啲炸物，估唔到鵪鶉蛋同秋葵都可以做成炸物，有新鮮感👍🏻亦唔會食到成口粉醬，唔錯👍🏻👍🏻點少得叫返杯酒送下伴酒菜呢，叫左靜崗蕃茄sawa,好清新，甜甜地既日本有汽酒，越飲越開胃👍🏻👍🏻👍🏻😋😋😋最後叫咗原隻魷魚筒，唔會燒到太乾身，好香噴噴。

位於荃灣廣場後面 地點方便嘅瀛燒居酒屋刺身三點盛合 包括赤身 三文魚 同油甘魚水母刺身刺身整體新鮮 水母刺身加咗唔少檸檬汁作調味 罐罐燒（燒蠔）燒蠔一上菜熱食味道更佳 入口蠔味豐富 口感軟熟 清酒煮大蜆店員首先燒熱清酒 再倒入滿滿嘅蜆落去煮 打卡一流（串炸)秋葵 日本白板魚蛋 沙錐魚串炸嘅脆皮厚度啱啱好 味道唔會過漏 沙錐魚肉亦唔會過老 口感軟熟雞皮餃子香口嘅雞皮配上軟糯嘅餃子內餡 再點埋串炸嘅醬汁 味道口感層次更豐富特色燒飯團表層係香脆、表面燒過嘅米飯粒 再配上飯素 味道不錯 加啲串炸醬汁味道更出明太子玉子燒玉子燒唔會燒得過老 口感軟熟 加埋蔥同蘿蔔蓉作調味味道豐富青蘋果燒酎 $48蜂蜜綠茶 $29

今晚在荃灣廣場睇戲前係附近搵左間居酒屋食晚飯，餐廳於享和街，在荃灣廣場背面再前多一條街。佔地兩層，閒日坐滿七成，無須等位。燒河豚鰭清酒 ($88): 呢款酒幾有特色，我未見過，都係第一次試。店員會再將兩塊河豚鰭用火槍點燃，然後用三兩分鐘時間將其來回打轉，最終放入清酒焗幾分鐘即可享用。味道方面都幾Impressed，首先，燒過嘅河豚鰭會散發淡淡嘅燒魚味，唔會太濃，加上微辛甘口嘅清酒，兩者幾搭配，飲一杯半杯還好，太多的話感覺都仲係有啲Rich，但建議可一試。日本直送原條季節魚刺身 - 鷹魚鯛 ($348): 活魚夠新鮮，魚肉透白清香，肉質爽實，油脂較少，味道清甜。兩款醬料任君選擇，除左普通嘅芥末豉油，還配辣蘿蔔薑蓉酸汁，味道都幾搭配。味噌廣島蠔鍋 ($168): 一客共有五隻急凍廣島蠔及味噌什菜鍋，廣島蠔肥美厚肉，口感爽滑，但千其唔好煮太耐，否則肉質變老，其蠔味重但唔腥，唔錯。自家手作雞肉棒 ($38): 外脆內軟又夠Juicy多汁，蘸蛋漿一齊食更香口。炸物 - 秋葵 ($12)、日本白板魚蛋 ($18)、鵪鶉蛋 ($18): 炸粉厚薄適中，但唔係特別酥香，魚蛋非常爽口彈牙，鵪鶉蛋炸完都唔

剛在荃灣廣場行街，之後在附近一間出名的道地居酒屋試一試。我們6:00到達，剛開門，沒有太多客人，靜靜的，不錯。很喜歡牆壁上面滿佈特色的日本海報，加上日本燈籠，以及柔和燈光，整個裝修氣氛不錯。先叫了兩杯飲品，自家手作梅酒清甜香滑，白桃特飲調製不錯。水母刺身，作為送酒前菜，一流，檸檬嘅酸，與水母刺身的新鮮味道，混合得剛剛好。三點盛合：三文魚，油甘魚，赤身，全部厚切，肥美甘甜，入口即溶。另外，叫了邊提，感覺像鵪鶉蛋加肉，罐罐燒的蠔鮮甜，海膽夾羅燒屬於新穎菜式，擺設精美，加上飯團一起吃，新穎。除了小食，仲叫咗番茄三文魚濃湯烏冬，個湯好龍好好味，被烏冬吸收後，加上大大隻帆立貝，大大隻蝦，好抵食。最後因為送酒，叫了一堆炸串：宮崎腸，一口和牛，黑豚肉，鵪鶉蛋，秋葵 … 全部都係送酒的，好伴菜。這個份量，應該夠三至四人食，所以今晚極度滿足！

同朋友仔響荃灣shopping完，順手就響附近搵野食醫肚，揀左呢間幾有feel既居酒屋食，野食足料又好味，清酒煮蜆仲要噴哂火咁好好睇😂❀清酒煮大蜆❀大蜆冇沙，煮完之後冇縮水，大大粒蜆肉好飽滿，食落鮮甜，個湯都好好飲，比我地飲到見哂底。❀三點盛合❀有三文魚、油甘魚及吞拿魚，三文魚脂肪條紋利落，口感柔嫩，點少少豉油食都唔錯；油甘魚油份高，食落淡淡甘甜；吞拿魚用上赤身，肉質結實有咬口。❀阿波尾雞翼❀燒雞翼我鍾意食～燒完之後雞皮脆脆地，好有雞油香氣，肉質依然juicy。❀照燒日本火箭魷魚筒❀超級大份，魷魚筒有2隻手掌咁大😱烤完後帶有炭火味，魷魚仲要幾有鮮味。❀秋葵、牛舌芯及白鱔❀牛舌芯係厚切，牛味濃郁，愈嚼愈香，想encore多串🤓每次居酒屋必點既白鱔，外皮烤得香脆，鱔肉仲要幾彈牙！❀一口和牛、鵪鶉蛋及沙錐魚❀點左少少炸物，和牛好香口，炸完後充滿油脂香氣；鵪鶉蛋一啖一粒夠哂邪惡；沙錐魚味道鮮美又冇骨。❀手作柚子及靜岡蕃茄Sawa ❀居酒屋少不了飲下酒，見呢兩杯個味幾特別就試下，柚子甜甜地好岩女仔飲；蕃茄就酸酸甜甜咁好解膩。

食盡荃灣之日式 — 瀛燒居酒屋————————————————荃灣廣場附近有一間頗為隱蔽嘅居酒屋， 因為佢左右隔離都冇其他食店， 所以今日食到呢間就好似搵到一個寶藏咁🤣🔸 上刺身組合 $199刺身食得出幾新鮮， 有三文魚，吞拿魚，油甘魚，帶子，甜蝦各兩件，每款質素都唔錯， 亦都幾厚切🥰🔸 蟹肉蟹膏米紙卷 $68呢款菜式第一次試，感覺有少少似越南米紙卷嘅感覺， 蟹膏份量比得一啲都唔孤寒， 濃濃嘅蟹膏味😋🔸 蕃茄三文魚濃湯海鮮烏冬 $128個人幾鍾意佢嘅湯底好入味， 有兩隻大蝦同幾隻大蜆， 值得一讚大蜆非常鮮甜而且唔會有沙😁🔸 海膽玉子燒 $98玉子燒超級大份，一共有成六大個，而且每件都厚到爆，超級飽🤣🔸 串炸一口和牛 $24和牛串配埋佢嘅串燒汁食唔會話好熱氣既感覺，唔錯🔸 串炸沙錐魚 $36魚肉幾滑， 同一口和牛一樣有得點佢特製嘅串燒汁🔸 酸菜海蜇檸檬漬 個人好鍾意呢個開胃小菜， 啲海蜇好爽口， 加埋檸檬味酸酸地好開胃食唔停口😆💭Overall comment:食得出每道菜廚師都有用心去製作， 無論係味道同擺盤都有講究， 另外聽到其他食客講話佢哋嘅蟹子沙律超級好食到要order多份做外賣

今次去咗一間日本菜嘅餐廳，試咗幾樣菜式，樣樣都幾好味！雞皮餃子外皮酥脆，內裡嘅餡料非常鮮味，外脆內軟。同埋即叫即做，所以好新鮮熱辣架！刺身三文魚同蝦都非常鮮甜，而且好大塊，又厚身，絕對冇偷工減料😂帆立貝肉質鮮味十足，而且大大粒，好正呀壽喜燒湯底嘅廣島蠔鍋，好香濃，蠔肉鮮美，大大隻，有6隻咁多😱😱配埋鍋入面嘅蔬，真係好滿足呀！照燒日本魷魚筒，魷魚肉質爽口彈牙。照燒汁唔會太甜。而且原隻魷魚真係大件夾抵食，食極都好似仲有咁😂另外仲有涼拌海蜇，酸酸甜甜嘅涼拌海蜇，呢個絕對係我最中意既菜式！海蜇非常爽口彈牙，配埋酸酸地嘅醬汁，真係好開胃又好味。最後仲食左一d炸物，有炸蓮藕、炸蝦同炸蠔等等，全部都外脆內軟。

因為享和街兩旁都係錶位，所以平時去荃灣一般都會先去享和街睇下有冇錶位。今日好好彩一到就有位，泊底先發覺原來近車房的街尾原來有間日式居酒屋。見Menu選擇都好多，於是決定在此晚餐。.門口掛上晴天公仔，牆身全貼滿日本的Poster，高高的樓底掛上日本的紙燈籠。店內播住輕快的日文歌，係一個好適合朋友聚會的餐廳。.三點盛合刺身三點有三文魚、吞拿魚及油甘魚，每片都厚切，而且都好軟嫩。個人好鍾意油甘魚，夠晒大片又夠鮮甜。.清酒煮大蜆原鍋清酒湯鍋上菜，店員仲會燒一燒著個鍋邊先再放入大蜆，用清酒煮一下，等蜆開口就可食。.蜆每粒都好飽滿，完全冇沙。用清酒煮過味道更為新鮮清甜。.阿波尾雞翼明太子雞翼阿波尾雞翼，外皮燒至焦香，唔會太乾，咬落肉質嫩滑，肉味香濃。而且醃得入味，加少許檸檬汁更帶出鮮味。.明太子雞翼釀入份量好足的明太子，賣相好飽滿。食落帶點明太子的咸香同辣味，十分惹味。.沖繩咸牛肉玉子燒Menu有好多款玉子燒的選擇，每款都好吸引。個人覺得玉子燒的份量都幾大。玉子燒外層煎至金黃，中間放左滿滿咸牛肉，而且做到好軟滑。咸牛肉配埋蛋香，味道好夾。.生蠔罐罐燒店員推介新推出期間限定的生蠔罐罐燒。簡單用上昆布

荃灣不嬲多好嘢食，今次就黎到一間居酒屋開餐！🤣餐廳有好多唔同嘅清酒，好啱同幾個朋友黎開一枝，一邊傾計，食下串燒，一邊慢慢飲👍🏻 但由於我第日仲要返工，就淨係嗌左杯啤酒就算🤣嗌左啲大路刺身黎食，三文魚 吞拿魚赤身 帶子，厚度唔錯，赤身食落唔會腥，帶子幾鮮甜👍🏻海膽甲羅燒。一黎到已經聞到好香👍🏻 撈勻左之後既有葱嘅香味，亦都係滿滿嘅海膽味，就咁食固然香，送飯亦都係一流🤓罐燒蠔。雖然size唔算好大，但唔知係咪罐燒比較唔會燒到咁乾？食落隻蠔都係juicy的🦪😛最後就叫左幾串炸物黎送下啤酒，日本宮崎腸、一口和牛、鵪鶉蛋、沙錐魚。呢度仲有好多其他唔同種類嘅炸物，價錢個人認為都算抵👍🏻

居酒屋位於荃灣廣場後面，都幾方便。內裡裝飾帶日本居酒屋feel，配合埋日本輕快音樂，感覺好似身處日本咁。三文魚米紙卷用米紙包住蟹籽，三文魚粒同青瓜絲，爽脆有口感，係唔錯嘅開胃菜。清酒煮大蜆首先店員會預備個爐同材料，加熱後就會幫忙點火。嘩，真係好吸睛呀。酒香隨即撲鼻而來，大蜆一開口就食得，隻隻都肥美飽滿，正呀。記得要飲埋個湯，有昆布同大葱，熱辣辣，夠哂鮮甜。三點盛合有油甘魚，赤身，凡立貝刺身各2件。厚切得黎又夠鮮味。海膽甲羅燒賣相吸引，蟹膏濃郁唔會腥，仲有蟹籽同香葱，配合飯團食簡直一流。特色燒飯團飯團表面燒得卜卜脆，飯粒分明，紫菜，芝麻增加香味，啱哂鍾意食飯焦嘅人。生蠔罐罐燒生蠔大隻肥美，淡淡海水鮮味。串炸盛合黎到居酒屋，當然要試下串炸物啦。揀左蓮藕，一口和牛，鵪鵫蛋同沙錐魚。炸粉厚度適中，啖啖肉，一定要點上個燒物醬汁，令串炸物更惹味，加分不少。手作柚子Sawa同白桃特飲飲埋有汽酒，特別爽呀

又忙完一個月啦，有得同朋友把酒談歡就最放鬆！位於荃灣嘅瀛燒居酒屋門面裝飾非常搶眼，店內木質裝潢與懷舊復古風的燈光、裝飾都讓整個空間充滿了濃厚的日式風情。Menu有各式各樣嘅送酒菜品，今次就揀咗其中幾款招牌菜式。時令刺身好有驚喜！三點盛合（$128）盛合有油甘魚、赤蝦、帆立貝，另外仲有日本直送嘅海哲、生蠔（$134），款款都味道鮮美，其中油甘魚油脂含量十分豐富，肉質嫩滑，非常推薦！清酒煮大蜆（$118）上菜時仲有點火效果，朋友睇得好開心！大蜆肥大又肉質鮮嫩，配上清酒的清爽口感，煮法可能簡單但味道鮮甜，最啱同朋友分享。去居酒屋我就鍾意試吓佢哋嘅雞翼，今次叫咗，阿波尾雞翼（$28）、明太子雞翼（$28）。前者外皮烤到微脆，肉質嫩又有彈性，肉味幾香濃。後者滿滿明太子肉餡，無骨啖啖肉，微鹹同辣嘅風味，送酒一流！呢間餐廳嘅炸串選擇豐富，個人就好欣賞三文魚親子（$38）同秋葵（$12），每串都裹上酥脆的炸粉，外皮炸得金黃酥脆，內裡的食材保持了原汁原味，口感層次豐富！特色燒飯團（$58）係居酒屋飲酒點少得每間餐廳都各具特色嘅燒飯團，今次嘅飯團好有份量，搭配上特製的日式照燒醬，令人回味無窮。飲品選擇同樣

某日收工同朋友黎到哩間位於荃灣既日式居酒屋，店內貼滿日式poster同客人既即影即有相片。店員悉心為我哋介紹不同既日式酒，當中我楝咗靜岡番茄Sawa($58)，味道十分清新，有淡淡既番茄味同番茄香，唔似食番茄醬，令人好驚喜。朋友就楝咗熱既清酒（$68），味道清醇，易入口。黎居酒屋當然樣樣都試下，首先係味噌廣島蠔鍋（$168），味噌味道十分香濃，新鮮食材浸泡味噌之後，十分美味，d蠔亦十分清甜。之後，仲叫咗一堆串燒同串炸，燒同炸程度十分有水準，尤其是燒過的生蠔十分香濃。P.S. 此店有任飲plan，十分推薦喜歡大大淡飲酒既朋友。