灃味館

营业中

休息中

今晚主要想食「東星班泡飯」，朋友之前食过，十分滿意，極力推介，魚湯濃，但有小小腥，味道不錯，但價錢有點貴粉絲蟹煲，牛肋骨都好味另外，坐位有點迫，冷氣有小小唔夠，有風扇都小小熱

川味花甲大隻又厚肉，個汁似平時食口水雞嗰啲但再香辣少少好開胃金沙大刀魚皮塊炸魚皮長過我隻前臂勁誇張，叔叔係我哋打完卡之後就幫我哋整到細細塊容易食，每塊脆卜卜既魚皮都沾滿鹹蛋黄，晤算油膩鮮菠蘿拔絲脆皮咕嚕肉上枱覺得都係普通咕嚕肉囉，點知一食外脆內軟，醬汁少少凍有食冰糖葫蘆既效果，入面既肉有咬口得嚟偏腍，鮮菠蘿表面燒過食落甜品更出，少少酸收尾，好食雞油花雕蛋白蒸蟶子𡈼伴陳村粉打卡一流呀賣相，上枱時花雕香撲鼻，隻隻蟶子筷子咁長無蒸過籠又嫩又甜，蛋白同陳村粉吸收晒蟶子既精華，真係一口接一口咁食唔停鮑汁扣原件 12頭花膠扒公依個價錢幫你燜埋，個要大大隻真心抵到爆，一份大概切到8件左右，用左蠔、雞濃湯、金華火腿汁扣煮燜，鮑汁濃郁到我想飲左佢~勁後悔無加麵唔好睇餐廳員工有返咁上下年紀，佢哋係super nice 又會好主動同客人介紹菜式傾下偈，又會成日同你換碟又會幫你預好哂時間上菜，野食又真心好食，除了坐得迫了少少之外，真係無野可挑剔。

𝟚𝟠.𝟘𝟚.𝟚𝟘𝟚𝟛《服務態度唔錯嘅中菜👍🏻》🍃灃味館 (銅鑼灣)🍃📍銅鑼灣駱克道491-499號京都廣場7樓📍嗰陣慶祝嫲嫲生日就去咗呢間中菜館🥢當日係平日夜晚去都全場滿座😲餸菜嘅質素唔錯，服務態度亦都唔錯👻整體嚟講都算幾高質嘅中菜廳🥳𐂂 上湯焗龍蝦煎脆米粉底 ($時價)記得我哋嗰陣食嘅時候係$4xx左右嘅價錢💰龍蝦都幾鮮甜彈牙，唔會有霉霉哋感覺🦞個上湯汁好正，將個脆米點落去就會有兩個唔同口感💜一食就停唔到口🤣𐂂 松露金磚豆腐 ($68)皮脆入面嘅豆腐超嫩✨松露味唔算好勁，只係原本嘅椒鹽味上加咗啲去調味🧂𐂂 新鮮菠蘿拔絲咕嚕肉 ($158)好岀色！可以話係必嗌🌟每一嚿都拔到絲同埋炸得幾脆口❤️調味都超啱胃口，用嚟送飯一流😌𐂂 黃金大海蝦 ($78/隻)呢個就唔太推薦😓將近$80隻但係霉嘅🤯再加上啲鹹蛋黃淨係喺個蝦殼面，我就覺得唔係太值啦🤧如果蝦新鮮啲，同埋花多少少心思喺將黃金同蝦肉結合會更好🌝𐂂 脆皮炸子雞 ($248/半隻)炸皮好酥脆，雞肉都好嫩，但唔會有血水🐓不過感覺份量偏少🙈整體嚟講都嗌得過的~ ꧁評分꧂🍴食物: 4/5💰性價比: 3/5🪴服務: 5/5⭐️✈︎ 店鋪資訊✈︎💸人均消費:

已經係第二次去，水準keep得住。第一次去食咗佢嘅必食3寶: 雞煲翅、咕嚕肉同花膠扒，計返個價錢，高於水平，所以回頭再試。結果無令人失望之餘，試其他嘢食都好好味！松露金磚豆腐 豆腐外脆內軟，面頭有陣陣松露香味。雖然只係用松露粉，但已經好夠。糖醋脆魚皮魚皮脆口，食落去甜甜地，似平日係x鳳/優x良品買嘅零食，沒有太大驚喜。新鮮菠蘿拔絲咕嚕肉🍍今次個拔絲咕嚕肉無上次咁多絲，但味道一樣無變。咕嚕肉外皮脆而個肉夠juicy。另外個伴碟係新鮮燒菠蘿，超級醒胃👍🏻避風塘豬手 🐷🍖呢個相對其他嘢食嚟講，失色咗少少。話明避風塘豬手，一定係好惹味。可能上枱個陣已經凍咗，食落去無咁香脆。三黃濃湯雞煲翅🐓🍲個雞煲翅好足料，湯面仲有d雞油(識食當然知道呢d係寶)，雞湯香濃，加埋個翅，真係好夾！本身無諗住影煲翅，侍應問要5要影，咁就走咗去影啦，一影就知佢幾咁足料！讚！👍🏻蔥油炸子雞-半隻 🐔呢個炸子雞皮脆肉滑，大量嘅葱圍住隻雞，外面d油仲綠綠地色，葱油味十足！鮑汁花膠撈麵今次因為人唔多，無叫花膠扒加粗麵，改咗個例牌，當然冇一大塊花膠扒咁多花膠啦，但個味都一樣，$138分到4碗滿，絕對超值！海帶綠豆沙食咗咁多，臨尾

朋友想食中菜 問我有冇好介紹第一下就諗到呢間喇今次人少少 三個人嗌四個小菜一個前菜好夠飽FPS 付款又免開瓶費真係幾開心買咗支白酒同友人分享(其實係自己想飲)川味肥腸：好似好辣 其實唔係太辣（利申 平時譚仔十小辣都勉強ok）咕嚕肉：依然好好味 仲見到佢外面好脆醬汁唔會多到好似浸住啲肉百花雞：上次黎無緣食到原來佢用蝦滑扮雞另外有蝦汁 好鮮甜 好好味仲有個啫啫唐生菜 同個前菜 炸豆腐炸豆腐上面哦粉似媽咪麵啲味粉😂如果下次再食中菜 一定會再黎

呢度真係有啲難book位個晚臨急臨忙打電話睇吓可唔可以walk-in竟然有驚喜，仲有一張枱上去返兜叫咗個雞湯，咕嚕肉，花膠麵魚皮，茶燻雞不負所望全部嘢依然保持水準過多幾個月再過嚟

剛過的復活節，除了掃墓，最重要是要赴一個相約良久的聚會！老早決定於家中 BBQ，可惜天氣不如人意，於是選了「灃味館」晚膳。其實「灃味館」一直放在我的 Wish List 裡，竟藉天公作「美」地搞定了，嘻嘻！溫馨提示一：必須盡早訂位、支付訂金及預定菜式。溫馨提示二：以現金或現金形式方法支付，全晚免開瓶費。我們當晚的菜式由相熟的友人發辦，我們不用傷腦筋，坐定定等吃就是了，Let's Cheers！如溫馨提示二，我們幾個好酒之徒，當然不會錯過免開瓶的機會，第一支是友人從日本帶回來的清酒，剛好與第一道的溏心皮蛋伴陳醋舟山海蜇頭 HK$188 配搭得天衣無縫！青瓜多汁、爽脆入味。拌入醇厚陳醋與芝麻的舟山海蜇頭，滋味與口感同是美妙，令人相當滿意的青瓜與海蜇頭 ！唯獨皮蛋的溏心有點失準，只差一點便滿分，可惜！第二道是鮮菠蘿拔絲脆皮咕嚕肉 HK$158，帶著焦痕的新鮮菠蘿，表現出絕對的誠意！據聞「灃味館」選用第一刀製作咕嚕肉 ，怪不得肉質爽口、滿滿回彈力，非常的討好。相比下，醬汁則稍為平淡，個性未算突出！手工菜的懷舊江南百花脆皮雞 HK$298 (半隻)，香氣奪人！百花雞排列整齊，入口隨即感受到火喉的

星期六，酒友安排飯聚，先到CC super 清酒節，人少少試完之後吃晚飯，鄰近地鐵站，方便就腳⋯⋯食店位於銅鑼灣落克道樓上鋪，朋友帶路才知這食店。餐牌第一頁大㕑介紹⋯⋯椒鹽魷魚酥$68~今晚主要是與好友作清酒配對，所以主食多數配下酒小吃為主。先嚟椒鹽魷魚酥，粉漿薄，炸得香脆。金沙地三寶(南瓜、番薯或芋頭)$88~全碟都是番薯，細看餐牌才知原來三寶是三種其中一種，哈！喜歡金沙的朋友會喜歡。糖醋脆魚皮$88~筆者認為，這個比金沙魚皮更吸引，醋香酸甜，減低魚皮油膩感，乾辣椒帶出陣陣香味，惹味吸引，下酒小吃推介。糖心皮蛋伴陳醋舟山海蜇頭$188~另一個醋香下酒小吃，海蜇頭相當爽脆配上皮蛋、青瓜，令筆者一件又一件的吃下。菠蘿拔絲咕嚕肉$158~打開餐牌，這個招牌菜的相片很吸引，怎能抗拒那相片的魅力。當端上桌時，真身和餐牌上的照片分別不大，同樣可愛，盛著咕嚕肉的石塊很精美，一啖咬住那咕嚕肉，就像嬰孩的Baby Fat 感覺，肥嘟嘟，啖啖肉。葱油炸子雞$298/半隻~炸子雞炸得甘香，皮脆肉嫩，最吸引筆者的，反而是碟底下的欖菜橄欖油，欖角嘅香氣配合清新的橄欖油，陣陣幽香，混入葱花及炸子雞一起進食，層次

多謝朋友設局, 提早寫好菜單, 準時出現帶酒就可以食到酒友們極推薦嘅灃味館 溏心皮蛋伴陳醋舟山海蜇頭 - 清新少少酸醒神又開胃濃湯雞煲翅 - 雖然呢家講環保少咗好多食翅, 廣東人都喜歡飲碗熱騰騰湯先食飯, 仲要係咁出色, 破例食吓翅新鮮菠蘿拔絲咕嚕肉 - 有姿勢有實際, 醬汁比例剛好, 肉炸到酥脆內裡juicy, 如果肉丁大小再大D完美雞油花雕蛋白蒸蟶子配陳村粉 - 超級好食, 陳村粉索哂鮮味油香酒香, 蟶子都新鮮爽口大海蝦鍋巴 - 醬汁惹味但帶唔到去蝦肉, 鍋巴都因為醬汁而糊咗, 可能大蝦先去殼, 鍋巴分上會更好花膠扒配粗麵 - 全場焦點, 花膠汁相當出色, 帶得出花膠鮮味, 大家都好期待店員快D分完起筷, 淨低少少汁都用埋嚟撈飯, 可想而之幾受歡迎脆皮蔥油雞 - 蔥油味道唔夠突出, 但雞肉係鮮嫩薑蔥肉蟹煲煎腸粉底 - 肉蟹味道中規中矩, 但係底嘅腸粉係大癲, 索哂薑蔥香味同肉蟹鮮味, 加上煎過更香口鮮百合雞湯浸菜苗 全哥炒飯 - 炒得非常有鑊氣, 粒粒分明好味最無記憶點同失望係呢個甜品

上星期朋友話請我地食飯，諗咗好耐都唔知食咩好，揾吓揾吓，不如食私房菜啦。搵咗好幾間決定嚟呢度！一去到飯店服務員都好熱情招待我哋入嚟，服務態度非常好總會主動幫我哋拎凳擺袋亦都會為我地介紹有啲乜嘢招牌菜好食，點完才等多陣就上菜啦！呢個鹹蛋魚皮非常好食脆卜卜係前菜一流之選另外一定要特別推介呢個脆皮菠蘿咕嚕肉，啲咕嚕肉個皮真係脆㗎啱啱炸起，一定要趁熱食，皮同肉分離，咬落去好有層次感，酸微微好開胃另外呢個客家龍仔蒸芥蘭我都好推薦，食咗咁多炸嘢食返啲菜就中和返仲有淡淡的荷葉味，真係唔錯👍🏼如果下次唔知食咩我都會推介朋友嚟呢間食因為仲有好多其他想食嘅嘢冇叫到

朋友推介的「灃味館」，食物有水準，而首先上場的 大刀金沙脆魚皮，更是謀殺了不少菲林，魚皮咬落酥脆可口，黏上的少量金沙，真是邪惡到極點。😋雞煲翅湯底呈奶黃色，大廚經過繁複工序，熬製多個小時而成，難怪鮮香味足；骨膠原豐富，吃後滿嘴也是黏黏的，據說有加強肌膚彈性及保濕等效果，真係滋潤又美機。蟶子皇雞油花雕蒸陳村粉，以嫩滑的蛋白墊底，蟶子肉厚鮮爽；陳村粉軟糯順滑，可惜份量太少又碎濕濕，有點不是味兒。侍應招呼周到，更是話頭醒尾，抵讚！清酒達人負責Sake，當然100個放心；當晚預備了5款不同風格的清酒，由淡到濃。這支「勝山 伝」是自己最鍾意的，精米步合達35 %，像果實般的香氣，口感鮮明且濃醇，配襯今晚的食物，有相得益彰之感。其它食物也很不錯，值得一試！#黑松露蛋白炒帶子 #大刀金沙脆魚皮 #蔥油白灼墨魚仔 #招牌濃湯雞煲翅 #鮑汁扣十二頭花膠扒公一件跟麵底#灃味館南非鮑小炒王 #招牌拔絲咕嚕肉 #煙燻脆皮茶燻雞#蟶子皇雞油花雕蒸陳村粉#薑汁雞油炒豆胚#銓哥炒飯#灃味館地址: 銅鑼灣駱克道491-499號京都廣場7樓電話: 37053892

最近食咗一餐非常唔錯嘅功夫廣東菜🤗由食物嘅質素、食材嘅配搭、烹煮嘅功架、擺盆、上菜嘅安排，到店員嘅服務態度，都令我印象深刻，席上每個賓客都讚好，個個食得開心愉快，呢度絶對係一間值得推介嘅餐廳，有朋友仲已經再訂咗下一餐😋唔係廣告，自費㗎😚我哋12個人，食咗以下呢個菜單:糖心皮蛋半舟山海蜇頭鹹香黃花魚金沙脆魚皮👍🏻 - 酥香脆薄，每一片脆卜卜嘅魚皮都沾滿咗鹹蛋黃，但係一啲都唔油膩黃金魚湯脆米海東星班👍🏻 -全晚其中一個重頭戲，店員俾5秒你影完相，就會喺你面前倒啲熱辣辣嘅魚湯落去啲脆米上面，碟餸咋咋聲出晒煙，影相影video都好有睇頭。味道方面，魚湯相當濃郁，淡淡都充滿鮮味，生猛同大大條嘅東星斑，肉質爽滑鮮甜，油脂部分充滿膠質，配埋脆卜卜嘅脆米，味道好有層次，食唔停口新鮮菠蘿拔絲咕嚕肉👍🏻 - 醬汁酸甜味恰到好處，晶瑩薄脆嘅脆漿包住肉質鮮嫩嘅新鮮豬肉，加埋新鮮菠蘿一齊食，一個字：正鮑汁扣原件花膠扒配粗麵👍🏻 - 大大件花膠發得啱啱好，口感綿滑但有咬口，粗麵彈牙冇鹼水味雞油花雕蛋白蒸蟶子王伴陳村粉👍🏻 - 隻隻蟶子好似筷子咁長，蒸煮嘅時間啱啱好，肉質又鮮又嫩，蛋白同陳村粉吸收晒蟶子嘅精華，配埋

成日聽人講 灃味館 幾正幾正，終於有機會試下，結論係： 真係正嘅～！！ 先講下啲員工，個個都係好好禮貌有講有笑，絕對係令用餐經驗有加分。 食物方面，溏心皮蛋伴陳醋舟山海蜇頭：爽口嘅海蜇頭 配 黃金皮蛋，作為前菜呢個無得輸，醋味亦無搶晒其他野嘅味。濃湯雞煲翅： 呢個不得了，一大煲翅，濃厚雞湯，入面嘅雞肉都仲係滑嘅～新鮮菠蘿拔絲咕嚕肉：呢個係食過最好嘅咕嚕肉之一，肉實淨，炸得好，少少拔絲，啲糖慢慢就變得硬左脆左，高質！雞油花雕蛋白蒸蟶子配陳村粉： 呢個大癲，鮮味油香酒香口感所有野係配合得好好，直頭係叫白飯撈落去喇。大海蝦鍋巴： 呢個係我全晚唯一無咁鍾意，啲汁搞到啲鍋巴好癡口，蝦好食但汁有色蝦有殼食嘅時候都要份外小心。花膠扒配粗麵：呢個又係大癲，又係被秒殺之後再叫飯落去撈埋個汁。脆皮蔥油雞： 直接將 蔥油 淋喺雞面，雖然有少少影響到脆皮，但係雞就滑左同香左好多薑蔥肉蟹煲煎腸粉底：呢個又係相機食先喇，腸粉係重點，好好食。全哥炒飯： 有蝦有菜有鑊氣炒飯~ 為成餐飯劃上完美句號。

真係估唔到呢間咁舊嘅大廈有間非常有驚喜的小店裝修企理價錢超值服務態度好叫咗個花膠配生麵啲麵仲要飛咗鹼水非常好食😋咕嚕肉做得出色肥瘦比例恰當另外一個菜式要讚就係個魚翅好大兜，足料👍性價比高

同朋友見到有人介紹呢一間中菜好食所以就找來試一試結果冇失望！首先個鮮菠蘿拔絲脆皮咕嚕肉 我真係覺得好好食 佢同我哋平時食開嘅咕嚕肉唔同 我唔記得咗佢用咗咩部位係完全冇骨 食落口啖啖肉 仲要個肉質係好彈牙 而佢嘅外脆係拔絲好似食緊冰糖葫蘆咁樣連我同行唔係好鍾意甜嘅朋友佢都覺得呢個好食黑松露金磚豆腐外皮脆脆的 豆腐好滑👍🏻三黃雞濃湯雞翅好足料 雞湯好濃郁👍🏻聖子陳村粉蒸滑蛋呢個又做得好好味 最底層係蒸滑蛋中間嗰層有一片陳村粉 聖子好鮮甜品個人就覺得冇乜特別因為呢度係私房菜形式所以係需要訂位 我又係好好彩即日訂位竟然比我訂到另外入邊有啲菜式係需要預留的例如豬油撈飯（嗰日見到好想食但係冇預留）仲有呢度嘅服務態度又真係好好雖然呢一間我覺得相對來講可能貴少少但係好值得試一試