灣景國際宴會廳

营业中

休息中

無休止的默書測驗考試，莫講話阿囡，我自己都好大壓力；由於疫情關係，學校相應作出考試調動，上個月先考完呈分試，下星期又話考試(或會當作第2次呈分)，最弊係仲未溫習，這種未考試先緊張的心情實在......我同阿囡都要去食下野放鬆下，就趁在端午節前去食個自助餐。灣景國際推出的童遊暢聚午後自助餐與兒童遊樂坊，好適合家長們在週末帶小朋友來享受天倫之樂，雖然慧慧長得高，但她童心未泯，還怕羞起來呢～ 雖然是宴會場地，但食物都幾豐富啊﹗未享用食物前，先同阿囡乾杯先啦﹗ 放心，呢杯奶油啤酒(另加HK$18) 像清甜不膩的奶油糖，絕無酒精的﹗同樣是無酒精的，有冰涼特飲(另加HK$18)，喝得冰涼清爽，而且打卡一流呀﹗ 冷盤方面，有爽彈冰鎮海鮮 (蝦、蜆、田螺、青口)、新鮮沙律、凍肉、芝士拼盤、壽司及魚生飯。 中西熱葷也不遑多講，有砵酒燴豬軟骨、海王飛魚子炒飯、冬瓜支竹炆火腩、翡翠碧綠蝦仁、鹵水鴨雞蛋豆腐、免治牛肉粥等等、魚肉燒賣等，我一向重口味，就偏愛泰式紅咖哩炒青口、香辣巴東雞、巴馬火腿伴香蒜欖油意大利粉啦﹗ 豬腳薑是我推介呀﹗豬皮滑溜肉軟腍，補充骨膠原，而且醋味甜酸得宜不嗆候呢﹗中西湯有蟲草花紅蘿蔔豬

自助晚餐：款式不是太多，但想食都有，喜出望外😻生蠔：新鮮，creamy，銷得快，不停Refill，不用排隊👍👍👍香煎鴨肝：外脆內軟，個人口味夾哈密瓜食，不油膩👍👍👍長腳蟹：肥美，鮮甜👍👍👍魚生：鯛魚，三文魚，甜蝦，北寄貝「極力推介：甜蝦」👍👍👍豬腳薑，燒牛肉👍👍👍Movepick 雪糕 😻😻😻花膠鴨肉鮑魚粥；花膠和粥溶為一體，好味😻😻😻避風塘鮑魚，太油，比較靭👎🏻👎🏻👎🏻梳乎厘：太甜，一啖後便不能再食👎🏻👎🏻檸檬茶；無紅茶香味👎🏻👎🏻#灣景國際酒店 #海景 #自助餐

近排覺得悶，又唔可以外遊。只可以起香港。今次就玩下旅遊業傷害最大的酒店，又可以支持下酒店業！原來住起香港咁耐都未試過住香港酒店，食酒店自助餐就比較多，所以今次見佢做緊住加食套餐！又可以一家人一齊食飯！重點係食飽就可以上去沖涼瞓覺！人生一大享受！再加上未去過金紫荊廣場，起身之後仲可以去散散步，欣賞下香港的美景！晚餐套餐都可以，可能平時食自助餐食得多，反而今次叫咗套餐，試吓個馬來西亞海鮮喇沙。味道改良左的的，比較適合香港人口味，海鮮有蝦有青口，魷魚。前菜自助（有沙律🥗配料，生菜，蕃茄仔，粟米粒，湯有什菜紅湯和白湯）主菜3選一。仲有甜品、飲品。瞓醒覺之後個自助早餐真係多完化，西式，中式都有。

同班同事約咗好耐嘅自助餐，定在灣景國際， 好快爆滿請盡早book位。任取好多生蠔， 唔使排隊拎得三隻咁麻煩， fill up 都好快，隻隻都肥美，間唔中有幾隻差啲，有同事食左兩打。長蟹腳比較失色， 唔夠鮮甜。反而龍蝦伊麵調味同肉質更好，羊架有膻味，煮得好林身易入口易咬。粉絲彈牙夠味，但痴住一舊舊。牛肉唔夠熱。壽司一般，刺身仲未解好雪。雪糕我覺得提子冧酒最好味。朱古力噴泉，配有馬仔比較特別，但無士多啤梨，失望。紅豆抹茶真材實料。凍芒果布甸好味，焦糖面。勁多生果， 西瓜哈密瓜菠蘿火龍果。

慶祝屋企人生日, 一家人都鍾意食buffet 🤗 至識食嘅呀妹😋 搵到呢個最近做緊優惠嘅buffet, 就預早用飲食App 訂位食生日飯🎂 有蠔食大隻d會更好😁每人限定一隻鮑魚味道還可以😋日式蒸蛋😌燉湯😚最鍾意飲湯㗎😋媽子同呀妹都鍾意食嘅豬腳薑食完再添😋 煮得好入味, 廚房一推出已經有人排隊拎😅片皮鴨, 不過不失 甜品有豆花除左豆花仲有movenpick 雪糕😍 抵讚👍🏻食飽整返碟生果🍉🍈, 大滿足😝因為餐廳做緊優惠249一位, 長者229, 埋單都係大約300幾一個人, 超抵食😍 食物質素亦不錯, 性價比👍🏻👏🏻

最近同事結婚，一般都是晚餐飲宴，但亦多了轉為午餐飲宴來祝賀新人，今次被邀去自助午餐飲宴，可以著得較輕鬆，同埋時間較充裕，祝賀完新人，之後自助午宴，最後仲有好多時間可以再添與新人拍照，感覺不會像晚宴趕時間或流程太長。服務都很好，雖然是自助形式，但也有服務員添水、果汁、紅白酒、啤酒.....而且收碟都夠勤快。未開始之前都用保鮮紙蓋好食物，確保衛生乾淨，食物放置位置都是圍著場地的邊，所以唔會阻住，亦方便客人排隊取食物，當日亦覺得不會亂，refill 算快，食物都很充足。巴馬火腿伴哈蜜瓜，火腿咸香，蜜瓜清甜多汁，不過壽司賣相麻麻，似基本款式，所以無食到。刺身只有兩款，三文魚都幾肥美吸引，但吞拿魚就一般。沙律款式唔算多，但都吸引，其中的水牛芝士伴蕃茄好新鮮好味，另外蘆筍沙律都好食，嫩而無渣亦夠多汁。甜品款式比較多，所以都很受歡迎，當日見頻頻reill。雪糕是Movenpick，味道有保證，也是非常多人添食之一。凍海鮮只有蝦及青口，蝦肉爽彈味道好，但青口就較乾同無味。煙三文魚好油潤好肥，配沙律食也不錯。燒牛肉就每次都有少少唔同，可能不同部位，見人地取的好靚，肉同脂肪都平均，但我取的偏多筋位及脂肪，

今日係同女朋友3週年紀念悉心咁揀咗呢間酒店佢嘅環境都算大不過可惜咁岩坐唔到個窗位一開波當然食咗冷盤先啦啲生蠔真係好新鮮， 見到有個女仔一拎拎咗廿隻驚死冇得食咁員工都會keep住加冰其餘嗰啲都好食例如長腳蟹 ，螺佢啲和牛真係好好食好淋好入味佢嗰啲燒扇貝冇乜特別我覺得估唔到佢呢度有北京填鴨食真係好好食平時普通出去食上海嘢都要訂呢度可以無限任食， 食到你唔想食食埋e個甜品 ， 超級滿足總括黎講我覺得呢間buffet都算高質

好耐無寫食評，今次係想讚下呢度啲服務員！有笑容又親切。收碟好快。我有兩個bb，有high chair,兒童餐具提供。見到我bb跌左啖飯，又主動比多啲紙巾我。。真係好細心！野食方面呢，刺身新鮮! 有帆立貝，甜蝦，希靈魚，八爪魚，三文魚腩，吞拿魚。海鮮除左生蠔同麵包蟹ok..其他都一般，長腳蟹可以唔食，無味加唔太新鮮。熟食唔錯！甜品個tirimisu 好好食!用左買二送一優惠，300蚊一位，抵食！仲有每人一板海膽添!

當月自助晚餐主題是黑豚肉同海膽，就訂枱試試，訂枱時要求安排窗邊，酒店亦安排得到，不過隔離有個櫃係比侍應擺放收既碟同倒餘下食物渣滓...而個盤仲要放最高個層，行過都一定見到，其實呢個櫃係咪唔應該擺係一個咁開揚既位置?!每人有一板海膽刺身，新鮮度麻麻，所以食左2啖就放棄。同其他酒店一樣有沙律吧長腳蟹，好瘦，食唔到肉乜濟; 魚生新鮮、不錯; 羊扒，侍應切得太厚，有點鞋，未食得晒都已經凍晒熟食選擇不太多;另一主打黑豚肉，um.......好韌同鞋有個自制pan cake，都幾好玩，有新鮮生果，切好晒...不過等左成晚菠蘿無晒都等唔到refill

昨晚用Okibook訂這裡的自助晚餐，有六折優惠。食物多恣多彩，材料非常新鮮，尤其是長腳蟹腳和生蠔，清甜的海水味蟹肉和生𧐢是絕對不能錯過，是香港衆多自助晚餐中最好的一間。還有煎鵝肝和羊架，也很好味，燒牛肉更是絕對的好味。湯有藥材豬骨湯和周打魚湯兩種，但由於食物種類繁多，只喝了兩碗豬骨湯！想嚐嚐周打魚湯時又被蟹粥吸引了，之後忘了周打魚湯了！甜品款式多，承意可嘉，普普通通的一道紅豆沙也非常多材料和好味！雪糕方面有八九款可以選擇，不是一般平價雪糕可比！食物實在太多，很多都未能品嚐，我是絕對會再來品嚐！另外值得一提的是兩個人六折後連加一才七百多一點，絕對超值。我吃遍全港自助晚餐，這間可算是最滿意的一間！

朋友結婚😘，我第一次黎呢度，今次係午間婚宴(自助餐)，心情好開心！😊😊😊呢度雖然樓底比較矮，但係反而感覺好warm，食物盤靠窗邊放，令食物都有充足光線，見到令人流曬口水及心情開朗！！！！😋😋😋😊😊😊食物方面反而比我預期中多款式，刺身有三文魚及吞拿魚，及竟然有M字頭雪糕!!😱😱😱熱盤本人覺得ok啦，冇乜特別，整體感覺良好，可能係因為朋友結婚，所以心情特別好！!！😂😂😂

今日黎到朋友既午餐婚宴上作客。其實已經好耐冇食過lunch buffet.自助餐必吃東西之一，刺身及冷盤。生文魚一般，芝士蕃茄及煙三文魚不錯。凍蝦冷盤，魷魚蝦滑。竟然自助餐有炸蝦丸，難度係營合婚宴既安排。比出面酒樓既做得好食。熱盤：燒牛肉，時蔬等。燒牛肉好食，5成熟既口感，醬汁做得好。忌廉焗薯仔，超好食。甜品區，襯未有人開動先去影相，賣相ok, 味道也不錯，不愧為酒店出品。推介大家食焦糖布丁。黎到宴會既尾聲，當然要食番杯雪糕拉。movenpick雪糕。唔洗多講，品質既保證。比較少數既新人會選擇在lunch擺buffet宴會，但係今次比我既感覺係非常之不錯，一對新人有足夠時間同賓客門影相留念，賓客門亦可響受無拘無束既午宴，值得一眾新人考慮既婚宴方式。

印象中這是第次來吃lunch buffet，2次也是因為公司聚餐而來的。這裡的刺身和壽司的款式少，普普通通，賣相還好，所以只吃很少。這裡的甜品種類較多，大概有十多款甜品，每種甜品的份量也十分小，所以能夠一次過試很多款的甜品！相比上次來光顧，今次增添了幾款新的甜品。個人較喜歡水羊羹，算是「色香味俱全」！這個朱古力噴泉的朱古力也力點「中伏」！一向也不太喜歡吃自助餐的熱盤，所以多數吃沙拉水果等，味道還好，不過不失。

日日返工, 最好係午餐時間食餐好既慰勞下自己, 去了灣景國際Mess Floor 商務午餐, 環境細細, 但坐得幾舒服,  枱同枱之間不會很近.點了啱晒女士們胃口既沙律菜, 見全場八成人都叫, 應該不錯!! 餐牌上是傳統華都夫雞肉沙律, 可惜無晒, 侍應先生說雞肉換了辣肉腸, 都好啦!! 就試試辣肉吧!這裡有餐湯(中西式湯)任飲, 餐包任食, 今天中湯是棷子湯, 沒有留意是雞/豬骨, 但看到很多棷子肉, 很鮮味! 而西湯是洋蔥湯, 很夠洋蔥香味, 如果喜歡洋蔥的你, 要試試啦! 餐包呢! 很新鮮, 唔似隔夜包.沙律菜很新鮮, 很喜歡喔! 除了新鮮沙律菜外, 還有很多紅椒青椒洋蔥粒粒, 略嫌沙律醋不足.這個午餐還有甜品及餐茶, 主菜後送上芝士蛋糕兩小件, 軟滑的蛋糕質感, 淡淡的芝士味, 再點上蛋糕旁邊的士多啤梨醬, 甜中帶微酸, 細細件, 不會覺得太飽.除了食物OK外, 最值得讚賞係侍應們, 個個都好好禮貌, 尤其是那位著西裝的男侍應, 應該是經理吧! 有禮貌有笑容令一個短短的午餐添上喜悅滿足感!