火星料理 (已結業)

工廠真係臥虎藏龍！火星料理好像是新開的，與友人點了部隊鍋及牛助骨。先講牛助骨，有家常的味道！牛肉入味，羅白好林，好好送飯！部隊鍋份量很大 兩個人食太多了！有腐皮午餐肉等，配料豐富，湯底可以再辣一點。再加上最後以公仔面作結！ 很飽的一餐，不俗！

今晚同同事去打羽毛球所以收工時同同事係附近食飯，諗左好耐都唔知食咩，特然有位同事話不如去火星，我地平時都係lunch 去食不如試下晚飯？ 如果中家有睇我之前寫過火星食評，我去親個到都食個牛勒骨飯！ 聽到火星口水都洗，即刻話好！ 5人出發去火星到左火星冇咩人好多台，誰不個老板唔比我地入，問我地有冇booking....我地點會book 丫，隨心隨意去既！ 老闆話 fully book wor.... 玩咩！！！咁多吉台....之後老板佢睇左 booking 問我地 1個鐘食用時間ok 唔ok.... of course 冇問題啦，我地趕去打波，二十分鐘咩都搞掂啦！ 一坐到台menu 都唔睇就知自己想食咩，同事望左 menu 問牛勒骨即係十一號啦，咁十一號幾人要，我地叫左三份包括我，因為我食量少佢地份量又大，所以我同另兩同事叫兩份 share. 另外我地分韓式抄粉絲。 店員一攞過來，我地冇叫wor，睇一睇 牛勒骨湯....OMG 叫錯左.....仲要三分都係牛勒骨湯好唔開心，唔係店員問題，係我地冇睇menu 既人，信左過未來過火星既同事 好可憐，故時教訓我地 要睇menu 唔好交比唔知頭唔

今日早放學就約左朋友食lunch,知道觀塘工廈不嬲多野食揀，後見好耐冇食韓國野就揀左呢度。門面都幾靚，好大個招牌手，一眼就望到。發現都幾多選擇，有拌飯，湯面，壽司同炒年糕等。綠茶都幾好飲，好香濃既茶粉味。由於冇食早餐關係，同朋友點左兩個飯加小食。壽司配年糕$75壽司姐係紫菜包飯，足料之餘，飯都夠味。炒年糕夠煙un,都幾辣，個汁煮得好味，年糕吸晒汁既辣，水準出色。海鮮豆腐湯配飯 ＄75海鮮湯啊有好多配料，豆腐，蜆，蠔，蝦，墨魚同雜菜，好豐富。配飯食就當湯飯，鐘意個湯夠清淡同健康。招牌辣汁豬肉雜菜拌飯＄60呢個飯最出色，正宗韓式拌飯，見到周圍好多人都點左。豬肉，豆芽，羅白絲，菜，泡菜等配料本身已經好夠味，溝埋汁更好食，啖啖飯都食到配料，最好食係呢個飯，下次黎必食。

一直都好鐘意食韓國菜，聽到觀塘有得食韓國料理，火星料理呢個名又非常特別，於是同friend黎食下呢度環境寬敞舒適，掛住韓國電影海報，而且重播緊近排好hit韓劇既ost, 正！原來老闆係韓國人，老闆娘係香港人，好熱情咁招呼我地睇menu, 俾我想像中有好多選擇，包括麵、拌飯、烤肉、雜菜煲、紫菜包飯等等，好吸引～前菜係自家製有薯仔、茄子、芽菜和泡菜味道純樸份量細但係非常開胃泡菜辣味夠之餘有少少酸的清新感覺茄子加上芝麻，十分香白切豬手水冷面 $75係香港食得比較多熱既湯麵突然食水冷面覺得好新奇我好鐘意個湯底，酸酸地但開胃清新加上冰令冷面更加冰涼，為味覺帶來衝擊麵條爽口豬手厚切而煙韌，口感唔錯同水冷面好match雜菜海鮮鍋 ＄260睇落好大鍋大概3至四人份量但真係正，我同朋友兩個人好快就清唒有八爪魚、大蝦、 豆腐、青口、蜆等等海鮮鮮味十足大蝦爽口彈牙，肉質結實湯底充分吸收了海鮮的鮮味哇～一撈，真係好足料未見過咁大隻既八爪魚老闆好細心幫我地將八爪魚剪碎，方便我地食烤辣汁豬肉 ＄140佢提供烤盤，自己動手烤，食得又玩得未烤之前肉已經調左味烤完之後一食，味道濃郁辣味突出，刺激我既味蕾而且肉質煙韌，新

地球到火星只需2分鐘因為這間火星料理就在我公司樓下。 星期六下午， 我跟同事又想起他撇因為平日是人多到等不到位置的。 有面有飯， 任君選擇。 一坐下每人都有2小碟前菜撇先開一開胃。 前菜6款， 每款份量小小， 甜南瓜最好味，非常清甜；魚干有咬口，有點點咸； 泡菜酸度不夠但辣味還可以； 矮瓜菜苗比較清，但換上芝麻很香。 朋友選了辣牛肋骨湯飯 (75元)，有3大塊牛肋骨，再有許多配菜，非常足料。 BBQ牛肋骨配飯 (80元)份量足而且多配菜我的牛肋骨肉味很香， 秘製醬汁又惹味。 牛肉上撤了芝麻， 加上牛肉嫩口，味道鮮、濃、咬下去肉汁撒滿口， 送上一碗飯也覺得有點少。如果一不是平日太多人， 可以一星期來個2 ﹑3次。

以前喺工廠區返工，食Lunch係充飢，但一間又一間臥虎藏龍食店進駐工廠大廈，依家食Lunch就好似尋寶遊戲！是日於觀塘區出沒，尋得一家韓國小食店 - - - 火星料理。看似簡簡單單家庭式韓國小店，打開餐牌，lunch竟然有30多款午餐，繁忙時段能夠serve得如此細微算是非常有信心的餐廳。而且甫坐下就已經有泡菜小食端上，令人很期待！3小碟小食都很合胃口，泡菜適合香港人口味不太辣，我自己比較喜歡蜜糖芝麻蕃薯，外脆內軟！終於諗好食邊個餐，第一次嚟就要「招牌燘牛肋骨」配飯。上碟時第一感覺是，很大大大大份，應該2個好肚餓嘅女仔都食唔晒。牛肋骨手掌咁大件而且有5件，豐富到不得了。味道呢是很濃郁帶有甜味的醬汁，牛肋骨燘得好稔，即使沒有連骨的牛肉件也帶一點點筋，不會很Dry! 而且沒有多餘的肥肉，香濃而不油膩，啖啖肉的確很飽肚。配菜的蘿蔔，冬菇，紅蘿蔔都相當入味，餸珍珠白飯一流！呢個Lunch有茶有泡菜有餸有飯仲有甜品，份量仲係King Size... 相信是很多工廠區人士常吃的 Happy Friday Lunch~

韓風繼續吹，朋友話又想食韓國野了，仲介紹左呢間係工厦入面嘅火星料理，聽個名覺得幾趣怪，放工一齊黎食。地點不難揾，但入到去工厦門口，大厦看更話要登記，嘩，咁認真，食餐飯啫……上到黎，環境幾好幾乾淨，坐左張圓枱，枱上有餐具同麥茶。叫左韓式紫菜包飯($35)，我通常叫佢做韓國壽司 餡料很多味道豐富，飯軟綿，紫菜亦很脆，味道天然無添加，食得安心又放心。泡菜煎餅($120)，點的時候覺得有點貴，黎到先知咁大塊厚厚的但唔係粉餅，入面好多泡菜，微辣香口，好正。可點酸汁或辣醬自行調味，但我覺得唔點醬料已好正。辣泡菜年糕豬肉部隊鍋($280)，點解豬肉貴可海鮮鍋嘅！？因為佢係用上豬腩肉，不是一般火鍋豬肉片。跟部隊鍋可選公仔麵，粉絲或飯，韓國公仔麵咁正，我地梗系揀公仔麵啦。豬腩肉，肥肉瘦肉間層，肥而不膩，入口竟然係爽口彈牙，唔講真係唔似食緊腩肉。鍋入面梗係唔少得午餐肉啦，軟綿綿打邊爐好正。仲有年糕，夠煙韌，吸埋湯汁食一流。公仔麵，彈牙正，煲耐左都唔會淋哂。其他配料仲有腸仔，泡菜，紅蘿蔔，翠玉瓜，菇等，好豐富！食完有甜品送，雪糕糯米滋，一粒朱古力，一粒雲呢拿～食完埋單走人，工厦入面所以較早收門，唔好太夜黎

又黎觀塘工廈搵食，今日來到火星料理。離港鐵都有十分鐘距離，少少遠，不過觀塘少有的韓菜，一定要拜會一下。門面不錯，來到八點左右，不用等。不過門口已經聞到好大油煙味，看來抽風系統不太給力。坐下先有少量前菜不過不失，中間的薯絲什有驚喜見很多客人也點鍋物，不過我和男友太肚餓，所以都係唔等了，點左兩個set，晚餐都算多選擇，有飯有湯麵和冷麵。紫菜飯卷 ($35)有麻油香，足料又爽口，最緊要係夠大件，都能夠做飯前小食醫醫個肚男朋友的海鮮豆腐辣湯配飯 ($80)個湯好鮮甜，因為有勁多海鮮，而且有八爪魚！呢個好特別，一上枱的熱到勁多煙，呢點十分滿意。辣度適中，可能加上有海鮮的甜味中和，愈食愈不辣。加上好大碗，配飯一流。白切豬手，泡菜，豆腐配飯 ($80)個豬手好似有鹵過，少少咸味，不過肉質都淋，不痴牙。醬汁又係咸但我食不出用咩調。右邊的泡菜係熱的，感覺有點怪怪的。豆腐就應該蒸過，可能我鍾意食，無味都照殺。呢個有少少失望，咁就$80……感覺唔係太抵。最後埋完單先記起晚餐有包甜品，但無人提過我……真心有少少失望嘅。

觀塘工廠大廈愈來愈多餐廳食肆，間間各有特色。香港人放假喜歡周圍走，發掘一些特色小店。今日我就來到工廈一間韓國餐廳一探究竟。 電梯一開已經被餐廳奪目的招牌吸引，火星的午餐味道是如何呢？ 午餐的選擇很多，價錢實惠，難怪吸引不少附近工的人士。午餐包括前菜、茶、甜品。 前菜4小碟，味道普普通通，味道鮮甜開胃。 照燒汁牛肉雜菜拌飯 $60牛肉軟腍爽口，有些比較有咬口，味道尚算入味。蔬菜份量很多，味道惹味鮮嫩，拌勻食用味道豐富👍🏻 招牌炆牛肋骨併白飯 $85牛肋骨非常入味👍🏻👍🏻👍🏻肉質軟腍 肉味濃香，醬汁濃郁香口，配白飯食用味道是絕配。蘿蔔吸盡醬汁精華，軟腍入味。 海鮮豆腐辣湯拼白飯 $75食材非常豐富。有蝦、青口、蜆、豆腐、蔬菜、蘿蔔、魷魚。湯底濃香微辣，海鮮味道鮮甜。青口比較韌，其他食材口感也不差。 火星午餐價錢合理，味道也很好。午飯時間人客非常多😉人人到火星吃午餐。

常常都會在Openrice找一些特別的食店，觀塘的工廠大廈中就最多特別野食啦！今日就同同事搵左依間火星餐廳食個韓式午飯。一出𨋢就見到大大個Logo。一定啊會搵錯地方。午市的菜單也有數十款，不知道選那一個好呢，而且價錢也非常經濟實惠。我地兩個大男人就決定左叫3個餐再加上一客壽司作為午餐先上的是前菜，韓式料理一定是有的。最吸引我的還是泡菜。不算太辣，但有微酸，十分開胃。招牌炆牛肋骨。醬汁是很濃很黑的那種，而且相對較甜，牛肋骨極淋，不用用力咬也能夠散開。十分欣賞的是白蘿蔔，炆至非常入味，就算是中間也變成了黑黑的醬汁顏色。唯一美中不足的是冬菇沒有去「頂」，那個位就會十分硬身及不好吃，要自己咬掉了。壽司。普普通通的壽司，沒有太多的調味，也可能是岩岩食完牛肋骨太重口味，令我覺得這碟壽司淡而無味。可是餸十分足夠，菜甫令壽司生色了不少，多了一層爽爽脆脆的口感。辣牛肋骨豆腐湯。湯底微辣，不算太辣，也不會太咸，真的是可以當湯飲。同樣地，牛肋骨也是預期的淋。微辣湯底中還帶有一種蝦的鮮甜，十分開胃。豆腐反而就沒吸到太多的湯味，變相只是一磚普通的豆腐。湯中還有不同的雜菜和粉絲，健康飲食但粉絲是那種咬不斷的粗粉線

阿媽今晚睇大戲，唔煮飯，我宅女惟有出街食。上網睇下屋企附近有咩好野食，留意到呢間「火星料理」似乎唔錯，天寒地凍，就去嘆個韓式火鍋。餐廳位於一幢工廈既五樓，一出lift門，已經聞到好香既味道，食慾指數大增。行入餐廳，有室外同室內座位，今晚翻風，我無勇氣坐室外，都係坐入面穩陣。第一次黎，問下事頭婆有乜介紹，佢話呢度比較多人叫火鍋，食得辣既可以叫部隊火鍋 (可以叫小辣)，完全唔食辣既可以叫人蔘雞鍋。其實我向來唔食得辣，但同時又係一位會叫辣既勇者，再加上天氣凍凍地，於是叫左個小辣「辣泡菜年糕部隊鍋」($230)，另外再加「韓式紫菜包飯」($35)同「芝士海鮮煎餅」($120)。前菜同飲品先黎。響四碟前菜入面，我特別鐘意右邊既薯仔同黑豆，甜甜地，粉粉地，係我喜歡既口感。至於飲品，我揀左米水($12)，曾經響首爾既汗蒸幕飲過呢種特色飲品，雖然今次只係罐裝，但一樣喚醒我去旅行時既快樂。米水係甜甜地既，底下有飯粒，幾好飲，同時可以解辣。飯卷黎勒，都幾足料，有雞蛋、醃蘿蔔、紅蘿蔔、青瓜、香腸、牛蒡等等，咬落去好爽口，注意番，韓式飯卷係無加醋既，唔同日式壽司，但我都幾鍾意呢種淡淡既味道，感覺比較清新自然，

聞說公司附近有一家不錯的韓國私房菜,一直也想試很久,下午去的話太趕急了,所以還是留待夜晚前往夜晚跟同事一起到步,點了1一個部隊鍋,想不到味道比其他地方吃到的更出色首先,鍋的食物未免太多了吧,才只是200多元,4人份量呀,我們2人最後是1吃不完第2食物味道確實不錯,聽說真的是從韓國入貨的,特別是韓國年糕,口感煙韌,值得一試第3,湯的辣味剛好`,粗會太辣,又不會太淡口第4,我最喜歡吃牛肉,鮮味十足,而且在湯裡老是常出現,不會一閃即逝性價比十足,絕對值得一讚

很久沒來火星吃午餐，就跟同事來了，還是點了我最愛的 ”燜牛勒骨飯“，因為真系超超超好食！燜牛勒骨飯 $85燜牛勒骨個汁好鮮甜，並不是水水的也不是粉水整道菜有白蘿蔔也有紅蘿蔔，燜得好入味，而且又唔硬，燜牛勒骨個汁完全入味上面再放坐蛋絲簡直完美配搭當然別忘了主菜，牛勒骨！牛肉唔騷，又唔痴牙，肥油唔多岩岩好，同時也帶有一點點筋，很有嚼勁，好甜好！！！！

去聊天談心一定要搵有情調的西餐？非也，一定要揀大家都喜歡的食物，方為上策。與家姐自從各自建立家庭，已經好少有機會兩個坐底好好傾計，今次就選擇大家都喜歡的韓國餐。一向都愛去尖沙咀韓國街，但家姐上班的觀塘區竟然有間現時大熱的韓店，聽聞午市更大排長龍，好奇的我當然根據人氣一睹為快！是日星期三晚，進入工廈內開的餐廳，工廈鄰近地鐵站，五分鐘左右路程就到，好方便。一條長長的走廊，一邊已貼上店logo ，簡而清，絕不會行錯。初時以為因為店舖小才有人龍，原來都有十多張4人枱, 區間會用落地玻璃相隔，增加空間感之餘，職員也比較容易看到客人，方便提供協助。前菜分別有南瓜、泡菜、茄子及芽菜。芽菜及泡菜爽脆，微辣但欠缺本身大白菜清甜味。南瓜及茄子醃料不多，反而食原本的甜味，個人一向愛吃泡菜，但今次比較喜歡茄子，醃料令茄子的味道突出。有醬油蟹不過要預訂>.<職員個個都十分忙但仍親切招呼，講解人氣食物，送上前菜。之前有留意這間的食評，知道多人會選擇雜菜海鮮鍋，職員雖推介辣味，但家姐不嚐辣，就叫了微微辣。鍋物會配上韓國即食麵或飯，我們認為叫一個鍋不太到位，但再叫就怕太多，所以不需加飯或麵，就多叫一個

小弟與同事們去了以星球為名的餐廳，雖然餐廳以火星命名但驚覺是韓國餐廳，食物亦與火星無關，感到無比失望，無法感受麥迪文在火星用膳之感。由於是午膳時間，所以排隊人數甚多，等候期間高溫不斷燒滾了我，令我不禁懷疑此餐廳實在是此溫度高而得名。在歷時約20分鐘後，我們一行九人總算獲安排登陸火星，一路見不少貌似附近工作的食客飽足離場，可見餐廳在該區的口碑應該不俗。美女同事甲（真的美）點了海鮮豆腐辣湯麵，上菜時的蒸氣不斷霧出，誠意滿溢，令人食指大動。該同事擁有女皇舌，品評大千世界珍饈百味已有四份一世紀之久，輕嚐一口後微微點頭，表示不俗。另三位同事同時點了雜菜炒粉絲配壽司，卻因壽司售罄，結果有兩位被推薦改為雜菜炒粉絲加底。粉絲晶瑩，雜菜豐富，霧出蒸氣是活力，是韓星級的，是EXO的，但份量太多（像EXO有十二人一樣），同事無福消受，大感可惜。另外有幸品嘗到壽司的同事表示整體感覺佳，份量亦比韓星級粉絲適中，相對清淡，口感有如IU一樣，恰到好處。小弟點了蛤蜊牛肉湯配飯，米飯的濕度很高，口感較黏，不敢恭維。湯的味道頗濃，蛤蜊不太甜，惟牛肉結實欠彈性，僅屬中品也。用膳後，我們經好奇心驅使下，又翻閱餐牌，方知有韓國