火車頭越南餐室 (浣紗街)

营业中

休息中

同朋友就一齊約埋想試下呢間歷史悠久嘅火車頭，聽屋企人老一輩嘅話大坑呢間越南菜特別正宗。咁我哋d後生仔就黎體驗下啦.....由天后站B 出口行7分鐘左右，就可以見到【火車頭越南餐室】7個大字，咁入到去可以見到好清新嘅設計風格，好有系越南嘅感覺，同埋佢哋嘅設計主題完全符合佢哋個店名，有種身臨火車頭食飯嘅感覺，越南菜一定不可少嘅系紙米凍卷，店員就同我地推薦個五色素菜紙米凍，58蚊，兩條，分量好夠，入面料包的好足！

又雨又寒的下午，於附近急需快速解決趕往工作，見此店毀譽參半，本來無打算以身試伏。偏偏架車泊了在她門外，帶著”女人每月虛一次”的疲弱身軀，不想淋雨再行走，本著好又一餐，唔好就一陣再食多餐的心態，賭一舖吧。首先要讚的是，侍應服務不錯，介紹了跟餐沙律的材料(加$15)，見到午餐menu一道”勁薑豬潤牛肉湯河”, 眼前一亮，就如令妃娘娘所說”—-這正是本宮現在最需要的”加埋個沙律同薑茶，這場賭局準備開彩了！薑茶普通即沖貨色，沙律先上，材料豐富，雞絲生菜海哲柚子仲有大樹菠蘿，調味酸度適中，份量仲好大碗，雖則生冷嘢現刻應少吃，但有薑湯同薑茶加持下，清哂！侍應仲問定要不要芽菜，然後連同青檸辣椒一起奉上。檯上有大棵金不換及生菜自助。至於主角湯河，先呷一口湯—“喂，掂喎!”湯清卻牛肉味濃，唔過咸，無咩師傅味，無我最憎的洋蔥，薑絲多，薑味足。落埋配料，香酸醒胃，豬潤剛熟滑溜，牛肉多牛味啖啖肉，點落跟埋的辣醬同油膏。呢碗嘢，開胃，驅寒，暖身，補血。。。。直頭係女士恩物呀！淨係為左呢碗湯河，我會再番啅！

今晚和朋友來到大坑覓食，真的眼花撩亂，街頭巷尾到處都是食店，行到火車頭越南餐室的門口，被它的裝潢吸引著，於是便入內光顧一下啦我們點了紙米牛油果軟殻蟹凍卷、炭燒沙爹雞串、扎肉金邊粉及鮮茄蟹肉湯檬。嘩！真的要用平靚正來形容，到現在也覺回味無窮啊室內很有越南🇻🇳feel爽口的芽菜扎肉金邊粉雞湯底很清，扎肉很細滑鮮茄蟹肉湯檬的湯底，很有強烈蝦味，夾著蕃茄的點點酸味，確是炭燒沙爹雞串啖啖肉軟殻蟹很大件，料足火車頭什果冰不太甜

上次喺旺角朗豪坊食過嘅火車頭越南餐室，味道唔錯，最鍾意就係佢個蒜蓉牛油雞翼，難得A姐鍾意食，今日我就帶佢去到位於大坑嘅火車頭越南餐室總店，繼續越南越愛。蒜蓉牛油雞翼總店比分店更好味！外皮炸得鬆脆，雞肉又嫩又多汁，仲有淡淡嘅牛油香，更驚喜係面頭嘅炸蒜蓉，好香脆好惹味。馬拉盞炒通菜馬拉盞炒通菜份量十足，除咗鹹香味突出，仲有唔少辣椒粒，令通菜更加有層次。生熟牛河大大碗嘅生熟牛河，配料有羅勒、洋蔥絲、芽菜、紅椒同青檸。先嘗一啖湯，夠熱而牛味好香濃。全靠夠熱嘅湯，令生牛肉變熟，而我就比較喜歡嫩滑嘅生牛肉，份量一啲都唔少。香茅豬扒撈檬A姐今次就揀咗香茅豬扒撈檬，豬扒嘅香茅味突出；而撈檬嘅靈魂當然係魚露啦，甜甜酸酸好開胃，入面仲有大量花生、生菜絲、蘿蔔絲同香蒜片，口感豐富。

今日我要食越南嘢，我決定咗冇人可以左到我。所以就同太太去一轉大坑，老自號嘅越南餐廳又點少得呢間火車頭~打開餐牌都有好多唔同菜式選擇，肉類/海鮮湯粉/小食等等...4人set,餐廳裝修都有好濃厚嘅越南味道，坐位都算寬敞。服務態度都唔錯，店員都充滿笑容坐喺度嘆返杯青檸梳打，感覺真係好似去咗越南咁。太太就叫咗個"雞絲金邊粉"湯底味道清甜，金邊粉帶點爽口，雞絲每條size都好平均，加埋乾蒜食，好味道~我就叫咗個蕃茄蟹肉湯河，湯底用咗蕃茄做帶少少酸，加埋超鮮味蟹肉真係好好味，都未食個粉，我都飲咗半碗湯....湯河仲有龍蝦丸，鮮蝦，鍾意食蟹嘅朋友一定要試呢個最後就叫埋個清湯煮大蜆，首先我就試咗啖湯先，鮮甜到爆帶有少少薑味同埋香茅味，蜆肉肥美新鮮。我到今日都仲好掛住個蕃茄蟹肉河粉....

火車頭係越南河粉既代表一種代表越南平民既主食多款不同既餸 配上滑溜既河粉有牛丸，牛筋，牛肉片最重要係牛肉加雞既湯底食之前加埋芽菜，辣椒同埋青檸汁辣 咸 得黎又清爽十分惹味雖然大碗但兩個人食量又未夠飽追加左黑椒牛肉粒鐵板上，配菜有洋蔥同埋蕃茄片牛肉粒完全無筋 抵讚洋蔥同蕃茄片炒過之後好香好淋整體非常滿足

在附近工作，收工到朋友推介的越南餐廳。裝潢以火車為主，尤愛時鐘，如車站上的時鐘般，甚具法式的越南風味。火車頭招牌湯河($98)，碗非常大，份量不少，河粉質感非常幼滑。隨河粉附一碟芽菜、青檸及辣椒粒，在湯河上桌時即時加入去攪拌，芽菜才會變得軟身。沒有把所有辣椒粒加入去，否則會太辣。除了一碟芽菜，還有一碟甜醬和辣醬，甜度辣度適中，辣醬會較好吃。餸有蘿蔔、牛筋、牛肉、牛栢葉和牛丸等。當中以牛丸最好吃，非常彈牙。牛筋非常軟、滑、稔和入味，而牛栢葉很爽口，但量較少，畢竟這是以牛肉作主打。牛肉很滑，份量多。點了些小菜，兩人分享一碗湯河而很飽。蔗蝦($88)，上桌時非常熱，小心燙口。蝦肉包著熱蔗，鮮甜的甜蔗汁內滲滿蝦味，卻亳無違和感，是有趣新穎的配搭。紙米凍卷($78)，有五款選擇，選了蜜桃大蝦。賣相精緻。米紙卷是越南名菜，早前在河內機場吃了鮮蝦米紙卷，念念不忘。這次加入蜜桃，味道更覺鮮甜，軟滑的蜜桃與爽脆的大蝦配搭甚佳。用上新鮮爽口的生菜、檬粉、蝦肉等，爽甜而薄脆香口。很適合作為前菜的蒸粉卷($62)，晶瑩剔透的粉皮包著各式材料，外層軟滑。內層加入了爽口雲耳碎，令這道菜的內層更添清新爽脆的口感。最

夏日熱辣辣最岩就係食東南亞野食，今次我地就揀左越南野，仲要係公司附近，而且價格都非常合理！首先黎到既就係牛油果軟殼蟹紙米卷，鐘意牛油果既朋友仔一定唔可以錯過，牛油果既鮮味再加上新鮮炸既軟殼蟹，記得記得要點d汁！之後就係串燒，呢個串燒可圈可點，唔夠食既可以叫，個沙嗲汁係一流！呢餐飯既重點就係呢個巨型火車頭，絕對係夠兩個人去食！之後材料亦都十分之豐富，有唔同嘅牛肉，極之推介食呢一個麵。你一個濱海，我哋對佢10分好奇！其實就係一啲米粉餅夾住生果，以及燒豬肉，十分之香口，好容易入口。水果嘅鮮味同豬肉配合得非常之好。

有時都鐘意黎大坑食野, 呢到有得泊車好方便叫左2人套餐, 每人$188火車頭越南河粉除左有生牛肉, 仲有牛丸, 牛柏葉, 牛筋非常充料河粉又滑湯底清得黎又有牛鮮味加少少辣椒同青檸就好PERFECT 啦!!馬拉盞通菜好有獲氣仲有一個小食拼盤有扎肉,越南粉包同蝦沙律越南粉包入面好充料架大蝦沙律蝦好新鮮好大隻亦彈牙仲有柚子, 好醒胃咖哩雞 配麵包入面仲有薯仔, 好入味好好食呀!麵包好外脆內軟呢個2人餐2個男仔都絕對夠食CP值好高呀!!!

火車頭越南餐室-火車中的晚餐餐廳的火車頭招牌非常特別，配以高高的樓底，優雅的吊扇，中央是火車站鐘樓般的掛鐘，牆身仿照火車的圓形窗戶，牆上有放行李的架子，淡黃色的掛牆燈，位置左右兩大排開，當中亦有包箱般的沙化座位，仿佛置身於蒸氣火車車身當中。生滾牛肉河大大碗的河粉，配以海量多的牛肉片，牛肉片還帶點生生的感覺，令肉質不會韌，而且比起肥牛片，厚度較厚，肥瘦的比例三七左右，有咬口之餘又不肥膩，加上濃濃的湯底、洋蔥、蔥花及芫荽，非常完整。紙米凍卷-牛油果配炸軟殻蟹冰凍的紙米卷，米卷薄薄透透的，一咬時脆口的，牛油果的軟滑、炸軟殻蟹的鮮味、口感和熱騰騰的、還有爽脆的蔬菜，加上特色醬汁，一凍一熱，一軟一脆，開胃的小食。牛油炸雞翼海量的炸蒜，完全把雞翼蓋著，熱辣辣的雞翼炸至金黃色，一咬開時牛油味溢出，薄薄的炸粉，外皮香脆，內裡嫩滑，惹味！杬菜肉碎炒飯鑊氣爆滿的炒飯，飯粒炒得粒粒分明，不會太濕或太乾身，加上腌製過的肉碎和杬菜，肉碎菜粒完全和飯粒融和在一起，調味也剛樂，而且份量大，性價比之選。椰青最後怎少不了冰凍的椰青，純天然的飲料，冰凍、消暑、解渴，自然的清甜。

好耐冇黎呢到食越南湯河地方好大，坐得非常舒適點了2杯特色梳打，甜度適中，非常消暑食物款式繁多蒜香牛油雞中翼外皮炸得完全唔油膩之餘，亦非常之脆身。雖然炸物好邪惡但又食唔停口軟殻蟹米卷超大隻炸軟殼蟹，包住有生菜，香葉，粉絲，仲有牛油果，感覺好清爽又健康。越南餐廳當然要叫招牌越南河粉啦，份量足夠2人食仲有突添火車頭招牌湯河有生熟牛、牛丸、蘿白、牛柏葉、牛筋，仲有煮得超入味嘅白蘿蔔。火車頭湯底好香濃，河粉夠滑身，不錯另上一大碟芽菜、青檸、辣椒粒，鍾意加幾多都得。

一直都好鐘意食越南野!! 由其是越南Pho!! 好記得之前去越南一日點都要食到一碗Pho! lee 間火車頭越南餐室其實係幾年前去大坑睇舞火龍發掘到既! 好鐘意佢湯底好濃郁! 今次再黎食,發現大坑變晒啦! 好多店都唔見晒, 但佢依然不變!!雖然星期一，但都幾多日，坐左係隔離間店， 可唔可以叫分店呢? 姐係佢2個店位中間隔左一間店，朋友睇左佢點解叫火車頭既介紹: 原來當時佢係火車頭買pho，好香，D人排到佢火車尾！ 咁我地可能就係係火車尾店啦哈哈!! 店內都好有特色生熟牛河 $72佢個湯底真係好鮮牛肉味，仲要芽菜同香葉分開上朋友既蕃茄牛腩河，try 過去個湯底！好正呀！牛油雞翼 $86馬拉盞炒菜 $78

第一次黎火車頭越南餐室，入到去發現佢啲裝修都幾特別，帶有啲懷舊味，如果坐響餐廳較入既位置，設計到好似車卡啲包箱果度，都幾有氣氛。平時食越南野嗌生牛肉河就嗌得多，今次都係第一次響越南餐廳嗌蕃茄牛腩粉，好有驚喜啵。蕃茄牛腩金邊粉一黎到立即試左啖湯先，湯底有少少甜味，仲飲到好濃郁既蕃茄牛湯，就好似屋企呀媽煲既蕃茄湯再濃縮啲既版本，好好飲，好開胃呀，鍾意蕃茄湯既人一定會鍾意。牛腩大概有三四舊，每舊都啖啖肉，而且煮到好冧，唔會好似煲湯肉咁，好滿足。金邊粉份量十足，而且好煙韌。牛油雞翼由於同朋友黎食，所以都嗌左啲小食share下。牛油雞翼好香口，上菜果時熱辣辣，每隻雞翼都幾大隻。馬拉盞炒芥蘭馬拉盞啲咸香幾惹味，啲芥蘭佢都炒得好入味，唔會話好老。

一向好少黎大坑，不過銅鑼灣區食到悶悶地而且又鬼死咁多人，今日就黎行下順便食個靚飯啦～同朋友揀左呢間越南餐廳，明明我地都成8點先食，但就愈食愈多人。。。好受歡迎！我地本來想散叫，但見二人餐都幾吸引，仲有我地想食ge咖喱雞，所以都係叫餐啦。先黎頭盤，柚子沙律有兩隻大蝦，煎到金黃食，咬落彈牙。扎肉好有heart, 食到有豬皮碎。蒸粉卷都唔錯，可以再熱d。之後係招牌湯河，我地轉左素菜版，d配料好得，有d睇落同食落都似真肉！湯底夠哂味，大大碗兩個人share足夠有餘。之後係咖喱雞配法包。個法包值得一讚，夠哂熱，外脆內軟，點咖喱食冇得彈。咖喱有好多雞件，唔太辣但好香。最後係炒時菜，呢個對我黎講辣左dd，但馬拉盞好香，岩哂中意食辣ge朋友仔。想講餐廳好有越南情調，不停播住深情越南歌～

今日去左大坑食晚飯，地點係火車頭越南餐室。朋友好鐘意食越南菜，對越南牛肉河情有獨鍾，我地今晚就去食個越南餐。餐廳有個二人dinner set，我地懶得諗於是就叫左套餐。香茅豬扒米紙凍卷，厚切豬扒入口好鬆軟，唔會乾硬，配上大量蔬菜和粉絲，好清新好開胃，餐廳的魚露醬香唔會太咸。蒜蓉牛油焗大頭蝦，大大隻大頭蝦，我地見到就好興奮！大頭蝦爽甜好彈牙，充滿濃濃的蒜蓉味，入口好香口，蝦肉爽甜有蝦膏，好出色！招牌火車頭湯河，湯底夠清甜唔油膩！牛骨清湯夠甜，牛肉爽嫩唔會老，半熟牛肉入口好香！河粉掛上湯汁好滋味！馬拉盞炒通菜，最後有個蔬菜，偶爾出街食飯都要健康下，炒得唔會油膩，岩哂朋友胃口。