火鍋煮場 (已結業)

打邊爐精一定唔可以唔識深水埗「火鍋煮場」， 以足料火鍋湯底，食材新鮮而聞名～😏 知道生日有火鍋優惠， 就帶屋企人去慶祝生日🎂啦！👏🏻 記得須一日前致電訂座呀！✋🏾 店舖不大， 但勝在五臟俱全。 餐廳裝潢設計簡潔，座位闊落，坐得舒適！ 先來生日月份like fb有刺身送！😂 種類不多，但勝在夠新鮮！ 打邊爐先混個醬！ 基本嘅醬料都有， 炸蒜、生蒜、香蔥、辣椒🌶️、芫荽都有！ 瑤柱花膠上湯冬瓜鍋（$168） 冬瓜鍋非常精緻， 有原個冬瓜盅係裏面， 上面還有蝦、蟹肉、冬菇、瑤柱等， 最重要係超多蟲草花和花膠舖滿冬瓜盅上面！😍😍😍 超級足料！鮮甜味美！😋 店員仲好細心幫我cut開個冬瓜tim！ 脆炸午餐肉（$58） 本來小編唔鐘意食午餐肉， 不過呢到嘅午餐肉炸得香脆可口， 即食得，輕輕浸一下湯食都得！😏 即炸紫菜響鈴（$68） 賣相精緻，份量十足， 腐皮卷着紫菜，炸至脆口， 卷着紫菜嘅響鈴比普通響鈴更惹味，更有層次感， 吸晒湯嘅精華之後正到暈！☺️ 特選美國穀飼牛（$148） 唔好睇只有8塊， 其實每片都好大塊，價錢都算合理， 紅白相間， 涮熟後肉香軟嫩，不錯吃！👍🏾

同事升職慶祝，最岩圍埋一齊烚下烚下🍲啤啤佢🍻餐廳位於深水埗站步行約15分鐘路程，當日安排在餐廳上層的一張大檯，很寬敞。我地叫左兩個鍋，因檯太大張（10人圓桌）迫住要我地點兩個鍋，我地叫左💡豬骨湯💡蕃茄薯仔湯。另外由於這是一間有刺身吃的店，仲點左條章紅魚😋吃完刺身，店員建議我地俾多$50 幫我地炸左個魚頭同骨咁食，係好食既，不過感覺似同煎三文魚差不多。整體感覺都不錯，係價錢相對會貴一點，不過慶祝嘛，大家開心下，無所謂啦😆

深水埗一向係我穩食區域，不過朋友話附近有間唔錯火鍋，而且有刺身食，我都唔知道，跟住距過來穩食，地鐵站行過去只需6分鐘左右，來到有2層，我地坐左上樓上，地方算乾淨。湯底我地叫左番茄海鮮蟹鍋個蕃茄湯底係用新鮮蕃茄加洋蔥煲，非常濃郁。跟鍋有蟹，蜆，青口南非鮑魚我地只叫左2隻，好新鮮，上到來還在動。三文魚刺身顏色橙白分明，一食好鮮甜。中意食三文魚一定要試。紫菜響鈴老闆推介，出來時候還熱，勁推介哩個菜，脆脆墊上濃湯絕配。手打三寶丸有墨魚丸，良魚肉，蝦丸，好彈牙而且入面係有粒粒蝦同墨魚，好味。花竹蝦刺身好貴，不過勁新鮮，上台時候蝦頭還在動，好鮮甜爽口。三式牛肉拼盤牛小排，牛頸脊好嫩滑，牛展個人比較喜歡軟牛肉，所以覺得一般般。聖子皇用湯滾兩滾、上來好爽口，最緊要洗得乾乾淨無沙。最後我地叫左游水花竹蝦上來時候蝦頭仲係度動，其他唔洗講，就新鮮就足夠

之前屋企人去過火鍋煮場，話估唔到深小埗有高質邊爐。某日同朋友去完黃金買game就即興去試下。去到店面不大，但就同外面好似兩個世界。裝修新淨，座位又闊落。見天氣咁熱，我地就揀左瑤柱花膠上湯冬瓜鍋。餸菜陸續送上，但係個鍋就未滾，由於佢個煲係全密封，睇唔到入面，搞到我地勁心急。幾分鐘後，店員話夠鐘啦，一打開個蓋，我地忍唔住嘩左出黎！完全無想像過個湯底咁靚！冬瓜盅咁，有冬菇，蝦，大量蟲草花同花膠，店員切開個冬瓜之後，仲有好多瑤柱浮出黎，超級足料。脆炸午餐肉店員落力推薦，所以試下！本來一直都覺得都係午餐肉者，但原來係切成長條狀再炸。咬落脆卜卜，輕輕浸一下湯可減淡油膩感。即炸紫菜響鈴無論賣相定味道都好正。腐皮同紫菜都炸至脆口，配上紫菜的響鈴比平時普通響鈴惹味，吸埋湯後更正！特選美國穀飼牛肥瘦適中，肉色血紅。肉質軟淋。紐西蘭蟶子皇超大隻蟶子洗得好乾淨，完全無沙。另外仲配了粉絲，一齊入口，蟶子鮮味十足。自制三色餃水餃，雲吞，韮菜餃隻隻都漲卜卜，皮薄餡靚。烚完咬開完全吸收了湯底精華，讚！手打孖寶蝦丸，墨丸兩款手打丸賣相同平時食的分別不大，但入口即感到誠意。超彈牙，而且每一口都有咬到蝦肉同墨魚肉。芋絲 野

男朋友鐘意打邊爐，今次又拉左我去火鍋煮場恰一恰睇黎睇去呢個湯底最抵，蕃茄湯底原來用鮮蕃茄去煮，吾係用茄糕，無平時d咸味，好香蕃茄味，而且好多蕃茄茸再加海鮮湯底，即刻勁鮮味，有青口，鮮蝦，花蟹，蜆吾洗另外點海鮮，慳返吾少海鮮十分新鮮，蝦又彈牙，花蟹細隻但多糕濃湯蕃茄辣椒都好新鮮，辣度十足咁岩男朋友今個月生日，原來有刺身送，雖然係送，但一d都吾少先黎一碟安格斯牛小排，勁靚，食落都好滑蕃茄同牛肉絕對係絕配炸午餐肉，因為炸過，肉質比較實在，吾會太溶溶爛爛，而且可以當小食呢個紫菜響鈴吾只賣相吸引，味道都好好味加左紫菜而經好香，仲加強左口感，好脆鵝肝墨魚丸，鵝肝好似流心咁溶係中心，太好味野生竹笙，厚身又爽口，正野下次朋友生日都一定要再黎

今晚同朋友行開深水埗，朋友話附近有間唔錯火鍋，而且有刺身食，所以就去食晚飯，地鐵站行過去只需6分鐘左右，挨近太子位置。地方不大分開2層，地方算乾淨。我地首先叫左湯底番茄海鮮蟹鍋，個蕃茄湯底好似羅宋湯一樣濃，睇得出係用新鮮蕃茄熬製出來，跟鍋有蟹，蜆，青口（海鮮好新鮮，蜆無沙）三文魚刺身一睇顏色就知道新鮮，好有三文魚味，而且係滑無渣。南非鮑魚上台時候雖然被殺了，不過還在掙扎，好新鮮。紫菜響鈴係哩間舖特色，出來時候仲熱，老闆話現做的，可以現食或放湯食一樣可以一，勁推介哩個菜，好味。手打三寶丸有墨魚丸，蝦丸，良魚丸，全部入面均有肉粒，好彈牙，唔錯。花竹蝦刺身好貴，不過勁新鮮，上台時候蝦頭還在動，好鮮甜爽口。三式牛肉拼盤+聖子皇牛小排，牛頸脊都勁好味，牛展方面比較硬。聖子皇，完全無沙，好爽口鮮甜。竹笙拼花枝片竹笙好大條，爽口，花枝片個人覺得麻麻，比較硬。最後蝦丸好食，我地補多一個蝦滑，裡面有碎蝦肉，好爽口。

打邊爐有驚喜，因為食材真係好新鮮而且有酒可以叫，十分吸引一流的享受小食：鮮蝦炸雲吞，係即叫即製，蝦🦐肉爽口彈牙鮮甜，即叫即炸的滋味金黃色的脆炸雲呑皮特別酥脆另有海鮮類：蟶子遂隻叫，十分鮮味爽甜，令清湯變成海鮮湯調料特別的清甜，令人難忘新鮮蜆仔，好大隻，仲係活生生上碟菜類叫了：聖瓜、生菜，新鮮鮮甜好味，而且感覺很乾淨！手打墨魚滑（丸）🦑鮮味彈牙一級享受的彈牙手打墨魚滑粒粒煙韌彈牙，口感一流刀削麵，第一次打邊爐竟然有刀削麵食仲要入口好滑好食麵質素很高；另仲有韓國辛辣麵令整餐打邊爐十分飽暖

打邊爐貪平，屋企付近9點後有7折價，我見間鋪平時坐滿人，所以決定去試一試火鍋煮場，食物出名新鮮打邊爐指定飲品~有hoegaarder我就飲椰青水，朋友飲可樂火鍋配料，連辣椒都好新鮮，脹卜卜蒜蓉水潤多汁，吾係放左幾日果d，小小地方都睇得出佢地好講究點左個蕃茄海鮮蟹湯底有花蟹，海蝦2隻，青口3隻，仲有活蜆都有4款海鮮，計返條數真係抵蕃茄煲超濃郁，老板話係用鮮蕃茄煲，所以好多蕃茄茸，好香蕃茄味，又清又甜，連海鮮一齊滾，直頭係一煲蕃茄海鮮湯，未食都已經飲左2碗呢個紫菜响玲卷好鬆化，紫菜好香口，增加左脆脆口感，俾一般响玲好食得多韭菜餃，新鮮自家製，皮又滑又軟，韭菜同豬肉滿滿的，好實在脆魚鯇片，色澤通透，厚度適中牛小排，雪花分怖平均，肉味又香又嫩口好少食萵筍，好爽口，好翠綠食到尾先發現有花竹蝦，可以做刺身又可以打邊爐，老板話肉質爽甜，比龍蝦更好食，今次真係走寶，下次必點

今日到深水埗覓食，見到呢間名叫火鍋煮場既餐廳，餐牌上湯底選擇眾多，當中泰式冬蔭公($148)就最吸引我。我本身唔太食得辣，店員話呢冬蔭公唔辣，可以試試。推薦👍🏻泰式冬蔭公湯底配料豐富，有青口，海蝦，同埋勁多香料製成。香口得黎又唔會辣，味道偏甜，有海鮮香，而且愈煮愈濃味，超級正！我飲左好多碗湯！一口接一口！停唔到！推薦👍🏻花雕玫瑰牛肉($258)。唔知有冇人同我一樣好鐘意花雕酒醃製既肉類呢？撲面而來既酒香，牛肉上仲有幾朵玫瑰花。味道方面，本身仲擔心冬蔭公會蓋過酒香，點知事實相反，酒香依舊牢牢鎖係牛肉入面，無需蘸上任何醬料，酒香四溢既牛肉真係無得頂！推薦👍🏻孖寶丸($98)。呢到全部丸類都係自家製，口感彈牙爽口，味道濃郁。稻庭烏冬，配上冬蔭公湯底真係好惹味，索曬啲湯汁！紫菜響鈴($68)，新鮮即叫即炸既響鈴，熱辣辣，幾特別！就咁食都好正！食物非常好食👍🏻不過價錢進取左少少～

見網上食評寫得咁好…就諗住黎試一試！諗住嚟食餐好…點知……！！就等我出返個“良心食評”諗住一早訂定檯去食好嘢！ 未諗到食乜…嗌下小食食住先！清酒：支清酒唔錯，值得一試響鈴紫菜：新鮮炸起確實好味，夠脆夠鬆化。不過放湯唔好味｡ 攤凍咗油味極重，最好都係趁熱快啲食。脆炸午餐肉：送酒真係一流， 不過都係趁熱食，凍咗又係一口油…油膩感覺重。濃蕃茄海鮮湯：蕃茄湯底夠濃，味道唔錯… 就咁飲個湯都覺得好飲。但海鮮新鮮度一般，蜆玩可以…但其他青口、蝦、蟹肯定雪藏，隻蟹確實好好膏，視覺上好有驚喜…但食落無鮮、無甜味。幾隻蝦都係霉🤢安格斯牛小排 & 牛頸脊： 兩碟牛同一個問題：分量細碟，砌得太薄、太細塊冇口感，薄度放入鍋揚兩下已經爛咗。肉味唔濃又唔甜！用呢個價錢食呢兩碟牛，完全接受唔到 牛魔王唔使諗呢間粉腸：夠肥夠新鮮， 唔錯獅頭鵝腸：確係新鮮好味有質素，鵝腸夠肥…鵝油夠金香但分量細碟價錢太貴， 外面食呢個質素，完全唔洗呢個價錢！鵝肝墨丸：外層墨魚好味，鵝肝細到搵唔到！本身粒墨丸已經細粒咸檸七： 店員介紹…中伏整體嚟講：9:30後7折…但兩個人食要$1480落樓，去其他地方食真…係大把選擇。牛魔王完全唔使

Openrice見火鍋煮場優惠，有生日送刺身拼盤，又有龍蝦優惠，同屋企人book 定枱試下餐廳有兩層，地方算大調味架有生蒜、蔥、莞茜、和辣椒生日送上刺生拼盤，有三文魚、八爪魚、北寄貝，都新鮮沒有雪味冬瓜花膠雞翅鍋有雞、花膠、大片冬瓜，非常適合夏天打邊爐。見到靚湯當前，湯癮起，忍不住每人喝一大碗濃郁雞湯。湯底甜，花膠雞鍋相當足料！侍應更幫手解剖大冬瓜龍蝦 龍蝦已經放尿開邊，而且新鮮彈牙鮮甜，加上龍蝦頭膏好香安格斯牛小排牛肉一望就知高質，帶鮮紅有油花而且脂肪同肉平均，輕輕煮8秒已經變色可以食用，食落肉質厚、嫩滑水餃、九菜餃、雲吞拼盤餃子自家製，隻隻都皮薄飽滿豬蹄跟少有火煱店有豬蹄跟，用蹄跟打邊爐，唔肥而且充滿骨膠原羊肉片羊肉沒有羶味，肥瘦適中手打墨魚丸、蝦丸自家手打墨丸蝦丸新鮮，入口彈牙有口感冰豆腐用冰豆腐吸雞湯精華萵筍竹庶茅跟水唔會太甜，好下火生日咁高慶，開返支吟釀慶祝下

間唔時都會約朋友去深水埗啲大牌檔啤一啤，食個飯聚一聚，今次發現新大陸，見佢裝修都唔差以火鍋，刺身為主既火鍋煮場，所以去左試一試，但冇試錯，簡直執到寶，同大家分享下先。湯底我地選擇左艇家鮮魚活蜆湯，首先會上一鍋湯，滾左之後，再落湯料，蜆肉非常新鮮，豆腐同東瓜吸哂魚味，非常美味。呢個做法都非常小見，有特色打邊爐邊小得牛肉，揀左本地手切牛頸脊，牛肉肥瘦適中，入口味道濃郁，份量大，必食之選刺身 亦係呢間店既主打，我揀左帶子同珊瑚蚌，非常新鮮，加上魚湯底，鮮味加甜味，冇得輸紫菜炸響鈴，呢個而家買小見小了，竟然係度食度有種幸福既感覺，即叫即炸，可以就咁食又得，加落湯底度又得，即食非常脫，爽口，加湯吸左魚湯甜味亦唔錯。手打蝦，墨魚丸，店舖自己打出來的丸，爽口彈牙，材料十足。新鮮蝦雲吞，用料十足，蝦肉爽口，係新鮮蝦來的，非常美味。菜同炒絲係必點的，因為後期個湯唔單止有魚既鮮味，仲有牛肉，海鮮既味道，所以最後打菜同粉麵可以吸收哂湯既精華，味道非常豐富。飲品有竹遮矛根，汽水，啤酒。總括黎講呢一間火鍋煮場冇令我失望，回頭率100%呀，佢收凌晨1點。9點後入仲有7折 ，大家快啲去試試

一大班慶祝生日 當然要去打邊邊啦今次黎到火鍋煮場 生日優惠送刺身啊先黎湯底要左番茄海鮮蟹鍋 ($188)蕃茄味好濃 海鮮都好足夠 有青口 蝦 蜆 等等然後叫咗個本地手切牛頸脊 ($328) 牛味好突出另外老闆推薦我哋叫咗個黑豚肉 ($98)自製三色餃 ($78)都好出眾有樣我個人推介嘅就係 即炸紫菜響鈴👍🏻👍🏻仲有脆炸午餐肉 ($58) 好味道😋最後手打墨魚丸同蝦丸都好正架🤟🏻________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

早上經openrice訂位..下午已有來電confirm booking..心諗 : 都幾有效率..入到去.. 眼見4張檯.. 只得1枱客.. 我地係第2檯.. 覺得閒日無咩為意.. 因為都係打算同朋友聚會傾下計.. 坐得都舒服既.. 叫左個湯底先.. 鮮魚活蜆湯.. 材料同湯係分開既.. 有別1般火鍋店.. 個湯好味既.. 跟住叫左象拔蚌刺身.. 男店員話可以叫半條..但預只夠2~3人食..咁我地6人就叫左1條.. 到上檯時.. 大跌眼鏡.. 呢份就係$880.. 平心而論.. 睇落好似有10塊8塊.. 但夾起既都係碎濕濕.. 我唔知食左d咩落肚..我地叫左兩輪火鍋材料..首輪叫左兩款牛..3款餃..娃娃菜..兩款響鈴..魚付拼雞子..牛小排都勉強叫1分錢1分貨..另外1款 : 真係不敢恭維..第2輪再叫多款牛 : 牛頸脊 ..呢碟唔算差..但328就自己衡量..另外仲叫左..花枝片..珊瑚拼貴花蚌..生菜..響鈴..火鍋配料我覺得ok既..但係個刺身真係有小小唔合理..職員服務態度係我地個檯普普通通..但就同隔離第3枱客有好多火花..總結 : 如果搵個環境寧靜既火鍋店..火鍋煮場係

老友話最近在深水埗的火鍋店，吃了從未見牛白肉，非常爽脆及👍，叫我快Ｄ去食。今天終於約到脚—齊吃。先來—杯鹹檸七清下喉嚨😄。點了胡椒豬肚湯，鍋内的湯底有好多豬肚、豬腸非常多料。這個湯底非常之合胃口又可去下風😄。牛白肉真的還是第—次見和食。遠看還以為鯇魚片，滾兩下已可放入口，爽脆，絕不肥膩。特別。墨魚丸打邊鍋必吃，自家打的墨丸好彈牙，鵝肝墨丸夠突别。鵝肝味道不算太濃，但不錯。蜂巢豆腐，吸儘湯的精華，好味道😋。百花釀鮮冬菇，新鮮冬菇味香濃。什菜籃，各式各樣菜都夠新鮮，滾後吃突别鮮甜。