火鍋煮場 (已結業)

依家打邊爐食火鍋真係無分時段同季節，有日ot之後突然好想打邊爐，放工就即刻約埋個兩個同樣要收夜既fd，係中間位搵左間9點後有七折既火鍋店，準備黎個邊爐夜打邊爐既第一步就緊係點返個靚湯底先啦，係芸芸既湯底之中，我地就要左個 鮮茄海鮮蟹鍋個鍋一滾起，職員就主動幫我地落埋呢盆靚仔海鮮除左有新鮮蕃茄，仲有蜆、蝦、青口同蟹，湯底有鮮味之餘又酸酸甜甜咁，好開胃我地入座既時間9點鬆d，所以啲火鍋料有7折，我地見有折，所以決定食得痛快d要左好幾款火鍋料，啲質素都唔差啵我同朋友都中意食牛，所以要左碟手切牛頸脊，雪花均匀有牛味，高質靚肉除左牛之外，我地仲order左碟五花豬，同個牛一樣好有質素薄切既五花腩雖有脂肪但毫不油膩，入口爽嫩，好有驚喜而呢度既竹笙都幾靚仔~唔會碎濕濕，索左d湯汁勁正呢個 雙丸孖寶 真心要試下， 手打蝦丸同手打墨魚丸都好彈牙，前都加入大粒蝦肉，後者就有爽口墨魚粒呢個係職員推介既 即炸響鈴，佢地既真係即叫即炸，入口脆卜卜又熱辣辣，加上響鈴卷入左紫菜，我地當小食咁食都食左兩三件最後仲要左個飽肚既 三色餃原来三種餃都係餐廳職員每日新鮮人手包，難怪粒粒都飽滿又足料嗰晚我地仲要左一楂竹蔗茅根，

前天是朋友的生日飯，我們經開飯網頁預訂了枱，原本是儲里數的，因為店內有生日優惠可送給壽星女，但優惠及儲里數不態同時用，店員說要享受優惠便要取消預訂，我們做由店員處理。講起個店員真係火都嚟，到達店外見一大隻男店員在門外坐下，告訴他經開飯網預訂6位，雖然唔係要佢好熱情咁招待，但他看到有客人，都沒站起來招呼，臉上還掛著不可一世的態度，只說入面第三張枱，我們便自己進去，隔了一陣我們叫那男店員幫忙開紅酒，電話確定訂枱已經知道會收取$50開瓶費，我們邊看餐牌邊等朋友，期間發現想吃的東西很多也沒有，龍蝦推廣都說沒有（沒貨返），但前一，二天在網頁內還看到，都算了，男店員的態度才令人討厭，由於朋友們遲到，我們選擇一個小食，原本選擇的食品，男店員說會等很久，建議我們吃鴨舌，我們也同意，我問了壽星優惠送的刺身拼盤，他說要取消訂枱，因為不能同儲里數一起享用，所以我便在7點半後壽星女到達後選擇了刺身給她吃，那個刺身上枱後，先別理會新鮮唔新鮮，6個人都不夠也算了，賣相也不好，刺身沒油光，然後我們選擇了配料湯底，期間在我們進店只看到4枱客人，包括我們在內，朋友說黃金時間都這樣清靜，生意難做，我現在也明白箇中原因，誰

上openrice見到依間hotpot店好評頗多，一於去試試。我地叫左個豬骨湯底，豬骨、粟米、白蘿蔔也很多，豬骨味濃郁，味道不錯。頂級Prime 牛肉，牛肉普通，鮮味不足，有点失望。水餃好大粒，饀料味道不錯，蝦肉好多，有鲜味。豚肉片有点鞋，又多筋。手打牛肉丸值得一讚，有牛肉鮮味，好爽口。海中蝦，將活蝦燙熟後才有的顏色，突顯出蝦側的紅白色條紋，除了 脫殼過程比較麻煩，甘甜味和香氣實在引人喜愛。自家製竹蔗茅根，金黃色的竹蔗茅根，顏色極為漂亮，而且不像別家的混濁。很滿足的一餐！

大熱天時最鍾意喺冷氣房打邊爐，咁啱今日去開石硤尾做野，又要同好朋友慶祝生日，佢就提議不如喺附近睇吓有無得打邊爐。佢鍾意打邊爐有海鮮食，見到呢間主打海鮮，又有刺身，就決定入去試吓。入到去見到有個番茄海鮮鍋，就二話不說即刻點左先，之後再慢慢睇下有咩配料。咁啱老細聽到我同朋友都係呢個月生日，就同我地講生日月份係有刺身送。當食緊刺身嘅時候個海鮮煲就嚟到，首先上左個番茄湯，一嚟到已經聞到好濃嘅蕃茄味，我記得老闆好似話用咗四十幾斤蕃茄嚟嘅，所以啲湯先咁香濃，等滾左之後侍應就將海鮮倒埋落去，d青口好大隻睇見都好興奮。不嬲打邊爐都好鍾意食午餐肉，呢度仲有好邪惡嘅炸午餐肉，即刻叫番碟嚟試吓。黎到之後我同朋友已經忍唔住就咁食咗兩三件，外脆內軟，唔係怕肥嘅話真係好想叫多碟！打邊爐梗係唔少得牛肉啦一於試吓佢個三拼(本地手切牛頸脊,安格斯牛小排,牛展)，牛頸脊脂肪比例一流，都算得上係入口即溶，而牛小排同牛展就比較肉味香濃。下次多幾個人一定會叫最大嗰個牛肉拼盤，可以試晒咁多款牛肉。個即炸紫菜響鈴非常之鬆脆，上到枱仲熱辣辣，嗰啲包裝即食響鈴完全比唔上。蔬菜類嘅我哋就叫咗新鮮淮山同埋竹笙，竹笙煮完吸晒啲番茄湯真係超級

今日同班姊妹去完旺角shopping 行到非常之熱 有個姊妹就話不如去打邊爐 我心諗你係咪玩嘢呀 咁鬼遠仲去打邊爐 但係見在係好朋友 唔好意思推佢 就搵間好好哋嘅火鍋店食下啦 行過見到呢間火鍋煮場 個名得意 入面嘅環境亦都幾好 而且食物都幾多元化 就入去試下啦 入到去首先就有一個湯底 係蕃茄海鮮鍋 番茄係用咗新鮮嘅番茄製成 海鮮亦都有非常之好食嘅紅花蟹 海蝦 青口 同埋大蜆 大蜆非常之鮮甜味美 而且富海鮮味 而紅蟹嘅鮮味當然唔使講啦係蟹之中嘅極品 而且蟹膏亦都幾多食落非常之甘甜 海蝦嘅肉非常之彈牙都幾好食 青口相對上比較普通但係勝在夠大夠肥美之後就叫咗一碟白鱔片白鱔片係厚切嘅 肉質非常之鮮嫩可口 而且好彈牙 勁好食紫菜響鈴 呢個響鈴係火鍋店自己炸嘅 佢仲要夾咗啲紫菜喺入面 加上少少嘅淮鹽 配搭非常之新鮮 而且合襯 非常之好食我非常之鐘意之後就叫咗一碟牛柏葉 係黑色嘅 唔同喺凍肉舖買到白色嘅牛柏葉 黑色嘅牛柏葉係因為佢冇經過漂白處理 所以可以食到牛柏葉最原本嘅味道 非常之正呀 食到停唔到口呀仲有叫咗 蝦滑墨魚滑同埋鯪魚滑 幾樣滑都好正口感好彈牙好新鮮 我同埋班姊妹都對呢一餐讚不絕口呀

深水埗一帶到了晚上比較寧靜，行經福榮街，順道找間食店醫肚，被燈火通明的火鍋店吸引了，橫掂最近少吃火鍋，今晩一於盡興吧！最近濕氣太重，胡椒豬肚湯底解濕困最好不過。微微的胡椒香另人醒胃，隨了有豬肚還有粉腸，軟熟得嚟有嚼口。美國縠飼牛質量不錯，軟腍有牛香。牛白肉非常罕見，我是第一次食。看似魚片又似肥膏，只需要烚數秒，入口爽脆，絕不肥膩。好特別。墨魚丸食得多，鵝肝墨丸真矜貴。自家打的墨丸好彈牙，鵝肝味道不算太濃，ok喎！脆炸午餐肉有點家常餸菜的煎午餐肉，炸得外脆內軟，香口惹味，停不了口。

一班FD最好去邊度食飯？二話不說緊係打邊爐啦放題任食真係一分錢一分貨都係要去返D碟碟計的比較有水準深水埗係大家的中點站呢間係Openrice見到評語唔錯叫火鍋煮場仲要九點後有七折, 就BOOK定台食好野老闆介紹我地食一條刺身魚每一片都切得好薄身,好刀鋒魚生片好鮮甜。瑤柱花膠上湯冬瓜盅做今晚的湯底湯底都好清甜, 賣相都相當唔錯。三式牛肉拼盤, 牛肉味好濃厚又肥美竹笙好爽口又大條, $68值回票價!!脆鯇又係必點之一,食過脆鯇就返唔到轉頭自家手打蝦丸, 蝦丸十分爽,好有咬感, 仲食到大大件蝦肉係入面!!稻庭烏冬, 麵質十分滑又QQ打邊爐點可以錯過即炸紫菜響鈴呀真係脆卜卜, 食幾多都唔會膩~成班人聚埋一齊點少得啤酒呢度2L啤酒好型呀!!呢晚每人平均消費都係$300幾蚊而呢個價錢食到高質素又新鮮, 係幾抵!!

自從唔知幾時開始，逢星期五就會約成班姐妹出黎HAPPY FRIDAY，早一個星期就會一齊研究一下食咩菜同睇下openrice邊d 多好評就試下佢。今次我地既6月happy Friday list 有火鍋煮場。無錯!!我地不論春夏秋冬都會去打邊爐架，因為我地發現一路打邊爐一路傾計係最開心既. 哈哈一去到見到有個刺身counter，同埋好多生猛海鮮，二話不說就同班姐妹點碟刺身做個前菜先。先叫個會活魚刺身同雜錦刺身先。刺身即叫即切，超新鮮呀。仲要活魚刺身刺得薄片，我好中意YUMMYYUMMY再叫埋啤酒啤啤去，成揸上。正爆!我地先叫個必食湯底艇家鮮魚活蜆鍋，內有豆腐、冬瓜、蜆、兩條鮮魚一同加入湯底齊齊滾。未打邊爐前先呷一口湯底，已經係超級鮮甜，無得輸，飲左兩大碗湯。先叫一碟即劏新鮮龍蝦，必食肉質超彈牙呀另外再叫幾款配料招牌手打蝦丸 – 真係必點必點必點，真係用蝦肉搓埋一個個蝦丸而成的，非常彈牙，好好食呀。一碟入10粒三式牛肉拼盤 牛肉控既我必點，一次過食到牛的不同部位。牛味超重，完全唔鞋口野生竹笙 – 竹笙完全吸晒湯底精華，啖啖爽口入味稻庭烏冬 – 打邊爐識食就一定食佢，麵質口感都係最滑最好食

深水埗福榮街真係好鬼多野食今日老友就同我去拾下拾下<<火鍋煮場>> 個名已經好有氣勢~~當日有Promotion,,大大隻龍蝦$98我地咁鬼為食,,緊係叫左黎食啦!!打邊爐前食個刺身拼盤三文魚好肥美,,入口又甜又滑~~艇家鮮魚活蜆鍋 湯底好清甜, 未打邊爐前飲返碗,, 暖一暖胃先登登登登... 龍蝦真係好大隻, 無諗過$98咁足料又新鮮加上肉汁鮮甜, 而且好實肉,,十分抵食!!手打蝦丸都無得輸, 十分之爽口食到啖啖的蝦肉, 更誇張既係有原隻蝦係入面!!三色牛肉拚盤 包括有牛頸脊, 安格斯牛小排, 牛展牛肉脂肪分佈平均, 肉質好嫩滑, 好好味!脆鯇魚 份量都幾多,, 魚身脆口!!野生竹笙 竹笙條條都好肥大, 真係貨真價實!!即炸紫菜響鈴 非常脆!! 可以就咁食都得,, 唔洗放落湯底度怕熱氣的話放入去2秒已經可以食啦打邊爐飲返杯竹蔗茅根水清一清熱氣~食材新鮮又高質, 9點後仲有7折優惠,,真係好抵呀!!!

身為一個愛狗之人今日去開旺角幫隻狗狗入貨 行完之後攞住咁多狗糧同埋用品就去搵間好食嘅餐廳慰勞下自己啦 咁啱喺太子見到一間食打邊爐嘅火鍋煮場 咁我就一於入去試下 美味嘅海鮮火鍋啦 呢間餐廳嘅選擇非常之多 有海鮮有肉類有蔬菜而且佢哋嘅番茄湯底係用新鮮嘅番茄淆製而成 而唔係普通餐廳咁樣用茄膏去做出嚟嘅首先有一盤海鮮拼盤 上面有三隻大青口 超肥美又有一隻新鮮嘅紅蟹 蟹膏非常之多而且食落海鮮味同埋蟹味都係一流嘅仲有幾隻大蝦 蝦肉非常之彈牙鮮甜 大蜆 係蕃茄湯嘅襯託之下鮮甜味更加突出之後我哋仲叫咗一啲墨魚滑蝦滑同埋鯪魚滑 呢三個滑都係用新鮮嘅肉去打出嚟嘅 所以食落啖啖都係墨魚鯪魚同埋蝦嘅鮮味 非常之爽口彈牙 值得一讚之後仲有白鱔片 雖然唔係好多 但係切得都幾厚身 食落口感亦都非常之煙韌彈牙之後仲有一個魚皮餃 整得非常之靚 係等腰三角形 而且雲吞皮唔厚 鮮嫩嘅魚皮食落非常之爽口 有少少鹹香味仲有叫咗一個牛柏葉 呢個牛柏葉係黑色嘅 因為佢未經漂白處理 用了新鮮食材 非常之口感煙韌最後就叫咗一碟三式牛肉拼盤 有頂級牛展 頂級安格斯牛小排同埋本地手切牛頸脊 油花均勻 而且肉味濃郁豐富 食到大家都停唔到

今日來到深水埗呢間火鍋煮場，舖頭細細但係都有個大魚缸裝滿新鮮海鮮。我哋叫咗番茄海鮮煲做湯底，個鍋開始滾已經聞到好香番茄味，好濃郁，之後服務員就拎咗碟海鮮，嘩嘩嘩好豐富，有蟹，蜆，青口，蝦，重要係大隻架，好有誠意！差唔多好似我隻手咁大嘅青口！等湯滾咗就將成碟海鮮倒落去，再冚返蓋滾下佢。等緊湯滾嘅期間，服務員問我哋有無人呢個月生日，咁啱我個朋友就係咁個月生日，原來本月之星可以免費獲得魚生拼盤一碟！好嘢！湯滾啦，試下啖湯先， 好～甜～呀！食物開始嚟啦～打邊爐最鍾意飲竹蔗水，先叫一渣先～三式牛肉拼盤－安格斯牛小排，手切牛頸脊，牛展，好香牛味，脂肪同肉嘅比例剛剛好，一啲都唔韌，入口就有牛油香，有少少入口即溶嘅感覺。酥炸午餐肉，極品呀！！！！真係超正，外脆內軟勁香口，雖然好邪惡，但係我哋好愛呢碟，湯未滾都清咗大半碟啦！（一定要試！）手打丸係火鍋煮場嘅招牌，我哋叫咗手打墨魚丸，蝦丸同鯪魚丸，食落都好彈牙，正！鮮蝦水餃，真係有驚喜，因為每隻水餃都有2隻蝦係入面，真材實料，大大隻蝦大大舊肉！竹笙都係招牌嚟架，好大條，一落落去就會吸晒啲湯，好好食，吸收晒湯嘅精華，濃郁嘅番茄味加上海鮮嘅鮮甜，無得輸啊！！！

今次黎到深水埗見到一間火鍋店好多人，又有刺身又有得打邊爐，一於試下！叫咗呢個蕃茄海鮮蟹鍋 ($188) 超濃兼真材實料蕃茄湯，湯底有少少稠，但飲落真係好濃好重蕃茄湯另外仲有一碟海鮮，有蟹有蝦，青口，蜆。海鮮夠新鮮！先黎一碟象拔蚌刺身 (~$880 1條)好鮮甜好有咬口，點少少甜豉油食落更上一層樓，好快就清哂成碟。再來火鍋主打，本地手切牛頸脊 ($328) 大大碟，見到啲牛既花紋就知係正野，滾兩滾就食得，肉質鮮嫩，食落十分鬆軟。之後都叫咗好多火鍋配料，當中有水魷頭 ($58) ，蟹籽墨魚滑 ($98)，新鮮黑牛栢葉 ($78)，什菜籃 ($58)，南瓜片 ($38) ，鮮淮山 ($48)，蜂巢豆腐 ($48)...材料都好新鮮，大家可以試一試呢度既蟹籽墨魚滑，幾彈牙爽口，食落唔錯。

夜晚去了深水埗一間火鍋🥘食飯,長沙灣道附近。街邊可泊車🚗。我哋叫咗艇家鮮魚活硯鍋，上台嘅時候已經兩條魚同硯兩種海鮮！湯底好鮮甜，食得出冇味精，忍唔住飲左兩碗！頂級安格斯牛小排唔係薄切，唔似其他一陣風就吹走，真係有牛小排感覺！另一個好欣賞係個竹笙，一食就知高質，同外面不同，形狀較長並非碎上，肉好厚，咬落juicy，將d湯汁吸滿，口感特好！竹節蝦蝦肉彈牙，好新鮮，顏色好靚，配合海鮮湯，非常有誠意！本身想hea叫午餐肉過口癮，點知最有驚喜！午餐肉炸過之後香脆可口，未打邊爐已經食曬！蝦滑同蚌都好新鮮，值得再去！

深水埗真係美食天堂，一條福榮街就可以食到香港最地道最好食嘅火鍋同打冷！今日我就去打邊爐！呢間火鍋主場真係隱世高手！首先,佢哋用新鮮嘅魚湯做湯底，呢個係好多餐廳都唔敢做，因為要調配唔好就會腥！老闆話佢用兩種雨去熬煮呢個艇家鮮魚活硯鍋，奶白色嘅湯，一d味精都冇，我地一人飲兩碗先開始煮野！呢個湯同時會比硯同魚你去煮，見到卜卜聲開曬d硯，好療癒！呢個頂級安格斯牛小排好有牛味！而且係厚切啊！輕輕錄到粉紅色，超級好味！鍾意食海鮮一定要叫雙拼蚌，我經常有選擇困難，到底食珊瑚蚌定桂花蚌呢，一份合併就岩曬兩個人份量喇！識食一定係食午餐肉，呢度午餐肉係炸過嘅，一上台已經觸動到味覺，唔放入湯度，即刻食左先！脆口又好食！最後，我地只剩兩舊打邊爐，其他就即刻食左！我地覺得炸過午餐肉用來打邊爐失色左，即刻食過癮d！呢度蝦滑係自己打，彈牙又多蟹子！

朋友生日慶祝，主角鍾意打邊爐，聽聞喺深水埗有間火鍋店新開無耐，出名食材新鮮，我地就梗係要黎試下啦好彩我哋早左三日book位，如果唔係嚟到都冇得食，因為我見個個都係一早就book晒位。門面光鮮，燈光火著，離遠都已經見到啦一坐低侍應就已經俾咗調味料我哋啦，款式唔算好多，但係全部都好新鮮，而且乾淨整齊。我哋叫左鴛鴦湯底，胡椒豬肚加麻辣，鐘意辣又得吾辣又得，呢個湯底真係一啲都唔可以睇小，麻辣味好香，睇落以為好辣，但其實佢只係有麻辣既香，辣味始終係好適合香港人，唔會太辣。🤗🤗🤗至於個胡椒豬肚湯底，湯料好豐富，有豬肚就不在話下啦，難得仲有我朋友最鍾意食嘅粉腸，而且食材好新鮮，一放落口就知道，全部野都唔會好淋，啱晒我朋友依個咁嘴刁嘅口。頭盤我哋叫咗條象拔蚌醒醒胃先，象拔蚌刺身，上檯果時我地都「嘩」咗一聲！師傅刀功精細，每一片刺身厚薄均勻，晶瑩剔透，淨係擺盤嘅賣相都已經令人垂涎三尺🤤食頭一兩片，唔好點任何醬汁，食落口，真正鮮甜又爽口！之後先再配豉油Washibi食，又係另一種味覺享受！食好野，貴少少都值！打邊爐必食既響鈴，呢個仲特別，係紫菜響鈴，即叫即炸，可以即食，切成一段段，色澤金黃，咬入口「咔咔咔