火鍋煮場 (已結業)

放大假留港消費Day 2 ：接我好姊妹放工。去左太子meet 佢，黃昏六點零鐘，天色仍然光亮，兩個女生一見面就撻著，我們只顧吱吱喳喳的，竟然無意間行到深水埗，其實亦不是偶然的，我們一個住白田，一個住長沙灣，方向很正確吧😝常說女人係矛盾的動物，天寒地凍着短裙得，大熱天時打邊爐點解唔得？我們一拍即合，沿大埔道左轉入石硤尾街，不消兩分鐘就找到我們想要的火煱煮埸。食火煱之道，除左配搭任君選擇，可以慢慢食，慢慢傾至係真理，先來一個靚湯⋯⋯底看到橙紅色的湯底你會不已為然，隨著一牒海鮮另上，我倆都不期然嘩了一聲，沒料到可以如此足料，放下海鮮滾起，先來個鮮茄海鮮靚湯，全無添加，茄紅素配合海鮮精華完美釋放，直接享用鮮甜味美雞件浸浴在花雕中，雞件的酒精已全面揮發，醉的只是雞，餘下酒香撲鼻, 絕對係火煱嘅大熱食材。三寶丸全都是手打自製，日日新鮮即做，咬過蝦丸，你會很容易看到切了粒的海蝦，足料美味，墨魚丸亦同樣爽口彈牙，鯪魚球絕不鬆散，而且魚味十足。即炸響鈐，色澤金黃，入囗有吃雞蛋卷嘅感覺，薄薄的千層，脆脆的逐一破裂，點上自家調製嘅甜酸醬汁，兩個人一份都唔多夠食喔😝咸檸檬解滯又醒神，泡泡的7up 夠氣又夠凍，

福榮街呢間「火鍋煮場」，啱哂揸車🚗人仕，尤其八、九點之後，泊車更加無難度😬，就算你搭地鐵行過來都係5分鐘左右，要食靚野，最梗要識搵門路。「火煱煮埸」越做越旺，生意咁好全因佢地靚嘅食材新鮮，用料上乘，加埋用心製作，好多時熱賣嘅火鍋料會極速沽清，所以今日來之前特別叫佢地留啲靚牛比我地！飲品選擇多且經濟實惠，唔使就住就住，小食亦係幾十元有交易，先來作一下熱身又何妨🤗店員首先奉上醬油，好多火鍋店比十幾款比你㨂，不過多唔係代表好，反而我鍾意呢度幾款就夠，正所謂貴精不貴多，新鮮青、紅椒（絕對新鲜），芫茜，是我必然之選，對提升食物鮮味及層次很重要！蕃茄海鮮湯底⭐️⭐️⭐️⭐️⭐️呢個湯底係用二十幾斤新鮮蕃茄餚製，絕非茄膏開，所以茄味濃郁，淨係個湯都值回票價，係你面前加埋真材實料海鮮，無花無假，自己買料都唔得啦，個個讚口不絕架👍🏻三式牛肉拼盤⭐️⭐️⭐️⭐️⭐️牛牛隆重登場，由上而下分別係：頂級牛𦟌頂級安格斯牛小排本地手切牛頸脊好彩一早打電話預留，靚嘢好快賣哂，打邊爐無靚牛食點對得住自己呀唔係講笑，有圖有真相，靚到吖😍幾個人，啤一啤，邊食邊吹下水，辛苦搵來自在食，真係唔好刻薄自己啊！我地仲叫左好多必點火鍋配料，全部新鮮

哩到既新鮮蕃茄湯底真係重點推薦大家要試呀!! 除左自己煮之外我諗係街都好難搵到咁原汁原味既蕃茄湯打邊爐~~ 仲要加埋新鮮既海鮮, 成個湯蕃茄味濃之餘仲好甜海鮮味~ 除左哩個湯底係重點之外, 仲有即炸既紫菜響鈴同埋即炸午餐肉😱 哩2樣都係係其實地方都好似冇既, 即叫即炸熱辣辣, 午餐肉外脆內軟好香口~~其他既打邊爐配料都好新鮮, QUALITY都真係唔差.. 值得各位黎試下.. 9點後仲有7折, 變相仲更抵食, 今次我地3個人除番開每人都係$2XX ... 真係仲好過去食任食呀🤣🤣

工作日晚餐到這裏吃的好處就係唔驶等位，食客唔多，所以人手足，服務品質自然好～d。用open rice訂位有Asia Mile送。我哋人多，於是俾咗二樓間大房。十個人坐都幾松動。小食點咗醉鴨舌同炸魚腩，鴨舌好入味，只是表面睇落有d干。打邊爐的餸就叫咗膳片，牛肉，脆鯇，魚蛋，蝦膠，水餃。膳片新鮮，脆鯇又弹又爽，魚蛋和蝦膠彈到好似乒乓波咁😋。水餃應該係自家做，菜和肉的比例搭配得恰到好處。

網上評論不錯我地就諗住去試下我放假老公就諗住話去十下十下我地就黎左呢間我地入到舖得一台有人坐全場冇人。。。我地叫左個胡椒豬肚湯底肥牛一般，價錢但相當貴！未算得上超好味！個烏冬好食好有咬口，珊瑚蚌一般般，但又係貴價品，又細份！餓腸都要成百幾蚊，又細份又貴，食上口買可以吧，但不值這個價！魚就好味，但份量少！芝心丸勁似過時，食入口有啲硬，差！冇咩魷魚味😩失望！整體來說價錢貴、份量少、品質一般不會再來。。。我地兩個人甘就成千幾蚊！

早2日上open rice睇下有咩生日優惠，見到哩間火鍋店生日送刺身，咁正，更係即刻訂枱！由地鐵站行過嚟都係兩條街唔係好遠啫，入到來見到 周圍都好乾淨企理， 仲有個魚缸， 感覺唔錯！一坐底侍應已經問係唔係有人生日，因為訂枱嘅時候已經講明，仲講笑叫我地預備相機食先，第一次來D服務都咁親切，好開心！首先點咗個湯底蕃茄海鮮蟹鍋， 上枱嘅時候原來啲海鮮係另外上，蕃茄湯底啲顏色好靚好多蕃茄，再飲啖湯好濃嘅番茄味好香甜，跟住叫咗牛頸脊， 好淋，好有牛肉味，再叫左花竹蝦，好大隻，好甜，蝦頭仲有膏，其他配料有手打蝦丸，全部都係蝦肉，無粉，好彈牙，墨魚丸好爽口，超正，豆腐，牛柏葉，鵝腸，好肥美，脆炸午餐肉，真係外脆內軟……真係食到停唔到口。幾個女仔又飲又食坐足成晚，最緊要係無限時，唔會趕你走。

呢間位置都算’格攝’，特登搭車過來尋鮮味。店內唔算好大，但坐得舒服，乾淨企理。坐低後就先簡醬油配料，然後點餸。今次叫左個卜卜蜆湯底，店員話呢個湯底係鮮魚‘淆’岀來，呈現奶白色，一試確實係有魚同蜆的鮮味呢個自家製的丸同餃子真心推薦，手打丸十分爽口彈牙，仲好有鮮味。而餃子確實真材實料，粒粒都好多餡好大粒。都幾飽肚黑豚肉 豬味十足，肉同脂肪比例相約，口感頗滑，超邪惡，令人不能停口地食。岩岩炸起，就甘食勁鬆脆，唔似其他店的會有過氣果種韌的感覺。真心讚活魚刺身條魚上枱仲不停郁勁生猛新鮮有咬口，唔腥易入口。唔錯仲可以做避風塘炒魚即叫即正，熱辣辣。連飲品竹蔗茅根都係店內自己煲，唔錯。整體來講是一間對食物有要求同有質素的火鍋店，用料非常新鮮，而且店員很友善，會按照食客喜好而作出食材調正，有彈性去處理事物，做到以客為主。就連蔬菜、豆腐都有質素，粟米是有粟米味，而且粒粒飽滿鮮甜，豆腐都超滑，入口即溶。是令人滿足的火鍋餐

這一晚是聖誕節，很多店都被訂滿了。這間店當天仍有位可訂位，還有亞洲萬里通積分可儲，就試一試。湯底和食物都係正常嘅，係價錢比較高，裝修就一般，檯唔多但都唔滿。服務就有點慢，埋單時記得要check單，當晚竟然收多了一個窩底錢。

今日約左人食飯。 甘凍當然係打邊爐啦。 諗唔到食咩當然係上Openrice睇下有咩好食啦！見到深水埗有新開既打邊爐。見9點後入座仲有8折。 咪新係網上訂位試下囉！講真。入面真係好多野食。 有幾樣特別好食既。1.豬肺湯。 真係超好食！$1382.三色手打丸。$98其實其他野都唔錯。d珊瑚蚌 同豚肉片都有一定既水準！但加完茶料同加一後差唔多400位。 對於一個冇飲酒既宵夜黎講會唔會太貴呢！仲有一點要留意啊。 8折只有配料。 牛肉，手打丸，湯底，海鮮等等既全部都冇啊！

生日同男朋友去咗呢間火煱店打邊爐。叫咗糊椒豬肚湯底，皇帝菜、芋絲、三款牛、紫菜響玲，因為得兩個人食，我又食得唔多所以叫得唔多款。嗰碟三款牛唔記得咩名，顧住傾偈之後都忘記拍照。碟牛都二百幾，味道一般。整體食物其實一般。紫菜響玲值得一試。侍應有啲呆。佢寫生日月份送刺身。我問佢係咪有得送，佢答我係呀就無下文。。。隔咗陣我再問佢先找個大嘅問。原來經open rice訂座係無得送，要直接電話訂座先有。。。。最後個經理話幫我取消open rice當我無唻，然後當電話訂座送咗幾片刺身。整體各方面都普普通通。但係埋單七百幾。。。呢個價錢應該去食放題。。。

天寒地凍同成班friends一齊搵野食，最岩就係搵個舒服嘅地方打邊爐暖下個胃，又可以坐耐啲吹下水，於是就試下深水埗依間火鍋煮場。間餐廳大約喺地鐵站出左行5分鐘左右就去到。今次初次幫襯，人流唔算太多，餐廳環境幾舒服，位置最緊要唔好太迫，而且都幾好坐! 落單前侍應已經自動拎左豉油既配料嚟比你，有辣椒、生蒜、熟蒜、蔥等等。打邊爐之前我地仲叫左個小食 椒鹽雞軟骨($68)一齊食，估唔到火鍋店嘅"椒鹽"都做得咁高質，一啲都唔hea，好有大排檔風味!! 湯底方面都有好多款式，有平民嘅又有啲特別口味嘅特色湯底，最後大家決定叫胡椒粉腸豬肚湯底($128)。「胡椒粉腸豬肚湯底」賣相吸引，未食都聞到陣陣濃郁胡椒味，邊爐前我地大家都試返碗，入面有粉腸豬肚同酸菜，都幾開胃架，不過酸菜煮耐左反而無乜酸味，如果可以再酸小小就好。預備落單時火鍋配料/刺身嘅餐紙都分類列明好哂，想搵配料真係簡單好多，因為選擇真係好多，粗略估計都有成90多種配料選擇，而且當日嘅時令海鮮連價錢都會寫左喺餐廳嘅黑板上。飲品方面更加唔洗諗，成班friends最緊要就啤一啤去! Hoegaarden、1664、apple cider都有! 當然

冬天最岩就係打邊爐即刻暖粒粒，去開深水埗諗起朋友介紹過既依間火鍋煮場就想挑戰下。今次係同2位朋友一齊食既，餐廳閒日唔算太忙，環境都坐得幾舒服! 原來火鍋煮場就唔只得火鍋食架，仲有刺身同小食，小食方面叫左個香煎墨魚餅($98)，岩岩煎出黎時聞落幾香，外皮脆得黎又唔會太厚粉，而且好有咬口。食物方面最緊要緊係簡個湯底先啦，最後我地簡左個胡椒豬肚湯($128)，湯底本身已經有好足料，有好多豬肚、豬腸。呢個湯底用黎打邊爐會愈來愈惹味。唔中意麻辣但又想食下小小胡椒辣既人就岩哂啦!特別想分享下既係佢地既珊瑚蚌同貴花蚌($138)! 佢地既海鮮真係好新鮮。仲可以雙併咁叫，少人都可以一次過試哂兩隻蚌。珊瑚蚌就好爽口，食落口唔會霉，唔似平時出邊酒樓果d西蘭花炒珊瑚蚌咁無乜味，食落反而有驚喜，好似食到海水的新鮮味道，就算唔點豉油都好高質。即炸紫菜響鈴($68)係侍應推介，佢話係餐廳自創的。平時食太多響鈴已經悶悶地，但呢個紫菜響鈴幾得意。我唔中意滾太耐，通常落3秒就食。最正既係D紫菜浸完都係仲係脆既，比起一般響鈴個口感同味道都係多層次啲。手打墨魚肉丸($88)都係好新鮮，彈牙得黎又起哂膠，而且好有口感食落仲會

今日去到深水埗區b2出口,去咗一條之前冇乜點去過嘅福榮街尾.同朋友試食呢一間，火鍋主場。因為我哋有訂台，所以唔使點等就可以入去坐啦。入到去第一個感覺係環境非常舒適。應該係新裝修，衛生情況非常之良好。坐低之後，侍應提供多款醬汁選擇。湯底選擇亦非常之多，今次同朋友試咗呢一個，花膠湯底，果然係真材實料。未滾已經聞到好香。滾起咗之後見到啲花膠，非常足料。我哋亦特別叫咗佢嘅肥牛。隻碟好靚，肥牛更加靚，入口即溶，值得推薦，另外我最鍾意最鍾意食嘅就係，手打蝦滑，每一粒，都真係見到有蝦喺入邊嘅。佢哋嘅海鮮亦都要一陣，因為我同我朋友分別想食，珊瑚蚌同埋象拔蚌，所以我叫左一個拼盤，珊瑚蚌係我嘅最愛，象拔蚌都非常彈牙，冇令我失望。除咗以上兩種之外我仲試左佢哋嘅蜆。完全冇沙非常鮮甜，配合埋個湯底，一絕。到最後我哋係非常少有地，將湯底都食清光。絕對推薦大家同屋企人或者情人朋友一齊嚟食。

食物質素, 全是街市雪藏貨，芝士墨魚丸，芝士像一滴水，有幾粒係冇芝士的，牛肉完全冇味，樓面亞叔冇禮貌，收錢果個未訓醒又黑面。。。。。嚟間野話主打海鮮，真心覺得差到一個點，好服囉！點解會有咁多like , 真係冇得解。

4個人叫個菜乾豬肺湯，個湯竟然係淡而無味，同水無乜分别，菜乾唔夠就俾新鮮白菜，唔夠湯嗰陣就加水，唔係加湯，配料貴都唔緊要，份量勁少，收人300蚊，個牛三寶，4個人食，都係每樣一人一塊，每塊仲要薄過銀紙，無牛味，豬皮勁膠，完全唔似係豬皮，豬紅完全無味，留意，係完全無味，個湯又無味，豬紅又無味，牛又無牛味，真係失敗，唯一有樣嘢係OK嘅，就係啲魚刺身同埋個海蝦雲吞，講真，我俾得咁嘅價錢，呢間嘢真係無下次