火鍋煮場 (已結業)

同朋友好耐冇見，好難得先約到聚一聚，當然要搵番間可以長坐嘅餐廳吹水啦，深水埗呢邊人好多，好多餐廳都逼爆曬，一等就要等好耐，咁多人等嘅情況下根本就冇可能慢慢坐係裡面食著吹水，係呢個時候，畀我地發現咗呢間火鍋店見裡面冇其他餐廳人流咁多，就入左去。間店好闊落，抽風系統做得好好，唔會有煙霧彌漫既情況，打邊爐都幾好可以慢慢吹慢慢食坐好耐都唔驚，因為我們都好遲先食野，所以都非常餓，看見餐牌有熟食，所以就決定先點了個炸雞軟骨再加個三文魚刺身，另外仲叫左勁多野食，叫到成枱都係，好豐富呀。炸雞軟骨先上，唔係好油。三文魚刺身都新鮮，厚切好正。見佢有龍蝦刺身兩食於是又叫黎試吓，刺身新鮮爽甜，椒鹽就夠香口，比想像之中多肉。火錮配料樣樣都唔錯，最緊要新鮮，叫咗黑柏葉、水餃、黑豚肉片、獅頭鵝腸、牛肚、牛舌芯、脆鯇片、本地牛頸脊同埋刀削麵，當中個獅頭鵝腸、脆鯇片、本地牛頸脊最出色，另外佢個黑柏葉同牛舌芯都唔錯，打邊爐就係要配料新鮮。

象拔蚌刺身肉質爽脆，搭配wasabi同刺身豉油食，鮮味十足，切成薄片之後，味道更加鮮美手工紫菜響鈴，快滾三秒就可吃，呢間嘅出品似係即叫即炸，所以特別脆口炸午餐肉切成長條形造型驚喜味道仲驚喜！超邪惡又香口又脆卜卜，估佢唔到炸咗之後咁正牛腩打邊爐開頭以為麻麻點知又無想像之中咁差，不過牛腩都係用黎炆好食D手打蝦丸拼墨魚丸都幾好食，墨魚肉好爽脆，丸真係唔同啲，食落好彈實，鮮味十足，口感一樣Q 彈鬆軟自家製三色餃其實就係水餃雲吞同韭菜餃，韭菜餃最有驚喜最好食，D韭菜好正萵荀其實係好Fit打邊爐的，爽脆又健康，唔好成日食肉啦西洋菜是我的至愛，火鍋必點啦呢間火鍋店的雞子竟然有兩種，分別係農場雞子同新鮮雞子，呢碟係農場雞子，就係平時食開嗰種蟶子好新鮮，滾10秒就食得，仲有少少海水味鱔片好新鮮好爽甜，而且都算大片，幾抵食蟹籽鮮蝦滑好正，記住要撈勻D蟹籽先好放落湯度鮮腐竹打邊爐又係好正

最傳統嘅鴛鴦湯底，皮蛋芫荽拼沙嗲手打墨魚丸新鮮彈牙好食，自家製係唔同啲叫咗碟廣島蠔試吓，雖然梗係桶蠔正啲，不過呢個都OK安格斯牛小排打邊爐點少得呢，呢度嘅牛肉真係好靚，性價比高羊肉片薄薄的都唔錯見咗個又可以當小食又可以放落湯打邊爐嘅即炸紫菜響鈴依家啲鱔片好新鮮另外我哋仲叫咗蝦，都幾新鮮珊瑚蚌又係好新鮮好爽口叫返啲健康啲嘅嘢，就係淮山片呢度有韭菜餃幾好食幾新鮮韭菜好香牛丸就正常嘢啦，都唔明點解要叫牛丸

今晚大家好似Short咗咁樣，叫咗超多野。鮮腐竹︰正常發揮啦鮮鮑魚︰真係好新鮮好好食，幾厚身豬肺︰似乎豬肺唔係好啱打邊爐，淥得太短或者太長時間都麻麻地，好難掌握個時間豬肚︰好爽好好食潮州魚蛋︰呢個幾好食，唔會成口粉萵筍︰新鮮，正常極品皇帝蟹柳︰叫黎睇吓有幾極品，同埋又試吓皇帝蟹柳同平民蟹柳(普通蟹柳)有乜野分別，結論係真係好食D，D蟹柳肉真D新鮮農場雞子︰細粒過平時見到嗰D好多，質感係一樣嘅，不過似乎大粒嗰D好食D脆鯇魚片︰爽甜夠新鮮脆炸午餐肉︰又唔錯woo，炸佢一劣又係好食D嘅秘制豬肉條︰幾有咬口，有彈性烏冬︰呢間用嘅烏冬比較滑海蝦雲吞︰海蝦好新鮮，似係自己包嘅韭菜餃︰韭菜夠香夠新鮮炸魚皮︰中規中矩活魚剌身︰食到一半先叫活魚剌身係咩玩法先？其實係因為其中一個朋友口痕問幾多錢，原來又幾抵食，所以就叫咗即炸紫菜響鈴︰呢個堅好食，即叫即炸，好掂羊肉片︰唔羶唔重羊味唔算肥牛白肉︰好爽口好好食，印象中唔係好多地方有得食牛白肉手打蝦丸拼墨魚丸︰兩隻丸都好食，新鮮彈牙

今晚在火鍋店食烤肉，都幾過癮，個爐都幾勁，無乜油煙，基本上安格斯牛肉、牛脷、鱔片、羊肉片、蝦等等都可以直接燒，而且味道都幾好，始終D食材都幾新鮮。店長仲話有食燒肉專用的調味醬料添，咁都啱嘅，食燒肉如果點落咗辣椒絲蒜頭蔥花嗰D豉油真係有D奇怪嘅。碟安格斯牛肉都幾靚幾新鮮，切得厚薄度啱啱好，燒嘅時候真係幾香，入口又唔會un。碟蜆都幾大碟，店長攞定張錫紙比我地，因為燒嘅時候要先用錫紙包住黎燒先OK。另外什菌拼盤都係要用錫紙包住黎燒。呢碟係榖飼牛，個樣其實都OK，咁當然係安格斯牛小排靚好多啦，不過榖飼牛就平D。羊肉片都幾好食，勝在夠新鮮。我地仲專登叫份生菜去包住D肉黎食，會無咁滯同無咁熱氣。

Happy Hotpot Time叫了很多野食好正好開心頂級安格斯牛小排又真係幾靚無老點，雪花紋均勻分布，牛味香濃象拔蚌刺身$900原條又唔係貴，份量都幾多幾大條，仲有係好新鮮，真正吸水象拔蚌鳳城水餃係自家出品所以D餡料食落都幾新鮮脆鯇魚片新鮮有彈性無泥味我地叫咗個小食椒鹽脆骨腩，都幾正，餸酒好掂牛白肉唔係度度有，呢度切得幾薄，真係淥幾秒就食得，好爽口手打蝦丸拼墨魚丸又係正，好新鮮好彈牙好足料，唔會一味得D粉韭菜餃D韭菜好新鮮，韭菜味好出無諗過炸咗嘅午餐肉又幾好食，可以即食又可以打邊爐，幾過癮炸魚片頭、炸魚皮同魚皮餃就正常一般水準啦

再次約齊三五知己光顧這家火鍋店。是夜選了皮蛋芫荽湯底，簡簡單單，吃的就是火鍋配料的鮮味。店員推介白鱔片，是今天送來的貨，非常新鮮，點了一份，真的很新鮮，肉質非常有彈性。羊肉片可能因有點脂肪所以帶著輕微的羶味，味道還可以。這碟安格斯牛肉非常對辦，很喜歡這雪花紋。我們亦點了豬雜拼盤，內有豬肺豬粉腸豬紅豬皮及豬膶，算是高膽固醇系列。我們亦點了酒糟鴨舌作小食，很入味。現時此店的德國啤酒優惠非常超值，這兩款味道也不錯。

今晚幫襯呢間火鍋店，佢D材料非常靚，而且價錢亦很合理。牛白肉唔係好多地方有得食，所以一見到有就叫，切得幾薄，真係淥一淥就食得，好爽口。手打丸孖寶係自家製嘅，蝦丸加墨魚丸，新鮮彈牙，我覺得蝦丸好食過墨魚丸。午餐肉就係午餐肉啦，一開始就落，臨到最尾先食先至有最正嘅口感。呢度嘅竹笙真幾新鮮幾爽口。羊肉片都幾大份，D羊唔係好羶，肉身無瘀黑，真係幾新鮮。即炸紫菜響鈴拎卞黎時熱辣辣，侍應話落湯浸一浸或者就咁食都可以，我就覺得落湯浸一浸好食D。刺身魚睇住佢喺魚缸拎上黎，真係好新鮮，薄薄一片好好食。炸墨魚餅係即叫即炸嘅，味道唔錯，又係好新鮮。桂花蚌都幾有彈性，質素唔錯。海蝦雲吞又係自家製嘅，入面隻蝦都幾新鮮。秘制豬肉條用黎打邊爐都真係唔錯，好好咬。黑豚肉豬味都濃，不過就肥咗少少。獅頭鵝腸好正，夠晒肥，D鵝油香到呢。鮮冬菇都幾大粒幾厚肉。自家製墨魚餃味道都唔錯，好似食墨魚丸加塊餃皮。涼瓜片都有真係勁。

去火鍋店食烤肉係乜野玩法？其實都幾好食，D肉燒黎食係香D嘅，又可以慳返個湯底錢可以用黎叫吓其他野食。呢度個爐都幾好，無乜油煙。配有燒烤專用醬料。牛肉我地揀咗安格斯牛小排，其實佢呢度都係得3款牛︰和牛、安格斯牛小排同餵飼牛，我地覺得和牛可能會太油，所以就揀咗安格斯。咁多樣野之中我地覺得安格斯牛肉同鱔片用燒烤嘅方式黎食最正，可能因為有D脂肪所以燒出黎會更香口。另外叫咗份生菜包住D肉食就無咁滯。飲啤酒就仲正，因為佢地做緊100支啤酒$100，邊食BBQ邊飲啤酒一樂也。

真心想講呢一間火鍋店嘅德國啤酒優惠真係好crazy，$100一百支唔使一次過飲晒，只要兩個月內嚟幫襯都可以用，當然有一啲條款限制啦，不過啲條款都fair嘅，例如每位消費$250，呢個金額基本上都實達標。深啡色個支小麥味好香好好飲，橙色嗰支西柚啤酒精度比較低清爽易入口。湯底我哋揀咗傳統嘅皮蛋芫荽鍋。呢度啲牛真係質素高，好耐冇試過打邊爐食到啲咁靚雪花紋嘅牛肉。脆鯇片好新鮮。羊肉片就肥咗少少，不過羊味都幾濃但係又唔會羶。我哋仲叫咗個豬雜拼盤。

原本諗住黎打邊爐兼飲德國啤因為之前join咗一百蚊一百支的plan未用完仲有好多支，點知黎到時見隔黎枱食烤肉，於是我哋就問吓可否改食烤肉兼同時用唔用得一百蚊一百支的啤酒plan，結果係得，所以今晚就變成BBQ之夜。我哋叫咗火雞腎、牛脷、三式牛拼盤(安格斯牛小排、和牛同牛展)、雞翼同埋茄子，本來見慳咗個湯底錢想叫多少少嘢，不過好彩侍應姐姐叫我哋食住先，驚我哋食唔晒，結果真係飽到上心口，呢度啲份量比起出邊其他火鍋店真係大碟好多，但係價錢就差唔多，所以好抵食。用生菜包住啲肉食感覺上冇咁肥膩同滯。令我哋都好渣，只係飲咗四支啤酒，仲有80幾支有排飲😅

今晚嚟呢間打邊爐係因為有個朋友話呢度有$100 100支啤酒，熱辣辣打邊爐可以肆無忌憚飲啤酒梗係無敵啦。湯底揀咗最傳統嘅鴛鴦鍋，就係集材清湯配沙嗲湯底。紫菜響鈴即叫即炸，可以當小食就咁食或者好似平時響鈴打邊爐咁樣浸一浸湯底先至食，我就覺得浸一浸湯好味啲。同樣都係可以當小食嘅仲有呢個脆炸午餐肉，我又係覺得呢一個浸一浸湯先至食好食啲。呢碟係大size安格斯牛小排，牛肉質素高，份量好足，啲雪花紋好靚，食落牛味濃而且軟綿綿。手打三寶丸自家製嘢新鮮好味，鯪魚球蝦丸同埋墨魚丸之中我覺得蝦丸最好食，另外旁邊影到少少嘅韭菜餃都好好味道，啲韭菜好新鮮，而家寫食評先發現原來冇影到佢相。聖子王有大隻有新鮮，我哋三個人就叫三隻，大家都覺得好正。成餐飯先係飲咗五支啤酒，朋友話仲有80幾支，下次可以再去飲，原來佢呢100支係兩個月之內要飲晒，一蚊一次真係好抵，似乎大家都出盡辦法去救市，益晒我哋。

呢間火鍋店唔好睇佢裝修麻麻哋，食物質素媲美尖沙咀銅鑼灣區嘅高質火鍋店但係價錢就保持返喺深水埗水平，啱晒我呢啲唔係食裝修嘅人。坐低先你兩個小食等齊人先開波打邊爐，叫咗炸雲吞同埋炸雞軟骨，炸雲吞似乎係自家製雲吞拎去炸，雞軟骨就一般貨色啦，配埋佢哋而家德國啤酒優惠一蚊一支真係抵到好得人驚，我哋都係咁以飲咗少少。湯底試咗清湯牛爽肉鍋，所謂嘅牛爽肉就好似介乎牛肉同埋牛筋之間，幾好食。海鮮就叫咗聖子同埋廣島蠔，啲聖子好新鮮同埋都幾大隻。佢個羊肉味道都唔錯，唔算太肥。呢度嘅手打院同埋雲吞都做得幾好，應該係自己整嘅因為食落去都覺得幾新鮮。呢度嘅黑毛豬柳豬肉味香而且咬落去煙煙韌韌好好食。另外我哋仲叫咗冰豆腐同埋菜。整體好食抵食。

今日同2個滾友食飯，當然係去滚啦。而家想選一家無限時火鍋，選擇不多，食物多數一般般，價錢都是較貴。今日這間去到熟口熟面，樓上只有3張枱有客，番查群組資料，原來2019年已食過，仲要坐番同一張枱，心想，那應該不是好抵食，所以book,枱時才沒印象。*蕃茄海鮮蟹煱 $188蕃茄味算唔錯，海鮮都幾豐富，有一隻細蟹無咩肉，但味道幾甜；2只蝦都算爽；三隻青口都ok；六隻蜆細細隻都幾甜；哩嗰湯底算係豐富，味道的唔錯，這個價錢算抵，可推介👍*安格士牛肉 $398出碟幾靚，樣味道ok, 但沒有特別好食。👌*脆肉鱞 原本叫白鱔片，後來想想應該是不是上錯了脆肉鱞，所以價錢不太清楚，彈牙味淡，幾爽口，算是一般般。*手打虾丸，墨魚丸孖寶 $98味道新鮮，都幾彈牙，個人覺得虾丸好味D，不過就細粒左D。👌*自制雲吞，水餃，韭菜三色餃 $78大大粒，好飽滿，雲吞，水餃有鮮虾，皮薄餡靚，味道都好味。👌*即炸紫菜響鈴 $68這個做得唔錯，紫菜增加層次感，很有口感，可即食或滾湯，推👍*炸魚皮 $68沒有很鬆脆，連平日十分鍾愛炸魚皮的朋友都只吃兩口，剩大半碟，麻麻。*什菜藍 $68筒喎爽口，黄牙白清甜，蕃茄ok, 生菜清爽

牛塔有霸氣，三層牛分別有唔同部位，乜都試下。第一層係牛白肉同安格斯牛柳粒。第二層有牛舌芯拼牛展。第三層係最闊嘅，分別放咗安格斯牛小排同埋日本和牛。咁多款牛肉之中我覺得最好食係安格斯牛小排，牛味濃香，肉質夠嫩，脂肪分佈均勻。第二好味嘅我會揀第一層嘅牛白肉，爽口夠彈性。和牛肉只係排第三，此終和牛真係比較油少少。象拔蚌刺身好新鮮，打邊爐前食吓先有一種幸福嘅感覺。炸響鈴超好食，即叫即炸夠晒新鮮。另外d啤酒好抵飲，$1一支德國啤平到痴左線，仲要係德國啤酒，而且味道真係好，仲有8款任揀，真係超誇張。