炊豕店 (威靈頓街) (已結業)

「蔥油豬扒飯」一向都知中環食飯好貴，竟然係度搵到間平靚正既餐廳，全日一樣價錢！睇個店名就知佢地既主打就係豬，當然要點佢地既招牌菜 — 蔥油豬扒飯。雖然係炸豬扒，但炸粉一啲都唔厚，炸到熱辣辣。最好食既豬扒就係呢種外脆內軟，肉質非常嫩滑。加埋份量十足既蔥油同醬油，一啲都唔會乾，好好餸飯。呢度仲有樣好就係可以揀多飯/少飯，多飯+$2，少飯-$1。「沖繩豬軟骨飯」唔想食炸物既朋友仔可以試下呢款豬軟骨飯。豬軟骨炆得好腍好入味，雖然軟晒但唔會太散爛。飯底充滿甜甜的醬汁，滲入豬軟骨同蘿白，配埋爽口既蓮藕，夠juicy又唔會太膩。另外仲可以選擇後加配料，鍾意食蛋既可以揀滷水雞蛋、煎蛋或者滑蛋。我地就揀左加$10滑蛋，雖然味道偏淡，但口感好綿軟滑溜，都值得一試。

中環lunch 搵食唔容易，但晚飯時間就靜好多，平日呢間炊豕店lunch大排長龍，晚餐就唔洗等位可以直入。 中環食飯一向偏貴，炊豕店算少有的又平又抵，從小店名字不難知道主打是同豬有關。話梅花雕豬手飯$52怕食唔晒我點了少飯，可減$1，豬手炆得q軟q軟的，完全唔韌，甜甜地有話梅鹹香，又有豐富膠質，食完個咀唇痴住左。另外加了$8 要蔥油，蔥油另上可以同友人share, 送飯一流。沖繩豬軟骨飯$57老公點的，用上沖繩豬軟骨，入口即化，食埋中間的軟骨都冇問題。椒鹽魷魚鬚$38炸魷魚鬚加上炸蒜，油了點但勝在夠脆，兩個人食都幾多，最後加支豆漿$10有興趣想試的朋友我會建議晚餐時間來，可以慢慢食唔洗同人逼

朋友介紹嚟咗呢間餐廳食lunch，一個咖哩豬扒飯大概$60左右，咖哩正常，豬扒幾好食，幾香口，嘢飲就大概$5至$10左右。環境來講比較細，唔算幾好坐，大概等左30分鐘先有位。我走咗之後睇返張單，我地4個餐三杯野飲，睇落佢三杯嘢飲打咗落兩個餐度，所以變咗有一杯嘢飲當散叫，我諗應該收貴左，感覺唔多好受，叫野飲呢d基本野都可以打錯。

今天到中環開會難得早下班， 終於可以一試遐想已久的人龍食店啦！跟同事早早的跑到威靈頓街， 趁六時多人龍還未出現趕緊入座， 再晚一點的話就要在店外排隊嘍XD店內以台灣懷舊風格佈置， 木桌木椅舊式月曆還有電影海報， 確實很有「古早味」。以點單形式下單， 主菜選擇不算多， 但價錢以中環地段來說相當划算， 怪不得會是人龍店。秘製豬扒飯據說是人氣餐點， 厚切豬扒大大件外脆內軟， 肉質鬆軟又不會炸得「乾爭爭」， 配辣辣的咖哩汁輕鬆搞定一大碗飯~沖繩豬軟骨飯有豬軟骨、蘿蔔和蓮藕， 豬軟骨肉質軟線夠入味， 相當下飯呢！難得吃到椒鹽魷魚酥， 外層炸得酥脆香口， 裡面的魷魚口感彈牙， 有驚喜！明知會長痘也要豁出去吃了XD兩人吃得飽飽的， 這分量和味道性價比超高， 同事說下次還要再來呢！

今次食左秘製豬扒飯配肉燥汁、滷水雞翼同埋凍豆漿先講凍豆漿，而家天氣熱，本身以為凍豆漿係普通一杯杯咁上，但呢間店好貼心咁預先將成支豆漿雪左做冰再比客人，喝完真係透心涼豬扒飯亦都好出色！啲皮脆得離唔太油膩，啲肉又唔會太老，個人認為比起吉列豬扒好味得多期待下次再來試配咖哩汁嘅肉燥飯最後係滷水然翼，呢一樣就比較遜色，滷水汁嘅味道其實唔錯，但雞翼肉的口感有啲奇怪，好似咬唔爛啲肉咁，不過只屬個人意見，總括嚟講唔差！

之前係加連山道已經有留意呢一間炸豬扒飯，因為每次經過門口，都會見到好多人等，俾我發現咗中環開咗分店，咁就去試下啦!門口都有圍繩俾人排隊，但我去到已經唔使排，可以直接入去店內。入到去個環境好似食堂，好大油煙味，啲凳冇椅背，餐單上全部都係豬扒飯，只係款式不同，有一款加蔥、魯肉飯、咖哩……蔥油豬扒飯啲蔥係幾香，豬扒好酥脆又勁熱，有部分的肉係粉紅色，入面有一層透明好似比調味料醃製到啡色，啲飯唔會爛，豉油甜甜地。肉燥秘製豬扒飯其實同上面的豬扒冇乜分別，味道都係差不多，但係個肉燥食完之後會覺得好膩。我食完之後勁口渴，可能太多味精。

又到量尾，喺中環真係無咩平野可以食。今次試下呢間台灣野，上網睇過唔貴又好似幾好食平日的晚上，唔洗等就入得。裝潢到好似台灣小店咁，牆上仲有啲好得意既插畫我地叫左一麵一飯，首先試下佢出名既豬扒飯先。咬落第一啖豬扒，做得幾鬆軟，有少少上海排骨感覺，佢用左少量粉去炸，所以都有少少脆口。而個飯佢用左我最愛既珍珠米口感加左唔少分！不錯！第二樣我地叫左梅子豬手麵，一食落個豬手酸酸甜甜，幾開胃，不唔會酸得滯，我覺得佢做得適中。麵我叫左幼麵，佢落左啲炸蒜落去，正呀！I like it！之後我個人鍾意食辣加左佢個辣椒油，我覺得更加好食！香辣味既撈麵我地另外仲叫左個小食：鹵水雞亦。食落有麻油味幾濃，唔咸，當小食唔洗餸飯就岩岩好。兩個人有野飲，主菜，仲有小食，都係146蚊抵食！

呢間炸豬扒飯又平又正但每次銅鑼灣分店都大排長龍🤭好好彩黑洞星期六晚市去中環店吾洗排😎-🔹秘製豬扒飯配肉燥汁（$56）豬扒即叫即炸新鮮熱辣💕超級香口炸粉皮唔太厚 豬扒肉質夠冧⭕️腌料唔會太咸 加分甜甜地嘅肉燥汁撈飯食一流😛-🔹蔥油豬扒飯（$60）鍾意食蔥油嘅朋友仔可以揀呢款😉炸豬扒加帶大量蔥油👻好邪惡值得一讚 白飯用珍珠米😯高質-🔹厚午餐肉（+$10）/炒滑蛋（+$10）識食嘅一定加午餐肉‼️黑洞私心推介厚切口感十足🤤加埋炒蛋大滿足

中環有一間以豬肉為主打的食店，行特色懷舊路線，店舖小小，但極具人氣！令我感到興趣，這天就和朋友來見識一下！港島較多小路，但好在食店所在的位置都算易搵！馬路一邊是雙數號碼，另一邊是單數，只要沿著雙數號碼那邊一路直行就到了！食店外還有大大個「炊」的logo呢！我們心知食店很受歡迎，故早少少到達，點知都坐無虛席！唯有和幾位食客排下隊。門口有侍應負責接待，態度有禮，令人不介意多候一會，剛好有人賣單，我們比想像中快就入坐了！餐牌好吸引，而且極具特色，例如有話梅花雕豬手飯、梅菜扣肉飯等。真係樣樣都想食！想了良久，決定吃最經典的秘製豬扒飯(肉燥汁)、酥炸鳳尾蝦和熱蜂蜜生薑茶。這裡沒有加一，有得跟餐$5加野飲，而且不是檸水這些普通野，實在好抵！很快野食就送上了！大大塊炸豬扒，大到連隻碗都差d遮埋。佢既炸漿薄身脆口，不會吃到成口粉，同厚身既豬扒既比例好夾！係超級好吃！好出色！酥炸鳳尾蝦大大條！這與一般吉列蝦有些不同！佢既肉質是有蝦肉的質感，比較真實！我喜歡點一點旁邊的沙律醬，豐富一下味覺。值得讚的是，炸物做得乾脆好吃，香口之餘，又不太油膩！實在難得！另外有驚喜還有這杯熱蜂蜜生薑茶！甜甜的，好夠蜂蜜味和薑

是日放假，同老婆大人出城周圍行下，行下中環睇下D壁畫、PMQ 吸收下藝術的氣息。行完都夜，就搵下附近有咩好野食。Search 到呢間超多好評(重點係無負皮)的食店係附近，所以就行落少少試一試d豬豬係咪真係咁好味。去到間店都要等幾張枱，好彩雖然舖位唔大，但d客人都好快成完就走，客如輪轉，所以等一陣就入得去了。食店裝潢雅致，帶點復古的味道。座位空間感亦足夠。本人頗欣賞張餐單(點菜紙)，首先每一道菜色都附有彩色圖，讓客人選菜時可以增強食慾! 而且點菜紙底面更有英文對應， 應該好方便中環的外籍人仕。我點左最貴的梅菜扣肉飯($68)加左$5叫左罐可樂，但我覺得以呢個價錢晌中環區食一個晚飯，真係有點不可思議!點菜無耐就上菜，唔怪之得d人好似好快就可以食完，俾下一枱客。梅菜扣肉十分香，扣肉大大塊的，入口即融，肉質細嫩。而白飯都大大碗，重好健康咁有條菜晌上面，米口感煙韌，與梅菜混起來一起食! 一流呢!!以呢個價錢 晌呢個地段 食呢個質素的食物，無得頂la~~~~

又要係公司叫外賣！今次就用app叫，試下呢間先叫左個咖哩豬扒飯，可惜個車手送到黎時啲汁整到周圍都係，搞到個賣相差左啲佢個豬扒係好味既，夠厚身，又唔係果啲醃到啲肉鬆散晒果啲，肉夠實唔韌個汁就咸左啲，同埋個飯太硬，食完有啲消化唔到咁要扣分我另外再叫左個麻辣炸魚旦，魚旦彈牙，可惜個麻辣醬痴晒係一個部份到，搞到好咸，如個個醬稀返啲就好外賣黎講都算不過不失，有機會試下堂食係咪會好啲先

2年前在銅鑼灣食過，印象中都幾好食，估唔到中環都開咗新分店，今日就試一試準水如何。 餐廳門口擺放了餐牌，款式唔多，只有6幾款，主打係炸豬扒，價錢唔貴，睇落都幾抵食，一碗飯大約都係50零蚊，大大碗，食完絕對會好飽肚。麻辣海蜇 $20主菜涼拌係凍的，未入已經聞到好香麻油味，口感爽脆，唔算好辣，但個人覺得味道比較重，啱送飯食。招牌炸豬扒飯(跟肉燥汁) $56豬扒比想像中大塊，蓋住整個飯碗，外面炸得很香脆，裏面的肉依然是粉嫩的。肉燥汁係甜甜的，再加埋半肥瘦的肉粒，連埋飯一齊食，簡直係絕配，我好鍾意食！熱蜂蜜生薑茶 +$5清甜暖胃，飲到底仲有幾片薑片，真材實料。整體來說，食物質素絕對是有水準的，以中環來說絕對係低食，會繼續幫襯。

今晚係中環呢頭 想揀返間平平地唔太貴既野食 咁岩就見到呢間餐廳 見到餐牌既價錢都超滿意 所以無咩點諗就入左去食啦 餐廳地點都近地鐵站既 行5分鐘就到餐牌都有中英對照 同埋都見有唔少外國人都會係到食飯 咁我地一共2個人今日就叫左2個飯加個小食首先講講第一個飯先 咁我就叫左咖哩豬排飯加左炒蛋（$60+$10=$70）好抵讚既一樣野就係係呢到食飯唔會怕食唔飽！ 大大塊豬排加好大碗飯 岩曬大食既人 個咖哩汁好入味 唔會太辣 厚切炸豬排 煮得好好 唔會太硬身 個飯軟硬適中 唔會太硬/軟另外就叫左個肉燥滷蛋飯加蔥油（$60+$10=$70） d汁撈飯認真唔錯 夠曬濃味同香 每一啖飯都可以比d汁包住 唔會口寡寡 最後就係滷水雞翼同埋生薑蜜啦 岩曬女仔飲啦 個雞翼應該醃左一排 所以好入味 咬落塊都有汁爆出黎！最後2個人賣單都係164$ 仲食唔曬d野tim！ 所以細食既人記得叫少飯啦 得閑黎到上環既話不坊黎試一試！

食飯時間同朋友黎到炊豕店，第一次係中環分店食，見到有成十幾人排緊隊，最後等咗差唔多半個鐘😫不過好彩野食好快就黎到🤩🤩🤩炸豬扒一如以往咁大塊😻不過豬扒底部塊炸皮會因為肉燥汁而變軟，有少少影響口感。個人認為重口味人士啱食撈麵多啲，細食嘅可以叫少飯（減$1），而我就比較鐘意上次食嘅蔥油豬扒飯喇！！

今日day off揾朋友食lunch~黎到中環近上環依頭尋寶，發覺有間鋪頭好多人排隊，就咁睇都有十個人，係烈日當空排隊，我地諗依間鋪一定好好食，先有咁多人排隊，所以係羊群心態下都排埋一份喇！入去之前可以係門口拎左落單紙先，係門口填定食咩野。佢有十個飯款，另外有小食。最抵讚係佢menu中英對照，照顧晒唔同客人需要。等左三四個字到，終於有兩位了！入到去，冷氣十足，即刻涼番，鋪面裝修有特色，有bar枱有長枱，牆仲貼住舊電影既邵氐海報，夠過癮。我地點左餐五分鐘就有得食～我地叫左豆角叉燒滑蛋飯，炸豬扒飯配咖喱汁，兩罐野飲同椒鹽魷魚。豆角叉燒滑蛋飯：蛋入面有豆角粒同叉燒，蛋餅好滑，佈滿成個飯面，另外仲有兩條菜，好健康！飯入面有煲仔飯鼓油，配埋蛋，好食！炸豬扒飯配咖喱汁：豬扒好大塊，成個碗都係，炸衣好脆而豬扒唔會韌，非常好味！咖哩汁濃得黎香口，仲有舊薯仔，撈飯一流。椒鹽魷魚：魷魚佈滿炸蒜和蔥花，炸衣緊貼魷魚，脆卜卜，好惹味總結：依頭想食得飽+平+好味，就食依間啦！🔥