炎鳥羽

营业中

休息中

尖沙咀厚福街不嬲都好多食肆㗎啦 喺呢度唔使驚搵唔到好嘢食🤣 今年應該唔會再去日本 所以都成日想喺香港搵日本嘢食 (尤其是喺英國旅行完返嚟之後)😅😅今次俾我搵到一間日本居酒屋 位置喺尖沙咀厚福街地點都算易搵㗎 餐廳面積雖然唔係好大 但係裡面裝修同埋擺設極有日式居酒屋feel店舖有多種唔同款式嘅串燒選擇 雖然店舖以食串燒為主 但係都有刺身 日式小食 飯烏冬等供應 牆上面嘅黑色版會寫上每日推介 餐牌上面係冇嘅 懶得諗食咩可以選擇 Omakase😝▫️清酒煮大蜆 (HKD88)鍾意食蜆嘅就唔好錯過呢一個前菜啦 啲蜆好重清酒味 份量都幾多一路食一路飲啤酒就最好不過▫️海膽海鮮炒飯 (HKD128)我見好多人都有叫呢個飯於是跟住叫😅 以呢個價錢來講質素算係咁啦海膽都幾甜幾creamy嘅 海鮮就有八爪魚粒同埋蝦 炒飯炒得夠乾身唔油膩👍▫️燒西京銀鱈魚(每串 HKD58)▫️鹽燒雞翼 (每串 HKD32)兩款串燒都燒得非常惹味 由於即叫即燒嘅關係加上客人眾多 真係等左好耐先有得食▫️明太子蛋卷 (HKD58)呢個明太子蛋卷究竟係熱食定係凍食㗎🤔等咗好耐先上枱 放入口嘅時候感覺係微暖接近凍嘅😨 坐我地隔離枱嗰三位

尖沙咀辛勞工作後要獎勵一下，走入厚福街食街樓上的日式《炎鳥羽》！價錢屬中上但達到食物品質！環境乾淨企、燈光柔和倍感舒適。適合跟朋友聚聚、慶祝地方。 午市有套餐，價錢由 HKD 58 - 168，尚划算！ 款式多達12種 🤩 有牛 / 刺身 等等。 炎海丼 HKD 88 內裡有三文魚、帶子、劍魚腩、筋子、海膽。 燒程度剛好，不會感到重手。魚生新鮮、魚油更留在口腔 很滿足 特別飲料有原味波子汽水HKD 12，凍冰冰好涼爽 ～ 用餐後更可到樓下甜品店 😂

較早前都已經食過炎鳥羽上次食過特上三色丼，就已經覺得佢既魚生特別新鮮，雪味無咁重依家政治社會風氣有所降溫，就不如興祝一下套餐包含：前菜、沙律、味噌湯成日都覺得有頭盤既飯真係好令人舒暢來到炎鳥羽最值得加錢去的就是用$20點三串串燒真係抵到爛~~我揀左翠玉瓜、牛肋骨、雞頸肉翠玉瓜用左肉燒汁一齊燒，本身蔬菜的清甜，再加上香噴噴的肉汁香成件事係好MATCH牛肋骨先係最吸引的那個，因為肉汁好實，啖啖肉可惜揀既種類不可以重複，呢個一定必點的溫泉玉子角切魚生丼 $78 (午市套餐不設加一服務費)飯量較上次個特上三色丼少不過勝在有不同種類的魚生、八爪魚粒同埋落左青瓜、牛油果等再加上一個流心的溫泉蛋好豐富同啖啖都係魚生的感覺

午餐去左厚福街搵食。藍馬商業中心好多野食，今日選擇呢間炎鳥羽，午市無加一，有主食仲可以加$20有三串呢度拿手既串燒。因為一個人，所以坐吧枱，可以見到兩位廚師準備食物。一坐低已經有漬物同胡麻醬沙律。跟住仲有面豉湯，味道唔會過鹹。今日揀左炎海丼（$88）。原來就係火炙魚生，有帶子、三文魚等，勝在營養豐富。燒得比平時食火炙壽司多，達至半生熟。飯量唔太多，啱曬我奉行既低碳飲食。另加$20要左多春魚、牛肋骨、明太子雞翼。多春魚夠香脆，燒完唔散仲係完整一條。牛肋骨燒醬甜甜地好夾，份量幾大，咬落唔韌。明太子雞翼入面既明太子超爆滿！最後埋單$108。食物上得幾快幾爽手，啱曬上班一族。

出開尖沙咀見客，見完一個人去搵食，厚福街咁多食肆，去果度搵一定有斬獲，結果去左一間上樓日式居酒屋餐廳炎鳥羽度食。我去的時間比較早，所以好好彩仲有位，我見都好多OL放lunch去食，佢地都有訂枱的，所以如果下次再去都係卜定位比較穩陣！餐廳都係日式好warm的裝修，坐得都舒服，又寧靜。一坐下店員就為我端上熱茶了。餐廳的lunch set有好多款選擇，我選擇了天婦羅稻庭烏冬，另用$20加了三個串燒，好抵食，餐廳lunch set無加一㗎！店員首上奉上沙律和前菜，兩樣都好味，前菜係茄子。一路食一路等師傅即叫即整主菜，熱辣辣又新鮮。天婦羅有兩隻炸蝦，另外南瓜、茄子、日本番薯各一，炸粉唔厚，好味呀！烏冬又夠大碗，又彈牙，湯底味道都唔錯，我雪雪聲咁就食晒了！其實食完都好飽，不過望見眼前三個串燒燒得咁靚，又好味，我居然都食晒啦！好驚訝自己咁大食！串燒我點了牛肋肉、多春魚、明太子雞翼，樣樣都好味，特別係牛同雞翼，不得不讚師傅手勢好，三樣都燒得剛剛好，所以非常香口之餘，肉又唔會乾身，值得下次再食。

厚福街多嘢食就係人都知嫁啦，原來呢度都有間唔錯嘅居酒屋㗎喎🏮餐廳唔算大，但都有個吧枱，可以選擇食Omakase🧡一坐低冇耐，侍應就上左一啲前菜俾我哋食先，望落去好精緻，而我最鍾意嘅就係佢哋嘅青瓜，一咬落去就feel到好新鮮，點埋旁邊既味噌醬，將個青瓜升華晒。太耐冇食三文魚刺身啦，一定要叫返一碟嚟食呀🤙🏼本身我不嬲都好鍾意食牛舌，但厚燒牛切我都係第一次見，估唔到咁有驚喜喎， 超級好食呀仲燒得啱啱好添，好Juicy!!平時就食開豚肉蘆筍卷，今次就試吓呢度嘅荔枝豚肉卷，感覺好特別，荔枝嘅鮮味亦都可以解膩。三成熟嘅安格斯牛肉串，肉質鮮嫩，不過對朋友來講就好似生左少少，下次可以試吓五成熟！呢度嘅粟米燒得好香，牛油味都好濃，而且粟米都冇渣，不錯！我一向都好鍾情銀鱈魚，見呢度價錢又唔貴，咁就叫一串黎試吓啦，果然冇令我失望呀🧡呢度嘅鹽燒雞翼同大部份嘅居酒屋一樣，都做到外脆內多汁嘅效果。反而呢度嘅燒雞皮就比到驚喜我啦，脆到好似薯片咁！呢度嘅明太子玉子卷都值得一試，同外面嘅有少少唔同，佢嘅玉子卷係比較濕身，同時相對都會滑啲。最後我哋都叫咗一個海膽炒飯，海膽好新鮮，將海膽撈埋落炒飯度，將一個普通嘅炒飯變成不

很喜歡吃日式居酒屋的小編，今日同朋友來到這家小店～首先前菜是汁煮茄子、味增蔬菜、蒜頭漬物。茄子比較清淡；蔬菜配上味增意外地合拍嘅配搭；蒜頭係原粒蒜頭，起初好怕會有生蒜辣味，但腌製過後，只係食到醬香味，完全冇生蒜辣味。之後刺身有特大日本帶子、海膽、甜蝦、水母、火炙左口魚邊。帶子肥美；海膽、甜蝦鮮甜；水母爽口；左口魚嫩滑；每款刺身都好新鮮，食完好有滿足感。串燒包括浦燒鰻魚、荔枝豚肉卷、牛舌厚切。鰻魚肉質非常嫩滑；豚肉焦脆，加上荔枝肉嘅香甜，好特別嘅配搭；牛舌厚切好怕會好韌，但師傅真係燒得好好，一啲都唔韌之餘仲好爽口。稻庭烏冬的烏冬煙韌冰涼，醬汁香甜加上蔥同薑蓉，帶點辛辣，清爽配搭。小編認為炎鳥羽是高質的居酒屋，環境舒服，食物味道有水準，值得一試，嘻嘻～

今天一行四人相約在厚福街食晚餐，於Openrice預早訂了枱。餐廳座無虛席，相信人氣都頗高。一坐低，店員便放下前菜。朋友必食的雞泡魚干，味道偏濃，軟硬度適中，送酒不錯。黑松露溫泉玉子沙律，生菜十分新鮮，沾上蛋汁，不知不覺便吃光。什錦天婦羅，上枱時還十分熱，十分脆口！蔬菜類也十分新鮮。紫菜魷魚鬚圈，魷魚配上紫菜，酥炸後更顯香口。帶子串燒配上黑松露，香氣撲鼻，帶子較新鮮，不會有腥味。燒岩蠔，蠔身飽滿，入口順滑，配上醬汁剛剛好，兩者都沒有爭風頭！整體而言，餐廳的食物質素不錯，環境舒適，十分適合三五知已一齊傾計！

一直都想試下依間人氣居酒屋, 今日終於約左個fd黎試下!! 8點幾到達上到去仍然爆滿, 都要排一陣隊先入得, 果然受歡迎! 餐廳面積唔算好大, 座位唔算好寬闊, 但就好有日本居酒屋個種熱鬧既氣氛同格調, 我地今次係坐對住師傅既BAR枱,  成晚見住師傅忙個不停點完菜後師傅就為我地呈上前菜, 分別有醃製過既雜菜，青瓜蘿蔔，同埋牛蒡漬物。精緻得黎酸酸地夠好開胃。活赤貝先黎個剌身, 鮮甜!雞肉棒黎之前已鎖定要食依個, 實物一樣咁吸引, 橙黃既蛋黃下有日本醬油, 好鬼靚~ 雞肉棒沾蛋黃非常夾, 仲要有幾多沾幾多就最好食, 外皮有焦香, 入面既肉鬆軟唔會實的的, 好味西京銀雪魚一向好中意食西京燒, 未食已經聞到好香, 燒得岩岩好, 魚肉滑到呢!而且魚油滲出真係好香, 推介~~和牛炒飯見住師傅將和牛切粒煎香, 炒飯乾身又均勻粒粒分明, 口慼好好。師傅應該同埋和牛煎出泥既油脂一齊炒個飯, 因為睇個樣平平無奇但卻每啖飯都食到牛香, 值得一試呀一路食都一路感受到熱鬧氣氛, 亦有D熟客仔同師傅同埋店員傾下計咁, 而且食物都真係高質, 幾岩同成班朋友同事黎飲下啤酒食下串燒, 絕對可以ENCORE~

這晚跟鍾情日本菜的朋友來尖沙咀吃晚飯，嘴刁的她選了這間位於大廈內的日本菜餐廳。餐廳人流多，挺多人光顧的。餐牌上設有一人份的Omakase廚師發辦，適合有選擇困難症的食客們。朋友我倆不太餓，只點了刺身（海膽、特大日本帶子、甜蝦、火灸左口魚邊及水母刺身各一客）及少量燒物（燒牛舌、荔枝豚肉串及蒲燒鰻魚各一）。較特別的是這裡會供應數款前菜，前菜亦不馬虎，左至右分吃是：醃漬茄子、甘筍青瓜條、醃漬蒜頭。茄子調味適中；甘筍青瓜條新鮮爽脆伴上甜甜的麵豉醬吃很夾；而蒜頭經醃製過後，只嚐到甜鹹的味道，讓本來不吃蒜頭的我也吃了兩大顆蒜粒呢。刺身類亦十分新鮮，特大帶子的size不是蓋的，啖啖肉十分厚實；海膽吃得到甜味；甜蝦也很大的一隻；較特別的莫過於是水母刺身！口感十分爽脆，很好吃呢！至於燒物類亦做得不錯，肉質不會燒得過火導致過鞋，掌握的火喉剛好。最後多加了一份冷稻庭烏冬，等了一段時間才上碟，但絕對值得的！因為它真的雪得很冰凍，烏冬十分彈牙，沾上麵汁後會讓你一口接一口地吃進肚子裡，簡單卻美味。又是十分滿足的一頓晚餐。

細間但高質居酒屋同男朋友收工之後經過厚福街搵野食，經過一棟大廈排晒隊，８掛一睇，見到有居酒屋，所以就排隊上去食小小野。樓上舖細細間，客人都接近坐滿，服務生安排我地坐BAR台，一坐低無幾耐先上前菜，每人一份，有凍茄子，青瓜蘿蔔同牛蒡，幾開胃。叫左兩款ＳＵＳＨＩ分別係油甘魚同三文魚，2款都好厚切，食得出係新鮮貨。豚肉片露荀，豚肉片切得好薄但充滿肉汁，露荀好新鮮好爽脆，口感好豐富！燒銀雪魚 肉質層次分別 個皮帶 d 油花🐟　醬汁夠香甜 同銀雪魚配合得剛剛好。而厚燒牛舌亦爽口。做得好稔而且充滿肉汁！唐揚炸雞，個皮炸得好香脆，好出色，雞皮夠薄，更有口感，入面既雞肉煙靭，有咬口，好正既小食。

好耐都無得同朋友相聚，難得大家都夾到時間一於就去聚下啦~ 揀咗係尖沙咀既居酒屋。雖然無飲酒好耐啦~ 但去感受下氣氛都唔錯啦~~~ 前菜 $20 漬牛蒡，爽脆 青瓜蘿蔔，清新 茄瓜，軟滑，一啖一口 油甘魚腩刺身 $88 魚肉晶瑩，魚油豐腴。 雞軟骨 $28 唔會乾食，配上檸檬汁可以解膩。 海膽海鮮炒飯 $128 海膽迷信義妹梗係唔錯過啦~~~ 炒飯乾身又粒粒分明，加上用魷魚，蟹柳等材料豐富。 鵝肝釀雞翼 $58 喜愛鵝肝既就唔好錯過啦~~~滿滿的鵝肝釀入雞翼，混上雞肉，兩者對比一濃一淡，竟然特別相配。 日本秋葵豚肉卷 $42 面帶少少鹹味，唔會搶咗豚肉本身的味道，配上秋葵除咗增加不同的口感，仲可以為串燒一解油膩感。 吞拿魚他他配牛油果 $78 一片片牛油果配上吞拿魚蓉刺身，底再墊銀雪魚乾，食時再包紫菜。紫菜脆，銀雪魚乾帶少少鹹跟煙韌，牛油果香濃，吞拿魚蓉鮮甜。有特式之餘，口感，味道有多種層次。洗手間寬敞~~

有時同男朋友食飯，都想去間美味又有情調的餐廳談下心傾下計，今日去左位於尖沙嘴厚福街既 #炎鳥羽，覺得環境乾淨又有情調，野食質素都吾錯喎！.•一人前套餐（$380)：太多選擇，揀吾到食咩。叫個由廚師發板既omakase 就最岩，$380 有齊前菜、串燒、揚物、食事同甜品。我最like 係雞肝串燒同雞肉串燒，前者口感紮實綿密，味道濃郁，好似食緊鵝肝一樣咁好食。後者，配上生雞蛋同燒汁一齊食，入口有層次又帶點鹹香及及甜味，一次過食幾串都得！.•木綿豆腐胡麻菠菜沙律（$78)食完串燒用黎平衡食完肉之後既膩口感覺就最岩，豆腐、菠菜同蕃茄都好足料，大大碗，cp 值高，最重要係菠菜新鮮，入口爽脆，夠開胃！.清酒煮大蜆（$88)自己酒量淺，飲吾到清酒。唯有叫個清酒煮大蜆吊吊癮！ 酒味香濃，蜆肉夠大隻，蜆殼清理乾淨，沒有食到起沙沙感覺，不錯der!.

有朋友從外國回港短聚 指明要食日本野 因為外國個d偽日本料理餐廳既質素真係不敢苟同 之後搵左好耐決定食li間 因為見有丼飯又有串燒食既lunch set好抵 可惜得我地2個人 li間餐廳有做開lunch set買3送1優惠 真係超抵講返野食 我地2人分別叫左 特上三色丼 同 天婦羅稻庭烏東特上三色丼係我食ge 因為係刺身丼 所以落單後唔洗等太耐就可上菜（OL們平時lunch hr趕時間 叫li d刺身丼就岩哂）d刺身好新鮮 帶子同油甘魚刺身超正👍🏻👍🏻👍🏻 但我覺得個海膽有d腥 唔夠鮮甜 扣左少少分 li個係友人ge 天婦羅稻庭烏東 唔知點解個天婦羅無sauce點 同平時出面食開唔同 就咁食真係會好dry 但沾烏東湯食都ok 淡淡地沙律 前菜 味噌湯都係可圈可點 所以唔詳談因為加20蚊有3串串燒食 真係好抵 點都加明太子雞翼 真心超好食 必點！但友人唔太食得辣 覺得有少少辣 食唔到辣ge人要自己衡量下啦～個日本一口蕃薯d皮燒燶左⋯汁燒茄子好正 燒牛肋骨都唔錯 唔會好乾 燒翠玉瓜好甜有機會再來食過 下次要食炎海丼/辛口燒牛肉丼 見到隔離檯食 好似好正咁🤤

呢排學人健身，教練話要戒澱粉質，OK ~FINE~但佢無話要戒炸物同串燒。於是我決定獎勵自己一餐。不單只係我一個人，我仲帶埋我嘅“gym友”一齊。成日留意住啲體重真係好大壓力架，偶爾都需要放鬆以下，拋開對體重嘅在執著，享受一餐讓人心情愉悅嘅美食。我地一共叫咗五款串燒，牛舌厚切，雞頸肉，雞肉棒，燒黑松露帶子，明太子雞翼。味道真係一流！燒物做得幾好。掛住食都完全唔記得影相，不過唔影相都啱嘅，因為啱先舉完鐵，手震無力。串燒睇落無咩特別，其實特別考究師傅嘅手藝，每種食材需要燒嘅時間同火候都唔一樣，能燒出一串好嘅串燒實屬不易。仲叫咗明太子蛋卷，炸原隻蕃茄，一份特上刺身拼盤。明太子蛋卷好味，下次係屋企都要試下咁樣整。炸番茄第一次食，有種泰式嘅味道。刺身齋係睇都係一種享受，食落鮮美。環境方面都係好舒適，日式居酒屋嘅氛圍，細細間，靜靜地。