炙・宴 (形點 I)

营业中

休息中

晚市堂食終於開放返，即刻諗起嘅就係要食返餐好嘅祝福自己同身邊嘅人身體健康！今晚要食和牛先！去到Yoho 呢間出名食宮崎和牛同灸豚肉嘅日本餐廳😝我諗都唔使諗就叫咗佢宮崎和牛清湯火鍋，揀左豬骨湯底！總係覺得呢個味道就可以更加食到和牛嘅香味！果然冇錯，和牛肉片輕輕在鍋裏飄動，唔需要沾任何醬油，牛肉嘅鮮味，牛肉香濃，油脂平衡，正！一鍋裏有4片宮崎和牛，真係覺得好唔夠喉早知加多一份🤪！蔬菜類都非常新鮮，沾滿左和牛嘅香味，特別清甜！另外在叫特上鰻魚飯鰻魚分量比平時食到嘅鰻魚飯更加多，而且鰻魚肉質肥美，肉厚香甜，配飯一齊食，好滿足！

朋友話YOHO開左好多餐廳都幾好食，今日就帶我黎呢間專食日本宮崎肉既餐廳😝特選宮崎和牛飯$169睇個賣相都知道係靚牛啦！食落果然入口即溶🤤配上滿滿燒汁既白飯，真係多多都唔夠！我仲加左個溫泉蛋，濕潤既蛋黃、白飯、和牛真係好夾宮崎和牛炸薯餅$28口感完全出乎意料，外脆內軟，咬落兩種差很大的質感，但非常夾！和牛同薯仔都攪拌成蓉，一咬差d流出黎，超特別😋必試炸北海道八爪魚$58炸衣香脆，🐙八爪魚唔會韌，適合送酒香桃雪芭$48食左咁多好嘢都想有個完滿結尾，就加多左個雪葩😋滿滿的水蜜桃🍑味道，好食！多謝朋友推薦😊我都覺得好好食呀！以後唔想煮飯又多個新食堂啦

八個毫無相關的數字拼湊後便是個有意義的電話號碼科技發達下你尚記得電話號碼？你只須在電話中的聯絡人尋找便可以找到那位你要找的人曾花過一段時間牢牢記住對方電話因為電話出現經常 "out of battery" 若怕下車找不到他 卻忘了電話找不到人所以每次戀愛的習慣也是記住他電話不知道何時發現 只有我會有這怪習5325 ....6236 ....打了一半卻忘了.曾經很努力留著一個不合適的人但卻沒有想過自己應該找位合適的人找到了真的找到了.D 先生，今晚都在元朗，那當然要找點好吃的東西，他說很久沒有吃過壽喜燒，而形點有家吃牛很有名的店，那我倆便去了這家。宮崎和牛拼豚肉壽喜燒一人鍋配烏冬薄薄的和牛片，肉嫩滑溜，豆腐冬菇入味，烏冬滑溜吸附所有湯汁，配上蛋汁味道剛好，豚肉肉汁豐富。特選宮崎和牛飯炒雜菇配上滿滿的和牛肉鋪在飯面，九洲宮崎縣養殖的宮崎牛霜降均勻，脂味芳香，入口即溶，脂香帶餘韻，拌飯吃剛好。呢啲點上了梅酒梅酒香氣撲鼻，加上唔會走清甜配上和牛更是一絕。店內設計寬闊座位與座位之間舒服樓底頗高，採用微黃燈光空間舒服，招牌的豬豬十分可愛。原來要忘記也真的不難可能你從來都不值出現過在腦海原來人的大腦

🐖豚肉肉質唔會乾，厚度偏薄口感略欠但夠入味，夾蔥一齊食兼具平衡味道而蔥味唔算濃😋。但我好好奇蔥到好似夾雜左沙律既芽菜絲，不知用意。不過食到最後一片已經冇晒蔥伴😢。（4⭐️）醬汁係一道菜式既靈魂。今次既醬汁鹹甜度到適中，唔知係咪分兩種醬汁肉上醬汁較濃稠而飯的卻偏水感，味道又感覺一體。（4⭐️）🍚飯其實先係我最欣賞佢既地方，飯係丼裡面既基礎。平凡得黎又同肉同汁有千絲萬縷既關係。有好多餐廳偏偏忽略，而佢既珍珠米飽滿不硬不糊又吸汁，量亦足我一個成年男子8成飽。（5⭐️）服務及擺盤係香港開既日本餐廳黎講正正常常算有禮貌，我都對此冇咩好執着既。（3⭐️)總計連加一$83，呢種質素個人覺得值得一食既，我其實都係第三次既回頭客😂

返工真係好鬼攰，終於捱完一個禮拜，星期五應該好好放鬆下，但又唔想去咁遠，都係揀返元朗既餐廳算😝其實元朗都幾多好嘢食，唔洗去咁遠咯🙂今日就揀左YOHO既一間日式餐廳宮崎和牛黑咖哩飯$118外表睇落好神奇😂黑色既咖喱真係第一次食，不過食落係平時好食既日式甜咖喱味，仲擔心會唔會有奇怪味，原來唔會🙈 和牛燜得好淋，好入味，肉味香濃，配上咖喱飯真係冇得輸既宮崎一口豚$38令人超級驚喜既一款菜！豚肉烤到邊邊微微黑左，食落有炭燒既焦香味！而中間豬肉仲好juicy，超正😩沖繩四季柑威士忌蘇打$48同想像中唔同，以為係甜甜的果酒，原來不太甜，反而威士忌味道有點突出，屬於大人的味道🥃呢間野比想像中好食，價錢都唔算貴，我會再黎幫襯

最近疫情數字開始回落，所以都放心外出用餐🍴今日去咗Yoho Mall，見到ABURI-EN 門口有隻大🐷🐷，十分吸睛😻所以今晚揀咗ABURI-EN～今晚叫咗： ❤️《火炙三文魚丼$88》～ 價錢相宜，份量頗多，火炙帶有少許炭燒味而又食到魚生口感，旁邊的沙律菜爽脆。🧡《火炙豬腩肉辣味噌豬骨拉麵$88》～豬腩肉入口較淋，味噌湯底頗濃郁，不算太辣。💛《炸北海道八爪魚🐙$58》～食厭咗炸豬軟骨嗰啲，可以試吓炸八爪魚，口感不俗。💚《厚炸沖繩島豆腐$38》～皮脆内嫩，豆腐有豆香。

雖然疫情好似稍為緩和咗啲，但係為咗家人嘅安全，我決定都係買外賣返屋企同屋企人一齊分享，當然外賣自取個價錢比堂食就更加優惠啦，我揀嘅全部都係餐廳嘅精選外賣，意思就係包左味噌湯、沙律菜同一個定食，所以叫4個餐，最後就有12盒野要拎🤣雞扒鮮嫩無比，仲要大大嚿，果然餐廳係經過嚴格挑選出優質嘅雞肉，仲有唔少沙律菜添呢度嘅生招牌豚肉梗係要試吓啦，豚肉果然鮮嫩，一啲都唔鞋，洋蔥淋甜，豚肉就可以索晒洋蔥嘅味道，用嚟送飯就一流炸雞俾啲沙律醬遮住咗等我撥開啲沙律醬俾大家睇吓炸雞嘅真面目啦，就算返到屋企仍然食到雞皮嘅香脆，食落去索索聲最後就到我至愛嘅鰻魚啦，鰻魚都幾厚身，而魚皮仲有燒過嘅焦香味

行過Yoho唔知食咩好，見到有一間新開嘅日本丼飯餐廳，就入嚟試吓。呢度環境幾好，有風景睇坐落又唔逼夾，仲有好多選擇。我叫咗佢哋嘅本店名物Aburi-En豚肉丼，先讚一讚佢哋上菜嘅餐具同埋餐盤，全部都係暖既，相信係希望保持到食物嘅溫度。講返豚肉丼，豚肉係經過灸燒，食得出有香味同埋濃濃嘅油香，配合埋佢哋嘅醬汁非常好食，而豚肉肉質方面唔算好韌。其實呢間餐廳仲有好多選擇，例如和牛shabu shabu，鰻魚飯，咖喱飯等，想試晒咁多樣都要分幾次嚟先得。總結來講呢間餐廳值得一試，性價比我比3.5分。

🐖這隻造型豬終於在形點出現，剛巧經過，就決定試試這店的出品📯入內被安排坐卡位👏🏼，店裏還有2人枱、4人枱和一張長形枱，隨時按人數變陣，當然要待限聚令過後🔰看過餐牌後，牛控的我，決定叫特選宮崎和牛飯$169，加半熟蛋$12🔰期待著的和牛飯終於上桌，賣相和味道也不錯，肉質嫩，每件和牛的油脂都在口裏蕩漾，還有伴菜小菇同樣好吃，加上惹味醬汁，全部珍珠米都落進肚子😁🔰至於半熟蛋，味道到位，顏色艷麗，若做到有暖熱的感覺更好

繼續外賣試新野～依間係yoho 黎講都算新開一排價錢都起碼150up 先食到個和牛飯今次叫左個和牛鰻魚雙拼，算係最貴個款但個份量就真係細，連d 飯量都唔多。。和牛片約5 片，每片唔算大，而且好乾身，食落去有輕微柴口添。。完全唔似食緊和牛鰻魚就正常，略多左d 骨，平時係多軟骨，佢既鰻魚d 骨都偏粗身，都有d 驚啃骨整體完全唔值$170 一個飯。。。比多五十可以係樓下食兩款壽司丼了重點sell 和牛但和牛反而係最唔好食，應該唔會再有下一次

聽住喺屯門嘅朋友講，有間叫做炙宴嘅日本餐廳cp值好高，今日去元朗嘅時候比我ngjohn 見到佢嘅分店，當然不容錯過啦！呢間日式餐廳並唔係食壽司刺身，而主要係食熟食丼飯，以炙燒豚肉同和牛做主打，並且選用日本食材，餐牌上可以見到宮崎牛、宮崎豚等，亦都有唔少沖繩嘅小食。我ngjohn 點左幾款小食，其中比較鍾意嘅係厚炸沖繩島豆腐。炸過之後嘅豆腐並不油膩，而且仲帶油香豆香。南蠻炸雞都不錯，好juicy，熱烘烘非常好食，記住一定要趁熱食！丼飯我就叫咗宮崎豬肉，冇諗過呢度嘅豬肉都嫩，燒過都唔太干身，反而仲多左一陣炙燒烤味，令人一啖接一啖！豬肉下面嘅當然就係日本珍珠米，食物粒粒都好煙韌，一啖飯一啖肉，好滿足！

網上外賣平台外賣自取8折特選宮崎和牛飯$179有七片薄薄的牛肉，牛肉味道很好，油脂很香，可惜太薄又細片，飯偏乾，如果濕潤一啲會好食好多。火炙豬腩肉辣味噌豬骨拉麵$98豬骨湯味道濃郁，拉麵煮得恰當，豬腩肉都好淋、好香、好好味，平時堂食碗大大以為好多，用呢個膠碗一睇就清楚，所有嘅份量都係一個普通細膠碗嘅一半，原來份量係好少。特上日本豚肉飯$118之前堂食過ABURI-EN豚肉丼$75+10%所以今次叫份貴啲嘅試吓，豚肉有5片，肉質、調味都麻麻地，味道好似爭少少咁。

又係煮到好攰諗唔到煮咩叫外賣嘅日子。老公去咗呢間到買，又估唔到喎，商場日式餐廳，吉野家咁嘅價錢咋，仲送埋沙律同麵豉湯，成個定食都係六十幾至百幾有交易，呢個疫情真係搞到民不聊生（下刪一千字）佢哋有個外賣餐牌，同埋本身堂食嘅menu，兩個menu其實都一樣可以叫外賣，堂食嘅menu仲另外有85折，計落差唔多，所以唔好比外賣個餐牌牽引著你想食咩（笑）Aburi 最出名係佢哋嘅豬，我都好想試，但老公就唔知點解買咗鰻魚飯同三文魚親子飯，哈哈，好啦，我都鍾意食嘅，唔怪佢啦。沙律菜keep到爽脆嘅，外賣食到新鮮嘅沙律菜都幾驚喜。蒲燒鰻魚好食，唔腥，半條咁上下份量，我覺得都OK對得住個價位。日本米一粒粒咁，好好味！火炙三文魚親子，三文魚個皮係火炙過，肉就冇乜燒過，可以滿足你想有小小炭燒味但又有食魚生嘅口感。呢個都ok嘅，但係外賣到返屋企，魚生痴住咗所以夾起嗰陣少少散，當然係冇咗堂食嗰種新鮮感。可能好快就有返堂食，又或者真係要全世界有健康碼先可以堂食都未定，但如果未來有機會嘅話，我會試下堂食呢間Aburi EN，總括而言都幾高質。

星期五晚的晚餐到了yoho mall的炙宴買外賣，有一個特價的外賣餐牌，同正價餐牌八五折兩款優惠，計一計兩者價錢差不多，那就選自己想食的，不一定點特價牌，哈哈。門口的燒豬很吸引，見不少小朋友同佢合照。當晚很多人排隊，落單連同等外賣大概半小時，不過全部餐熱辣辣即叫即做都值得等啦。開餐，哈哈好大陣仗，沒有自備餐盒，對不起環境呢，食完之後有洗乾淨呢堆外賣盒留下次用㗎。所有晚餐都送沙律同麵豉湯，沙律菜新鮮爽脆，少少沙律醋調味正好。麵豉湯熱辣辣，幾鮮味不鹹，好飲喎。自己點了火炙三文魚丼，閃亮亮的三文魚啊～厚切，火炙過將魚油都迫出來了，好鮮味呢，旁邊附上不少生菜同生薑，正好平衡一下肥美的三文魚油脂。屋企人點了特上鰻魚飯，開盒時好香呢。鰻魚好肥，甜甜的醬汁好好味，配上熱騰騰的白飯就是好味。仲有火炙三文魚親子丼，同上面的三文魚丼差不多，就多了魚籽。晶瑩剔透的魚籽好吸引，入口爆出鮮味來，三文魚一樣很肥美，加上軟綿綿的白飯怎會不好吃，哈哈。折後一百蚊個人左右，都幾抵食吖，順帶一提，外賣盒要加兩蚊。

過咗咁多日係屋企嘅日子，今日落左屋企附近嘅元朗yoho行街購物，順便入返啲日用品。我就選擇咗呢間日本餐廳，聽講佢嘅宮崎牛肉同埋宮崎豚肉都幾出名～由於疫情及限聚令嘅關係，餐廳都好細心咁圍咗膠板，分隔每張枱，等食客食得更安心。我叫咗一份ABURI-EN 豚肉丼，套餐入面有沙律同麵豉湯。沙律酸酸甜甜非常開胃，分量剛剛好。麵豉湯味道亦都冇過鹹，好啱我口味。餐廳名為炙宴，我相信豚肉都係有炙燒過，睇落已經相當焦脆。咬落去非常可口，豬肉嘅香味濃郁，質感軟稔，即使係燒過亦都唔會太過乾，火候、調味各樣都控制得剛剛好，用嚟送飯真係一流。食到最後見到隔離枱叫咗好吸引嘅雪糕，令我都忍唔住叫返一份甜品。Fruit Sherbet有三款口味，有椰子、桃味同埋柚子。我同朋友叫咗兩款水果味道嘅sherbet, 味道都唔錯喎，有真實嘅水果香甜味一啲都唔假，食落好似冇咁有罪惡咁哈哈！