炯記燒味

营业中

休息中

午市Walk in 好多人外賣 亦好多人堂食😳不過好快就可以入座 呢度既職員做野好快 好爽手🤣燒味雙拼 叉燒+腩仔 ($78)燒味份量十足 叉燒汁甜甜地好好味 肉質比平時食到既較軟滑😆邊邊位既燒到少少焦炭既味道 非常出色😍腩仔既皮好脆 半肥瘦既腩仔 超正👍醬皇豬手撈麵 ($57)麵同豬手分開上 豬手啖啖肉 滿滿既骨膠原 食得好滿足👍麻辣手撕雞撈麵 ($57)唔算好辣 少少既麻味 多多既手撕雞 超正🤤☁️午市仲有湯飲 本身以為係味精湯 點知原來係木瓜湯 清甜清濟 有小驚喜😻

星期六OT 完之後又到尖沙咀見醫生，順道找地方吃飯，從 Parklane 走到樂道，樂道附近有很多味道出色但價錢較商議的餐廳店舖，以前在尖沙咀工作亦常走到這裏找吃；今天一個人就選擇燒味出名的炯記點了叉燒鵝油撈麵，另加蝦籽；鵝油撈麵差不多是每台必叫的，每條麵都沾滿鵝油，吃來香口，加上蝦籽算是畫龍點睛；叉燒味道夠香濃，帶少少焦香特別惹味再叫了海蜇拼手撕雞小食，海蜇帶辣味很開胃而且非常爽口，有點熱的今天吃最好不過；手撕雞肉質軟滑，還帶有少少雞油，雖然已經很飽但依然清碟

之前食過#炯記 #鵝油撈麵 , 覺得都幾好味，今日經開#尖沙咀，又見到佢，就入去食番餐先，貪佢價錢實惠，食物保持水準。點左跟朋友一併分享，有原隻燒鵝髀撈麵 ，充滿鵝油香的皮，咬落很香脆，肉質有韌度，醬汁平均的每條麵都有，故每次黎都會食佢架。另一款是炯記四寶飯，有煮得很淋的豬手，原味手撕雞、軟淋帶點肥的叉燒，仲有好耐都冇食嘅紅腸，配了爽滑瀨粉。鵝油菜心，菜青綠份量都多。加$5便有熱飲，奶茶、咖啡順滑不錯👍。

前兩日去尖沙咀途經見到有依間店家吃鵝油撈麵，真的從未吃過，充滿新鮮感，更而且覺得這款式其他店舖較為少有，好奇心驅使之下，所以就入去 "烱記燒味" 吃個下午茶，品嚐一下！餐牌裡面除了有價錢實惠的下午茶餐，還有太子鵝油撈麵系列、手撕雞腸粉類、燒味飯/粉、海蜇燻蹄等等，都不錯。清湯牛魔王撈麵    $66鵝油撈麵我都是第一次吃，看到油光滿滿的粗麵，加上自家製豉油拌勻，看起來好像很鹹，但吃起來完全不一樣，味道只是少少鹹，越吃越起勁，很快已經吃完了。我選擇牛魔王，材料有牛腩及牛肚，帶些香料味，吃起來好入味，質感沒有想像中太淋，是有咬口的，煙煙韌韌，都幾爽口。絕味沙薑雞米線    $56這個配搭米線，條條爽口順滑，與沙薑雞很配。至於沙薑雞件件都幾大，每件雞都好厚肉，而且沙薑又入味，肉質都幾嫩，雞皮很滑很爽，很不錯。海蜇拼手撕雞小食    $40手撕雞與海蜇永遠都是絕配，所以會選擇這小食。條條手撕雞，吃起來很方便，又沒有骨，啖啖雞肉，肉味都好濃，爽嫩順滑。涼涼的海蜇，質感爽脆彈牙，口感清新。醬皇冬菇扒生菜    $20冬菇雖然細細粒，但菇的味道濃，一口一粒，醬料入了冬菇，吃起來惹味，而生菜新鮮爽口。

又一晚係尖沙咀做完facial, 同朋友隨便揀左間餐廳入去食，見有二人餐，每人都係一佰蚊，有湯有飲品重有小食同菜，真心有無咁抵？試下先～是日靚湯：木瓜雪耳湯，無味精、滋潤養顏。麻辣雞腎勁惹味，小小辣，口感爽口，份量重唔少。酸辣雲耳開胃小食，爽脆口感，呢對相對無咁辣重有少少蒜香，但都好食。鹽焗手撕雞（半隻）手撕雞啱晒我呢啲懶人，夾起啖啖肉又嫩滑，小小咸又有芝麻香，當小食食啱晒。冬菇醬皇豬手豬手煮得勁入味，又勁淋、入口充滿膠質，而且豬手中間仲有啲肉，唔會好肥膩，而冬菇係迷你菇但煮得好入味，一口一粒。分量勁足，有4隻豬手再配大量冬菇。郊外油菜：就揀左四季都時令嘅菜心，正常，嫩口唔老。太子鵝油撈麵呢個好有油香但唔油膩，又唔會好咸，而且均勻分佈喺麵條上，麵條係粗麵，口感中間偏軟，口感好好。五穀麥芽阿華田特飲面層佈滿大量既燕麥胚芽，先試小小胚芽，少少脆，好好食，次後於攪勻飲，加埋少少碎冰塊，每啖都有啲口感，而且唔會好甜，好飲。咸檸七朋友話唔錯～

上一份工作，約十分鐘路程便有間小起眼的燒味老店，大排檔木圓枱、摺凳、茶色膠水杯與橙色筷子，牆上是手寫的餐牌。半肥瘦叉燒好高質，吃了四五年，味蕾被寵壞，對叉燒的要求再也回不去從前。可惜捱不過疫情，自此，便很少在街外吃燒味。物色靚叉燒，遠至柴灣，近到大圍其實都有。兩者都以焦香見稱，而朋友介紹這家，沒有燶邊，反而半肥瘦橫紋相間值得加分。入口肉質較爽口咬到從脂肪夾層彈出的油香。至於鵝油撈面似是必點，看到鄰近幾枱都有在吃。撈面邪惡但又沒預期中邪惡，乾爽撈粗色澤深但入口沒死咸，薄薄一層鵝油包覆著麵條，很香。配牛腩吃，少少腩汁加添濕潤口感。至於麻辣手撕雞，不辣，連我都能輕鬆駕馭。‑ ‒ – · 牛腩太子鵝油撈面· 麻辣手撕雞· 秘制醬皇腩叉燒‑ ‒ – .

呢間第二次食，比多次機會，燒味一樣咁難食😓叉燒太瘦、死實！燒鵝都係一樣太瘦，連咸蛋都無油！但：燒味店賣牛雜反而有少少驚喜🥳牛腩帶少少肥同根位😋正，金錢肚就輸了，凍貨已經唔靚，味道亦唔夠正宗，輸比面檔，應該唔會有第三次

同大胃王朋友一齊喺尖沙咀，佢話想食撈麵，我用幾秒時間諗吓，就決定帶朋友嚟呢度開餐🤩叫咗 $198 嘅「炯記ニ人套餐」，真係包咗幾多嘢食🤩「鹽焗手撕雞/麻辣手撕雞（半隻）」：揀咗「鹽焗手撕雞」，啖啖肉、有鹹香、有雞味😋「醬皇豬手/冬菇醬皇豬手（例牌）」：揀咗「醬皇豬手」，有大約七到八件豬手，豬手大大件，煮得軟熟，豬皮仲夠晒滑，好似食緊啲骨膠原落肚咁🤩「鹽焗/麻辣 雞腎」：要咗麻辣味，都真係幾辣，不過食得好開胃😋「酸辣雲耳」：爽脆😋「郊外油菜（1碟）」：揀咗生菜，幾新鮮😋「太子鵝油撈麵/絲苗白飯（2碗）」：要咗「太子鵝油撈麵」，撈粗彈牙之餘又有啲啲煙韌，幾香鵝油同埋醬油味😆仲有「是日靚湯（2碗）」：熱辣辣😋「冷熱飲品/特飲（2杯）」：叫咗熱檸茶🍋同熱檸水🍋$198 有咁多嘢食，食到朋友同我都超級飽🤩

第一次比差評，嬲到爆外賣叫瘦叉，一打開肥到呢，仲肥過出面正常既唔會再叫， 會叫埋身邊既人都唔好試差差差差差差差，又難食Cheap, 明玩野咁做生意邊有回頭客🫢🫢

同朋友一齊喺 尖沙咀Shopping ，買完野之後好肚餓，攞住好多嘢🛍️，諗住快啲食一餐然後返屋企休息吓，路徑呢度，朋友好鍾意食手撕雞😋，咁就決定入去食晚餐。我哋點咗「炯記ニ人套餐」，盛惠 $198，包括呢啲食物：🐓鹽焗手撕雞半隻：充滿鹹香，拆咗骨，啖啖肉，份量都真係幾多😋。🐷秘製醬皇豬手：豬手炆煮得好軟熟，豬皮完全腍晒，仲有好多件。🥢鹽焗雞腎：幾爽口彈牙。🥢酸辣蒜香雲耳：酸酸辣辣又爽脆，食得開胃。🥬郊外油菜：係菜心，簡簡單單，健康有益。　🍜太子鵝油撈麵一碗 同埋 🍚白飯一碗：鵝油撈麵 喺呢度招牌菜，果然好味有番咁上下，煙韌少少彈牙。🥣是日靚湯（兩碗）：係紅蘿蔔粟米煲豬骨湯🥕🌽🥤冷熱飲品：揀咗 熱檸水🍋基本上每一碟份量都唔細， $198 有咁多嘢食，真係街坊價錢。

今日去咗尖沙咀嘅地道燒鵝店炯記！朋友經常向我力薦，一試果然高質。呢度嘅招牌就係太子鵝油撈麵，有好多款式配搭。每份飯/麵餐仲附送是日例湯。我哋就叫左人氣嘅炯記煙燻燒鵝撈麵同清湯牛魔王撈麵。撈麵好大份，條條都充滿油香咁油潤，而且同餸菜分開上，好貼心！清湯牛魔王包括牛腩同牛肚絲，食落好焾又入味！但燒鵝就仲好食，真係食到燒鵝皮嘅燒燻炭火味，加上燒到香脆，鵝肉厚實有口感，食落好有特色！另外仲叫左兩款小食share! 可惜夜晚賣哂腸粉，唯有單點左份鴛鴦手撕雞，但都好食！鹽焗手撕雞有好香濃嘅沙薑味，好惹味；而麻辣就愈食愈辣，好過癮！冬菇豬手都係推介菜，所以加點左一份，估唔到都幾大份！豬手食落好入味，味道好好。而冬菇仲係精粹，好鮮味多汁，必試！整體黎講，炯記鵝油撈好食，配料亦有加分，性價比高！

想醫下肚仔。朋友帶我來試試*烔記燒味*。望下餐牌選擇多多。為食妹👧🏻樣樣想試下。✨煙燻燒鵝飯（轉米粉）燒鵝帶著煙燻味道。齒頰留香😋。✨炯記四寶撈麵揀咗四寶分別係手撕難。豬手。叉燒。紅腸。滿足心多多的我。四寶份量十足。豬手最出色😛。大件軟腍滿滿骨膠原。撈麵顏色偏深。放進口滿滿鵝油香🦢。✨炯記三皇盤蒜香雲耳。酸辣鳳爪。鹽焗鷄腎。一次過可以滿足三個願望。雲耳爽口蒜香味十足。鳯爪辣度有勁。雞腎鹹鹹香香。

想要更多食物推介 follow me on openrice/instagram👉🏻@joyceous.tummy 👈🏻 🤑價錢約 $100-200🪑坐得舒服 weekend去都好彩坐到卡位 仲見到外國遊客特登黎幫襯😋可惜試唔到出名嘅招牌手撕雞Ⓙ 燒鵝撈麵 $62 用上秘製煙燻燒鵝 食得出個皮有炭燒香味👍🏻當然配有酸梅醬 感覺更開胃 撈麵都好夠味 仲搭左菜心Ⓙ 叉燒腩仔撈麵 $56叉燒半肥半瘦 燒腩仔個皮唔算好脆果種 但肉質都唔錯😋 撈麵加$8 配左蝦籽 口感豐富Ⓙ 海蜇醺蹄小食 $40呢個冷盤幾正 醺蹄切成薄片 海蜇就幾彈口爽爽地🤪 不過就辣辣地🌶️Ⓙ 阿華田五穀麥芽特飲 $18見係新推出飲品 就試吓 加配只需加$8 又唔會太甜

《招牌燒味撈粗👑》———————————————#炯記餐室 🌟-港式燒味食過好多間，都得最中意呢間炯記，同傳統燒味舖有啲唔同，除左正宗燒味外，仲有多款惹味小食，款式多樣🤩-🦆 炯記煙燻燒鵝飯特別推介燒鵝，鵝皮好脆，食落去有一陣炭燒既風味，夠哂香，肉質好唔錯，肥瘦均勻😋- 🐥 手撕雞拼豬手撈麵太子鵝油撈麵個粗麵聞落去就已經好香，綿密嘅鵝油包覆住每一條爽口嘅麵條，相當出色🥰 手撕雞雞肉嫩滑，鹽味突出😊 而豬手經過專業篩選同秘製配方慢煮而成，炆得好入味，充滿骨膠原🤤-🐽 腩叉專登嗌咗腩位嘅叉燒，外皮燒得焦香，肉質一啲都唔鞋，食得出師傅嘅功力，抵讚👍🏻-⭐價錢參考：手撕雞拼豬手撈麵：$56炯記煙燻燒鵝飯：$60腩叉：$68🍌抵deal 指數：7/10💰人均消費：$100

去尖沙咀又唔想食太貴，去左炯記食2人餐！好抵食，唔洗200就食到幾樣野！先飲個湯，大碗勁入味。手撕雞有半隻，叫左唔辣，份量都幾多，仲有青瓜墊底。冬菇醬皇豬手，豬手勁林同埋煲到好入味。平時都唔太食豬手，但呢個好食！菜心一碟，唔係得2條架！完全夠食！麻辣雞賢，唔算太辣。酸辣雲耳，估唔到都幾辣。太子鵝油撈麵，好大碗，2個人食都好飽。個鵝油味都幾香，唔算太油膩。2百蚊食到咁豐富，抵呀！下次可以再試埋其他野！