炯記餐室 (沙咀道)

营业中

休息中

我哋揀咗個$198嘅二人餐，大分夾抵食！包括麻辣手撕雞（半隻）、醬皇豬手、麻辣雞腎同酸辣雲耳、郊外油菜同埋鵝油撈麵，仲有兩杯飲品！首先，每人送一碗冇味精靚湯，足料好飲！麻辣手撕雞（半隻）真係好正！雞肉唔會太柴，口感非常嫩滑。辣度適中，香氣撲鼻，令人食指大動！豬手煮得非常腍爛，入口即溶，醬汁濃郁好味，豬皮有彈性，充滿口感，份量好大碟呀！麻辣雞腎同酸辣雲耳呢道菜充滿驚喜。雞腎口感彈牙，而酸辣雲耳就帶有爽口嘅酸辣味。郊外油菜煮得啱啱好，菜心嫩滑，同埋帶有輕盈嘅油香，可以消滯解膩。最後，鵝油撈麵係整個餐嘅壓軸之作！麵條煮得啱啱好，又滑又Q，而鵝油就帶有濃郁嘅香味，令人難以抗拒。雖然鵝油撈麵單看似簡單，但係每一口都充滿驚喜。

——炯記餐室——荃灣沙咀道209號地舖沙咀道炯記 係荃灣荃新天地對面大份 抵食 好多外賣單 呢個係我既感受炯記煙燻燒鵝瀨粉 $60鵝真係勁香。好味 ＋$10食鵝胸煙燻方式製作幾特別 質地鮮嫩，帶有濃郁的煙燻味道成碗瀨粉好重鵝油味 啖啖都滑捋捋係貴少少 不過燒鵝有佢魅力之處 食既人唔多睇價錢海蜇手撕雞撈麵香港人叫呢個----撈粗手撕雞味道香濃 海蜇食到索索聲 再淋上炯記特製既鵝油配方 海蜇絲則是一種低脂肪、低熱量的食品，含有豐富的膠原蛋白和多種微量元素 味道清新爽口鵝油生菜油光閃閃 好似打左燈甘haha地獄口水雞 惹味無比 辣味十足，讓人食欲大開辣椒油、花椒粉、蒜泥、醋等多種調味料，令雞肉充分吸收調味汁

炯記餐室☕海蜇手撕雞小食 🐔🪼$40手撕雞既肉非常之嫩滑，味道亦都適中，唔會太鹹或者冇味🐔海蜇就偏向辣一啲，爽口彈牙非常好食😋麻辣牛肚木耳絲🐮$28麻辣牛肚非常之入味，入口咬多幾啖仲好有牛嘅香味，加埋爽口嘅木耳絲，絕對係最佳配搭！💓💓燒鵝撈麵🪿 $62燒鵝份量非常之多，啖啖肉，又唔會太肥太油膩！👍🏻爽口彈牙嘅粗麵，配上鵝油，香而不膩，值得一提嘅喺呢度嘅粗麵並冇鹼水味，所以同鵝油配合得更加好！推介！炯記三寶飯 🥓🍳$55三寶飯包括有叉燒、紅腸同埋鹹蛋，叉燒係瘦叉燒，不過我都唔會鞋口，仲充滿蜜汁！呢個三寶飯絕對係大件夾抵食系列！💓入到嚟每人都會附送一碗例湯，我哋當日嘅例湯係南瓜紅蘿蔔煲雞腳，味道都唔錯㗎！🤤🤤飲品方面，加$5就會有一杯冷熱飲品，我哋當日就叫咗凍咖啡同熱檸蜜！☕🍯

經過見到，幾吸引，好似唔錯，加餸。手撕雞有四款口味可以揀（鹽焗、麻辣、口水醬、芫茜），要咗半隻鹽焗手撕雞（$55）。係收銀枱俾錢時，見到有$20/$38小食系列，加多份麻辣紅蹄（$38）。鹽焗手撕雞：大大盒，窒滿成個外賣盒。上層係去哂骨嘅雞肉，肉質唔錯，胸位都唔會太嚡，雞皮都少少爽口，少肥膏。至於味道，咸味適中。下層塾番啲骨，喜歡"倫"骨嘅（如小弟）啱哂。麻辣紅蹄：份量唔算多，適中，但頗厚切。燻蹄爽口彈牙夠哂口感，本身味道冇乜，但個麻辣醬汁唔錯，十分惹味。

炯記係晚餐的好地方，一諗唔到食乜，就自然會諗起烔記，食得飽之除，價錢仲好吸引🤩今晚特別肚餓，叫咗個二人套餐，好多嘢食價錢又勁抵，優惠價＄198🤩我地揀咗鹽焗手撕雞（半隻），(另外可以揀麻辣手撕雞)，一絲絲啖啖雞肉，好香好野味😋另外包冬菇醬皇豬手（例牌）豬手炆得好入味，好淋，好容易咬到，食到好多膠質，好岩女士補充膠原蛋白😆一如以往，好鍾意食佢啲冬菇，細細粒好易入口，有炆得好入味👍🏻配埋太子鵝油撈麵一齊食就更正，用太子餓油撈完嘅粗麵，好彈牙爽口(建議進食前要鬆一鬆啲面，口感更佳)麻辣雞腎 (另有鹽焗味可選)及 酸辣雲耳雞腎爽得來，又易咬，好鍾意食😍酸辣雲耳都好正，酸辣合到好處，再配埋陣蒜味，好可口😍郊外油菜（一碟）非常翠綠，大大條，好有誠意是日靚湯（两碗）粉葛紅蘿蔔雞湯，岩晒好耐冇飲湯嘅我🤩個餐仲另外跟兩杯飲品👍🏻

行過荃灣，見到炯記原來開左黎荃灣。之前食過另一間分店覺得唔錯，今次再試一試～🔎 例湯（$0）例湯足料，飲落清甜~🔎 老壇酸菜魚米線（$68）魚肉嫩滑無骨，食落酸辣都幾平衡～🔎 胡椒豬肚雞米線（$68）湯底好重胡椒味，豬肚同雞份量都好多👍🏻🔎 凍檸茶（跟餐+$5）正常既凍檸茶味道～🔎 阿華田五穀麥芽特飲（跟餐+$10）阿華田味都幾濃，配埋五穀麥芽，味道好夾～🔎 鹽焗手撕雞小食（$32）手撕雞食落肉質都幾滑，而且好香，整體調味唔會太鹹～

二人餐，超抵食，諗住方便快捷，叫個二人餐唔使諗，黐線我哋一男一女去食，剩低左超過一半，唯有打包帶走，第二晚再食都可以食得飽🥹鵝油撈麵係佢招牌，用咗粗麵，好有彈性，都幾滑，啲麵根根分明好均勻，唔會好似街邊啲乾炒牛河咁黐埋一pat嘢，未食過鵝油唔係好識分，都幾香又唔會好油膩豬手冬菇超入味超淋，食唔停，啲冬菇細細粒，一啖一粒，又入味偏甜，豬手淋到就嚟用筷子都可以夾爛，超正，仲要有四大嚿真係超抵食，打包左返去第二日翻叮更加好食🤣手撕雞雞味重，同埋真係撕得好細條，雞皮好彈牙！佢有鹽焗同麻辣，我哋揀咗麻辣諗住特別啲，真係好辣，仲要越食越辣，但係又唔會搶晒啲雞味雞腎好食！佢又唔係完全爽口咬到牙軟果種，佢係好容易咬開，但係又係偏爽嘅😂我第一次食呢種口感嘅雞腎👍🏻涼拌雲耳爽口係一定㗎啦，麻油同埋蒜頭味偏重，不過我覺得可以再酸啲我覺得呢個餐最抵係可以嗌特飲唔使加錢🤣，好彩我哋嗌咗咸檸七喜，佢俾咗成罐我哋，如果唔係真係會辣死。

荃灣共有兩間炯記，一間近熊貓酒店，主打外賣；呢一間主打堂食近戴麟趾診所。今次就係去後者呢間見到menu有個二人餐已經包晒呢到嘅招牌菜，價錢唔貴，$200 都唔洗酸辣蒜香雲耳+鹽焗雞腎， 雲耳酸酸辣辣，蒜香味十足， 食到都有d後勁，辣辣地， 好過癮。 雞腎爽口彈牙， 仲有少少凍，鹹香得嚟唔錯鹽焗手撕雞， 足料半隻， 份量好多。 雞肉嫩滑，手撕雞醬汁味道香濃而不會死鹹，有少少白芝麻點綴，係好食嘅冬菇豬手， 平時我好少食豬手嘅， 試咗呢道嘅豬手我覺得好好味呀，因為火閔得好入味，而且豬手處理乾淨，唔會食到有毛，抵讚招牌鵝油撈麵，鵝油同醬油味好香， 同粗麵好夾， 麵質爽口， 嚟到一定要趁熱食，唔會令你失望之後仲包括埋油菜同飲品兩人過嚟食一定夠，細食嘅可能會有剩拎走

日前在荃灣街市街那邊光顧過炯記外賣燒味後，今天再來到沙咀道這邊堂食😋這次嚐嚐招牌煙燻燒鵝。入座後店員很快便送上兩碗湯，雖然是免費贈送，但每碗都有粟米，誠意十足。炯記煙燻燒鵝瀨粉$60燒鵝肥瘦適中，鵝油很香，皮薄脆一咬即斷，肉質不乾不柴，有水準👍🏻。瀨粉一大碗，口感彈牙，湯頭比上一次的淡一點，加了少量辣椒油，香辣美味。跟餐有餐飲，特飲只需+$6。醬皇叉燒例牌$68叉燒的醬汁惹味，賣相吸引，份量很多，肉質偏瘦但不會乾硬。堂食環境舒適，有一排靠牆座位很適合單人食客。

荃灣沙咀道的這間炯記餐室，餐廳的鹽焗手撕雞都想試很久了，今日來到，二人餐有我想試的鹽焗手撕雞，所以就揀了個二人餐。炯記二人套餐$198套餐非常豐富，更可以選擇味道及款式，多個款式中，選擇了鹽焗手撕雞、郊外油菜、冬菇醬皇豬手、麻辣雞腎、酸辣雲耳、太子鵝油撈麵、絲苗白飯、是日靚湯及飲品。是日靚湯，裏面有紅蘿蔔及薯仔、粟米……，湯底好滋潤。酸辣雲耳，面上洒有少少芝麻，味道少少酸，很爽口。麻辣雞腎面上也是有芝麻，少少麻辣，非常爽脆，好惹味。鹽焗手撕雞，餐廳是選用優質的三黃雞，雞味特別濃，鹽焗手撕雞面上也是灑有少少芝麻，手撕雞撕成一條一條，咸咸香香，且好入味，想試很久的鹽焗手撕雞的確沒有令我失望，而且比我預期還好味！ 冬菇醬皇豬手，頗為為大件，腍度剛剛好，食落有口感。小冬菇有少少爽口，細細隻好特別。太子鵝油撈麵，撈麵有少少干身，口感煙韌帶點爽，因為有鵝油，所以撈麵特別香，好有特色的鵝油撈麵。郊外油菜飲品要了齋啡及可樂套餐真是很豐富，抵食而且美味！

手撕雞幾好食，但份量相對有啲少有少少鹹，腸粉好味都好多，凍奶茶都好滑幾好飲但就係少甜左都有啲甜，唔知係咪唔記得左整少甜。45蚊都幾抵，之前食過佢和鵝油撈面都唔錯，海蜇都ok，食得過。

烔記手撕雞 荃灣經過沙咀道見到呢間手撕雞好出名，好多人排隊，我哋一於入去試吓！兩個人叫咗一個二人套餐，份量好足，樣樣都好好食！都只係$198！😍😍二人套餐包：半隻鹽焗手撕雞冬菇醬皇豬手鹽焗雞腎酸辣雲耳蠔油菜心鵝油撈麵例湯特飲每一樣都好好食😋，鹽焗手撕雞好入味，雞肉亦都好嫩滑，雞腎爽脆，豬手有驚喜！仲配上好多細細粒嘅冬菇仔，炆得好入味😝😆兩個人賣單$200都唔使，十分之抵食😋😋！！！！！

同喺荃灣返工嘅好朋友食lunch! 荃灣都好大我地返工location一個東一個西😹，約咗喺沙咀道搵餐廳食飯，決定試呢間成日搭車會經嘅炯記餐室～唔想用腦一致認同嗌個二人餐✌🏻全部都大大份 😳我地食唔晒要打包走 咁睇其實都幾抵食!! 👨🏻‍🍳🤳🏻是日靚湯蘿蔔粟米湯清清地幾好飲～👨🏻‍🍳🤳🏻鹽焗手撕雞 半隻多雞肉，鹽焗好香無雪藏味，雞肉唔會好鞋唔錯同埋會有啲芝麻香～👨🏻‍🍳🤳🏻冬菇醬皇豬手大大隻醬皇豬手!! 炆得好淋同時都保持到豬肉豬皮嘅彈性 🐖豬手無奇怪嘅騷味，同埋處理得好乾淨✨另外佢嘅冬菇size 好可愛\(//∇//)\細細粒onebite size 咬落好淋好易咬開👍🏻👨🏻‍🍳🤳🏻麻辣雞腎麻辣偏辣 雞腎入味有嚼勁但冇好難咬嘅筋部個辣都幾辣 如果送飯應該好正 !! 🔥👨🏻‍🍳🤳🏻酸辣雲耳呢個就酸辣兼備，味道開胃酸辣雲耳好難唔好食😛👨🏻‍🍳🤳🏻太子鵝油撈麵❤️‍🔥本身都有心理準備佢會食落好油點知上枱發覺佢乾身得嚟好香，入口香而不膩🥹麵質爽彈，份量真係好多，但唔會食到好快濟咗✨另外仲有一啲碟油菜， 一座小山丘咁高🥬同埋包2杯飲品我覺得3－4個人食2人餐再嗌多1樣都應該好夠食！

係荃灣楊屋道買完送，穿過citywalk就比炯記個招牌吸引左去睇，一睇又有手撕雞又有燒味，好啦就決定係你喇～一坐低佢就上左2碗例湯，好足料，而且好清甜～心大心細既我地簡左二人套餐 198小吃   涼拌雲耳，酸咪咪，少辣爽口，十分開胃鹽焗雞腎，爽口彈牙，唔會硬身或者有筋咬唔開咁鵝油撈麵粗麵爽口，味道濃郁～ 一試愛上，完全冇鹼水味，而且有鵝油香味。可以落少少辣椒油，味道更提升手撕雞（鹽焗）份量好足，香滑鮮嫩，無雪味有雞味，上面既白芝麻，令到d雞每啖都有芝麻香冬菇醬往豬手一口小冬菇，「的的骰骰」，冬菇入味。豬手處理得好好，好乾淨，無豬毛殘留，炆得淋滑彈牙，個皮好q彈～豬手骨仲有骨髓食到，正！油菜爽脆，加上豬手既醬油汁，野味餐飲我地叫左特飲 雙檸7喜同雙檸可樂，2人餐居然唔使加錢，咸檸檬＋檸檬片配汽水，我又真係未試過，但又出奇咁夾最後我地都要打包半碟雞同1個麵整體份量夠，味道好味，性價比高。

午餐叫了兩個外賣，份量出奇地多。特別是燒肉，差不多有十件，都算ok。油鷄冇乜特別，燒肉則偏瘦，不過有點乾，而且皮有點太硬，而撈麵雖然都好食但非常油。整體而言有點貴但可接受～