炯記餐室

营业中

休息中

晏就黎開長沙灣，見到有間烔記餐室，類似茶餐廳咁，好多野食，中午一支公快食個lunch 岩哂。坐低睇緊menu既時候已經聽到兩枱客人叫手撕雞腸粉，咁我當然唔執輸，試下佢咩料。叫左鴛鴦手撕雞腸粉，鴛鴦既意思係鹽焗手撕雞同麻辣手撕雞。腸粉好食黎講一定要多醬，呢度既醬一啲都唔孤寒，岩哂我中意多醬既人，手撕雞既份量都好多，鹽焗味唔係好咸，麻辣就真係辣，我都食到流鼻涕。睇menu時見到佢張醺蹄幾吸引就叫左，點會諗到茶記都有海蜇醺蹄，毫不猶豫毫叫左。佢海蜇都幾爽口，味道唔咸，又唔會好油。醺蹄好大塊，塊塊都厚切，醺蹄唔係好肥，幾好食。見到炯記餐室個餐牌都幾多野食，有燒味既叉燒有米線、潮式牛腩、碟頭飯、新穎啲有撈丁、手撕雞腸粉、All Day Breakfast ，真係無論咩時段黎，都有岩食既野。

因為買旦卷必須到長沙灣， 被對面炯記的簡簡單單清新的裝潢吸引，雙腳已不受控制踏進去。剛巧是下午茶時間我們點了香茅雞翼薯條加荔枝梳打特飲加特濃龍蝦湯及生菜配豬手汁，海蜇塭焗手撕雞腸粉及例牌銷魂腩义。一碗熱騰騰的龍蝦湯很濃烈的龍蝦味 （如果是雙倍容量便更滿足囉）， 腸粉晶瑩通透而且很滑 （想不到有腸粉供應 超開心）， 手撕雞的雞肉很入味及全無骨超正，冇牙齒的人都可以吃完全冇困難。金黃的香茅雞翼很脆及肉汁肥美， 薯條絕對有所驚喜 （本以為是普通瘦削型的）是粗粗的脆口有質感的薯味薯條。 最後是大愛的甜甜蜜蜜的腩义， 三層分明的，第一口是溥溥一層甜密腩皮， 第二層是透明的肥肉（沒有一點油膩感）至有爽快感， 第三層是瘦义， 一口含有三個層次，滿足了肚子。

😙今日去到長沙灣睇醫生，見仲有時間就諗住坐低食個下午茶先！見到呢間裝修得幾靚喎🤣 咁就入去試吓啦反正都唔貴入邊都好光猛而且座位都好闊落，新裝修好靚！下午茶就梗係食薯條拼雞翼啦！薯條即叫即炸 好脆熱辣辣上枱😝 香茅雞翼都不錯！麻醬手撕雞牛角包🥐 一咬落去索索聲 好脆、好鬆化🤭 原來兩樣野加埋都幾match!唔夠飽就再嗌多個腿蛋治，個炒滑蛋真係一百分🫡 勁厚店員推介我食手撕雞腸粉，我就叫咗麻辣手撕雞，估唔到真係好麻好辣！腸粉夠滑🤗朋友超大食再嗌多個芫荽湯米線香茅雞翼，好多芫荽，不過如果個湯可以再濃啲就好啦，因為芫荽控實在太鍾意芫荽！🤭🤭

港式地道小食仲要係小店，一定要支持下😋😋長沙灣的茶餐廳，裝修竟然幾靚，套餐非常之抵食，性價比高😍😍😍食到好飽嘅二人套餐都係$198😉😉 ，有手撕雞半隻🫡，清湯牛腩，酸辣雲耳，麻辣雞腎，菜心，鵝油撈麵，仲有兩杯嘢飲！ 聽到已經覺得開始飽呢🤪🤪🤪每一碟都大大碟嘅！唔怕你唔飽，只怕你食唔晒🤭🤭🤭麻辣手撕雞麻辣味好香，雞肉唔會係好硬嗰啲，分量超多！😀清湯牛腩🤩🤩好冧，連埋肥膏一齊食！正😄酸辣雲耳，鹽焗雞腎酸辣同鹽焗都做得好好，食雲耳就可以清吓腸胃，雞腎亦都好入味😍😍😍鵝油撈麵鵝油撈麵竟然唔算好油膩，我配埋麻辣手撕雞😋😋😋，別有一番風味🫡，而且佢嘅面質都幾爽口👍到最後就生菜🥬，其實已經好飽，但都要食返啲菜☺️☺️我就飲熱檸水，朋友就飲熱檸蜜，大家都好滿足，仲要食唔晒拎走！

夜晚係長沙灣行經圓洲商場見到有幾間新式食肆, 呢間炯記餐室裝修十分吸引, 主要係白色, 好高級成間CAFÉ咁, 但原來係一間新式中菜餐廳.睇完meun後我地叫左冬菇豬手撈麵, 椒鹽雞軟骨, 酸辣無骨鳳爪 首先講下個老火靚湯, 今日係紅青蘿蔔, 好鮮甜蘿蔔香味, 應該係冇落味精既頭盤黎個酸辣無骨鳳爪, 酸酸地幾開胃, 再配上餐跟黑火耳又係酸甜椒鹽雞軟骨佢呢個整法我係出面都比較小食, 係用粉炸食落好脆, 我幾中意冬菇豬手撈麵 係用鵝油黎撈, 比較香同埋滑, 唔會一餅麵咁乾憎憎, 豬手炆到入哂味

懶得煮飯食，所以近近地喺元州商場搵間坐得舒服嘅食飯海蜇手撕雞腸粉，叫咗個鹽焗手撕雞，手撕雞味道剛好，唔會整得太鹹，腸粉好滑，配埋芝麻醬同甜醬好好食，牛魔王撈麵，配上牛腩同埋牛肚，牛肚佢整到好林，牛腩亦都唔會太硬，撈麵嘅份量都幾多撈麵如果再加重鵝油會更惹味最有驚喜嘅係叉燒蛋包飯，叉燒係腩肉夠肥，識落唔會太肥膩，肥肉夠爽口，雞蛋亦都唔會煮得太老冬菇生菜煮得好入味，冬菇應該都煮咗好耐，吸晒啲醬汁，配飯食非常之好味

行咗全日好攰，經過呢間餐廳見到裝修好似cafe，價錢又ok，於是入去試下。🐓 海蜇手撕雞腸粉 $48手撕雞可以揀鹽焗或者麻辣，我要咗鹽焗，味道唔會太鹹啱啱好，肉質鮮嫩，面頭灑上芝麻更有咬口；海蜇好彈牙爽口；腸粉分量十足，沾上滿滿嘅甜醬、花生醬同埋少少辣醬，好惹味，而且熱辣辣又Q彈👍🏻 $48可以食到三款餸好抵食‼️🦞 特濃龍蝦湯 $56睇落其貌不揚，但入口有驚喜，無配料但味道超級濃郁，口感稠密，飲完一碗都飽飽地🤰🏻🥦 芝士西蘭花 $38一上枱都見到份量好多，而且西蘭花嘅顏色好翠綠，夠新鮮👍🏻 面頭鋪滿焗芝士，增添少少鹹香味，又唔會太邪惡，健康之餘唔會淡茂茂，幾好食。阿姐態度唔錯，舖頭又乾淨光猛👍🏻 準備埋單嘅時候見到隔籬枱食緊鵝油撈麵，搞到我都好想試，不過近排食滯咗唔太舒服，等下次再食🤤

今日黎到長沙灣同朋友飯～佢話呢間餐廳既豬手好好食😍 咁梗係要試試佢啦！ 呢度既裝飾好文青風～店內燈光好光猛，坐位都幾寬！ 見到呢度好多野都想食，見到有兩人套餐叫，而且包左手撕雞同豬手，仲有太子鵝油撈麵全部都係店內招牌推薦美食，所以就叫左呢個餐啦！ 先黎兩碗老火湯！ 呢個湯煲到好入味，好甜，係蘿蔔木瓜湯！跟住係兩道小食，麻辣雲耳同雞腎😋我好鐘意食雞賢，份量岩岩好～之後黎主菜醬皇豬手同麻辣手撕雞！😍呢個豬手真係煮到好腍，食落都係骨膠原🥰好飲食緊豬軟骨咁～之後我地選擇左兩碗都係鵝油撈麵，呢個撈面味道唔太濃，岩晒用黎配餸食，有淡淡既醬油香味，相信就係所講既太子鵝油～呢個套餐真係包左好多野食🥰仲包兩杯野飲～性價比好高！如果下次係附近都會想再黎試下其他野食！

今日放假同媽咪去食下午茶，去到剛好2點下午茶時段，過了 lunch 時間，等了5分鐘就有位了；因成個上午無食野太肚餓關係，我快速睇了餐牌就點餐， 我點了兩個下午茶餐，一個撈麵再加一個小食，兩個人唔知會唔會太多呢？ 呵呵呵秘制醬皇豬手撈麵~豬手煮到好腍，夠入味，補充骨膠原就最好不過喇，撈麵係鵝油撈麵，眼見以為好油，但食入口一 d 都唔油，真係油而不膩，麵質爽口；仲附送一小碟雲耳作小食。腩叉牛角包~叉燒是腩叉，望落好似好多肥豬肉咁，但咬落去唔覺好肥膩，配埋生菜和胡麻醬夾在牛角包一齊食又幾夾幾好味，牛角包鬆軟帶有牛油香味，側邊仲有少許沙律菜伴碟。鹽焗手撕雞腸粉~手撕雞肉質嫩滑微帶咸香，腸粉都好滑嘟嘟，麻醬好香花生味，鼓油唔會太咸，再灑上芝麻，食腸粉真係不可缺少既醬料小吃三皇盤~蒜香酸辣雲耳：爽口，微微蒜香，微酸微辣好開胃酸辣無骨鳳爪：爽口彈牙，雖然無泰式果種辣，但都酸酸辣辣好醒神鹽焗雞腎：口感唔硬唔腍岩岩好，但稍為咸左少少飲品~今次自己無叫特飲，媽咪就叫左即磨咖啡，跟餐加$3 都 ok, 試了一啖還可以啦最後我地都係食唔晒，打包左半份豬手撈麵和半個腩叉牛角包回家夜晚再食

星期日同屋企人嚟呢度食brunch ，環境裝修幾靚，而且坐得舒服闊落。食物款式都幾多，價錢親民鹽焗手撕雞腸粉一上枱夠晒熱，腸粉夠滑，而且好多醬。而手撕雞皮爽肉滑，色澤金黃，鹹味啱啱好，配腸粉一流。重量級早餐個餐包括左炒蛋、多士、火腿、午餐肉、漢堡扒同沙律菜，非常豐富。多士烘得好脆，仲搽滿牛油，好香。沙律菜新鮮爽口。特別要讚讚個炒蛋，炒得好滑，充滿牛油香同蛋香。銷魂腩叉(例牌)淨係賣相已經覺得好吸引，叉燒半肥瘦，肉質軟嫩，脂肪位爽口，食落juicy，蜜汁甜度恰到好處厚蛋火腿三文治烘底真係名副其實厚蛋，雞蛋好香而且好滑，方包厚薄適中，烘得啱啱好，配埋火腿，整體口感豐富。香茅雞翼雞翼炸得香脆，肉質唔會乾，香茅味道夠入味，食落唔會油膩見晚市同埋下午茶嘅餐牌食物款式都好吸引， 下次同屋企人再試吓晚市或者下午茶先

今晚來到元州邨附近，晚飯食的是這間長沙灣元州街的炯記餐室。餐廳裝修整潔新潮企理。餐廳menu有粉麵飯等，都比較多選擇。冬菇豬手撈麵$58，麵條是寬面條，入口煙煙韌韌的，好有咬口，也好入味。豬手滷得入味又夠腍，最喜愛連皮食，香香滑滑，帶有五香粉及八角特有的香，而且很有膠質感。芫茜手撕雞$58，手撕雞食落就知是新鮮雞，煙韌有彈性，很香鹽焗雞味道，第一次食手撕雞這麼入味及香，還有個生菜沙律，雖然不多，但卻很惹味的。清湯牛魔王例$88 牛腩比較乾身，當中瘦中有肥，滷得都夠淋，牛腩亦都頗有牛味。最喜愛的是金錢牛肚，份量不是很多，點上餐廳的辣椒醬，入口腍中有咬口。香香辣辣的。套餐還跟配熱飲。

星期日同朋友去左深水埗長沙灣個度搵café住坐低歎咖啡，點知好多地方都要排隊，咁熱搵個地方坐低食少少野，經過元州商場見到一間裝修到好似café既燒味店，等左一陣就入得去，餐廳裝修以白色同木系為主，感覺同傳統燒味店好唔同😌😌🥣是日例湯: 青紅蘿蔔煲雞湯揀好左食咩之後店員送上兩碗老火湯，今日既例湯係青紅蘿蔔煲雞湯，湯頭非常清甜，真材實料無落味精，正😋🌟酸辣無骨鳳爪 ($38)醃到好入味既酸辣無骨鳳爪，非常爽口，後勁既辣度都幾重，加埋少少酸好開胃🌟清湯牛魔王 (牛肚及牛腩) ($88)牛腩肥瘦適中，煮到好腍好入味，食得出淡淡既花椒八角香，牛肚爽彈有嚼勁🥰🥰🌟銷魂腩叉撈麵 ($56)主食我地就叫左呢度最出名既鵝油撈麵，幾乎每枱都有叫，鵝油甘香加上秘製甜豉油，粗麵好彈牙，雖然邪惡但又真係幾好食，醬皇腩叉半肥瘦同燶邊超好食💯🌟醬皇冬菇生菜 (套餐+$16)最後套餐加$16可以配碟醬皇冬菇生菜都幾抵，平時普通一碟油菜都係咁上下價錢，而家仲要有埋冬菇，冬菇厚肉入味，醬汁都帶有香濃既冬菇味，推介大家一定要試埋呢個😌😌

時間2點幾左右一去到，已經有4，5個人係門口等緊外賣真係咁好食🧐我食果個係下午茶⋯叫左 麻辣手撕雞腸粉 值得推薦本身有原味鹽焗同麻辣二種口味呢個餐幾好食，吾算多，女仔食岩岩好男既叫番撈麵比較好環境舒適整潔，最岩傾計但辛苦得一個姐姐，走運全場，收銀 落單 送餐 都係佢💪🏻

元州商場地下有間出名嘅鵝油撈麵，今日終於可以一嚐佢嘅味道環境嚟講都唔錯，地方幾乾淨舒適👫🏻二人滿足套餐 $198🐓麻辣手撕雞例牌 -手撕雞味道又麻又香 辣度都十足-冇骨雞絲頗嫩🐂清湯牛魔王例牌-牛肚 牛腩 金錢肚-非常入味 夠腍夠香👂🏽酸辣蒜香雲耳-酸度十足 好開胃 作飯前小菜一流🐤鹽焗雞腎-雞腎爽口彈牙 鹽焗夠鹹香-份量都相當之多🥬郊外油菜🍝太子鵝油撈麵x2 -店舖主打嘅鵝油撈麵 鵝油真係特別香口-麵本身帶醬油味 有一定彈牙程度-撈麵嚟講都幾出色🥣是日老火湯x2🥂冷熱飲品x2總括嚟講，呢個2人餐真係抵食，2個男人食都超級飽，味道又好，正

今日黎到一間乾淨企理靚裝修嘅餐廳，野食選擇好多，有港式麵食、泰式小食、中式小菜，又有打卡呃like牛角包🥐，我地揀左：1️⃣手撕雞雙拼鵝油撈麵我揀左鹽焗手撕雞拼豬手，首先份量好多，一定食得飯！撈麵帶陣陣油香，麵質較爽而滑口，好惹味。鹽焗手撕雞充滿麻油香，中意食辣可揀麻辣味。豬手好腍嫩，滿滿骨膠原😋2️⃣全日早餐手撕雞牛角包食過未？呢個中西合璧嘅組合好夾喎！個包香脆，配上麻醬手撕雞，好新奇，都好味道！仲有超嫩滑蛋，記得加落個包食。另外不得不讚佢個叉燒，好肥美，肉汁豐富，味道香濃👍🏻👍🏻👍🏻全日早餐當然仲有新鮮沙律，茄汁豆同腸仔。3️⃣酸辣無骨鳳爪非常之入味嘅鳳爪，酸酸辣辣好開胃！😜4️⃣鹹檸樂七喜同裝住冰同咸檸檬嘅杯分開上，倒左七喜就係咁篤個檸檬，又甜又鹹，夠曬冰涼，爽！5️⃣奶茶茶味香濃呢餐食得好滿足，環境舒適，住附近嘅話呢度可以做飯堂😆