無肉食 (堡壘街) (已結業)

已經係常客 但今晚佢整左個甜炸麻糬波波由於本人對咁煙韌既野 真係毫無抵抗力 我逐盤左好多次 食左超過十粒就係依個 勁好味 甜甜地但好煙韌！！我又拎左 仲拎左芝士撻 我都食左兩隻之後都有拎 但我都廢事影 因為好似食得太多啦！！所有炸物都吸引 同脆同好食都好鍾意佢個蕃茄炒雞蛋 佢加左青豆 係入面 令口感提升左！唔錯唔錯！不過今日既海珊瑚 就好咸我既第一盤 春卷 入面扮肉既係面粉 所以都係好滯既 但佢係脆既 所以都好味不過腐皮卷就比較失色 餡好味既 不過唔脆雲耳都咸 今日好似調味好重手咁依個係朋友既 佢話最鍾意冬瓜依個豆腐都好食 因為朋友咁樣夾左蕃茄炒雞蛋 我先知有！ 好推介！但款式其實都差唔多 我應該有排都唔黎喇 因為係自己自制能力不足 好容易會食得過飽！佢既湯呀野飲都好好味 人都總係貪心既！

見價錢不貴，周末約埋家人去試，未開門就有人排隊，真係咁多人愛素食？先付錢後開餐，價錢唔貴食材也是家常菜，我估最貴係紅菜頭。最愛大木枱，唔擠迫，又有陽光照射，環境舒服，大家也不心急搶食物，感覺良好。全程得一集碟去拿食物，有點麻煩但環保，值得支持，食完要自已執枱，這些大家都要適應。食物清淡啱我口味，椰子湯驚喜，煎堆最惹味又煙韌，南瓜大滿足，吃過痛快，蕃茄蛋酸酸地好味，蔬菜供應充足，甜品糕點合格水平，紅豆沙幾好，但涼粉偏苦，飲品選擇太少，有杯咖啡或茶就更開心。就算係食肉獸都可以偶然來清清腸胃，輕輕鬆鬆吃一餐，不用像酒店自助餐鬥搶快鬥吃得多。

190522「無肉食」餐廳，顧名思義，淨係得素食，無肉類。女友係少食肉嘅人，而我係鍾意食菜多過食肉嘅人，一拍即合，今次就一齊嚟食素食自助餐。我哋準時六點正嚟到餐廳，成為第一檯客人。餐廳樓底好高，檯同檯嘅空間足夠，感覺舒適。牆身有不同掛飾，如字畫，令環境增添藝術感。自助餐區分為幾個部分：-電煲-電爐-炸物-冷盤電煲部份分別有：例湯、白粥同糖水（綠豆沙同蘋果雪耳）。我哋淨係試咗飲例湯-西洋菜湯，足料好飲。電爐部份主要有啲家常菜，如炒菜心、炒苦瓜同炒蓮藕片。最令人驚喜嘅係炒豆角，豆製配料口感同味道都好似真肉粒😻，餸飯一流。炸物部分最野味，包括：春卷、炸豆腐、炸南瓜片。最爽口就係食炸金菇，外脆內軟，百吃不厭😋。冷盤部分種類豐富，如有：薯仔沙律、羽衣甘藍、羅馬生菜。佢哋會不停refill新餸菜，令客人唔會覺得悶，包括冬瓜盅，清潤解渴；麥芽糖山炸番薯粒，吸睛之選，蕃薯配麥芽糖絲原來係好夾㗎😋；芝士撻新鮮出爐， 十分滿足。總括而言：「無肉食」素食餐廳值得推薦，環境舒適，坐得舒服，食物種類唔少，食物水平中上，偶有驚喜，性價比高（平均每人$110 ），遲下會再嚟食。我哋7:30走嘅時候幾乎全場滿座， w

現代人個個追求健康 ,食得太多又怕肥. 所以間中食下素食, 清腸胃友人上網睇過食評推介,覺得無肉食, 食評不錯, 而且只是$108, 沒收加一,單看素自助晚餐的價錢,十分抵食,當然都要親身去試下先知.上網訂了位,我們去到食店接待櫃位時,除了報上訂位資料, 然後需要付款先才入座.限時90分鐘.不過可能平日的關係, 所以仍然可以繼續用餐.講番正題, 自助餐枱在食店的中央, 枱的最前端是沙律bar, 分別有紅菜頭, 羽衣甘藍, 黎麥等超級食物更有三種醬汁選擇. 接著就是炸物, 如炸春卷, 腐皮, 蕃薯等, 值得推介係有迷你芝士撻, 食多幾件都可以, 之後是熱葷, 糖水和湯, 還有炒粉麵飯, 大食的朋友也不用怕不夠飽總括來說, 我很滿意呢餐自助素食, 環境舒適, 又沒有宗教味道, 食物又多選擇, 有清淡的時蔬,有香口的炸物, 鹹甜美食, 樣樣齊備. 最重要並不是扮熱葷

一行三人到北角無肉食午膳，這間英文名字叫ahimsa buffet 的食店，ahimsa 是梵文原意是「不害」、「無傷害」，亦即不殺生的含義。枱是預定了的。中午十二時，食客人數不到一半，我們選了角落位，不過坐滿人後出去拿食物就要繞一圈了。頭盤有爽口青瓜、咬落脆的蓮藕片、健康小茄子木耳藜麥等，各個味道都調校得很好。主食則各款都拿些試試，油炸物有春卷、煎堆、煎腐皮卷、炸豆腐，各樣都做得不錯；蔬菜瓜類味道清淡，計有甜菜心、爽口生菜、爽脆白菜、淋莧菜、連皮茄子、大片苦瓜、細細粒冬瓜、翠肉瓜、蓮藕片等；另外還有飽肚的上海粗炒麵、素菜炒賴粉、荷葉飯，可惜不夠熱且味道一般。最後，甜品有木瓜及各類糕點包括紅豆糕、馬蹄糕、芋頭糕等。糕點做得一般，咋喳則做得非常好，不太甜但又不淡，材料十足，是整餐最滿意的。

同男朋友試咗呢間素食自助餐。食物種類多，間唔中又會有新嘢出。沙律吧有藜麥、羽衣甘藍、紅菜頭呢啲super food😻。熟食比較推介係冬瓜盅，個湯超清甜！而成餐最特別係有半熟芝士撻，啱啱出爐熱辣辣！整體味道唔錯，冇咩嘢特別標青，亦都冇伏。值得讚係食物味道普遍唔算太濃，亦唔似一般中式齋咁油。可以食到咁豐富嘅晚餐都係$110（星期一至四，任食90分鐘）真係超值👍🏻👍🏻。順帶一提，七點起已經要搭枱，建議book位。

之前光顧過另一間素食餐廳，覺得很好食，所以一直想再食這類素食自助餐，於是找到了這間，午餐的價格十分抵食，$70就可以食飽，但不知道是否因為午市較便宜的關係，沒有太多的選擇，都是一些很基本的小炒，食材種類都很相似，雖然味道是可以的，但感覺即使是自助餐都沒辦法食太多。

之前經過見到很好人食，今日尊登帶家人嚟試下，食下素食健康下！真係好多人光顧，要等位，不過都唔駛等太耐。先付款形式，成人$80 免加一，限時70 分鐘。起初好擔心70 分鐘唔夠食款式唔多，基本上轉2 round 就食均，唔駛70 分鐘可以走人。款式都係炒菜、炒瓜、炸物咁，品道非常一般，沒有一樣深刻！食完頗失望！不會再光顧。

Was a loyal fans of Bijas in HKUBut after all, we didnt get much chance or excuse to visit HKU for no reasonsSo I have been bookmarking this restaurant for long... wanting to try the veggie buffet style.We originally booked 20:45 and they called to say that it’s better to arrive earlier as they will close at 930.We were confused at the beginning but soon when we arrived, we understood why that call was necessary.Apparently, there was no refill after 20:45 ish. That’s what it looks like when my b

素食推介～～無肉食（北角） ..➡️炸豆腐👍🏽😋新鮮熱辣辣🔥估唔到佢地用七味粉幾夾🤝再配埋辣醬🌶好鬼正🤤 .➡️煎餃子炸雲吞炸腐皮卷 原來全部餡料係一樣😅 覺得炸腐皮卷最夾最好食😆🤗 但配落餃子到就麻麻哋啦🤔 .➡️蘿蔔糕✔️好多蘿蔔絲同好大塊，係佢自己整😝好好食🥰 .➡️甜品✔️有紅豆沙丶西瓜🍉、火龍果 ..➡️環境舒服😉座位闊落、唔會太嘈😁，自助區部分食物清晒😧員工都好快會添加新嘅食物🤤，而每次添加嘅食物都係新款式😵🤥 ..75分鐘任食（免加一），只需$70👏👏👏好抵呀！好味程度：😍😍😍😍5😍滿分

一行9人在港島行完山，直踩落炮台山等食友人們之前吃過話掂，今次帶埋我去試！星期六12點鬆尐關係，正正是午餐時間，所以要等了週六午餐每位$80，唔使加一（自助形式，自己拎餐具、吃罷自己清理及放餐具原來已有三間無肉食回饋社會，大讚沙律方面，紅菜頭、南瓜都係我喜愛的，仲有super food羽衣甘藍呀其中熱葷中菜心係靚菜，好甜；炸春卷、腐卷、炸蕃薯；湯好甜，連喝了兩碗甜品仲有落咗臭草嘅綠豆沙、涼粉、西瓜、哈密瓜、南瓜糯米丸子、蛋散、紅豆糕等！喜歡沒有假素！唔講咁多，我要食啦！

已經食過幾次 "無肉食" 了， 其實每星期抽一餐食吓素菜都幾好，幫自己身體排下毒之餘，食素菜都相對於食肉，可以幫助減少碳足跡，對環境都有幫助呀! 大家食多啲素菜啦!呢度平日既中午buffet只係70蚊左右，好抵食，食物好新鮮，中西合壁 (中西式既都有，間中好似會換下款式添)!推介既食物有:凍豆腐 - 超正，豆腐淋上甜甜既汁，上面仲有啲脆脆春捲 - 好香脆，好香口紅菜頭 - 好清甜，夠健康羽衣甘藍 - 好清新藜麥 - 加啲甜醋，超健康綠豆沙 - 食完炸野清吓啲熱氣每星期都應該黎食一次呀!

同朋友聚舊，想食清淡啲，朋友提議去食素食自助餐，就揀咗呢間無肉食。之前來過幾次，對呢處印象幾好。餐廳環境不俗，地方幾闊落，算係乾淨整潔，坐得也舒服。每人有個半鐘頭食嘢，如果無人等位，重可以坐耐啲添！呢度11:30開始，入去前先要俾錢，至知道原來今年初已經由$68加到$70位，加咗兩蚊。食客可在沙律吧自行配搭沙律，凍食大約有十幾款，有凍豆腐、藜麥、红菜頭、雜豆等……沙律菜就有羽衣甘藍、羅馬生菜、粟米、青瓜、車里茄等等，超級健康。熱食有番茄炒疍、梅菜蒸茄子、南乳齋、清炒菜心同咖哩等等。炸物有春卷、炸豆腐、腐皮卷、蛋散、炸番薯等等。甜點有凍糕如红豆糕、黃金糕等，另外煎馬蹄糕、芋頭糕、煎堆仔等等。這裡嘅齋湯、白粥、紅豆沙，荷葉飯、炒麵都唔錯。每個食客食完後，都會自動自覺收拾餐具，然後放到回收區及清理廚餘。整體來講，呢度食物質素同味道都唔錯，選擇亦多， 地方企理，價錢也合理，真心推薦。

姊妹們很久没聚頭,今次約去北角吃素食。餐廳環境不錯,氣氛静静的,不太嘈,坐位舒適。原來是自助餐,而且是全自助,吃完要自行收拾餐具。食物款式也算不少,沙律配菜有成十款,如羽衣甘藍,紅菜頭,車里茄等.....,還有三種醬汁可選。熱葷也有6,7款,是中式素菜,夠熱,連咖哩都有,另外還有一些炸物,冷熱飲品及糖水,而辣的食物亦有注明提示,雖然有些菜式類同,食物味道整體不錯,没太濃味。原來吃素菜也可以很飽,最後糖水也吃不下。

大初一中午到這店吃中午自助餐，令家人失望😞$128 一位吃個半鐘，冷盤只是得普通的沙律有蕃茄，生菜，粟米，等等的基本配料，沙律醬有三款作配味，飲品只有茶及檸檬水！熱食只有基片的炒米粉，伊麵，白飯等。 熱食有幾款其實來來去去那幾盤東西只是做羅漢齋材料，只不過是分佈在不同的食物盤中，甜品只有咋喳，這店說自己是新派素食，其實食物只是基本懷舊的素食菜式，一點新原素都沒有加入，食物味道保持溫度是非常一般，食品種類也不多填飽了肚子就算了。