無肉食 (堡壘街) (已結業)

偶然發現這間有自助餐的素食餐廳，便與友人一試。先付款，後隨服務員哥哥帶位入座。我的習慣是先吃生食，來到沙律吧前有驚喜， 以$68這個價錢有什錦沙律菜、羽衣甘藍， 而非用普通的西生菜， 已感受到老闆的用心。 另外有紅腰豆、雞心豆、藜麥、紅菜頭、涼拌雲耳、拍青瓜等等， 單吃沙律已令我很滿足，因為在超市買一盒自選沙律價錢都差不多，但食材只有四、五款。 這裏是任吃呢! 略嫌醋汁太酸， 之後再光顧都沒再落醋汁了。涼拌雲耳很好吃，我取了幾回。熟食方面是以各類瓜菜為主的菜式多， 除了瓜菜，食材也有蕃茄、薯仔、豆腐、支竹(有時)、腐竹(有時)、四季豆、豆角、粉絲、蓮藕、雪耳等等。 有天吃到他的涼拌茄子，之後再去也沒吃到了，很回味呢!我沒有吃澱粉質食物如粥粉麵飯，也沒有吃炸物、甜品，單吃瓜菜已經很飽很飽了! 去過幾次，平均來說，他們refill得算頻密。我喜歡他們常轉換菜式， 可以吃到多種食物。 但就要邊吃邊留意他們出菜，若遲一點可能就沒得取，又或者菜類放久了變得太稔就不太好吃了。 如果要試到多款菜式或食材， 能在11:30 buffet 開始的時間去到就好了!糖水每日出一款，有時是綠豆沙，有時是喳咋

這是我近期第四次光顧，之前幾次沒訂枱，大約11:40am 去到, 已經很多人。 今次特意早点去， 未夠 11:30am 未安排入座，要在門外排隊。 時間到了，服務員收費及安排客人入座，有訂枱的先入， 沒訂枱的要等等。 最後只剩四個位可給沒訂枱的人用餐，感恩我是第三位可以入座，位置也很方便取食物。 經驗告訴我，無論你是一位或是多過一位，都最好預先訂枱。星期六、日及假日都比平時貴$10, 但食物的種類比我平日去還少，也沒有驚喜。 只有一款辣的菜式我未見過，但似乎不太受歡迎。 藜麥竟然出了第一輪就沒再出了 (至少到1pm都沒見再出)， 莧菜有沙 (同桌的人都吃到沙)。 糖水喳咋也比之前吃的遜色，太少豆。 平時覺得好吃的涼拌雲耳、紅菜頭，今天也好像較遜色。平日一點後都不斷有人排隊光顧，但這天大約12:45 開始已不用排隊了。這餐吃得開心的是可以同同桌不認識的人聊天。不過，以後我都不會選擇在假日來光顧。 還是平日來好了。

聽說這間素餐廳食品頗佳，所以慕名而來。原來是吃自助素餐的，頗具新意。或許昨天星公眾假期，兩位$256。於安排座位前付款由於很多食客，店員安排我們到對住兩面牆的座位😅或許我們晚上八時三十分左右才開始晚餐，有些食物已沒有添加。（因它是提倡食客珍惜食物的👍🏻）進餐後，杯碗碟需要自行交還到分類處😉感想：我較超愛點素餐多於自助素餐🤔

今日過北角做野，聽人講有間食素唔錯既餐廳，就特登去拜訪佢，有三間分店，今日就去北角總店，去到門口發現裝修幾西式咁我食午市，68蚊免加一（老老實實我覺得超抵，咁多款餸菜，佢地好難為到皮😿）原來佢地運作係每個客一個碟，食完再原碟出去領，咁樣慳唔少洗碟人手同工序（個人覺得慳水tim），介紹下d餸先腸粉好食好咬口炒面一般佢d炒菜好食，翠綠得來夠淋順帶like下佢個茶，任飲，佢話好有益，甘甜，養生茶唔寫唔得，咖喱好香濃，配薯仔，南瓜，真係好食過大x樂不得不提佢地個炸物區，有春卷（正）煎堆（正正），仲有呢個唔知叫咩用糯米粉做粉去炸，勁好食！我只把好食既寫出黎（都甘多），佢個茄子必食！！！必食，好味過好多大排檔重點系沒肉，健康！不過我估我食呢間可以食肥，問心好好食記得食完自己收拾碗碟，幫輕員工，先有甘抵既價錢同質素！

It has been the second time I've been there with a a couple of people. This time we tried the buffet (before the hot pot). It's been a Saturdays evening and we had booked a table and it was good! Lots of people also outside queuing...The buffet is great! Lots of vegetables, tofu, sweets, raw vegetables, warm stuff,.... everything! And every time I went to the buffet for a new plate new dishes were offered! It was hard stopping eating ....you want to try everything and everything tastes sooo good

I tried the Hot Pot option for 128$. We've been 5 and it was great. You don't get unlimited stuff but we had enough so that wasn't a problem. Such a good place for vegetarians and vegans! They had vegan dumplings, fake meat balls, lots of different mushrooms, vegetables, variations of tofu/bean curd and much more. We could take rice from the buffet which really looked great as well! Next time I'll try the buffet! The price is not only fair and worth it - the price is really great for what you g

呢幾日晚晚都出街食飯，lunch想食多d蔬菜，平衡下心理，感覺好d🤣之前bookmark咗呢間無肉食，聽聞質數唔差，咁就同同事坐車去食啦，12:30左右到，無book位又咁啱有位，lunch$68，唔使加一，任食吃到飽，可以食1小時15分鐘選擇都算幾多，沙律菜有幾款，另有粟米，車厘茄， 推介紅菜頭，整得夠淋同幾入味，酸酸地，仲有健康super food 藜麥，不過就無咩味主菜就有唔少款，不過就好多差唔多樣，蒜蓉粉絲蒸勝瓜，咖哩薯仔，苦瓜比較好甜點都幾多，紅豆沙，綠豆沙，紅豆糕，馬豆糕，當中類似地瓜麻糬，同煎埋仔都幾好味炸類仲有春卷，蛋散，腐皮卷等等，腐皮卷好味仲有湯飲

早前外國朋友回來，本來要在太安樓掃街吃到飽，只可惜D野唔會佢心水，最後只係食左兩間就bye bye。於是我急忙補鑊，即打去book無肉食，好彩閒日人不多，早半個鐘打去都仲book到。由於用餐經驗唔錯，之後有再去光顧佐敦分店，不過感覺冇炮台山分店咁好。之前都有光顧過齋鋪，不過自助餐都係第一次。其他齋鋪係會有D扮肉的菜式，不過呢間係完全冇，簡約路線。裝潢和格調其實都不錯，但由於我地係搭檯，傾計有點不方便（2個人的話,你預多數要搭檯）食物種類好多，亦refill得好快，令人忍唔住隔一陣就出去睇下有冇新野試。野飲都係得水或茶兩種。沙律有驚喜，係用日本蘋果。人人都話好搶手既冬瓜盅，其實refill得好快。菜就都幾多選擇，全部都係簡單的煮法，有辣有唔辣，咖哩都有。甜品自助區。食食下突然見到佢拎呢個出黎，真係嘩左一聲，好似電視劇古代的宮廷菜。入面係炸芋頭，出面果Ｄ係糖絲。。。呢個位炸野多，好邪惡，不過都忍唔住食左好多。整體黎講係唔錯，想食齋其實好多時都係想清清地，呢度都唔少清清地既選擇。食完自己分類回收，環保又慳返少少人手，多Ｄ餐廳咁做就好。如果回收餐具處的字可以加返英文就更好，外國朋友看不懂呢。

一直想試「冇肉食」同「素食分子」好耐。因為見到佢哋嘅評價都唔錯，終於係一個8號風球嘅日子，我可以試到佢哋嘅自助午餐。先講下種類頭盤大概有五六款揀嘢食方面就大概有10至12款，另外再加埋炸物生果，款式應該有20幾種，對於午餐來講可以話係非常之足夠。午餐實收大人每位68，仲要冇＋1，絕對係良心價。先去相睇下場內嘅環境。場內佈置都係以清雅為主，而當日食物種類就睇吓相啦。老實講，每樣食一塊都飽到不得了。調味方面都係偏向清淡，不過烹調方法都幾多油，例如炒菜，炒飯，好多蔬菜都有獻汁，炸物就不在話下，雖然係素，但都要識揀嘢食，唔係就油份超標，比較清反而蘿蔔糕，玉米，凍豆腐等等。甜品紅豆沙，可以畢到好多紅豆，真係正，落唔落花奶就自己選擇。當日打風人唔多，不過我試過平日去就超多人，要試最好都係book定位穩陣D。我亦試過晚餐，價錢138，都係無加一，食物差唔多，相比之下，午餐就抵食好多了。

之前去過九龍另外一間舊式類似素食任食，兩間對比覺得無肉食比較闊落光猛，冷氣足，交通就唔係話好近地鐵站，有bb凳提供，食物款式有部分十分西化，不過最值得欣賞係可以貫徹素食主義簡約的宗旨，感覺味精味不多，我呢個對味精特別敏感的人食左都感覺唔會好口乾，不過包點種類比較少。因為風格比較簡約摩登，吸引一部分年輕食客。其他就係聚會的中年朋友聚會傾下計，食物refill都快，又唔會太吵。午餐buffet 68蚊免加一，應該咁講，比起飲茶健康D，低碳d。

今日同母親大人又來到老地方很不錯的環境 當整條街都是內地人亂逛時這裡還沒被淪陷 ʕ •ᴥ•ʔ當天如常有沙律 熱食 但沒有飯類只有炒麵我們一直聊到3點半才離開一個不錯的午餐 2人約150元物超所值！

平日晚上6~10點每位$1O8自助餐形式(執枱方面，客人需自行將碟，碗，㕑餘，分類放入膠盆(方便職員清洗)所有食客都有守食店要求(店内保持得好整潔)食物以大枱擺放炸物，甜品類亮點位拔絲香蕉(甜品)外型似棵金色聖誕樹這店有考手工的拔絲香蕉(魯菜，源於山東省)，利用砂糖融化，熱鍋炒至起絲的特性，做的甜品。香蕉保持濕潤，外面炒至起絲網的外層，好清甜(完全無炒過火喉，變苦味)出色!另外~紅豆糕(好清甜)熟食方面~蔬菜，炒瓜比較多炒飯，炒麵，炒菜為主有蘿蔔糕，粉絲炒瓜冬瓜盅都有整體食物唔油膩炸春卷，炸物(較出色)炸得好香脆，唔油淋淋糖水足料(味道偏甜)食物雖然是普通菜式，不過款式算多，食物會不停添加，抵食又可以吃飽飽的晚餐，不錯選擇。

知道堡壘街有兩間素食店有自助午餐，適逢今天是初一去幫襯。選無肉食是因為價錢，同街另一間初一十五會貴十蚊，改天再試。無肉食是68蚊限時75分鐘，我吃了四轉已經飽飽。食物種類算多，味道不錯，補充快，又會轉款式，基本上每次行去食物枱都有新食物推出。個人喜歡炸物，煎堆細細個卜卜脆，食咗兩個，椒鹽豆付炸得乾身脆口。環境方面，枱椅擺位較逼，通道好窄，一條長枱坐得較入嘅客人，出去取食物好唔方便，坐外邊嘅客人要多次起身，食都食得唔舒服。仲有可能今日初一客人較多，要搵一次非初一十五去幫襯，或者個用餐感覺會更舒適。

身為食肉獸的我， 很少嘗試素食， 總覺得會淡而無味， 賣相唔吸引難入口。 提及素食， 的第一印象是齋素菜， 什麼齋點心、 齋鵝的大豆制品。 在友人推薦下， 相約到這裡一試素食自助餐， 午市$68一位， 價錢實惠， 在場見到不少老人家也來光顧。 自助餐的選擇琳琅滿目， 真想樣樣也試一試。 素菜以外， 還有炒飯、炒麵、河粉炒腸粉等主食， 可以配上素食一起吃。 平日吃自助餐都很高熱量， 今次可以多吃一點也不覺得罪疚。 炸芋頭春卷香脆可口， 而各款蔬菜鮮甜， 愛上了吃素菜， 有種很舒服的感覺。

從未試過有機素食，又是自助晚餐形式😊懷着期待又興奮心情前往，由新界東過海尚算方便，到達位於北角和炮台山之間的堡壘街。容易尋找頗輕鬆，店家入內佈置簡樸風格，充滿文青風味！座位舒適！顔色以灰，和啡色為主，配合綠色植物排列整齊在旁，感覺好像身處清新又田園的綠色田園景觀中。菜色豐富，有機健康👍🏻菜色包括有不同的夏季菜瓜等，也有中西合併的甜點，水果更是時令水果，甜蜜的西瓜蜜瓜等聽說已過海😬到九龍開店會再試