無肉食 (堡壘街) (已結業)

朋友介紹去咗呢間，咁岩我身上有$10優惠咭，店員表示仲用得！咁我同朋友就即刻幫襯！7點零入座，幾乎全滿，好彩都有二人位。環境舒適，佈置簡單舒服，店員亦有禮。無肉食性應有盡有，有湯、沙律、羅漢齋炒菜、凍食豆腐、藜麥、紅菜頭、羽衣甘藍是近年大熱的健康食品，其中羽衣甘藍更被吹捧為「抗癌恩物」。營養師指，羽衣甘藍的確具抗癌作用的硫配醣體及豐富營養素，最受歡迎係素芝士蛋糕，有人一拎拎6-7件，見佢都係3位女仕食啫。我食個舊中間冰咗，但都ok好食! 總括而言：Buffet bar上食物老中青都照顧到，所有食物營養非常豐富，$130位價錢，係ok嘅！返到屋企即刻清理咗腸胃！巧健康哦！

一口氣寫埋呢篇食評,因為真係太喇!我同男人都係食肉獸...去牛X打邊爐最少RECALL6ROUND肉個隻新年前後到依家都係餐餐大魚大肉, 男人話要清下腸胃WO,放工後就跟咗佢去無肉威喇, 仲記得個時岩岩新開張,去過食一次火鍋,印象都唔錯,所以諗住再黎試下佢個無肉自助餐入門口要先比錢先,跟住就可以隨便揀位坐岩岩坐低仲有好多位,我地揀左最方便拎野食既位大致上D位都幾闊落,唔少附近居民係到食下野傾下計好喇,正題喇,到底有咩好食呢?前菜小食因為實在太多款, 唯有將一D肯定自己會食既夾少少落碟,呢到都已經10樣, 仲有5款左右係夾到全部味道都好,最記得係男人夾左舊韓式雞塊,味道一模一樣,一咬開原來係椰菜花,勁驚喜主食飯麵之類都有5款,仲有個粥其實想試,不過已經飽飽地見到有兩個員工輪流會翻下D飯麵等佢唔好痴埋一舊,呢點好細心男人拎左堆肉粒番黎,話呢味菜唔知扮緊咩, 我食咗一啖即刻答: 咪生菜包既味囉, 好正仲有湯,甜品(個芝士TART好正,食左2個),連糖水都有兩款已經飽到上喉嚨, 相都唔記得影LU~~全部都好好味偶爾食一餐無肉食原來都可以滿足記得食完之後要拎D碗碟去後面分類呀~

菜式普通，都是一些家常菜，常用的材料是木耳，菜心等，每個菜都差不多的感覺......不僅如此，味道還怪怪的，不知道為什麼，有時會吃到小小的苦澀味，也不像酸辣味，難道是為了讓家常菜更特別？反正就超級怪，糖水也不甜，不夠味，湯倒是蠻好喝的，總體而言不好吃，而且平安夜去每人加40，人均消費148，不知道是不是因為八點才入座的關係，沒有感覺到用心，看不到為什麼可以這麼貴，很失望，真的很不值，感覺不良好，不會再吃。

一路都好想試素食自助餐 搵到網上呢間推薦唔錯 於是就嚟咗試 係平日嘅午飯時間 要先俾錢才入 一入到去 都算闊落 食物全部放晒喺中間一張大枱整體食物質素唔錯 最好食係炸麻薯 大大粒咁樣 又有啲蜜糖喺面 然後炒米粉都非常好 不太油膩 仲有馬蹄糕都好 一路食咗起碼八件🤣然後又有自助沙律 有藜麥 粟米 生菜 蕃茄 等然後一堆炸嘅食物 有炸番薯 炸麻薯 春卷 腐皮卷 熱食都好多 有菜 有炒飯 番茄炒蛋 炒瓜 炒面 等應有盡有最遺憾係果次去 冇甜品食 睇其他人話有芝士撻 但只有桔 🍊供應質素都好唔錯 下次再來！

第一次到這間素食店食飯，感覺好好坐位舒服，食物多元化，最好食就是芝士撻，好驚喜，食左4件，向職員了解芝士撻的材料用了植物奶製作，非常花心思，值得嘗試及會再食！不過甜水較稀，可以再濃一點，期待下次再試。

最近食左好多油野 提意男朋友一齊食素清清個胃，平時好小食菜所以食自助餐睇下有咩岩心水食，呢到環境清靜，好多唔同既選擇，最緊要仲有甜品食，食得多都無罪惡感，每星期都決定食一次健康d!

見友人係太古返工，等佢放工我地就約左係北角食野。我地想食清D，見面書有"無肉食"既推介，見素食點自助餐呢？ 所以今次就去呢間！無肉食係6點開，我地就約左6點，係要俾左錢先。有別於其他餐廳，呢間既裝修同氣氛好有藝術感，好多幅大畫掛係牆，但同時又好簡潔。食物區係餐廳既中間位，放低袋就迫不及待去拎野。今次真係大開眼界，對於素食。老實講，我本身諗應該都係菜呀，齋燒鵝個D好寺廟式既素食。唔知原來素食可以咁多種類，有熱有冷，有煮有炸。D食物係好高質，有菜有飯有麵，仲有湯。仲要員工間不時都放出新菜式，好令人驚喜。我同友人都refill左好幾次我特別推介1. 醬油茄子2. 麻辣薯仔絲3. 炸麻糬！！！！呢個超好食仲有店內有多種健康飲品任飲，十分推介梅子洛神花！我和友人每人至少飲左三杯。本來我仲停留係天仁茗茶個杯甜甜既洛神花茶，但飲左呢杯之後發現洛神花本來既味道。斟第一杯拎返位，個氣味我同友人講笑係"健康既味道"，因為苦苦既中藥味，頭個幾啖有種中伏既感覺，但係！再飲落有種甘味，係好舒服，再加上暖暖的，好岩女仔既養生飲品呀～

128，一小時半自助素食，其實都好多款色，唔太油膩，唔咸又唔淡，食個樣似個樣，素菜有色有味，香就未必搵到，唔係即煮，就必然欠缺熱熱香味，蔬菜不停供應，熱盆常換，還有半盆就已經換盆新的，厨房侍應都算落力，甜品都有幾款，糕點就至喜歡，馬荳糕，涼粉等不缺供應。都係小小地，各樣一件半件，食過就算，無乜壓力。黑啤一支，加拾零蚊有交易不過就係無乜啤酒味，無法喇，齋啤酒嘛，齋係啤酒個名，其他咪好似啤酒咁，另外以費。咁講晚餐有湯帶茶，豐富又的，普通又的，食得便是福喇!

傍晚去北角聽講座，朋友想食啲嘢先，並提議去無肉食。未夠鐘已經有人响門口等，6點先開始入坐，入去在收銀付錢，晚餐$108任食，拎自己食得曬的量。巡視一下，好多選擇，新舊派素食材料共冶一爐，沙律菜、冷盤、醃菜、涼拌、熱菜、炸品、水果、2款湯及中西甜點…等，每款拿1-2件試，未試勻已經半飽喇。喜歡有醃酸蘿蔔條，可以重溫兒時味道。秋葵和羽衣甘藍清新，辣藕片爽脆伴著珊瑚草，一起吃很是匹配。炸豆腐外脆內滑，I like it，好吃。一個全場觸目的食物出現，拔絲香蕉，外型像天使，一段時間都捨不得去碰它，終於吃了，好好味。好多款式未試，已經飽到上心口，可惜趕時間，唔可以呌吓再試，期待下一次。走前把自己用過的餐具，拿到後方分類擺放好。

無肉食原來真係冇肉食架😝😝😝，因為佢係食素。這裏星期一至星期四，成人每位 $108 （免收加一）。而星期五、六、日，成人每位 $128 （免收加一）。其實以自助餐來說，有咁多款式任食，都算係幾抵食👍🏿👍🏿👍🏿，雖然只係得蔬菜但係都食得好飽好滿足喔😋😋😋一黎就拎個羽衣甘藍沙律😍😍😍，平時在外面買羽衣甘藍回家食都很貴的。另外炸物都很好食很特別，還有凍豆腐😍😍他剛剛出了一個密瓜🍈，就即刻攞咗兩片超爽。仲有拎左一啲甜品糕點，但甜品糕點味道就一般。😬跟住拎咗啲熱食西蘭花、菜心等等，再之後見到佢出了一個拔絲紫薯，睇個樣都已經吸引，最後食了一舊好味👍🏿😋😋再過了一陣，他們又出了一個生菜包，裏面全部都係豆，再加了小小辣，食落的感覺跟真的生菜包係冇分別👍🏿👍🏿👍🏿👍🏿👍🏿👍🏿

每逢想吃清淡，進食大量蔬菜，不論是午餐還是晚餐，無肉食是我和同伴經常的選擇。這晚又再次想起這裡種類繁多的菜式，便過來晚餐。也許因爲是年輕老闆的關係，這裡的裝潢也不像一般的素食齋舖，想也必因為文化的改變，大家現在茹素多了不同的理由，信仰也只是其次吧。這邊前菜冷盤的選擇很多，最欣賞沙律菜有供應羽衣甘藍和紅菜頭。冷盤由秋葵到土豆絲，林林總總，個人最喜歡是碟中左上角的淺黃色的海草，很少地方供應，爽口。熱葷有非常多種類的蔬菜，少鹽少油健康之選。當晚有咸豆苦瓜湯，非常可口清新，適合夏天。同時有老黃瓜湯，消暑無味精，適合想飲湯水的上班族。這道菜，超 驚 喜！韓式炸雞的外表，裡面竟然是蘿蔔糕！用了韓式炸雞的方法處理蘿蔔糕，很新穎呢！甜品長期有個人極推薦的忌廉芝士撻，斑蘭蛋糕也好吃，當晚的糖水是蕃薯糖水和喳咋。

今日介紹下呢間幾特別既素食自助餐：無肉食。幫襯嘅流程好簡單。先俾錢，坐低，拎野食，食完收番好啲野，走得。如下圖。其實我係食肉獸，不過有時人在江湖身不由己，既然被黎到呢度，既來之則安之，享受一下素食吧。心態決定境界。講真，如果你鍾意食素，呢度啲野係幾好食，特別係炸物，超脆口！前菜類（拍青瓜、黑木耳、酸蘿蔔）都係好夠味，完全唔係講笑。我雖然鍾意食肉，不過其實間中食下素都幾好呀。美中不足係，唔好期望佢有好特別好特別既手功素菜，一分錢一分貨，我覺得合理。

第一次週末來無肉食， 預早一日訂位，就不用趕過來排隊， 也不用擔心冇位。 遲了5分鐘 11:35am 到， 還好，人不多。付款後可隨便坐，當然找個近取食物的位置啦! 先取碗熱湯暖暖胃， 今日的湯是黃瓜湯， 湯料除了黃瓜還見到紅蘿蔔、淮山等。 這裏的湯每次都清甜好味。然後取些沙律菜，沙律菜好像越來越大片，第一次來的時候， 羽衣甘藍是小片小片容易入口，現在是一大片! 懶得咬開來吃的我就會一大片沙律菜放入口，感覺就像牛吃草一樣， 每次吃完一片沙律菜都要用紙巾抹抹面。 還好吃的時候同桌沒有其他人。 不過大片的好處是可以包著一些餸一齊吃 ，可能下次會試一試。 今次沙律醬除了千島醬，麻醬，還有油醋。油在面，醋在底，很難混合在一起。 綠色的油明顯是橄欖油，還是很重味的橄欖油。 跟沙律菜一起吃味道很不錯。有上次假日的經驗，以防藜麥出一輪就不再出，今次 一次過取多些， 混咖哩汁一起吃。熟食都是常有的菜心、生菜、莧菜、菠菜、翠玉瓜、蒸豆腐、蒸節瓜、 苦瓜、 合掌瓜、蓮藕、 咖哩薯仔南瓜、 西蘭花、椰菜花等。配菜有甘筍、彩椒、豆腐卜、豆腐乾、支竹、 雲耳等。 又防茄子出一輪就不再出，一次過取了幾件。 今日的

之前在網上睇到無肉食呢間餐廳的推介，趁昨日晚上去試下。菜色簡單無什麼特別與網上推介相差好遠，素食可以有好多變化他地的出品好簡單而且餐點都是凍的。以後都唔會再去。

初一十五茹素這習慣已經有十多年, 男友亦會陪我一起每月兩天 "無肉食"。 記得此店初開時, 門口人龍一直沒有減退過, 亦令我卻步。今天有勞男友打來訂座, 亦讓我有機會初嘗。準時六點抵達, 兩小時的用餐時間 $108 一位沒有加一服務費, 先付款後用膳; 杯碟碗筷用完後自行清走放進清潔大盤。 大部份客人都懂得響應環保, 由始至終只用一碟一碗一筷。餐廳裝修用色低調, 西式設計很舒服, 食物種類算多, 兩小時的用餐時間絕對足夠食飽及試勻每種食物。最深刻的有兩樣 : 泰式肉末生菜包, 嗜辣的吃得過癮, 但耳聽很多長者說太辣了, 他們不是想浪費食物但有可能真的不能嚥下, 建議店方可調較一下辣度。另外就是甜品 "拔絲", 但可惜糖絲煮得過火, 眼看已覺火色較深, 取來試味, 糖已變苦, 稍為失望, 只可用來拍照呃 like 。另看到有些客人, 不論三數位或一大夥, 習慣取來十碟八碟一起享用, 另每人又加一個用餐碟, 如此一來, 餐飲用具用多了會增加清洗資源, 另外亦對其他客人取食物的機會有不公; 其實茹素除了減肥, 除了健康, 亦應有其他更深的理念, 希望各位在口福中善待眾生時, 亦在其他態度/