無肉食 (如心廣場二期) (已結業)

終於幫襯哂所有無肉食，又北角至荃灣都經歷咗好幾年時間。見證無肉食從第一間開到有五間分店，之後又變返四間。今次你度較新的店荃灣，其實之前已經經過多年冇機會嘗試，今晚一人飯局，所以特登過來一試。之前睇過食評，評價食物冇旺角店多款。今晚試過後，一半同意，另一半可能係佢地不斷補充食物，補充之餘又轉吓食物款式；所以一次過就見唔咁多款，若果堅持到底，又好似食咗好多款食物。但又要留意雖然款式多，但食品種類就重複又重複；例如芋頭，有芋頭拔絲，椰汁芋頭，炸芋頭，大部份煎炸煮，都見到芋頭踪跡；另外番薯南瓜情況也是一樣。單食這些根莖類都飽。明顯荃灣店的甜品比其他店的種類少很多，我是十分喜歡無肉食的糕點，當荃灣店竟然一件都沒有，很失望！食到差不多最後，才有正鬆糕。立刻食了兩件。總括而言，如果可以的話還是去北角旺角中環店吧！

同家人食食齋，素食自助午餐$78位任食，價錢好抵，不設時限，食到飽。平日1點到，裡面已坐左7成客。餐廳款式吾多，有一款粥、糖水、湯，野飲得兩款，檸水同玫瑰茶。冷盤味道都ok ，醃青瓜味道入味👀👀熟食都係樸素款式多，冇特別花巧既菜式 ，味道普普通通。 🙂適合食得清淡既人炸物炸得新鮮，脆皮炸得好脆口同薄身～～每次補食物款式都吾同，所以錯過左想食既野可能要等幾輪先至有。第一次試炸金菇，炸完菇味更濃👀👀👍🏾

無肉食 荃灣如心廣場之前已經食過旺角嗰間嘅分店，性價比好高，今日同朋友喺荃灣附近行山，行完就去試下呢間最近新開嘅分店，喺荃灣如心廣場入邊。星期六$88蚊一位，免加一嘢食種類我覺得比旺角嗰間少，有好多貼咗出嚟嘅牌但都無☹️例如壽司，素內碎豆腐等等。環境都ok，最好係佢冇限時，你鍾意坐幾耐都可以🤣😋沙律方面，青瓜同埋羽衣甘藍都好新鮮😋😋不過同一個價錢，我會揀去旺角嗰間分店多啲🤣

星期日又帶媽媽出去試新野，幾日假期食得好雜，諗住食清D食下素，原來都唔少野😂(原諒我嘅無知)，見網上冇得訂座，就打電話去店舖試試有冇得訂位，接通電話職員問我想book咩時間，就book咗1:15 p.m，大約1:10p.m餐廳職員打電話比我，問我係咪嚟緊，我當然係啦，1:17 p.m到了，見到門口排緊隊，就去接待處話我訂咗位3位，女職員就答我，等等好快有位，誰不知一等就等到1:42p.m先入得2位，無幾耐終於可以入齊人開餐，後來有位男職員過嚟同我地講咗唔好意思，要我地等咁耐(👍👍讚)食物相唔係影得太多，因為實在太肚餓喇😂皮蛋粥，黃瓜湯，炒河粉，炒麵，麻辣木耳，通菜，紅菜頭，酸蘿蔔，炸春卷…… 味道不錯吖! 價錢平，又多野食👍不停出唔同嘅食物，讚👍👍

之前都食個午餐。 今日就嚟試下個晚餐有咩料。 咁平時都食開都大魚大肉。 咁偶爾食下素食。晚上$148一位 都偏向抵食。咁入到去都已經非常爆滿。 原來都好多人都食素食。好彩有book 到位我覺得晚餐畀午餐更加出色呀！ 因為服務員啦都不斷上不同嘅素菜。 好少會食到重複素菜。 即係唔會好似 其他自助餐嘅模式永遠係嗰款係個款。 好百變嘅組合素食雖然好多炸嘅食材。 但係你食到油炸嘅食物。 唔會有好重嘅油益味道。但係有一樣少少嘅缺點。 有一啲比較好食嘅素食。 一陣間就冇曬。 你想試多一次嘅機會 係冇嫁

一個月總有幾日想食清清地，唔想食太多肉😂專登約埋朋友黎［無肉食］，餐廳位置方便，行完donki走過黎好就腳👍🏻我地係星期日食，所以價錢$148限時90分鐘。自助餐，由沙律，前菜，湯水 ，熱葷，炸物，甜品，生果 ，真係多款選擇👍🏻熱葷都有10盆8盆，食物好夠熱，而且味道好好，唔會太咸，D炒菜/炒麵/炒瓜都好夠鑊氣👍🏻其實一D都唔清淡😂好豐富呢個拔絲地瓜一出，好多人都爭住影相😲，地瓜都幾大舊，沾滿曬焦糖，食落脆之後軟，不過真係太甜，2個人食一舊好了呢個芝士撻最正，好濃濃芝士，仲要流心❤️正💯每上一盤炸物，都係熱辣辣，出曬煙

以前無肉食係我同家姐心目中頭幾名鐘意嘅餐廳，價錢實惠，雖然稱唔上好好食同坐得好舒服，但起碼次次都食得飽，又可以滿足到自己任拎野食嘅慾望今日返半就無食早餐又未食午餐好肚餓，等埋家姐係屯門過黎等到三點，本身想打邊爐但又唔夠時間，所以預先打左電話黎問職員話暫時都唔洗等位，四點半會開始收食物，可以坐到五點鐘呢次星期六黎到荃灣店令我非常失望，星期六關係所以無下午茶要比午餐價，而且星期六會收得貴過平時，但一心諗住星期六間唔中一次無所謂，只求快啲填飽個肚同滿足夾野食嘅慾望，而且已經好耐無食過無肉食，對上一次食已經係幾個月前去旺角店食，所以貴少少都無所謂，盛惠＄88一位晏就三點搭二左右到左，唔洗等位，短髮女職員出黎收完錢我地就入左座啦本身諗住仲有成個幾鐘先可以收食物點都會仲有野食，但出到去自助餐區見到啲野食款式都無得七七八八，最後夾硬夾左啲野黎填肚我地坐得近門口，坐左十零分鐘到有其他客到問職員今日下午茶嘅資訊，短髮女職員有啲串同佢地講:今日無下午茶，星期六呀嘛 雖然佢無咁對我但我聽到都覺得唔舒服，之後佢叫左佢地睇下入邊啲野岩唔岩食先決定食唔食，唔明點解只係相差咁少時間但我地入座前唔叫我地睇下先，因為其

一路都見呢間素食自助餐好多好評 之前食過北角果間 經過荃灣又諗唔到食咩食試下荃灣分店我地星期五去食 兩位都冇bk位 好彩都仲有少少位 一入到去要比左錢先再坐低食 但一入黎心情已經唔係幾好 呢間鋪既員工冇乜禮貌 尤其收錢果位經理 對d客人都比較惡 如果想要好好既服務態度 呢間就未必岩你好啦 講返野食 呢度擺自助餐既位比較細 所以款式比較少 比係我係北角食果次都爭幾遠 同埋提提大家 周未前同周末會貴少少 $14x 但就唔洗加一 唔知大家覺得值唔值得普遍食物都比較正常 但有d就偏太重口味 例如有款酥炸菇 就比較咸 皮蛋都幾好食 d菜都幾新鮮 但略厭 糖水就得一款 蕃薯糖水冇蕃薯 比較少出同好食既 pizza同甜品既芝士撻都幾好食 但要同人搶 好快比人攞晒另外 我覺得有款黑松露炒蛋幾好食 但出左一輪就冇晒lu整體黎講 如果唔係經理服務態度差的話 我應該會再食 但就平日食會抵食d

🤍🐝今日泥左荃灣呢間無肉食到食lunch，每人78蚊自助放題，唔洗加一。ก็ʕ•͡ᴥ•ʔ ก้🤍一心諗住試下素食先嚟食， 首先啲嘢食款式就好少，嘢食嘅質素都麻麻哋，一啲都唔值78蚊。(⁎⁍̴̛ᴗ⁍̴̛⁎)🤍好多佢寫住有嘅嘢食，但係我哋呢個午餐時間乜都冇。( •̥́ ˍ •̀ू )🤍伊麵勁乾，乾到脆，唔知係咪特登嘅。⊙︿⊙🤍啲嘢食一係就太鹹，一係就太酸。(≖＿≖)✧🤍所謂皮蛋粥仲要一嚿皮蛋都冇，唔知係咪啲人夾曬。唔建議大家食， 如果你係食開素嘅都可以泥嘅。🤫

勁失望。已經係下午茶啱啱開始嘅時候到（230），但係乜都無咁濟….炸野個面，係長期得票米，只有極少量炸芋頭。然而，不但只款式少，味道亦說不上好食，大部分都好鹹。加上啲粥稀到好似水咁。。。而且醬料極少

下午茶60蚊3個大人 三個小朋友其中兩個4個半月一個兩歲半都可以兩個當一個計成張單260蚊 點計都計五到喇 錢五係問題你公司好有問題 兩個小朋幾個月大食乜野最搞笑係你公司一個招牌都冇話小朋友要收錢 3歲以上冇得講

父親節當晚我哋去咗無肉食荃灣店食飯，依家無肉食嘅晚餐係全自助餐嘅模式，所以入座前要先付款，跟住就可以揾位、攞野食。由於疫情，每次攞野食都要用新嘅碗碟，唔可以重用自己用過嘅碗碟。食完將碗碟收拾好、放係回收區即可。前菜: 蘋果沙律、涼拌皮蛋、秋葵、紅菜頭、酸蘿蔔、蓮藕、冷麵、麻辣雲耳、珊瑚草、肉鬆茄子、羽衣甘藍、車厘茄、涼拌青瓜、哈蜜瓜哈蜜瓜食落有少少苦，唔知係咪因為唔新鮮。小食: pizza、野菌多士、壽司、炸春卷、炸茄子、炸蕃薯、炸芋頭、炸靈芝菇、地瓜丸、煎堆、炸饅頭、炸蛋散、蘿蔔糕、馬蹄糕無肉食嘅炸物一直都好好食、好脆口，炸靈芝菇用辣椒炒過，所以食落辣辣哋，幾好食。壽司入面卷住腐皮同青瓜，表面再加上千島醬，不過感覺比較普通。小菜: 韓式炸雞 (炸椰菜花)、蕃茄炒蛋、生菜包、炒菜心、腐乳通菜、椰汁香芋、欖菜炒淮山萵荀、欖菜肉碎炒四季豆、欖菜蒸翠玉瓜、金菇扒節瓜、冬菇炆蘿蔔、薯仔粒炒三色椒、蒸南瓜……必試韓式炸雞，佢用咗椰菜花代替素肉扮炸雞，口感好特別、冇咁膩。部分菜式比較鹹，例如欖菜炒四季豆，所以食小菜時配埋白飯黎食會比較好。主食: 炒麵、皮蛋粥、白飯皮蛋粥超好食，皮蛋煮到溶咗入粥入面

🥢荃灣$128晚餐無肉超正美味高質自助餐#食好西荃灣美食#食好西任食自助餐放題#食好西良心推介 🥢請俾個心心支持及follow@eatgoodwesteatbadwest🥢話說屋企人成日推介我，有間好正的無肉自助餐抵食又好正，平時個人最鐘意係多肉少菜，要去無肉餐廳對我來講有少少懷疑，不過見屋企人極力推介，價錢平平地就即管去試下啦🥢入到去係一間幾光猛乾淨的感覺，店員都係後生仔女很有活力，食物好似自助餐咁自己取的，先消毒雙手戴好口罩就可以出去攞野食，食完自行收拾好去回收處就ok🥢自助餐原來都有不少料理，大致上分為冷盤，沙律，炸物，餸菜，甜品，湯及糖水，店員會不斷地refill 新菜式，絕對好新鮮又好食🥢冷盤發現有麻辣皮蛋，平時一個人都食可以食到一碟，呢到可以放題食，梗係唔好放過佢，麻辣汁同平時食的一樣又辣又惹味，另外仲有木耳青瓜冷麵同醃酸蘿蔔，非常惹味開胃🥢沙律蔬菜非常新鮮爽口仲有個人最愛的紅菜頭，平時茶記食的撈左沙律醬生果沙律好鮮甜，用上新鮮蔬果，哈蜜瓜係超甜的，還有又愛又恨的超大size芝麻醬秋葵都係必食🥢炸物呢到的炸物很多款啱我食，先來天婦羅金菇，孜然薯仔三色椒，炸春卷，蛋散，仲有煎

六月的星期六來到荃灣的無肉食分店，食自助素食午餐，和我食過的中環分店無肉食一樣，都是$88一個人，食75分鐘，但環境、食物質素方面都不及中環分店，唯一優勝之處是流量快，食物出嘅種類多，主要是因為太多人食的緣故啦。週末用餐的人比較多，餐廳內嘅座位數量有限，我們一行四人幸好預訂座位，不然的話，一定要至少排15分鐘才能入座。食物嘅種類和之前我食過的其他分店都差不多，不乏冷盤、甜品、飲品，同時亦有炸物、主菜熱食。但是我們都覺得此荃灣分店食物質素不及中環分店，雖然感覺食物都是熱乎乎，立即從廚房端出來的，但食材用油都不及中環分店，我們還以為同一集團，食材、煮法都應該一致，但是次經歷就知道各間分店各有做法。

約左食開素食既朋友食飯，今日我地就黎到荃灣既一間素菜餐廳食素菜自助餐，餐廳叫無肉食，好符合素菜主題😄視乎日子可以食75或90分鐘。素菜既款式都好多喎，有齊沙律，熱食，炒粉麵飯，炸物，甜品，飲品。花多眼亂，我地決定樣樣野食都夾少少試下先。炸物當然就好吸引啦😍樣樣都炸到熱辣辣脆卜卜。pizza相當好食，不過一出爐就會好多人搶，要手快。甜品款式唔算多，但係半路我地竟然見到有成座拔絲山出現左。係紫薯餡既脆皮高力豆沙咁既甜品。湯同糖水都唔錯。是日既飲品係羅漢果水。雖然無肉食，但係都食到好飽好滿足😍款式好多，仲隔一段時間都會有新款野食出爐。價錢合理，值得推薦。。無肉食 (如心廣場)荃灣大河道98號如心廣場二期2樓213號舖。。