焱手工涮涮鍋 (已結業)

約左一班好友黎打邊爐，每位店員嘅態度都好好，好細心。今次無試佢地d套餐，全部散嗌。本身諗整係嗌一個鴛鴦鍋，店員介紹多一個放中間做酒煮蜆鍋，店員先把蜆同配料加入中間既鍋，之後叫我地準備相機，佢就點火，影完相就加湯底煮蜆同打邊爐。鍋底好味，食材新鮮，環境好乾淨闊落，坐得都ok舒服！我地仲試左手工啤酒，一共有四款。我地試左兩款，好易入口，好香。店員都有介紹，跟我地嘅口味，推介幾款俾我地試。如果飲開手工啤酒，值得一試！

高質打邊爐平時同一大班男仔食打邊爐，大家就會起勢咁食啲肥牛，冇乜質素可言，但求食飽。今次同幾個閨蜜，黎呢間打邊爐試吓，簡直係前所未有嘅滋味同埋服務。我哋坐喺個卡位度，先有一大堆醬料任你揀，自己調配。然後又有好養生嘅湯底，最適合我哋幾個中女。佢嘅打邊爐食物賣相亦非常好，直頭係賞心悅目：冰鎮嘅蟹棒、方塊型嘅豬紅、開晒花嘅肥牛，一路食一路要影相留念添呀！味道方面，高級嘅價錢，當然有高級嘅味道。如果大家想靜靜地咁打邊爐，唔使好似酒樓咁嘈，就可以揀呢度！

已經係第二次食既焱手工涮涮鍋，話說經過開旺角，女朋友話掛住依間火鍋既湯底，甘就即日經open rice book位，享受佢既85折優惠去到叫左個套餐，人頭300蚊到，包個招牌湯底。一邊麻辣，一邊就藥膳人參湯，而中間呢，就係酒煮蜆鍋，店員先把蜆同酒精加入中間既鍋，之後叫我地準備相機，就點火。影完相就加湯底煮蜆同打邊爐套餐包括海鮮拼盤，店員建議海鮮可以用中間既鍋底打，鮮味會突出啲牛頸脊份量夠兩個人食另外仲有丸類拼盤同當日時蔬等即炸響鈴，大大舊熱辣辣總括而言，鍋底好味加上食材新鮮，環境企理闊落，坐得舒服，值得一提既係，店員既服務真係好好，主動幫我地拍照，又會提供煮食建議比我地，十分熱心nice已經係第二次去，仲會有下次

幾個朋友食飯，book咗9:30pm，一入到去職員啲態度已經好好，我哋四個人，原本俾個張枱係夠坐嘅位我地，但係佢話想比張再大啲嘅我哋~超窩心呢！之後無論上菜，還是係點單嘅職員啲禮貌都好好，耐唔耐會同我地講吓笑~好欣賞啊！至於食物方面，同啲朋友都覺得好好味！叫咗最貴果款牛 好好味 好淋無渣！個湯底真係要讚！！花膠響螺雞湯(超甜超好味)+沙嗲香芋湯(好濃郁 啱晒重口味嘅朋友)9:30去食 原來有五折優惠添呀！正！下次一定會再幫襯！

第二次來到這家火鍋店，上次的印象不錯，所以這次來試試他們的套餐，不用煩惱要選什麼配料很方便又划算前菜：柚子沙拉和麻香蟲草花，兩個都蠻清新開胃的三味鍋湯底：火焰清酒煮蜆、養生人蔘藥膳鍋、青花麻辣鍋選了店家的招牌湯底，先講麻辣鍋，裡頭放入好多辣椒、花椒和其他香料，味道香，整體看下去是紅色的很漂亮，再來味道先嘗到辣椒的香氣，接著是辣味，不是很嗆辣的那種，最後帶點麻，是有層次感的辣，達到所謂「色香味俱全」熬成白色的藥材湯底有濃濃的藥材味，喝起來香醇，調味適中店員現場加清酒進去再點火燒，味道好香，清酒蜆湯好清甜，蜆的份量不少時令海鮮拼盤擺盤好有趣，蟶子插在正中間其他還有蝦子、魚片、帶子和花枝，種類豐富店員建議海鮮放入清酒湯煮，會襯托鮮甜，蟶子煮過後肉質有彈性很好吃，蝦子也蠻新鮮的頂級安格斯牛頸脊油花分布均勻，肉質口感細緻，放入每種湯裡都好吃另外加點的松阪黑豚肉配小黃瓜 98一份帶油脂的黑豚肉吃起來有彈性，油花分佈很漂亮，配小黃瓜能解膩響鈴現炸熱騰騰的響鈴超大一捲，一放到麻辣湯裡立刻拿起來，酥脆之中帶辣椒的香味，好好吃新鮮時蔬籃適合放入藥材鍋裡煮，新鮮可口手工火鍋拼盤黑松露豚肉餃子、鮮蝦雪條棒、

三五知己打邊爐，最鍾意就係食焱手工！由開店無耐幫襯到而家，香港嘅火鍋店開完又執，但呢間仲係我嘅頭三位最愛！環境舒適，非常整齊同乾淨，店員服務都幾好，而且最緊要嘅係味道真係好好味，碟碟都大大份配料飲品選擇多，整體都好好味。如果你問我有咩推介，我會答你：全部😆海鮮新鮮唔在講，肉類亦係上等貨，每次都食得好開心！湯底選擇亦都唔少，有幾款特色嘅飲品同埋都係出面冇！跟餐價錢又唔貴，坐得舒服又好味，咁嘅質素絕對物有所值，仲有個籃畀你放袋，非常貼心👍🏻

今次第二次同太太嚟食，上次食湯底火鍋，今次人生第一次食粥底火鍋，食餐嗰隻，一上枱，海鮮睇落好普通，都係蝦呀、蟹呀、魚呀咁，結果食落一D都唔普通，蝦唔算大隻，但隻隻都好鮮味，蟹又唔算大隻，不過多膏，正！開頭成個餐嘅嘢嚟齊之後仲會懷疑唔夠食，想加嘢，結果都係睇定少少，食一半左右先叫啦，最後我一食個響鈴就即刻決定唔洗加嘢，一舊響鈴大得嚟又厚又脆，食半舊已經好充實。最後清晒火鍋嘢之後職員就幫我哋攪埋個粥膽，想個粥食得好，唯一最麻煩就係食緊火鍋料嘅時候要不停攪攪攪攪攪攪攪..........雖然個粥好好食，可惜我哋已經飽到頂上心口，食唔到幾多。但喺哩個時候仲上個甜品，總之我喺哩度勸大家，食得哩個餐，唔好亂加火鍋料，真係未必食得晒。總結：職員態度極好，火鍋料睇落普通，但食落絕對唔係普通嘢，唔係任食火鍋hea大家嗰種級數。絕對值得一試！P.S. 掛住食，冇影相，Sor....BTW...環境其實好好，衛生亦一流，俾少一粒星佢原因係唔知點解食食下好熱.....

經過油麻地食午餐，見到午餐menu 幾抵，又有唔同湯底， 就試左酸菜白肉火鍋配白飯，份量好足，湯底味道不錯，咸左少少配白飯就啱啱好，但食完唔會好口渴午餐都可以溝醬油午餐份量好足，另外加鴨血，味道不錯好香滷水八角味

Booked a table for 5 and lucky to have a stand alone ocrner. The fish maw chicken soup is clear and would be even better if the taste can be strong. Other ingredients are so far so good. shame that they would charge for corkage. on the other hand they have craft local beers to serve!

今日一行七個人中午嚟到呢間火鍋店食火鍋, 食物好食又新鮮, 職員態度好好, 服務又好, 埋單之後我竟然大意留咗一個小小銀包仔係店內, 裏面有鎖匙同埋一啲現金, 我仲要係六個鐘頭之後先至發現, 跟住嘗試打返去呢間店問下, 竟然啲職員幫我好好保管住, 真係超級感激, 夜晚轉頭即刻去攞返, 我不停多謝啲職員, 真係要同佢老細講聲加佢哋人工👍👍👍👍👍👍!

上open rice 訂台食飯時，見到呢間係台灣野未去試試結果，成功訂到位食飯，而且座building 都好似好新淨！試到去，暫時都冇咩人，可能太早吧⋯⋯接著，有個人走黎用熱心既態度同服務，去推介的食物新鮮好味不過 打打下時可能好多人呢冷氣有點不足

我超鍾意食台灣既麻辣臭豆腐，早兩個月比我發現完來旺角有我立即去食😋因為香港炸嘅比較多😁火鍋有臭豆腐真係好少，所以第一次食完臭臭鍋之後再試其他鍋加兩份臭豆腐😎真心好食

想食呢間火鍋店好耐今次終於有機會！openrice訂枱仲有七折！佢本身有火鍋套餐每人二百幾有前菜有海鮮有肉有菜有飲品有甜品仲包鍋底其實好抵！不過今次唔係好想食海鮮就決定散叫！諗住清清地揀左個雪山飛魚鍋入邊有好多菇同埋冬瓜腐竹仲有龍躉片上面放左兩大舊蛋白第一次打邊爐淥蛋白估唔到質感好特別有啲口感唔會好似一陣風禁好得意呀！再講個湯底 唔加錢中間就係藥材清湯加錢可以變做火焰蜆鍋湯底好清好好飲啲腐竹索哂d湯好甜好正！牛肉揀左封門柳 呢個有少少失望 因為佢唔係好滑好有油花嗰啲牛肉 雖然都有啲牛肉味但我就覺得有啲鞋口另外就點左呢個四色手打丸拼盤，有牛肉花膠丸，黑松露墨魚丸，牛肝菌豚肉丸同埋蟹子鮮蝦丸，好好食呀各款都有特色，全部都好有口感好好食！另外嗌左呢個功夫土豆片，香港好少火鍋店有，係切到好薄好薄既薯仔片，淥唔洗一分鐘就食得，好爽口好似食緊薯片禁另外叫左松板黑豚肉配小黃瓜上枱既時候哇左一聲啲油花好吸引呀配埋啲青瓜一齊食減左啲油膩感好似食緊蒜泥白肉禁幾得意！個侍應介紹我地一定要食魚皮或者響鈴叫左呢個自家製珍寶炸響鈴，果然冇介紹錯！鮮炸熱辣辣非常脆口完全冇油益味！可惜佢太大條兩個人每人只可以食到兩條

晚餐跟朋友一齊食火鍋，一進場發現卡座座背是高高的，感覺很有私人空間，座椅舒適。點餐時侍應也貼心的介紹餐牌的選擇，還建議可以單點代替套餐，讓我們可以省點錢，這真的很窩心，不過選擇困難的我們最後還是點了套餐當中我們選的火鍋，是中藥藥膳跟雪山飛龍鍋，具體口味都不錯，不過最特別的是鍋中間還有清酒煮蜆，侍應在上鍋後馬上煮蜆，再加上湯底，這服務不錯🤭其其他火鍋配料也不錯，只能說價錢高點但物有所值，海鮮跟手打肉丸都好吃，只是蝦棒有點苦而已整個晚餐裡，侍應都笑容滿面，服侍周到，所以我決定要為這家餐廳獻上第一次食評了 p.s. 洗手間居然還有提供漱口水，讓人去除口氣，會不是太貼心了?!

食物非常質素 每次食都係一樣既好味同新鮮。 分量剛剛好。有我最愛既新鮮炸響鈴（我第一次食響鈴就係呢個，就愛上左呢個地方）服務態度一如既往既好 同埋 好有heart。 員工好醒目，望一眼就知道有需要幫手， 好貼心。小朋友貪玩辣親手，即刻準備左冰水桶 同埋止喊啫喱。見到小朋友喊到收唔到聲 仲特意落去便利店買左個雪糕比佢。 絕對唔係服務要求以內既野，完全係一個大bonus。真係好感動。多謝嗰位甘有心既"嫲嫲"and員工。呢個post絕對唔係pr野，係我地真心感受到好既食店而用心寫既post。希望以後都一直甘好，我就一直都有得食呢個超值既邊爐。