熊貓小雲吞 (莊士倫敦廣場)

营业中

休息中

途經佐敦見到間川菜連鎖店，主打多款麵條、四川涼拌特色小食、甜品同自家製飲料🥤 可以按個人喜好mix and match，亦可以選擇叫套餐，地點方便，價錢親民，試試無妨。雲吞有四款口味，外皮好薄，餡料飽滿，韭菜豚肉鮮味十足，一口一粒，越食越過癮！小食款式夠多元化，海帶絲、皮蛋、木耳，酸甜開胃，帶點微辣，作為前菜就最合適不過了。主食要咗三款，涼皮煙煙韌韌，擔擔麵入口滑溜，個人最鍾意撈麵，用油蔥調味，鹹鹹哋好好味～ 每款上面都放上大量川式配料，青瓜絲、脆豆、花生等，令到整體味道同口感更加豐富～

四川朋友嚟香港玩對熊貓嘅產品都偏愛🐼好不容易搵到一間同熊貓嘅名字掛鉤😂。 唔知味道如何呢？（5⭐️最高）雲吞粉麵套餐 （紅薯粉+紫菜湯）（5⭐️）紫菜湯好清，紅薯粉爽口彈牙又唔易斷👍🏻。今次我選擇了粟米豬肉餃，細細粒豬肉餃一口一啖，小朋友都好啱食。🥰豬扒上海麵 （5⭐️）豬扒大大塊，而且肉質鮮嫩，口感十足😉。上海幼麵爽口彈牙，而且滑小朋友食到舔舔脷😋😋。五仁菜脯丁 （5⭐️）用嚟炒蛋一流，加了少少辣而且菜脯丁油香口真係好滋味😚

同朋友👩🏻‍🚀一齊喺佐敦諗住簡單快脆食一餐見到呢間就決定入去開餐🤣叫咗 $48「一口韭菜豚肉雲吞加一口高麗菜豚肉雲吞雙拼（一共20隻）」，加配菜 $8「芽菜」、$8「唐生菜」、$8「糖心蘿蔔」、$20「啖啖肉豬扒」、$20「秘製紅燒肉」，一共加咗5樣配菜，夠晒豐富🤣：「韭菜豚肉雲吞」同埋「高麗菜豚肉雲吞」細細隻非常容易入口兼幾好味😋；「啖啖肉豬扒」煎得香口👍，「秘製紅燒肉」油脂極充足夠甘香👍，「唐生菜🥬、白蘿蔔、芽菜」新鮮 簡單好食👍$45「芫茜豚肉餃子🥟」：可能用咗半肥瘦豬肉，餡料夠滑仲有啲芫荽清香味😋$39「芝麻手撕雞🐓」：基本上啖啖肉，食得方便暢快，仲有啲青瓜絲😋

天氣乍暖還寒、忽冷忽熱，最近仲要剛剛咳左段時間，有熱湯既小雲吞就係呢個時段既恩物➰覺得真係好啱呢個時候食🤓· - - · - - · - - · - - ·🔸 一口豚肉雲吞雙拼 $48（20粒）🔹 鮮蝦豚肉｜粟米豚肉🔸 芝麻鹽焗手撕雞 $39🔹 熊貓涼粉 $18🔸 紅糖糍粑 $33🔹 手工冷泡洛神花茶 ［單點$22 跟餐$13］🔸 手工冷泡黃金大麥茶 ［單點$22 跟餐$13］黃金脆脆豆 $20· - - · - - · - - · - - ·🥟一口豚肉雲吞雙拼，一啖一粒小雲吞👍🏻揀左要粟米豚肉同埋鮮蝦豚肉，見到Menu嗰度鮮蝦豚肉係有個熊貓公仔推薦，而且可以自選湯底 ➰ 蝦米紫菜湯🎖️～感覺呢個湯同鮮蝦豚肉更加襯🤓🐔芝麻鹽焗手撕雞，份量都算幾多，芝麻令到手撕雞更香，手撕雞肉都算係滑。🎖️勁鍾意食紅糖糍粑嘅我，覺得呢度既紅糖糍粑做得不錯！外面酥脆加埋適量嘅紅糖同黃豆粉，煙靭軟糯🫶🏻🐼熊貓涼粉係Menu到有個熊貓公仔推薦，搞到我想試下，甜甜地既涼粉，$18 可以一試😋🫗飲品方面黃金大麥茶，雖然飲品喺凍櫃度，唔算好凍 {我覺得唔算好凍係呢個天氣係優點嚟😝}黃金大麥茶無糖，有

放工去開佐敦買嘢，人好懶唔想煮飯，經過「熊貓小雲吞」入去望下有咩野食啱我屋企果位大小姐先！Order 左 『三人套餐』一口粟米豚肉雲吞 配 蝦米紫菜湯一口雲吞的確好啱大小姐口型， 我專登揀紫菜湯比佢，因為佢都鍾意食紫菜同粟米雲吞入面好多汁成粒擺落口唔做咬開一半啲汁彈出嚟👍🏻👍🏻肉燥熱撈麵（唔辣）呢個又係專登揀比大小姐佢話個都都好好食可以食晒成碗！撈面配花生脆粒粒的確係會令人停唔到口！傳統川式涼麵呢個一定要辣，因為我想食！撈面配花生脆粒粒再加辣係我飛佛炸雞翼（原味）炸雞肉 正常發揮啦！ 我諗現場食會好過外賣嘅，起碼個皮會再脆啲！涼拌海帶（少辣）好後悔叫少辣，下次叫大辣應該會更過癮🤣🤣🤣紅糖糍粑呢個甜品可以中和返頭先啲辣味！就咁有黃豆粉直接食 唔點個紅糖都已經好好味！青蘋果茶 + 西柚柚子茶 + 雪梨茶全部都好香果味，夠清新！最後我忍唔住買左樽麻辣醬返屋企，可以用嚟撈麵！😍😍😍

新年期間日日大魚大肉😢過完新年都想食返清啲行街行開尖沙咀佐敦呢頭睇左下呢間menu見到性價比幾高 又清清地 就入去試下啦🤣同朋友2個人決定直接叫2人套餐2人套餐都只係$138😆勁多野食～有2碗主食 2款小食 2支飲品2個女仔食夠曬飽👍🏻一開始我哋仲驚唔夠飽 仲叫多左20粒小雲吞食曬之後發現其實唔叫都ok🤣🤣2人餐份量已經好足夠～🐷一口豚肉小雲吞2人餐入面有10粒 另外我哋仲叫多左20粒一共30粒我哋揀左3隻味分別係高麗菜 粟米 同鮮蝦雖然叫一口小雲吞 但size都唔細🤣皮嘅厚度適中 而且好滑🤣內餡嘅份量都足夠😆湯底都有幾款可以揀 我哋揀左鮮雞湯🐔同番茄湯🍅啲湯冇味精 可以飲曬🤣🌶️酸辣粉唔食得太辣🌶️所以叫左bb辣～薯粉嘅口感好滑 「雪」一聲就吞左🤣Bb辣嘅辣度好好🤣就算唔食得辣嘅朋友應該都接受到仲可以另外加配餸 不過我哋今次就冇加到🤣🐔芝麻鹽焗手撕雞呢個係已經預先整好放左係雪櫃雖然係整定左 但一啲都唔老 仲好嫩滑🤣雞嘅份量都足夠下面仲有啲青瓜絲配菜～🤤香脆紅糖糍粑一碟有6舊最鍾意食糍粑煙煙韌韌嘅感覺好正😆.整體黎講係cp值滿分嘅川菜小店🫶🏻好多地方有分店一定會回訪！！💯

行過佐敦就發現一間熊貓小雲吞，擺滿了四川小熊貓嘅裝飾。一試之下令人驚喜連連！🥳 搶眼嘅紅燒肉上海幼麵，幼滑嘅麵條蘸滿既紫菜湯底，配上豐腴嘅五花肉，真係幾正！啖啖肉豬扒撈撈嘅豬扒大件得嚟唔膩口，一咬滿滿肉汁，真係夠晒驚喜。芝麻雞手作涼麵提供咗啲不一樣嘅清爽，醬汁香濃，撕開雞肉加上麵條，清新得嚟又唔失味道。小雲吞叫咗一盤一口韭菜小雲吞，小小粒嘅雲吞每啖裏面都包得滿滿嘅韭菜餡，真心不錯。食得我都忍唔住要加多啲店家自製嘅菜脯同辣椒醬，一搭一味就更加出色！😍 再講返個手工涼皮，皮實彈牙，配上麻辣湯底，簡直爽口到不得了。糍粑又軟糯又香甜，嚟到佐敦真係要試吓！總之，呢啲平民價錢嘅正宗小吃真係食過唔忘，推介俾大家一齊嚟品嚐吓！🥢🤤🐼

四川菜雲吞專門店價格親民,人流多,好受歡迎.試過外賣後家人即隨愛上,更額外買 了鋪頭自家製醬汁.怪不得分店可多達七間~🔸麻辣手撕雞涼麵($55) 涼麵幼身彈牙,加上微酸醬汁,黃豆及香蔥,非常開胃,十分喜愛!麻辣手撕雞大塊而不是幼絲,啖啖肉.配上拍青瓜,辣菜脯,海帶絲,惹味爽脆🔸紅燒肉油蔥酥熱撈麵($58)麵質有咬勁.夾雜脆豆,花生,口感豐富.紅燒肉亦入味.同樣搭配不同配料,灼生菜,五仁菜莆,蘿蔔,豐富飽肚🔸卜卜趣炸雲吞($26)韮菜炸雲吞共8粒,炸得脆口但不油.小小一口,塞滿香味濃郁韮菜🔸孜然雞翼($35)雞翼共5大隻,炸後灑上孜然粉🔷西柚柚子茶(+18)🔷香桃茶($18)特製飲品有多款,支支樽仔包裝,選購時自取方便簡單.兩支同樣茶味作底,然後慢慢滲出果味清新而不偏甜🔸麻辣醬($38)香濃惹味,配燒賣,涼菜或加落粉麵,更添風味～

【熊貓小雲吞】好鍾意食川菜🌶️ 成日都想搵啲辣嘢過下口癮😂 老北京旦旦麵 💰$115加咗肥牛 肥腸 牛肉丸 雞絲 午餐肉湯底都唔錯 幼麵掛汁 午餐肉薄切香口 牛肉丸彈牙 雞絲頗大件 肥腸滷得好入味 肥牛就正正常常啦🤣🤣一碗份量都幾多 叫咗小辣唔算係好辣 鍾意食辣嘅朋友可以叫辣啲🌶️金錢肚涼皮 💰$48金錢肚俾得好足料 涼皮唔係平時食開嗰種 望落有啲似豆皮 切到大大塊 有少少厚度 咬落係煙靭嘅 同啲醬汁撈埋一齊食 都幾滋味 仲幾抵食 食完勁飽🫣🫣紅糖糍粑 💰$32糍粑就發揮正常 外脆內軟 黃豆粉同埋紅糖都好平均咁幫你淋好咗係面到😋豆漿 💰$10/洛神花茶 💰$12洛神花茶飲落清清淡淡啱晒攞嚟消滯解膩~~

今日突然好想食酸辣粉，睇完牙就去附近呢間熊貓小雲吞買番屋企慢慢嘆😋叫左個二人套餐$138：主食：有10粒一口高麗菜豚肉雲吞，酸辣粉小食：芝麻鹽焗手撕雞，香脆紅糖糍粑加多個：啖啖肉豬扒上海幼面$522個人食剛剛好☺️10粒一口高麗菜豚肉雲吞熊貓小雲吞的招牌菜每一顆雲吞都包著鮮嫩的豚肉同椰菜好分明 足料 雲吞皮滑捋捋 佢細細粒 迷你size好岩我 我平時鍾意食細細粒🤣酸辣粉今日心血來潮最想食呢個我個人都幾麻煩😀走蔥走茜BB辣 次次都要勁淋煙靭薯粉搭配酸辣的湯汁有肉碎花生菜脯我就夠了每一口都能感受到辣椒和醋的鮮明滋味舒服😇芝麻鹽焗手撕雞唔只手撕雞嫩滑 佢有青瓜絲 好清鮮甜食完呢個辣野 食d青瓜清清個口 很好喔每一口都帶來了豐富的口感和香氣香脆紅糖糍粑是一道經典的甜點外層酥脆 內裡柔軟 每一口都能品味到紅糖的甜美還有他們的啖啖肉豬扒上海幼面豬扒肉質鮮嫩，配上彈牙的幼面和濃郁的湯汁。

今日我同朋友約咗一齊食下午茶😍我哋去咗一間食四川川菜嘅雲吞店😍menu有set有散叫，朋友都比較大食😛最後我哋叫咗一個二人餐，再加一客一口雲吞！其實二人餐都好抵食，小食一款，主食兩款，甜品一款，飲品兩支都係$138咋，勁抵lo😍小食揀咗芝麻鹽焗手撕雞，wow,大大件，真係食唔停口😍 一口粟米雲吞：迷你版😛（仲有其他口味可以選擇，例如鮮蝦，韭菜….）肉燥熱撈麪，仲有啲青瓜絲，花生…出奇意外地好食😍（極力推介）酸辣粉食咗不傷心🤣係咪好爛gag 😂茉莉花茶：淡淡嘅茉莉花香味，甜甜地，飲落仲有啲回味洛神花茶：抗氧化，降血壓😛甜品都幾特別：香脆紅糖糍粑，都係比較煙靭嘅甜品配上紅糖飲品自助取，下午茶時段唔係太多人，作為一個攝時間嘅好地方😛

是日經過莊士倫敦廣場，見到好可愛嘅熊貓標誌，發覺原來係賣小雲吞嘅餐廳，見價錢唔貴就一於買返屋企做晚餐。雙拼雲吞 :叫得做熊貓小雲吞，又點可以唔食佢地嘅雲吞呢？呢度有四款雲吞可以揀，20粒都唔駛50蚊，相當抵食。我地揀咗粟米豚肉及鮮蝦豚肉雲吞，小雲吞一口一粒，食得相當方便。湯就揀咗蕃茄湯，味道好濃郁，仲有輕輕嘅芫茜味，食完雲吞飲埋碗湯就啱啱好。麻辣雞絲涼皮 :涼皮煙韌有咬口，吸收晒麻辣醬汁，辣得好過癮，雞絲份量都幾多，配料有花生、脆豆、菜脯及青瓜絲，全部撈埋食非常豐富。椒麻豬耳手作涼麵 :賣相相當精緻，五格盒分別放咗麵條、豬耳、青瓜、海帶絲及菜脯，條理分明，幼麵條入口彈牙，豬耳好爽口，加埋其他配料，味道辣辣地食得十分開胃。芝麻手撕雞 :以密封形式包裝，一打開包裝已經聞到陣陣麻香味，雞肉保持鮮嫩彈牙，一d都唔鞋，味道唔會太鹹，食埋底層嘅青瓜絲，感覺更清新。冷泡洛神花茶 :加$12有冷泡茶，味道唔太甜，飲落減辣解渴。餐廳仲有自家製醬料、菜脯及花生脆豆賣，見今晚有波睇，一於買樽花生慢慢歎。

今早去咗莊士倫敦廣場欽完茶，落到地下有間專賣四川食品嘅 "熊貓小雲呑"，係店舖堂食又得，外賣都得，那我就外賣咗涼麵同雲呑，返屋企晏少少食 ~入到店裡覺得地方闊落，座位都幾多，有大凍櫃擺放餐盒、小食、飮品等，以及多款醬料選擇，亦設有自助付款服務，都好方便。芝麻鹽焗雞川式涼麵    $55依款好開胃嘅拌麵，幼身麵條，Q彈爽滑，鹽焗雞鹹香味足夠，肉質軟嫩，與自家製醬汁、脆花生、黃金豆、芫荽拌勻一齊食，更滋味。配備青瓜、海帶、菜脯，翠綠爽口。啖啖肉豬扒油葱酥熱撈麵    $55豬扒都幾大塊，肉質鮮嫩，食落去好juicy，無骨啖啖肉  ;  呢款係熱撈麵，特色嘅油蔥與麵條同花生、黃金豆撈埋一齊，味道香濃，另有一番風味。配菜有風琴豆卜、蔬菜、五仁菜脯丁，全盒份量好足。芝麻鹽焗手撕雞    $38另單點一份手撕雞，雞肉同樣地爽嫩，不乾身，咸咸香香嘅味道，配合翠綠嘅青瓜絲，呢個用嚟撈麵或小食都咁美味。一口韭菜豚肉雲吞    $28/10隻  細細粒雲呑，一口一粒，方便食嘅。韭菜豚肉餡料，每粒份量都唔少，韭菜味特別濃，與豚肉很配，鮮甜美味，肉汁豐富，嫩滑嘅雲吞配合清甜湯底，好味道。孜然椒麻炸雞翼   $

自從大胃食過一次熊貓小雲吞，覺得又平又好食，就愛上咗食佢原來佢地有幾間分店，其中一間好近上堂嘅地方，又可以喺佐敦食個飽二人餐都幾多嘢食，包兩款主食、一份小食、一份甜品再加兩支飲品。嚟得呢度當然係食雲吞啦，鮮蝦雲吞啖啖蝦香，皮薄餡靚肉燥熱撈麵可以揀辣度，撈啲調味材料，辣香醬香好出色小食揀咗鹽焗手撕雞肉，喺雪櫃自己攞，冰涼保持肉質香嫩，麻香十足，有青瓜絲墊底更爽甜品必定嗌紅糖糍粑啦，脆口香甜又解辣，食四川嘢必食呢度嘅飲品特別在係自家新鮮氮氣沖製，果茶茶味更出，無糖都帶有回甘。雪梨茶有幽幽果香，食完辣嘢可以冷靜吓自己涼皮就食得多，水晶拉皮就冇乜聽過，比涼皮更透明、更大條更厚，口感彈牙，撈埋辣醬配料惹味非常見到涼拌皮蛋就忍唔住啦，皮蛋好大粒，切到好多份，醃得香又唔會有押味，質感Q彈又滑溜，一食愛上平時食嘅冰粉比較傳統，係落啲山楂碎同花生粒，呢碗期間限定係落百香果醬同脆波波，開胃又有多層次Q彈頭先食麵食到一粒粒脆脆地嘅黃豆，好似薯片會食上癮，食完就好想買一罌返office帶飯撈嚟食，價錢仲要好平喎

餐廳位於莊士倫敦廣場地下，主打快餐形式嘅川式湯麵同雲吞，落單後自己取餐🍜店員嘅服務態度亦好好！上次試過呢間餐廳一次，今次決定帶埋佢哋個辣椒醬返屋企！•麻辣雞絲涼皮($43)同平時食開嘅涼皮唔同，呢度嘅涼皮厚實啲，更加掛汁，作為開胃菜係幾好！•二人優惠套餐($138)套餐有得自選粉麵、雲吞同小食，咁多嘢食只係$138💖肉燥熱撈麵同傳統川式涼麵原來可以另外加配配料，秘製紅燒肉($18)同台灣蜜味香腸($13)個人鍾意傳統川式涼麵多啲，幾開胃🤤芥末雞翼有兩隻，芥末味就唔算好重，醬汁偏甜，雞翼皮脆肉滑！