熨烤達人 (已結業)

是晚一收工就同朋友黎旺角搵食，經致電查詢熨烤達人不用等位後就飛奔五花腩嘅懷抱喇!舖出面大大隻字標榜$88蚊任食韓燒五花腩，100蚊都唔洗食到韓燒放題，甘抵今時今日邊度搵但注意一點，晚上7時過黎是$108/1位! 重點: 主角只有五花腩本人。店面裝潢走工業風，椅子可掀起放入袋同外套 避免韓燒臭味吸收晒。現場所見，只有兩至三枱客人坐低，座位都算闊落!同店員講想要瘦d 嘅五花腩，店員都有順應要求圖中呢碟就係第2碟喇，即刻靚仔晒!利用呢間店嘅鎮店之寶熨斗每邊壓3mins, 逼走多餘油分，令五花腩快熟d, 再剪開一舊舊 一啖放入口，超正點😍#五花腩#韓味前菜 (泡菜, 茄子, 羅白, 芽菜)#蛋圈都係任添~~ 五花腩我地食左3碟😅仲叫左杯 燒酒荔枝特飲 $68 啤酒荔枝特欣 $68好好飲喔!燒酒同烤肉係絕配。肚滿足了, 補PO番張大合照先~以百幾蚊人頭計, 絕對超值!!!服務都算唔錯，重點係人少少，傾計方便!有無諗過麻甩食放題仲可以girls talk? 呢度就可以喇!但都要取決於你可唔可以只食一款肉喇!

韓燒不是我所好, 今次純是給爐邊蛋吸引著, 走到旺角熨烤達人, 門外已排了長人龍, 原來正在宣傳每位$88任食韓國厚切五花腩.  沒花假, 真的是任食, 可能是我們不懂燒的技巧? 五花腩肉挺有嚼勁, 剪細件來燒, 好像比原條燒的較好. 燒時可把熨斗放在肉上輕壓, 逼出油份.  吃燒肉, 最好配燒酙, 有柚子或桃味, 我這款是柚子味, 略嫌柚子味道較淡. 我的焦點是在於爐邊蛋, 可加粟米、芝士及泡菜. 是要比點耐性才吃到好味的爐邊蛋, 太老不好吃, 太生則未夠火喉.一場去到, 當然不會只吃燒肉, 於是加$38 吃韓冰水冷麵, 賣相挺美, 那條冰棒最吸引, 麵亦夠爽, 但最好就是待冰棒完全融後才吃, 這樣湯會冰一些, 更有味道.另外, 我們還加$48吃 大圓手攪飯, 是要自己動手的, 把所有材料拌勻, 可放在脆筒內吃或就這樣單吃也可, 吞拿魚蓉、脆米、蟹籽, 口感爽脆.  除了$88任食, 亦有其他放題套餐, 感覺上$298的可能更抵食啊~ 

一開始係網上見到 以為幾特別會幾好食 一去到都仲要等 等左成粒鐘 好啦 以為終於等到 點知迎接我既係地獄既晚餐 首先 員工態度極差 企曬係廚房果邊 我揮極手叫極都無人理 員工見到 喔一聲 都係無理我 好啦 都吾緊要啦 我係係網上見到 $118 任燒 食個半鐘咁佢個套餐係得豬任食 同有爐邊蛋 同埋芝士及泡菜 得豬可以再叫 其他野都無得再叫 佢既豬肉勁厚勁厚 燒極都燒吾熟 剩係燒熟佢 都燒左好耐 個半鐘都食得吾多 其次 太難食 ！食都想嘔 豬無豬肉味 你會覺得 你係為左生存而食 而吾係好食而食而吾係享受而食 。都算啦 ，之後我叫左杯野飲 ，佢係7喜倒插係個杯到 ，店員一放低都無同我講聲要快d飲，如果吾係會滿到流曬出黎，我又無留意，之後就成張枱都係。小小既溫馨提示都吾係好過份丫嘛⋯⋯之後因爲豬太難熟都食吾到幾多 ，我太餓就再叫左佢跟套餐加68蚊加牛肉任食。店員極推薦我食佢果個車站見麵 ，咁我就叫埋啦。我諗住吾會伏我丫嘛！又等左一陣，牛黎左啦，又係勁厚勁厚。仲諗住今次吾伏掛。點知d牛肉剩係咬到有少少汁根本就咬吾開！好似食緊牛肉味香口膠咁，剩係可以係咁咬，吞吾落。由於佢太厚除非你係剪神，如果吾係

$480 set ，問佢大約係幾多人份量，佢話會睇番你地幾多人預番份量！但係都係$480 ！ 我地問左兩次都係呢個答案！唔通我係外星人同佢溝通唔到？要水才俾水ok~ gimmick係熨斗，又係要問先有！醬汁冇味唔緊要！主角五花腩硬到鉸剪都難剪，我試過鉸剪剪其他野，不是鉸剪問題，而且食落冇味又硬！部隊煱超細碗，似早餐餐蛋公仔面（仲要唔好食果隻）蛋好耐都唔熟，又冇得refill！價錢唔係平過人！第一次寫食評，因為係被食評吸引去左，個個都話正，但食完反差極大！純粹以事論事，希望俾大家多個不同意見參考！

網上見好多人講呢間韓燒，一試之下，可以大膽講句係咁耐以黎食過最燥底既一餐飯一入到去已經覺得唔係好對路，好似拜山咁大煙，唔好同我講食韓燒係咁，食過好多其他韓燒，無一間大煙到好似就快走火警咁咁之後坐低睇Menu，叫左個$298放題，食物質素非常一般，所謂推介豬腩肉燒出黎完全無豬味，其他食物都係麻麻衛生情況都令人沮喪，連續兩次有飛蟲係食物上面，好，我就當係巧合，咁岩得咁橋兩次都飛左落去最大既問題黎啦，就係餐廳通風設計，無論條抽氣喉擺到幾接近個爐都係不停煙燻自己對眼，一路食就一路流眼水爐既設計簡直白痴，正常韓燒爐邊有坑煮蛋，亦會預留空位，防止爐上既肉滲油流落蛋到，呢個爐就完全無呢個設計，燒完肉全部油流晒落蛋上面，根本就唔洗食員工換網時候亦都無顧及食客安全，毫無預警底下行埋黎就拎起個網，無提點食客讓開結果連第一Round 既食物食左一半都無就埋單走人總結就係食物質素低，服務差，環境差，比$300貼錢買難受，我不如捐左舊錢佢無咁嬲奉勸各位千其唔好幫襯

十月頭假期特別多我都唔蝕底咗3日假，最後一日約咗好朋友去食燒肉，大食的我梗係要任食先夠爽啦！老婆大人就揀咗呢間好攪嘢熨烤達人。 我哋四條友嚟食除咗可以任食豬腩肉外仲送一個水冷麵，個水冷麵有條冰條造型幾過癮喎！食落口感都幾煙韌不過味道就唔係好夠酸如果唔係應該會仲好食啲。呢度最特別嘅莫過於係呢一個熨斗！初初真係唔知以為用嚟做乜鬼嘢，原來佢愛嚟宅住啲肉令到啲肉可以平均咁貼喺燒烤爐上，又幾鬼細心喎。 跟住落嚟侍應就將一啲蛋漿放喺爐邊，原來呢一個爐邊蛋都係免費任食仲係無限添加啱曬我老婆大人啦！ 我哋主要嚟食呢隻韓國豬腩肉係無限任食90分鐘啱曬食肉獸的我吖。 放上燒烤爐近燒熟之後就食得，豬腩肉如果可以再肥美DD應該會更加好味，不過講緊百零蚊任食呢個質素都可以接受啦。 有燒肉食當然要飲埋燒酒啦呢一隻韓國柚子味嘅燒酒都幾好飲㗎！ 最後見到可以加68蚊一位就可以任食穀飼牛扒我呢一個食肉獸又點會放過佢呀！ 嘩呢一晚真係肉火焚食到我好鬼滿足呀！以呢一個價錢咁樣任食燒肉法又真係令人幾開心喎！

中秋節翌日是公眾假期車爸爸放假一於終埋好友去放肆一番，在面書見這間熨烤達人竟然做緊＄88任食韓國豬腩肉90min放題咁鬼抵唔係唔食呀！不過今天我哋吃的時段為七點半至九點所以收費會係＄108。一入去已有兩碟前菜放在檯上有蓮藕片和酸蘿蔔，前者爽口後者酸香可口不錯啊！接下來侍應端來這一碟內有芝士、粟米及泡菜的配料原來是爐邊蛋的配菜，而且仲係無限添加任食呢樣真係好吸引囉！ 而我們一行四人幫襯就可以免費享用這一份大圓手攪飯，賣相真係靚到無倫呀配料包括有蛋絲、吞拿魚蓉、青瓜絲、飛魚子還有卜卜脆米，配合邪惡的沙律醬吃真係好開心呢！ 而且很具玩味食法是要將所有材料用手混合，然後做成一個雪糕球的模樣放在雪糕筒上一同品嚐，除了好味之外玩味亦甚濃！ 食完手攪飯之後此時侍應送上一碟顏色鮮豔的韓國五花腩上檯！ 這碟五花腩看上去顏色就好靚！不過我就略嫌佢肥肉真係比較少，未做到肥瘦均稱的靚仔樣。將美艷的五花腩肉放爐上狠狠的燒香，而呢個時候當然就係欣賞爐邊蛋的最佳時機啦！煮到啱啱熟的爐邊蛋加上泡菜及芝士真係好吃到飛起呀！這一夜我們好似吃了四五轉之多呢！五花腩放在爐後壓上這兒的主角熨斗將之壓住平均貼在爐上，燒每邊三分鐘

韓式烤肉放題，於我等貧困的食肉獸而言，無疑是個好選擇，至少吃得飽吧！選了最便宜的厚切五花腩任食，件件腩肉真的很厚身很大件，跟一般的新派的韓燒一樣，旁邊注有蛋漿，可自行加芝士及泡菜等，燒之外的另一滋味。店子叫熨烤達人的原因，是每枱亦有一像熨斗的東西，讓你壓著豬腩肉，燒出來的形狀更恭整。這對味道其實沒有什麼幫助，噱頭而已。由於五花腩太厚，吃時比較難咬開，剪開小件來吃會方便些。另要了牛，是美國牛，同是厚身，但雪花分佈告訴我不會是入口即化的東西。唯美國牛始終味道較重，不用燒得過熟，輕輕燒幾下便可。四人同行，惠顧此套餐，會送一款食物，三選一的，挑來「車站見麵」，其實即是撈辛辣麵。不需要咩技巧，撈辛辣麵本來就是惹味，加多隻太陽蛋，介了花的腸仔，簡單但總會可口。大大塊肉再加埋惹味的辛辣麵，來多罐可樂，就是食肉獸既世界。

不倫不類的安排等2個號碼都要等個幾鐘都未有位，仲要話等多6/7張booking，咁就唔好派飛啦就派飛就同客講啦，一間安排超差既餐廳等係會令人燥底（備註：打電話去book位頭兩次打打唔通第三次打無人聽）唔該負責人留意下該公司安排做唔切枱小就同d客交待清楚點，白等係好浪費消費者時間同時對該店既信譽亦會有所影響。

本人第一次寫open rice 評論無諗過一寫就寫負面嘢🤦🏻‍♀️話說我男朋友琴晚話想嚟試呢間啦咁我今日就不停地打電話嚟約但都打唔通當然就walk in入左個陣(8:00pm)無咁多人咁就攞左29号飛要等10幾張咁我當然行下附近街先反嚟(8:45)佢就話過左唔緊要咁佢就幫我排下一張32啦，好啦兒家嗌到31應該好快到我姐，點知我等左半個鐘都未嗌門口就越來越多人(已booking)就入左幾個 當時個心態係無嘢既因爲做左booking 先係正常 再等多15分鐘左右 個人開始無咩耐性了😡再入去問佢，佢就話做左booking 先下無咁快等多1,2張好啦我時我充滿希望咁等到左(9:35)已等左1個鐘7個字我男朋友再入去問，佢突然話要等多7,8張先到我！咁我咪等到你收工？ 我仲充滿希望咁等多十零分鐘😤😤咁就白等左2個鐘。。。你話嬲唔嬲😡😡😡😡🔥🔥💢💢💢

一講起食韓燒,朋友就即刻諗起對上一次既熨斗達人,上次食完個個叫好味,又到適合韓燒時間我地緊係又去返好正既熨斗達人到食! 最like佢既熨斗鐵板,又好用,又得意,呢度老闆真係諗頭識做生意! 呢度水準保持得真係好好,扇貝帶子keep住都係咁新鮮好味,又大隻啖啖肉! 大蝦好大隻肉質彈牙又鮮味,朋友連個蝦頭都食埋話好好食! 魷魚厚身得黎都好爽口,燒好再慢慢剪開燒多陣,點埋醬汁一齊食更加滋味! 大大塊M5肉眼牛扒,色澤好靚,肥瘦比例又岩岩好,燒到5,6成熟到,好香牛肉味又嬾滑一d都唔韌,淋淋地非常易咬易入口! 牛肋骨都好正薄切一片片,嫩滑惹味,味道又好,必食之選! 豬大腸,乾淨企理,燒完口感有少少脆少少韌,口感都接受到呀!

今日同朋友慶祝生日,佢就提議食韓式燒烤..所以今日就選了熨烤達人先食左少少小食個沙律都OK,食肉前清一清先在爐邊去整蛋朋友最愛,加埋D芝士....變成芝士蛋,熱食好正我地要套餐就食任食食左熨斗韓國五花肉,雞肉,雞翼,大腸,菠蘿,煙肉車厘茄,牛柳粒最特別係熨斗韓國五花肉,用個熨斗放上去燒,而這個五花肉係好夠味同好食燒菠蘿就大部份人都愛,燒左個面一下咬入去..D菠蘿汁飛出黎,酸酸甜甜咁係好正而雞肉都係好夠味道大腸就覺得一般,唔太好食牛比較鞋,一般雞翼都算OK煙肉車厘子燒燒下竹簽著火,其實吉之前浸15分鐘水就唔會發生

香港人最愛新鮮，上網見到有間熨烤咁趣緻既烤肉店，梗係咪走雞啦。放工同個朋友9秒9嚟到，好在時間尚早唔使等位。場內位置都幾闊落，最啱我呢啲唔鍾意迫嘅人。一場黎到，當然要點全港獨家既黑毛豬套餐啦。爐一set 好就先黎個爐邊蛋，同其他烤肉店吾同既係，呢間會另上泡菜，芝士同粟米粒俾客人自己落，識食一定勁落芝士。萬眾期待既套餐終於黎啦，一上枱真係有驚喜，五花肉真係好厚身好肥美啊。講真，以前都有試過唔同嘅韓式燒肉店，但係真係未試過有咁大嘅五花肉。店員好有耐性咁為我地講解要點樣燒同烤幾耐，用燙斗壓住燒係吾同啲，受熱非常均勻，我地仲燒到個皮仲脆卜卜添，齋食已經好好味，用生菜包埋蒜片一齊食就更加冇得彈。跟手就燒豬頸肉啦，豬頸肉醃得好入味，基本上都唔需要點醬汁。仲有值得一提嘅係牛肩胛，燒既火候恰到好處，真係好甜好多汁啊。一個套餐食到我地捧住個肚走，臨走先見到原來仲有兩小時半放題套餐揀，仲幾抵食添，一於搵日再嚟食。

朋友話想食韓國嘢，上網睇呢間評論都唔錯，用熨烤幾特別，可以一試。準時入席，店面裝修都幾闊落，都幾好座，但係就大煙左少少。我地點左個黑毛豬套餐，有勁肥美嘅黑毛豬五花肉，豬頸肉，牛肩胛等等。五花肉有成幾吋厚，正當我地滕晒雞之際，店員就耐心解釋俾我地知要點燒，唔識煮野食既我地都係亂咁黎，最後有位好心店員都睇唔過眼幫我地燒埋...一開始食左旁邊d蛋先，口味就自己調教，我勁加芝士，出到黎咪道都唔錯。跟住就到戲玉五花肉，好鬼juicy, 我鐘意溝佢隻辣醬，夠重口味，包菜食同直接食都好正。之後食既豬頸肉有少少乾，俾五花肉搶晒鏡。最後就係個牛肩胛粒，呢個最易處理，就咁放係度唔使點理燒到出黎都好好食，一般呢D好容易燒得太un, 但佢又唔會。整體黎講唔錯，但個五花肉好邪惡, 成日覺得食完D肉會生係自己身上。

喺旺角附近行完街，話禁快就已經到左夜晚，晚餐安然唔可以待薄自己啦，見到呢間野個封面幾得意喎令我蠢蠢欲動好想入去試吓一入到去，啲服務員好好態度，自動自覺拎上餐牌，一打開餐牌啲嘢食多到睇唔晒，款款都合我心意，可惜我胃太細啦，就隨便點左幾樣豬牛肉嚟食喇餐廳嘅佈置好吸引，以曠野背景為主題，令人喺燒緊野嘅途中感覺置身係野外咁樣，更加令自己享受整個晚餐。簡陋嘅佈置已經足以令到整個氣氛洋溢出來。嘩！第一道菜上左牛肉喇！加上面前嘅銷路令我食慾大開。唔好睇啲肉咁大舊似好難燒咁啊，如果自己唔識燒唔緊要，仲有好貼心嘅服務員佢會為你解開疑難仲落手落腳幫你燒埋添。將啲蘑菇燒肉同埋一啲傳統韓國風味嘅菜包埋一齊食，簡直係一流！