熱狗の家 (已搬遷) 新店位置

今日同阿妹去行荃灣...o係網上搵o下有咩好食o個陣無意中發現呢間鋪頭...竟然係一個差o既評價都無ge!!! 真係咁犀利??? 於是就去試o下啦~ 個鋪面其實好細...唔係咁起眼...坐位應該都係得10個左右...主要係做外賣生意...我地坐o左o係鋪頭外面...一張好似bar檯o既檯...叫o左兩個熱狗...其中一個叫香草芥末芝士熱狗~ 係推介嚟ga!!! 仲有一個叫芥末玉子海苔芝麻熱狗~ 又真係好好味wor~ 個熱狗包好軟熟~ 好香芝麻味~ d醬o既味道唔係太濃~ 感覺好清新~ 之後叫o左一杯榛子咖啡~ 佢拎杯咖啡過嚟o個陣已經聞到榛子o既香味啦~ 味道都真係唔錯~ 不過我覺得d咖啡味可以再重d~ 之後個老闆仲同我地傾計tim~ 佢問我地覺得d o野好唔好食~ 又主動推介d熱狗俾我地~ 佢仲送o左本書俾我地睇tim~ 感覺到呢間係好家庭式o既熱狗店~ 服務態度好親切~ 真係令人食得好開心好滿足~

巧遇百年難得一遇的日蝕.既然天狗食日.......咁我諗我要為個"日"報仇,食返隻"狗"先得!由於有要事路經荃灣,記得開飯喇食評推介荃灣區有間出產好"狗"的食店.於是依循記憶向目標前進!!!報仇深切!!不其然加快腳步!該店位於與荃豐商場連接的另一個商場地下.由自動電梯行出去都頗難發現,行了一圈之後就見到藍白色為主調的富歐陸風情小店.可能係午後時間剛過,只有一位客人在看餐單.鋪面細細,店外出入口左邊設置一張高身餐桌,正好在門口的餐單隔鄰.於等候時先看看餐單!該店主打ga熱狗款色多達二十款!!另外亦有飛碟及pizza dog.不過為左報仇先將注意力集中係o個d食左"日",個身好熱ga"狗"身上.留意到有固定款色的熱狗會有套餐優惠.此時,老闆娘亦招呼完先到的客人.十分有禮貌地招呼我.初次幫襯的關係,問及有關價錢等等基本問題後,隨即落單!貪心的我想試兩款熱狗.於是點了東洋火之狗及意式熱狗.take away!每款熱狗不論堂食外賣都一律二十個大洋.落單即制!閒坐門則等"狗"之際,順道瀏覽店外的剪報.除了一般的報紙食評之外,細看之下另外還有關於環保,自然的資訊剪報.此時先到的客人的"d18"(熱狗

日期：2009-05-28 今晚在"Hot Dog family"(荃灣)買了"夏威夷戀芝狗(Hawaiian Cheese Dog)"($20)。在家用焗爐翻熱。夏威夷戀芝狗---熱狗包夾著法蘭克福腸，加上蘑菇、菠蘿、蕃茄醬、芝士醬和黑椒碎。熱狗包經過烤烘，外脆內鬆軟。這法蘭克福香腸(Fränkische Wurst)是由豬肉及牛肉製成。腸衣脆而不硬，腸肉鹹香惹味。黑椒和蕃茄味濃郁，芝味較淡，菠蘿香甜。

今晚在"Hot Dog family"(荃灣)買了"千島風情熱狗(+$3轉紐倫堡香腸)"($23)。在家用焗爐翻熱。千島風情熱狗(配紐倫堡香腸)---熱狗包夾著紐倫堡香腸，加上千島醬、煙肉碎、粟米和菠蘿。熱狗包外脆內鬆軟。這紐倫堡香腸(Nürnberger Bratwürste)是由豬肉和綠胡椒等香料製成。腸身較幼，腸衣微韌，綠胡椒味濃，鹹香惹味。千島醬酸甜醒胃，菠蘿香甜。

今日我地兩個專誠去試左 hot dog family 喇~確實真係無得頂!!我地誠意推介 蒜香煙肉芝士熱狗餐 ~我地自己今日就叫左兩客~分別係 A汁 同 B汁~A汁 : 茄汁同芥辣混埋一齊個隻味道好特別~夠香濃~麵包烤得香脆~加上溶左GE芝士~令人食過番尋味~B汁 : 香草加上微辣入口味濃~最O岩鐘意濃味GE人~正!!!食完之後~過左好耐都仍然留係口入面~真係齒夾留香呀!!!最後要特別推介佢杯榛子咖啡~榛子味夠哂香濃~但又唔會冚左咖啡ge甘香~喜歡咖啡GE人~真係不妨一試~最後一定要讚GE係~佢地真係非常非常好好禮貌~一行埋去~佢地已經好有禮貌咁介紹佢地GE食品~一知道我地專誠去試佢地GE熱狗GE時候~佢地仲要不停咁多謝~最重要係佢地全程都係面帶笑容~令到我地食都食得開心D

在"Hot Dog family"(荃灣)買了"蒜蓉香草芝士熱狗~配茄汁黃芥辣"($26)。其實半年前已經想光顧，不過直到現在才有機會。蒜蓉香草芝士熱狗---熱狗包內塗上香草蒜蓉，夾著法蘭克福腸，加上芝士、茄汁和黃芥辣。熱狗包經過烤烘，外微脆內鬆軟。熱狗腸腸衣脆而不硬，腸肉鹹香惹味。香草蒜蓉味濃郁，芝士和芥辣味較淡，茄汁酸甜。

心血來潮, 好想食熱狗~~~之前睇過呢間0既食評, 想試好耐ga la~~~11點半0黎到, 原來仲未開, 阿姐叫我晏少少返0黎~~~結果周圍逛0左個零鐘返0黎,個阿姐都認得我haha~~即刻幫我落order~~~因為第一次食, 都係試個最basic 0既穩陣0的~~~叫0左一個蒜香芝士熱狗餐, 揀0左最basic 0既茄汁+芥末, 0野飲叫0左奶茶~~~由於係即叫即整, 所以要等一等,大概等0左5分鐘, 奶茶到~~~好滑, 不過對我0黎講就甜0左少少,再過大約10分鐘, 熱狗到~~~size比起平時快餐店0既熱狗大~~~個賣相都幾靚, 好吸引~~~最開心係見到佢0地0既飽唔係嘉頓包,唔知係咪自己整0既呢?外脆內軟, 焗得0岩0岩好, 一0的都唔乾~~好好食呀~~~條腸同個包0既長度差唔多,所以食0既時候唔會話第一啖得包冇料~~~雖然個餐0既價錢唔算平, 不過我覺得都幾抵ar~~~因為真係整得好食ar ma~~~下次要試0下佢0地其他推介~~

個日已經係下午茶時間三點鬆D,所以叫一份HK$32.00嘅套餐等左差不多十分鐘,外賣拎返屋企再開餐已經係十五分鐘後,份熱狗都仲係好暖,應脆嘅麵包部份都仲係有脆嘅口感,醬汁唔會令到麵包變濕淋淋,一份熱狗加一罐氣水,$32.00好似有D貴,但係咬落口又冇也好講嘞,人D又真係好食噃,雖然係就係貴左些少,不過我會再去食囉,下次要食即場,熱辣辣果隻.

睇左SMARTONE IN既試食兵團既介紹冒名而來的本來想食蒜香煙肉芝士熱狗但覺得加埋野飲要$36就太貴了所以揀左是日推介套餐香草蒜蓉芝士熱狗+榛子咖啡包裝非常精美~~仲貼住一個小小掛飾o係袋度真係好有心意~~熱狗真係好味~~個底係脆脆的完全唔係平時食到既麵包夾香腸諗起都想食榛子咖啡~很香榛子味但應該忘了加糖因為老闆本來以為我地要熱既之後轉返凍可能唔記得左不過都唔緊要啦~因為兩位老闆都好nice,幫襯得好開心絕對會ENCORE但係地方比較偏僻如果唔係特登去~一定唔會經過下次要香草蒜蓉芝士熱狗!!平D啦平D啦

每次行經這區都不覺它存在，至直Yan介紹後才知這一小店。在門口貼上一系列的套餐，熱狗也有7、8款，亦有沙律及飛碟。店員很耐性、熱心地逐一介紹下，最後要了熱狗餐及飛碟餐。熱茄醬蘑菇熱狗話說是很受人客歡迎，茄醬味道很鮮也很濃郁，與蘑菇是最佳配搭，熱狗腸經過輕煎外層脆卜卜，肉質很實淨，麵包也經過烘焗，很有外脆內軟的效果。朱古力菠蘿飛碟烘得很甘香，尤其是邊位部份更加香脆；因為經過烘焗，饀料的朱古力醬又熱又流質，似是食心太軟的感覺。另外餐飲要了店員推介的榛子咖啡，榛子無疑是很芳香，只可借欠缺咖啡的甘味，而且奶味亦重，喜愛latte的人，應該會鐘意，而我就喜愛較為濃味一點的咖啡。對這小店很有好感，除店員很有誠意外，而門面很有德國小店的風味。

唔好意思..早兩日同男友試完.不過唔記得order 左隻狗名!!!!Order 1 - 有芝士醬+ 熱茄容. 一般. 我食完後覺得冇野落過肚!!!Order 2- 少少辣. 有 芝士碎. 呢個表現好d.加錢轉餐. BF選了榛子 Coffee , 好甜. 糖水一樣. 我選了本地農場鮮奶 - 嘻嘻 慶幸自己揀左呢樣!

(20/12/08)無意中俾我再發現,「荃灣」係有間賣熱狗既店leh….。急不及待今日同老公來食。 Openrice資料寫11:30am營業,根據外賣紙上印,其實星期一至六,都係正午12:00開。不過我今日12:25pm去到,店員剛剛著燈,準備,so…….建議唔好咁準時去喇。老闆娘好詳細咁介紹。如果想飲埋野飲,選「是日推介」會抵D既。我們要了道地熱狗&熱茄蓉蘑菇芝士熱狗。叫佢切開一半,點知佢好細心地,分埋每人一份!「道地」(自家秘製香甜熱狗醬),唉…其實同平時食的沙律醬差唔多,只係加左甜甜地味jer。而「熱茄」果件既茄好鮮茄酸味!加埋薄口的芝士,很好吃。榛子咖啡,雖然很滑,不過我覺得味道似三合一沖出來既味,榛子味重過咖啡味。奶茶比預期中好,唔會茶還茶味,奶還奶味,水準同一般茶餐廳差唔多。(22/12/08)好心急又來試其他野。今次買Panini,睇下點樣。東洋火意式三文治,原來Panini都有香腸,不過被切薄片了,配料有紫菜/木魚絲/梅子芝麻/七味粉/照燒汁/沙律醬,聽落去mixture已知好食,可惜上次發現的「毛病」─包厚餡少,在Panini上更加表露無遺。因為佢壓唔偏,加上無芝士黐

第一次到訪是星期日，相信是信仰關係老闆關門不做生意，本週再接再厲，再訪成功! 　很喜歡小店格局，更欣賞老闆娘的親切態度，在她介紹下，在30多款熱狗中選了兩款熱狗、一杯飲品：　榛子咖啡(+$6)-咖啡不會過濃，滋味香醇正合我口味；除了原有的咖啡豆香，還有濃烈的榛子芳香，是物超所值的水準之作，可惜龍病了不能飲。千島醬粟米菠蘿熱狗($25)-據老闆娘講是很多女生熱門口味，也是我的主意來的。千島醬口味較柔和，與熱狗腸配合起來，還是不夠茄醬、芥末、酸瓜的強烈味道吸引。蒜香芝士熱狗($26)-龍揀的金牌推介，芝士與蒜香不突出，不過就與茄醬、芥末十分夾，另外包身烘得較為香脆，整體水準比千島狗較好，但還是談不上出色，主要是法蘭克肉腸瘦幼也不夠皮脆多汁。　今趟後引起了我的熱狗癮，遲些完成手頭上的拉麵project，下一站會去尋找天下好狗!

睇過食評見呢間咁多好評又去試下~有套餐,$25包飲品叫左一個D1 住家熱狗法蘭克福腸/甜酸瓜粒/蕃茄/洋蔥/茄汁/芥辣同埋D18 芥香玉子沙拉熱狗法蘭克福腸/青芥辣香味蛋沙律/海苔碎/黑白芝麻兩個都唔錯呀~好味~個榛子咖啡都幾香~好飲唔錯~~下次再試其他口味

下午要到英皇教育補習,就打算在這裡解決午餐,很久沒食過熱狗了 相約友人下午2時前往,座位不多,我們要繞到遠處的桌子。中年女侍熱切地推介熱狗給我倆,我選了煙肉香草蒜蓉芝士熱狗+可樂,38大元,朋友選了蘑菇芝士熱狗+榛子咖啡,$25。對於價值$32的熱狗,自然會有較高的期望吧。甫上桌,香氣四溢色彩繽紛,麵包很軟熱,有濃濃蒜蓉香,但香腸與一般脆皮腸無異,芝士不多,醬汁亦無什驚喜。有色有香,但對$32的價錢來說,味道用料說不上令人驚喜。朋友的蘑菇芝士熱狗,吃到最後才找到蘑菇的蹤影,榛子咖啡份量極少,熱狗未上已去掉半杯。女侍服務不錯,環境也看得出用心佈置,但食物只算一般。也許我應該抱一試無妨的心態試食,這次似乎期望太大了。