燈籠滷味 T.P.E. (M88) (已結業)

燈籠滷味越開越多，原來連中環都開咗分店啦😍 呢間分店裝修設計得好靚，有台灣風味、比較特別。呢間餐廳除咗有平時嘅滷麵，仲有一啲特別食物例如： 刈包、滷肉便當、烏龍麵等等😋最近又做緊推廣，搵咗本地「利公」合作，有竹蔗水嘅冬粉同酸梅湯山渣綠茶👏🏻 蔗香牛肋條冬粉 $98呢個冬粉同利公合作，用咗鮮甜嘅蔗汁煮牛肉湯，幾得意🥰 冬粉上面鋪咗蔗條，仲有好多炆得好入味嘅蘿蔔，蘿蔔冇渣又冧👍🏻 牛肋條無骨，亦都好冧，好輕鬆就咬到🤓 冬粉被牛肉湯浸住，湯底因為用咗蔗汁，唔會太鹹，反而多份甜味，幾好日本豚肉烏龍麵 $88烏龍麵即係烏冬，係凍食，啱晒夏天食😉 日本豚肉配咗泡菜口味，所以食落都幾辣，同半瘦半肥豚肉balance，唔會太肥膩👏🏻 另外仲有啲蔥花、薑絲，可以中和到泡菜辣,又令成個烏龍麵更為開胃😜燈籠芋見你 （冷）$48一般食台灣嘢我多數最後都叫一碗芋圓做甜品💜 咁一碗芋圓細細碗，但係入邊有好多唔同嘅材料，例如芋圓、紅豆、珍珠、紫米、燕麥同仙草等，仲有芋泥波🤩 食完都幾飽香芋鮮奶綠茶（凍) $42鮮奶綠茶入邊就唔會有芋頭粒，所以成杯嘢飲幼滑，不過都有陣陣芋頭味🤓Oreo 朱古力沙冰 $42呢一杯沙冰真

平時經開銅鑼灣，這間台式料理都需要排隊，今天下午茶時間和朋友來到中環的分店，覺得感覺很不同。一入門口便很有氣氛，有各種美食的霓虹燈。裡面座位都幾舒服，我們坐在梳化位置，店舖播著令人回憶無窮的台灣歌。黑木耳青瓜沙律是輕食健康之選，酸酸的，很開胃。一開始便被這碗牛肋條冬粉吸引到，湯底有蔗的清甜，牛肉很稔。更可以免費配酸梅湯山楂綠茶，味道並不突兀，很夾，很冰涼。冷泡桂花烏龍有淡淡清香，很適合炎熱的夏天。下次才試試其特色滷味吧！

服務態度好差呀與友人星期六中午專登去食見到冇人排隊所以行咗入去個侍應應該係聽唔到bi左安心出行兩個侍應好惡劣態度話佢聽唔到要bi到佢聽到好，再scan多次，因為曾經scan過所以冇聲Show比侍應睇，唔好意思都唔講 都算坐低叫野食又冇咩好態度，間鋪冇人咁滯係咪問多兩句都要黑曬面老老豆豆，$88個便當食埋啲滷水雞翼我去隔離食拉麵 服務態度仲好啲味道我食過登龍街都可以既，始終香港冇得食但係服務態度真心 友人話好似比狗吠咁所以無謂食得唔開心唔會再幫襯 一定

冇得去台灣 如果掛住啲街頭小食，蛋餅呀 皇子麵咁～就唯有去燈籠滷味回味下喇 之前去過銅鑼灣分店好幾次，今次又去中環間分店試吓先～中環分店面積大好多而且裝修更靚！📍蔗香牛肋條飯燈籠滷味聯乘公利嘅蔗汁做咗個蔗香牛肋條飯。呢個牛肋骨嘅湯，用咗公利特選嘅靚蔗，同埋燈籠滷味嘅秘製配方熬製而成。無添加糖，都做到味道清甜，而牛肋條亦都係用湯汁所焗製，除咗有濃香嘅牛味外仲帶有陣又甘蔗嘅清香。📍自選滷味燈籠滷味梗係要食遠近馳名嘅滷味，揀咗幾款餸，有牛筋肉、甜不辣、百頁豆腐，麵底就選用台灣嘅王子麵。王子麵有如香港嘅公仔麵，牛筋肉牛味都重，加咗滷汁都仍然食到牛味，而甜不辣份量都好多，口感煙韌。百頁豆腐吸收哂滷水湯汁嘅精華，入味非常。📍蔥抓蛋餅蛋餅通常都會有玉米、起司，呢個仲會加埋火腿，蛋餅份量都幾大，用料都好足，見到啲餡料多到都流晒出嚟。而味道同台灣食到嘅好似，好有台灣嘅風味。

行過中環見到有間餐廳好sharp門口放滿左好色彩繽紛嘅燈牌好有台灣風味裝修用心環境都光猛舒服食物種類好多叫左 #齊 (Mixed flavours) 材料好豐富牛筋肉、雞翅膀、豬耳朵、豬肚、花椰菜(西蘭花)配自選麵類好足料每樣材料都好入味豬肚好軟好嫩 豬耳爽脆 另外甜品都好出色萬丹紅豆脆酥薄餅賣相好吸引皮好薄 煎炸得香脆唔油膩紅豆又甜又香同香草冰淇淋好夾岩岩可以中和番個甜味水蜜桃綠茶沙冰有真正水蜜桃粒 香甜解渴整體黎講餐廳位置方便食物多選擇又高質素性價比好高

繼續覓食中環。今次試了這家台灣餐廳。好早就好多人。同事叫咗個類似雜錦烏龍麵。佢話湯頭味怪怪的。眼見餸嘅份量極多。麵反而對比下少。啲餸應該正常口味的。始終我無食過。帶返頭盔先。食到最後佢就就咁飲湯。突然又話就咁飲好味。係magic soup湯麵味道應該類似這個浸住菜同粉絲嘅湯汁。係有啲怪。有啲跌打酒嘅味。不過應該係藥材味。所以啲粉絲同菜都有這浸味。麻麻哋。上面台式牛肉都juicy。味道不錯。個蛋好味。好似有啲花鵰酒味。滷肉飯肉肥瘦適中。鋪到滿。仲有健康雲耳。同蔥酸菜醃蘿蔔等配料可自由加落飯度。細心位加分。Set包小食。台式香腸。無食開嗰種咁甜。不過都不錯。蕃薯條。夠大條。好甜。完全唔使點醬。新鮮炸起外脆內軟。份量好多。又無影到嘢飲。炭燒烏龍奶茶。這個麻麻哋。唔記得咗咩味。總之味道怪怪哋。可能個人口味問題。總結。環境裝修幾有特色。不過bar枱有啲高或者櫈有啲矮。坐得幾密吓。嘢食份量大。大部分味道正常之上。價錢合理。不錯

.朗膏坊分店長期排長龍⋯就算經過想食 都會放棄排隊走左我對佢個蛋餅食過番尋味 有時講起都會掛住佢🤣🤣橫掂中環有 就選擇收工去 約埋幾個朋友一齊食😋店內環境比較寬敞 一樣有特色 同時大啲 坐得都舒服啲👍🏻.🥢台北二人台式晚餐$288-麻辣香滷豬耳朵-Shake Shake 海苔鹽酥雞-奶油芋泥肉鬆超司葱抓蛋餅-燈籠滷味 (師大豐沛)-手工烏龍麵-燈籠芋見你(甜品)...🥢招牌小吃四重奏$148...🥢古早滷肉便當$78...🥢淑麻香滷鴨血$52

朋友係中環發現咗一間台灣滷水店，咁耐冇去得去台灣夜市，即刻去食下滷味同蛋餅止止渴先。一嚟即刻叫個椒麻香滷鴨血，鴨血夠曬滑，同麻辣味好夾，仲有啲生菜，健康都嚟好入味。透心涼拌皮蛋豆腐，分量又大又清涼，仲有肉鬆同木耳，口感豐富。台灣當然必要食蛋餅，我哋食咗日本豚肉蔥抓蛋餅，除咗泡菜沖繩豚肉之外，仲有邪惡嘅芝士，夾起嘅時候仲有少少拉絲㗎～甘梅香脆地瓜條，香脆得嚟比一般薯條甜同健康。意猶未盡嘅我哋仲追加咗個自由配搭嘅滷味，飽飽地我哋叫咗大腸、唐生菜、同蘿蔔，可以繼續食下滷味嘅同時又唔會太heavy。我叫咗杯冷泡桂花烏龍，清清哋，適合送味道偏濃嘅台灣菜。食咗咁多邪惡嘢，朋友就叫左杯酸梅湯山楂綠茶，酸酸哋又有山楂，幫助消滯。

台灣菜係食極唔厭🤣🤣所以今晚喺中環搵friend食飯即刻揀左呢間餐廳❤️好鍾意佢門口既霓虹燈裝飾！太多野想食，所以揀左二人餐可以試多啲野🤣🤣台式香蒜腸｜腸衣脆身，口感紮實，鍾意佢有夾雜小量肥肉食落更香口😋甘梅香脆地瓜條｜新鮮炸起熱辣辣，非常香脆😍加埋甘梅粉酸酸甜甜，好快手食哂成兜🤣奶油芋泥、肉鬆、起司蛋餅卷｜蛋餅皮鬆軟有蛋香，芋泥濃香軟綿。每款餡料比例適中，同埋唔會一咬就散👍🏻滷味-師大豐沛配手工烏龍麵｜超豐富既一碗麵，有十款配料🤣每款都滷得好入味！燈籠黑糖珍珠奶茶｜珍珠煙韌有咬口，黑糖甜味適中，幾出色既珍珠奶茶🥰燈籠芋見你｜唔好睇佢細細碗，好多配料，仲有紫米同芋泥好飽肚😂食得超滿足❤️❤️❤️

位於中環嘅「燈籠滷味 T.P.E.」，係今年年初開業嘅台灣餐廳🍴。門口🚪就有幅滿載住台灣夜市特色💈嘅打卡牆。今晚收工就過嚟打個卡📸食個飯🍚。見到呢幅打卡牆就更加掛住台灣啦。😌餐廳播放住🔊大家耳熟能詳嘅🎶台灣流行歌。🍜 蔗香台式牛筋條湯冬粉 我地幸運地食到呢碗每日限量嘅。🥳媽咪👩🏻煲嘅竹蔗水飲得多，但用嚟熬湯煮粉嘅就第一次見。😮餐廳🍴仲用咗材料上乘嘅老字號➡️公利竹蔗😍。熬製成蔗汁牛肉湯🤩，消暑清熱😶‍🌫️。絕對適合而家焫焫焫焫焫焫著🥵嘅天氣食。😜配菜入面嘅竹蔗亦都非常多汁。😎雖然無加糖份，但竹庶汁依然清甜。😝牛筋條肉質好腍😚。有好多件蘿蔔，又腍又入味。😙我地揀埋會索湯嘅冬粉🥰，可以襯埋甘甘甜甜嘅湯底一齊食。😉🍱 台灣紅燒牛筋肉滷肉便當便當份量好豐富。🤓有主菜嘅牛筋肉，肉厚又腍身。☺️滷肉飯🍚係我地去台灣必食嘅。🤩仲有醃蘿蔔、黑木耳、滷蛋同索哂汁嘅粉絲做配菜。😍🥤 酸梅湯山楂綠茶生津嘅烏梅味道，加入山楂嘅酸甜味道。😻開胃又解渴。🤤

間唔中都會諗起台灣嘅夜市，夜市其中一必食嘅嘢就係滷味！之前食過銅鑼灣嘅分店，中環呢間多啲嘢食，無論係裝修同埋嘢食上面呢間都好有台灣嘅感覺！▪️蔗香台式牛肋條湯冬粉公利香港人應該唔會陌生。Crossover 用公利蔗熬製，湯底清甜有牛肉香，牛肋條炆得腍身入味。呢排咁嘅天氣，呢個湯夠晒消暑。有飯同埋凍粉，想light dd就叫冬粉。▪️豪吃自由配搭豬耳朵/ 雞翅膀/ 甜不辣/ 野生黑木耳/ 百頁豆腐/大豆皮/ 花枝丸佢哋嘅滷水汁出色用唔同嘅中藥同埋香料熬製，滷水甜得嚟又濃香。滷水料可以自選或暫叫佢揀好嘅配搭，大佬比較有主見自己揀！用嚟索汁首選頁豆腐同大豆皮。想要Q彈有甜不辣同埋花枝丸～ 爽口就有野生黑木耳！再食得地道啲，就記得要揀埋佢哋嘅王子麵☺️▪️冷泡四季春怕肥所以揀冷泡茶，茶味香濃，有回甘又解渴。

在中環處理完要事，下午茶時間周圍搵食，剛巧路過這間門口非常特別，好吸引我入了去。侍應都很熱招呼，環境都很新淨和乾淨，餐牌上太多款式種類，看得我都難以選擇。最後決定點了一款什麼都有的大雜燴，哈哈～是招牌推介，師大豐沛：有雞翼、豬肚、蹄膀、甜不辣、麻吉燒、蘿蔔、大豆皮、杏鮑菇、百頁豆腐、唐生菜配冬粉，最推介的是豆皮，因為超索湯，湯頭超讚，其他滷水都很出色。另外我點了一碟水蓮菜配蟲草花、百頁豆腐、滷肉，因為不是很多地方有水蓮，超爽脆充滿水分，驚喜是蟲草花炸過後感覺像薯條，配上滷肉濃汁，油菜來說都非常出色。另點了一杯特飲～酸梅湯山楂綠茶，是店新出產品，既開胃又解膩，非常滿足的一餐下午茶加晚餐。

喺中環唔一定要食得貴，源自於台北師大夜市的 #燈籠滷味 都一樣開心🤭播住台灣歌手的音樂，雖然沒有夜市的氣氛但坐得舒服，當自己飛左一轉台灣🛫🇹🇼 酥炸皮蛋Shake Shake 紫菜鹽酥雞鴨血糕/杏鮑菇/牛筋肉配油麵大豆皮/鴨胗/牛肚/白蘿蔔配王子麵王子麵幾時都係我最鍾意的味道，配料都要揀吸汁的食材就perfect了！大豆皮有點似山竹牛肉的炸竹(?) 個人大推！另外Shake Shake 鹽酥雞的份量也很多啊！❤️記得在門口打卡扮去左台灣🤭

囡囡今晚須要到中環整理一些工作，順道找我一起吃晚飯，這間店舖佢想試好耐，今晚終於一嘗佢心願！燈籠滷味 - 師大豐沛冬粉（$98）一次過試晒不同的滷味，有腐皮、豆腐、生菜、鷄翼、甜不辣等，配埋冬粉，真係好豐富吖！😋😋古早冬瓜茶（$29）係咁熱天氣之下，飲杯凍冬瓜茶，真的是一樂也，最好就是不太甜！「Shake Shake」海苔鹽酥雞拼甘梅香脆地瓜條（$72)可以將鷄件倒曬落紙袋然後Shake嚟食，最好係唔太油膩同夠香脆！一向薯條我都不太喜歡，反而這個地瓜條我就覺得唔錯，不會炸得太乾，同地瓜好甜！燈籠芋見你(冷）($48）阿囡係竽圓粉絲，一看見這碗甜品就已經變了心心眼😍，一邊食一邊話好味，話竽圓夠煙靭，仲有好多配料，如果唔係我們已經很飽，相信阿囡會食多一碗添！😂😂這間餐廳嘅裝潢幾特別，是女士門打卡的好地方，坐位闊落，服務也很周到，晚上同朋友可以慢慢傾計嘅一個好選擇！

如果我話我第一次食燈籠滷味 會唔會俾人笑㗎🤣揀咗嚟中環分店 因為上網睇過呢度裝修好靚 各種台灣夜市嘅燈箱 金句霓虹燈 餐桌紙上嘅仿台灣招聘廣告 令人置身喺台灣一樣🇹🇼嚟之前已經有晒心水要食啲乜▪️豪吃自由搭配第一樣唔洗講梗係叫滷味啦😋本身餐廳有配搭好嘅滷味麵餐 或者可以好似我咁自由揀✅我揀咗五款餸啊 牛筋肉/雞翅膀/大腸/花枝丸/高麗菜/手工烏龍麵 個人最鍾意大腸 乾淨又好味 牛筋肉都幾厚身 雞翼好入味 每款餸嘅份量都唔少 烏龍麵都夠彈牙🍜▫️Shake Shake海苔鹽酥雞Shake Shake嘅意思 係有個紙袋俾你 將雞件同海苔粉放入去shake🐓Shake之前我哋先試咗原味 鹽酥雞本身已經好香口 夠味得嚟再滲出少少九層塔嘅香味 再加埋海苔粉係錦上添花 令味道更加有層次▪️日本豚肉葱抓蛋餅卷除咗滷味之外 葱抓蛋餅亦都係呢度嘅人氣之選🆙店員推介我哋揀呢款 採用嘅係日本Agu豬 配菜仲有泡菜/洋蔥/芝士 聽到已經覺得吸引🤤事實上亦都好好味 蛋餅做得表面有啲脆身 唔會油膩 包住豐滿嘅餡料 絕對係啖啖滿足飲品有好多唔同嘅選擇🧋我哋揀咗燈籠黑糖珍珠奶茶同香芋鮮奶綠茶 兩杯都唔錯 唔會太甜