燒味滷師 (協邦大廈) (已結業)

年初三赤口適逢情人節，去唔到親戚拜年，所以留左係屋企同屋企人食飯。到左屯門之後，媽咪話唔夠餸，叫我去樓下斬料加餸。估唔到年初三，呢間燒味店就已經開咗門做生意，所以拿拿臨斬左啲燒味返屋企加餸。係度等燒味期間，見到鋪頭有好多仲未燒好既燒鵝，估計呢度係一個自設工場，咁就可以因應客人既數量，而立即準備燒鵝嘅，咁樣可以保證燒鵝既味道同品質。返到屋企，打開個盒，啲燒味既香味已經飄出黎，同埋啲叉燒汁係分開上，咁就唔會令到啲叉燒浸得太耐，導致啲叉燒太鹹，很貼心。燒腩仔啲皮亦都好脆，好有驚喜。呢間燒味店啲燒味令我對燒味有另一嶄新嘅睇法

初三是赤口😝我哋young age 百無禁忌🤣🤣依然晚市禁堂食，親戚過嚟拜年，夜晚又想偷懶唔煮，諗起屋企附近開咗一間即燒燒味初三啟市喎👍👍🎉🎉喺店舖即燒臘檔真係買少見少啦，食物質素一定有保證，仲好食啲添！新開張做緊優惠好鬼抵🥰🥰燒鵝必試，非常香鵝脂肪獨有嘅香味，肉質紮實，肥瘦適中，點埋酸梅酱真係一流🤩🤩客家鹽焗雞$59/隻超值 $30半隻非常入味，雞肉嫩滑，火候剛剛好，唔會過老，薑蔥油調得好好添🥳🥳燒味佬叉燒 呼聲最高好快就清晒啦🤣🤣肥瘦間住口感一流又唔會好肥，好下飯😋😋燒腩仔，老公最愛，表皮吹卜卜，五層腩，好Juicy啊家人一致好評，以後加料有多個好選擇啦😌😌

今日入來屯門探朋友，知道終於開左分店，今次順路買幾款同朋友分享。至尊燒鵝（上庄）皮香肉嫩，加上燒鵝汁，啖啖juicy，鵝肉厚身，齒頰留香，再沾上酸梅醬，啖啖滋味。燒味佬叉燒叉燒紅彤彤，夠喜慶，肥肉比例少，肉質鬆軟。脆皮燒腩骨燒腩皮兆常香脆，腩肉有口感，鹹度適中，唔乾身。客家鹽焗雞雞肉肉質細嫩，多肉汁，沾上沙薑汁，特別鹹香。這分店年廿八開幕，人流好旺，齊齊排隊加餸，新張期間，燒味自取單或雙拼飯$22，好抵食

咁呢日就去朋感友屋企食晚飯，咁就梗係要斬返啲靚料上去啦，咁就見到呢間新嘅燒味店勁多人排隊，仲有新開優惠59蚊一隻雞？！！！真心勁抵食所以即刻排隊🙈咁就買左隻雞，燒鵝燒鴨，仲有叉燒，都好豐富雞有雞味，朋友話食隻雞腳有走地雞既feel tim🤣肉質幾好又滑嫩，59蚊真係超超超抵食🤣叉燒超級推介，佢有明爐係店入面燒出黎，真係好正😆肥瘦適中，味道好好，絕對正過大部分其他市面普通買到既好多👍🏻燒鵝燒鴨都燒得好香，朋友食到都讚

今晚提前做節，所以打算斬料加餸，見到樓下呢間燒味檔新店開張，門面大概有20人排緊隊，排咗大概15分鐘先到我😂😂排隊期間，有個叔叔大叫燒腩仔賣晒，得返其他燒味，有啲失望🤐 不過咁搶手，代表係好野，下次真係要早啲嚟買🤔🤔不過我今次斬買咗燒鴨、燒鵝、叉燒同鹽焗雞～燒鵝燒得幾靚，燒得色澤紅潤有光澤，夠火喉，外皮香脆肉嫩，啖啖肉，咬落唔會韌，有肉汁唔會乾爭爭，又會太肥，剛剛好～～鹽焗雞都唔錯👍🏻入味之餘肉質鮮嫩，各有春秋🤩燒鴨就肥瘦適中，配埋啲酸梅醬食送飯一流！叉燒份量都唔少，而且啱啱好，肥瘦均勻，齒頰留香！總括嚟講，$254有4款燒味，真係物超所值，唔知新店優惠會做到幾時呢😆

不經不覺又到立春， 在古時立春其實已經代表進入新一年年頭當然是要食好啲，於是決定今晚斬料加餸！ 相信屯門牛對BYOB Coffee Roaster這間cafe都不陌生 燒味店就exactly在它對面，相當易找肉的光澤感好吸引嫁呢除了燒味還有其他涼拌小菜、滷味和燒味飯之類一應俱全登燈登凳，太貪心一次過召了燒味四天王回家看來可以食幾餐客家鹽焗雞 $59／隻 買隻冰鮮雞都要這個價錢吧隻雞也不小，一整盒，性價比很高 雞肉沒有騷味， 肉質嫩滑， 點薑蓉送飯很正燒味佬叉燒 $50雖然叉燒瘦肉的部分比較多 但肉汁食落完全不柴 瘦肉而言是頗柔嫩的，蜜汁也很香的 不過如果家中有長輩喜歡食油油的話 最好都是落單時註明要半肥瘦或是全肥老師傅燒腩仔 $64拿到回家外皮還有少脆 脂肪和瘦肉層次分明，沒有肉騷味 本人最愛這個！至尊燒鵝 $110／（上庄） 半價覺得吸引便買來試試 上庄都一大盒，四人食都足夠鵝肉酥香，每塊都是啖啖肉 配上酸梅醬和啤酒，一流

無得出街食飯，唯有星期六斬啲料返屋企加餸啦好多人排隊唔執輸又幫襯吓$59有成隻雞咁抵食仲有好多款燒味/滷味揀揀咗最大路嘅幾款燒味佬叉燒 $50咁多燒味入面 叉燒都算我嘅最愛可可大大啖肉咁食叉燒帶少少肥🤏🏻配埋甜甜哋嘅蜜汁客家鹽焗雞 $59肉質幾滑唔點蔥油都夠味老師傅燒腩仔 $64燒肉皮燒得好脆點埋黃芥末正至尊燒鵝 $110一定要配埋酸梅醬酸酸甜甜咁有啲偏瘦 所以都唔會話好膩新開期間有優惠，好抵食質素中上加餸一流難怪排晒長龍

朋友屋企入伙🥳請囇我地上去食飯~~途中見到而間燒味舖👅👅之前係長沙灣食過覺得好鬼正！！見到而間新開張 當然要斬d料上去加送啦 hahaha 搭正中午食飯時間 而間野真係好多人排隊！！可想而知質素偏高👍🏻👍🏻客家鹽焗雞 🐥雞肉夠囇滑👅份量多！做得非常出色，嫩滑香齊囇👍🏻🤤燒味佬叉燒 叉燒紅紅的外皮 有著蜜汁的亮澤~咬下去肉味夠香濃！識食的都會來食半肥瘦叉燒🤤至尊燒鵝 燒鵝皮脆，鵝脂肪很香！沾上了酸梅醬醬料後再咬下去鵝肉的油花噴出，整個口腔充滿油香味🤤🤤老師傅燒腩仔燒腩仔外皮脆卜卜！咬落好似食薯片咁脆~肉質鬆化夠腍之餘沒有油膩👍🏻👍🏻呢間真係超好食😋朋友仔都食到舔舔脷！！

燒味滷師開到屯門啦！以後想食燒味在新界西都可以搵到又平又靚燒味！位於屯門協邦大廈的一個地舖，傍晚六時許來到，店面二排着長長的人龍，人山人海！看來大家都非常識貨！師傅飛快的刀工，很快就把一個一個外賣準備好！我有屋企添餸，我點了四個燒味！至尊燒鵝（上庄）$110塗滿調味料的鵝，掛進爐裏高溫燒烤，皮脆有光澤，肉汁多而不帶腥，配以酸梅醬食用，肉質肥美鮮嫩，甜甜酸酸，非常開胃！客家鹽焗雞$59/隻這個價錢可以吃到整隻鹽焗雞，是非常化算！鹹度啱啱好，用來送飯簡直一流！雞肉非常嫩滑，尤其是兩隻雞髀，肉質鮮嫩，口感十足，雞皮滲透着鹹香！老師傅燒腩仔$54/斤燒臘店的美味 - 脆皮燒肉/燒腩仔，燒腩肥瘦均稱， 層層相間，咬落有肉汁、有豬肉味兼有陣陣炭火香！ 肉質夠腍又嚼勁，即使放涼咗燒腩外皮仍然好脆！脆皮燒腩仔$98/斤肉質鬆化好腍， 燒腩肥瘦相間！豬肉帶帶微微炭香， 肉味偏甜唔太鹹，有肉汁。叫得脆皮燒男仔，果皮一定非常香脆可口！以後喺屋企煮飯可以加餸啦！又平又抵食又大件！

每逢長假期將至，小編總會口痕心思思變成食肉獸，Enocre過兩次的長沙灣燒味店今個月開左屯門分店啊，有趣店名叫做燒味滷師，老師級的燒味店，老闆曾任職酒店大廚，係世界粵菜比賽(燒味及滷水組別)獲得金獎殊榮，所以做到色香味齊全的燒味滷水系列是無可置疑。排隊期間偷聽到前後都同小編一樣係跨區買燒味，鋪面乾淨衛生，隔著玻璃而掛著的燒味令人安心，所以如果經過市中心附近的話係值得推薦斬料加餸。=̶ 至尊燒鵝上庄$110 =̶推介:⭐️⭐️⭐️⭐️上庄沒有下庄肥美，所以怕肥會選擇上庄，甘香鵝皮，薄身香口，鵝肉口感質地軟腍，原味放入口先將一份口感油香融入口中，將蘸些甜酸醬一齊吃，甜咸交融。=̶ 禾田滷水鴨(半隻)$60=̶推介:⭐️⭐️⭐️⭐️⭐️秘製滷水無得輸啦，咸味之中再帶一份酒芬香，香與味夾得非常滿意，所以幫襯兩次仍然是首選，厚身有彈性嘅鴨肉是食肉獸慾望中的滿意佳品。=̶ 燒味佬叉燒$50=̶推介:⭐️⭐️⭐️⭐️⭐️半肥瘦的叉燒，厚薄平均，店廚刀工不錯，大量的麥芽糖蜜汁在盒底，所以建議先夾出叉燒，然後將蜜汁倒落叉燒上，令其亡沾滿了甜香Juicy汁，甜蜜焦香之中有彈性的口感。=̶ 客家鹽焗雞$59=̶推介:⭐️⭐️⭐️⭐️原隻即叫即斬的鹽焗雞，開張

團年飯除咗食盆菜之外，斬料都係一個好選擇。今日同娘家團年，本來已經訂咗盆菜不過人太多，驚唔夠食，所以又買咗幾盒燒味。呢間燒味店係紅橋，原來仲要新開張。十分難得既係燒鵝係鋪頭燒（我偷睇到個爐），而家好多都係工場大量製作，現場燒真係買少見少。燒鵝係上庄，鵝肉好入味，皮都香脆又唔乾，下次試埋個下庄先。我平時好少食燒腩仔，因為都貴，不過見新開又唔貴就買黎同家人分享下。初初睇以為好肥（我少食見識少），原來白色既唔係肥肉，而係嫩口既豬肉，加埋脆卜卜既脆皮，又唔會好似一般燒肉咁又實又咸，真係幾好食，怪不得燒腩仔比一般燒肉貴啦！不過都貴得有道理。自己都成日整叉燒，不過就好乾。呢間嘅叉燒就好多汁，而且半肥瘦啱啱好。$50半斤都幾抵食，就咁食又得，叉燒炒蛋又得。最抵食喺客家鹹雞。幫你煮埋斬埋都係$59隻，真係平過自己買隻雞嚟整呀！雞都煮得火候剛剛好，肉嫩骨有少少紅又唔會太熟。放工買隻客家鹹雞，煮條菜就可以開飯，真係抵食好食又方便。

剛好收工去屯門虹橋揾一揾朋友，經過呢間新開既燒臘店發現大排長龍，朋友試過話性價比好高，而且幾好食！所以一於買咗幾款燒味返屋企加餸！睇價錢真係幾平！唔止燒鵝做推廣，連全隻鹽焗雞都只係需要$59就有一隻，唔怪得咁多人排隊！買咗4大盒都只係$200幾蚊！真係Cp值好高！好抵食！阿媽都大贊份量好足！叉燒係超級厚切，啖啖肉，蜜汁剛剛好，唔會過甜，色澤超靚！就算係偏瘦，但係D肉都唔會柴！屋企人都話下次要encore！我自己平日都中意食燒肉，可惜係今日去到燒腩仔已經賣完！不過一般燒肉都好食！唔會有過鹹既狀況，塊皮拎到返屋企食仲係脆卜卜客家鹽焗雞平日買冰鮮雞都要幾十蚊，而家呢盒客家鹽焗雞大大盒都係$59，難怪勁多人排隊買！雞肉好滑，本身夠入味，另外仲送咗蔥油同埋沙薑雞醬，適合重口味人士，超級貼心！燒鵝一樣好有水準，我今次就揀咗上庒，啖啖肉而且油香四溢，再煮返個麵黎配住食就一流啦！

紅橋近年美食匯聚，深受屯門友追捧，中電過少少位置新開超大間燒味店，還是現場即燒，非常有睇頭，新張期間，非常之優惠🥳🥳店舖很大，一望入去已經見到大型烤爐，現烤現賣，當然品質有保證啦！除咗燒味，仲有燒味飯添！基本上想食嘅呢度都齊晒，店員好Nice😝一於今晚燒味宴，灼碟菜，褒碗飯，搞掂！😝客家鹽焗雞-新張優惠，抵值$59/隻，好咸香，肉質嫩滑，皮下脂肪吾太肥，配埋薑蔥油，非常下飯😍燒鵝在店舖燒，新鮮出爐，好香呀，皮脆肉嫩，燒鵝汁香惹味，傳統的味道👍👍仔仔最喜歡食叉燒，呢度叉燒算是Signature 肥瘦相間，肉質淋滑，叉燒汁都好好味少少甜🥳燒排骨，好厚切呀😄仲有窿邊效果非常焦香☺️☺️今年新年唔會周圍拜年啦！同屋企人聚會食飯又多個選擇😬🥰

放工後附近見到呢間新開燒味滷師，見到人頭湧湧，一睇發現新開張價錢幾優惠，於是買幾盒外賣燒味返屋企，等父親大人唔洗煮餸煮得咁辛苦﹗顧客可以清楚見到師傅現場斬料，職員會溫馨地提示燒鵝返屋企打開蓋仲熱﹗至尊燒鵝:盒上面開左個細洞，汁醬體貼地分開裝，點了下庄部份。燒鵝皮香口，肉質嫰滑帶油香，最鐘意個汁醬，真係好香濃入味，聽日撈面食都得﹗客家鹽焗雞:$59一隻真係好抵，幾大隻，兩老都讚雞肉鮮嫰，有彈性，厚薄剛好，點上少許蔥油來吃，特別滋味﹗燒味佬叉燒:叉燒半肥瘦，香厚潤澤，厚薄適中，蜜汁香甜，送飯一流﹗老師傅燒腩仔:鹹度剛好，肉質紮實彈牙，點上少許芥未醬，別有風味﹗新開張價格優惠，食物質素不錯，確係斬料加餸好選擇﹗

新開張， 冇堂食， 不過疫情都習慣左買外賣。 疫情間小食左好多燒味， 始終整好左一段時間， 又摸又切有點擔心。 但係見燒味哥哥又口罩又手套， 大汗疊細汗都一直唔除， 又特價試食（ 死窮鬼貪平就貪平啦) 。 22 蚊雙拼飯， 59蚊飯雞又真係幾平， 老老實實唔知做到幾時， 到時唔係呢個價唔關我事。行埋去買飛， 叫個最簡單嘅叉燒燒肉飯， 由於太多人都要等左大約15分鐘先到手， 見有手撕雞買盒晚餐試下。到左可以食嘅地方， 開盒， 送唔算多（22蚊你想點)。 基本燒味水平冇咩驚又冇咩喜， 手撕雞要左盒辣嘅， 雞都有雞味， 調味香辣又有芝麻60蚊不過不失食得過。基本上都ok嘅， 有多個選擇， 起碼多人排下隊有點人氣當新年前熱鬧一下。 😅