燒皇燒烤雞煲專門店

营业中

休息中

又黎上水食好野呢間有雞煲＋串燒，感覺多元化雞煲有麻辣果啲平時都有既湯底，但特別在有椰子雞煲感覺上好似好清淡，但又未試過，所以試下佢起初我以為落錯左藥善雞煲，原來係有紅棗既試下就咁飲個湯底，係超甜而帶有椰子味出乎以料，唔錯落左啲芫茜去淥，淥完已經無芫茜味，ONLY甜味叫左少少串燒茄子不過不失個牛舌有點UN蟹子丸好食！雞泡魚干好正，不過要襯熱食，凍左就有啲難咬整體黎講，椰子雞煲讚，不過就貴左少少個人認為可以就咁叫個雞煲再加串燒，而唔叫火鍋配料都OK

已經好耐無食過雞煲，聽中學同學推薦上水舊墟有間又平又好食嘅雞煲同串燒，即刻約出嚟試吓佢。因為疫情關係，好耐無返過大陸食椰子雞煲啦。香港好多地方都只得麻辣雞煲揀，要讚吓呢度有椰子湯底，清甜又香椰子味，煲內仲有一片片嘅椰肉可以食，湯底都唔馬虎、十分足料！雞嘅份量亦都十足，有成隻雞，唔驚唔夠食呀。火鍋配料方面好多款式揀，推薦款式有豬紅，仲有平時好少會見嘅紅薯粉都有好煙韌，平時鐘意食酸辣粉嘅一定要試吓啦！呢度除咗雞煲火鍋之外，仲點少得試埋串燒。串燒方面好多款揀，由海鮮到肉類都有。我地今次就試咗幾款。特別推薦豬頸肉，大大份，燒到好香，食落唔會韌。另外仲有串燒雞軟骨、牛舌同牛柳粒。串燒真心推薦，全部都好香孜然味。

因公事要到上水跑一趟，天氣熱辣辣又攰又肚餓，經過店家聞到香噴噴的串燒味道，被香味吸引進店。座位闊落有空間感，點菜紙選擇款式多，一眼望落去有差不多幾十款串燒 ，勁正！又有多款超新鮮海鮮推介！當然唔少得香噴噴的川味雞煲啦！風味炒蜆見到人氣推介風味炒蜆，決定試吓辣味開下胃，大大碟有大排檔風味，炒蜆 惹味，粒粒脹卜卜，肥美飽滿，入口鮮甜沒有沙。燒雞泡魚乾平時去日本居酒屋送酒最喜歡食的 燒雞泡魚乾，估唔到川燒店都有得食，尤其是配上七味粉和蛋黃醬，味道更有層次，來這裏伴啤酒一流。芝士黃金燒元貝這裏的海鮮類串燒亦都值得推介！私心超喜歡吃芝士，所有海鮮都新鮮入貨，外表賣相金黃色，豐富的芝士汁燒元貝，肥美肉厚的元貝肉，啖啖鮮味。燒鰻魚這裏的燒鮮鰻魚一客有三串，非常抵食！ 燒鰻魚生熟度剛剛好，皮脆肉滑又多汁，鮮甜冇腥味，食過返尋味！燒韭菜素食人士都有啱口味的串燒 ，燒韭菜 灑上香辣粉，四川風味出晒嚟！燒牛柳粒、燒花枝丸、燒雞翼，各適其適的串燒，價錢經濟，質素又唔差。麻辣雞煲自家製 麻辣雞煲，濃香四川麻辣口味，聞到香味都已經流口水了！即叫即製，上枱時店員還會親自大火炒幾下，再細火煮多5分鐘就可以食了。勁濃郁

上水呢間雞煲串燒店，越夜就越多人。無他嘅，因為佢款式多，選擇多，而且價錢合理 ，仲開到凌晨兩點鐘，所以好多人嚟呢度食宵夜。 嚟到呢度梗係要食必點嘅椰子雞煲。真係唔係度度有咁清甜感可口嘅椰子雞煲食。雞肉，椰子肉分量足，已經可以夠兩個人食到半飽。因為太好味嘅關係我連個煲都唔記得影。湯底真係一流，非常非常清甜，淨係飲過湯都值回票價。 食完椰子雞煲，當然唔可以浪費佢個湯底。要叫呢碟頂級嘅安格斯肥牛，同埋非常新鮮嘅廣島蠔。睇相都令人食指大動啦！估唔到廣島蠔咁抵食，有成八隻咁多。一般日式火鍋根本唔會畀咁多。安格斯肥牛唔使講啦，一貫嘅濃郁牛香味，入口嫩滑口感一流。 呢碟尖椒真係辣到我流曬眼水。如果你唔係食得好辣嘅話建議大家都係唔好點，因為真係食到標曬汗，差啲連味覺都冇埋，好彩飲多兩罐嘢中和番，先有返啲口感。 呢度最特別嘅就係好多海鮮食。叫咗大眼雞，一碟有兩條，加埋佢個特色惹味醬，真係好好食好夾。雖然肉質係鞋咗啲，但係大眼雞嘅味道，真係好適合燒烤。 講到海鮮當然唔少得大蝦，大蝦雖然唔算平，但係口感彈牙，蒜蓉非常足料，咬落去陣陣嘅蒜蓉香 非常惹味。 其實佢仲有幾款海鮮揀，不過我就比較鍾情大扇貝，因為夠曬

早排相約好友去了上水呢度品嚐美食，開飯嘅地方係車站沿商場直行就可以去到相當放便，平時都有行過嚟食下嘢，知道有多間特色小店經營平民風味美食，至於今晚開飯嘅小店综合多款美食都係多得好友介紹，入去已聞到陣陣香濃雞煲之餘，餐單上仲有一系列串燒提供，同一時間享受會食得特別滿足，點了幾款串燒食住先先來有人氣推介燒法式鵝肝多士，脆卜卜多士配上香嫩嘅鵝肝，食落滿口肉汁口感一流另一款係金菇牛肉卷肥牛油脂包住爽滑金菇同厚切牛舌，用上川式燒烤帶點香辣食落好有風味，串燒一定要食番件燒特大茄子份量十足沾滿蒜粒同葱花香味十足，撕開絲絲茄子肉咁食先滿足，海鮮類有蒜茸牛油燒生蠔，肉質飽滿又鮮甜多汁食完一輪川派串燒緊接美食係雞煲時間，口味有麻辣、酸菜、藥膳、椰子四款，我哋點了麻辣雞煲食落會比較刺激香噴噴嘅麻辣雞煲滾起開始品嚐一下味道，雞肉沾滿麻香味醬汁，入口啖啖肉夠晒滋味再配個白飯撈埋汁一邊食更滿足，雞煲食完到火鍋，又可以慢慢食多幾款火鍋配料完美地享用一餐晚餐。

今天去上水探嬸嬸，談到久沒外出用膳了，嬸嬸和堂弟推薦到附近一家雞煲串燒店吃晚上飯，怕熱氣又卻之不恭，豁出去啦。店子門面不算大，內裡亦明亮乾淨，點菜重任就交給熟門熟路的堂弟好了。先來杯啤酒，清熱解暑，爽。大大條的燒茄子，腍滑入味。燒菠蘿又香又開胃。蒜蓉燒生蠔，蒜香濃郁，蠔肉爽滑，不錯吃。蒜蓉燒元貝，鮮味十足，回味無窮。燒蟶子，清甜爽口，好吃哦😋燒雞泡魚乾，送啤酒一流。炒蜆香辣味濃，肉質鮮美。燒原隻魷魚，又是另一樣出色的下酒小吃，鮮爽好吃。燒豬仔肶肉質嫩滑，汁多味美。鵝肝多士香脆甘美，好吃。燒牛柳粒，肉味香濃，汁液豐富。椰子雞煲（半隻雞）香氣四溢，湯水清甜，湯料豐富，內有椰青水和椰青肉，不會熱氣。

天氣熱辣辣最好就係開大冷氣食雞煲，今次去依間上水的燒皇燒烤專門店，除左有雞煲仲有串燒等燒物，我想食既嘢都有齊晒。 我朋友唔太食得辣，所以我地點左椰子雞煲（半隻），加拿大特級牛肩肉及安格斯肥牛，白鱔片，響鈴，娃娃菜，燒物叫左鵝肝多士，燒蠔，遞單時店員好意提點燒物可以食完雞煲先點，我地都大讚佢夠細心。 椰子雞煲好香椰子味，原來係用新鮮椰子，加上雪耳，紅棗，杞子等等配料，未食已經有味覺的滿足，侍應代為落雞件，我地叫左半隻都好多件雞，滾起後朋友先飲一啖湯，大讚清甜，我地當然唔好執輸一人飲一碗，真係好清潤。至於配料，我覺得牛肩肉及安格斯肥牛各有各好，牛肩肉油脂偏少，但牛味香濃；安格斯肥牛偏肥帶油脂，入口溶化，二款牛都係我的最愛。 食到最後太飽的關係，我地只點了鵝肝多士，鵝肝比較細和薄，口感欠奉，但多士蒜容味香焗得夠脆口，下次要留肚再試埋其他串燒。

早前去上水探朋友，朋友帶我去佢屋企附近的燒皇燒烤專門店食雞煲，在上水港鐵站過去要10分鐘左右，唔熟路的我用地圖帶路都易搵到，招牌以火燒的圖案作底，一睇就知夠晒熱辣辣，不過除左麻辣雞煲之外，仲有椰子雞煲、藥膳雞煲，小朋友都啱食。牆上多款餐牌介紹，仲有是日海鮮和必食推介可以點選，食物種類繁多，諗左好耐都係參考openrice 食評，好多人都大讚椰子雞煲，一定唔會中伏。雞煲以外仲有多款串燒可以點，我地怕太飽都係食完先再決定。椰子雞煲果然係必食之選，用上新鮮椰子仲有其他滋補的配料，椰子香味遠遠都聞得到，頭啖湯有清甜的椰子味，加上紅棗和雪耳，好耐無飲咁正的湯啦。食完雞之後，我地仲有新鮮鱔片，娃娃菜和響鈴，清清地好啱口味。最後個肚仲有位剩，叫埋佢焗蠔試一試，新鮮生蠔加上蒜蓉和辣椒仔，蠔肉肥大肉厚，食一隻真係唔夠喉，唯有下次再食，睇返資料原來依間店仲有另外2間晌荃灣同新蒲崗，下次經開要去試下。

山長水遠去上水見客，做完嘢已經係傍晚，同事想一齊食埋嘢先走，又好啫，見呢間食評似唔錯，就決定响度食。揀咗啲串燒、燒海鮮同埋椰子雞煲。燒牛柳粒，肉味香濃燒雞泡魚乾，送啤酒一流。肥美鵝肝多士香脆，燒蟶子，爽口清甜燒原隻魷魚，爽脆彈牙蒜蓉燒生蠔，蠔肉柔滑蒜蓉燒元貝，鮮香味足炒蜆香辣味濃燒豬仔肶肉汁豐富，肉質嫩滑燒茄子超大條，好惹味。燒菠蘿好開胃。椰青夠凍又清甜。椰子雞煲（半隻雞）湯料豐富，香氣四溢，湯水清甜，好飲不熱氣，雞肉嫩滑，雞味濃郁。呢間好味又好食，可以再來。

呢日同一班朋友諗住敘舊，就嚟到屋企附近嘅呢間雞煲火鍋店。店面環境算闊落，而且有做好間隔防疫措施。一睇個餐牌，發現食物選擇真係好多，除咗雞煲仲有啲串燒食。我地就嗌咗個椰子雞煲同啲燒物食。呢度上台個煲同啲雞係分開先，可以見到個湯底入面有唔少椰子肉同紅棗雪耳等，睇落好養生，而分開上嘅雞肉上都擺咗啲椰子肉，完全足料，所以煲到後面個湯真係好清甜好正！我地都叫咗唔少火鍋配料，呢度嘅一份其實都已經好大份，所以嚟到要酌量落單。配料入面最鍾意佢個蝦滑，食落真係啖啖蝦肉唔會有溝咗好多粉嘅感覺。另外呢度嘅牛肉唔同平時火鍋薄切個種，會比較厚身少少，食落好有牛味👍🏻呢度除咗火鍋抵讚，串燒都好惹味。我地落咗串燒必叫嘅韭菜茄子等等，肉類叫咗京蔥牛舌同筒魷，全部都好高水準，灑係上面嘅孜然粉完全啱啱好。今次嚟鵝肝多士咁啱賣哂，下次會再嚟試埋佢！另外值得一提，呢度嘅員工服務都好好，而且上菜速度好快，又冇漏單，真係好抵讚👍🏻

一向好鐘意雞煲+邊爐既配搭，呢到雞煲既款式都幾多，連酸菜雞煲都有，我地最後就試左椰子雞煲！ 好足料，而且去到最尾，湯底好清甜啊！食完雞煲就可以打邊爐，呢到特別既地方係佢仲有串燒食架！ 我地叫左燒菠蘿、燒韮菜、燒雞軟骨等等。燒原隻厚身魷魚好吸引！ 真係原條咁上，醬汁甜咸度岩岩好，魷魚又唔會過un ! 之後仲叫左風味炒蜆，都好惹味！芝士牛油焗金菇都好推介！呢個組合真係唔會輸！串燒特大茄子都好好味。燒豬頸肉都好有驚喜，好易咬唔會un，燒到少少焦邊，好脆口。火鍋配料方面，最鐘意就係個蝦滑同墨魚滑雙拼，好彈牙！肉類方面，份量完全比足曬，牛肉片好重牛味！呢到仲有薯粉！即刻叫左2碟試試。

我個住上水嘅舊同事係咁同我推介佢屋企附近有間好正好抵食嘅雞煲兼串燒店，問左我好耐幾時入去同佢食🙈 拖左佢幾個月終於應承左佢😂 不過好彩我應承佢先試到咁正既雞煲！！😱夜晚未夠7點去到唔駛等位不過好快就full晒lu✌️佢話我一場黎到我發板就得，哈哈！我叫咩佢都食～結果我叫左想試好耐但一直都未試過既椰子雞煲（半隻）🙊配料叫左粟米，手打蝦滑拼墨魚滑，芋絲，鮮竹笙，牛柏葉～串燒就點左雞泡魚乾，菠蘿，雞腎同花枝丸，全部小辣另外加左杯鹹檸七～店員一捧個椰子雞煲過嚟就聞到超香！！😍 湯底滾左之後佢就幫我地加啲雞落去，啲椰子勁清甜勁好食！！😱粟米好新鮮飽滿，好多水分好甜😁蝦滑同墨魚滑都食到真材實料，非常彈牙😋特大鮮竹笙真係幾特大😂 顏色天然係偏黃唔似漂白過👍👍 我哋打到中期先食竹笙，所以索晒個清甜椰子湯底，加埋啲雞湯精華，真係不得了！！🤤🤤🤤雞泡魚乾甜中帶小辣，唔會燒到乾👏🏻雞腎同花枝丸都係燒得好香，雞腎十級爽口！！😋菠蘿就咁睇好似好乾，但係食落去勁juicy！！而且有種焦糖既香味🤤唔怪之得個舊同事俾我拒絕左咁多次都咁努力不懈叫我黎試😂😂 以後我地食飯就會多個飯堂選擇👏🏻👏🏻

店鋪是在上水的一間小店因為是小店的關係，所以座位不算太多。我是附近的居民，因疫情關係，也有一段時間沒有打邊爐了，趁疫情緩和，與家人一起找找打邊爐的店鋪，朋友便推介了這一間。朋友推薦的椰子雞煲，雞是用碟盛好整隻拿出來，店員還問我們要不要雞頭，說完不要就替我們倒下去，沒來得及影相，但雞和椰子是相當足料的，而且雞也相當肥美。滾一會便熟了，隨之而來的就是陣陣的椰子香味，鮮甜味十足，我和屋企人當湯喝了幾碗才下配料除了打邊爐外，烤物也相當吸引，我個人相當喜歡燒茄子和尤魚因為吃的食物頗多，難以一一評論，放圖給各位看一下，也是相當有質素的。另外需要一提的是，食物一般會有點辣，相當適合我，若果不吃辣的，記得向店員提出了

近日包糭包到累，所以就提議今晚出去食。 屋企人想打邊爐我又想食燒烤，最後去左呢間。食物選擇既野都多元化價錢唔算太貴， 都合理。椰子雞煲又香又甜，一隻雞都好足料，內面好多椰肉。 忍唔住飲左兩大碗。 鵝肝多士又香又脆，一人半件減下罪惡感。燒茄子又大又香，落調味都ok 唔會太咸。 芝士什菇咸左小小，但芝士味濃搭夠。 牛舌、雞軟骨 又香又爽。 雲吞放湯度，湯皮滲晒湯味，成個雲吞即刻好味左好多。牛肩肉好大碟 ，不過雪味有點濃，幸好都係湯底夠味好正。 全晚最愛 燒雞全翼，好香蜜糖味 燒得又香又脆。