燒皇燒烤雞煲專門店

营业中

休息中

天氣轉涼，趁今日早收工帶屋企人去食雞煲！雞煲有三款口味我地就揀左麻辣雞煲少麻少辣店員一上雞煲時我地全家即刻心心眼真係好香啊！開火煮到滾再焗五分鐘就食得全程店員都會幫手 唔識擔心 負責食就得😂雞皮微焦 肉汗多又夠滑 重點係超入味 連雞煲裡面既洋蔥都係精華 吸哂雞既精華同油香我地四個人嗌左一隻雞 價錢係$198cp值好高！雞煲食得7788就可以加濃湯打邊爐啦配菜方面我地點左菜同安格斯肥牛安格斯肥牛脂肪分佈得均勻色澤好靚放落爐煮5秒食得，肉質嫩到不得了另外串燒方面我地點左牛油金菇其實好多地方都有得食而呢到既牛油金菇獨特之處就係落足料大量既牛油同蒜落去調味 再加埋邪惡既芝士鋪係面燒香 真係好好食！我地仲叫左聖子皇 100@3隻呢個好抵讚 因為價錢唔貴我地都無expect果咁大隻上面加左蒜容同辣椒 好新鮮 食落好爽口總括黎講呢到既服務質數好好，員工好親切，野食好食得黎又平!下次會再帶家人黎！

今晚同同事喺新蒲崗收工，同佢喺附近揾野食，佢話食開既燒皇喺附近開左分店，咁我就跟左佢去食下，睇下係唔係真係咁勁！7 點幾去到，都幾乎坐滿人，經理話下次可以打定電話嚟留位，不過我哋兩個人好易搞，好快就安排到位俾我哋入坐，餐廳內充滿著勁香既燒烤味是日精選同廚師推介都貼左喺牆身既黑板度，好似係會因應來貨而變！落單係用點心紙型式，除了燒烤外，仲有雞煲既配料，所謂選擇真係好多，塞滿兩版點心紙！先嚟到係好有咬口又惹味既牛舌，肉汁豐富！跟住有燒紐西蘭上級羊架，香草味突出，肥瘦適中，咬落肉汁豐富，羊味都幾重，$40 嚟講又真係幾抵食再嚟係川燒特大茄子，唔係講笑，真係幾大隻，蒜蓉好似唔洗錢咁，鋪滿左喺茄子上面，醬汁同蒜蓉索晒落d肉度，除左食到軟稔既茄子肉外，仲有帶點辣既味道！ 呢個又係必食推介！韭菜呢d係燒烤必食項目，中規中矩，唔會燒到太乾，孜然粉又唔會太多創走韭菜既甜味！食過幾款燒烤後，椰子雞煲都終於出場！ 雞煲有好香既椰香味，少量既藥材味，份量十足！平時食雞煲雞係重點，今次我覺得有d例外，清甜既椰子湯先係重點，雞肉吸收左椰子湯變得甜美，唔似平時食雞煲咁濃味！最後出場既兩個燒烤係我覺得今餐最好食，先

今日同朋友仔去新蒲崗為咗份功課做資料搜集，到咗夜晚就順便食埋飯先返屋企。見天氣涼涼地，經過又見到燒皇燒烤雞煲專門店，就諗起好耐冇食雞煲，所以就入去食。入到店鋪入面，見地方唔大，但係D客就絡繹不絕。我同朋友仔都喜愛食辣，所以點咗麻辣雞煲，為咗可以留肚食多d野，叫咗半份雞。呢到有得揀要幾麻、要幾辣、需唔需要走芫荽、洋蔥等。我地驚太辣太麻，但又唔想BB麻BB辣，所以我地揀咗小辣，朋友仔唔食芫荽同埋洋蔥，所以揀埋走芫荽走洋蔥。師傅炒好個雞煲之後先上枱，令到個雞煲更香。上枱之後，店員仲會開爐幫手撈一撈，再焗一焗，務求令個雞煲完全熟透，但又唔會過熟影響肉質。所以焗完一開蓋，麻辣雞煲既香味立即撲鼻，香、麻、辣俱全，肉質嫩滑，令人冇辦法停手，食完再食。不過我地都認為我地揀得太保守，下次可以揀中辣，過一過癮。食完雞煲之後，店員就加湯預備打邊爐。配料雙拼($34)揀咗魚皮餃同埋芝心丸，都係我打邊爐常食既配料。手打墨魚滑可以隨自己喜好分大細size，淥好後食落口感彈牙，墨魚味香。自家水餃餡料有木耳絲、豬肉碎、椰菜絲，十分清甜，但略嫌水餃皮鹼水味較濃。呢到除咗雞煲之外，串燒都係非常出名，所以我地就叫咗一D串燒

同老公係附近睇完醫生，就順道食埋個晚餐先回家。穿過新蒲崗既大廈，會發現有好多食肆，成條食街。秋風起好想食雞煲，見到呢間仲有串燒食，真係唔諗甘多了！入去先邊歎雞煲，仲有好多花款海鮮食，非常good呀！藥膳雞煲係主打，當然亦有辣雞煲、椰子雞煲等等，選擇非常多！藥膳雞煲($138），因為兩個人食所以先揀左半隻雞，再試其他野！嘩嘩嘩！無諗過，真係堅足料，仲要唔係普通貨仔，樣樣都係大補藥材，仲加左酒，好香仲好暖胃！大家一定要係未落其他野之前歎返碗湯！而個雞係非常滑滑 美國頂級安格斯肥牛$128，必試，唔肥又唔瘦，口感一流，而且真係有牛味！日本黑豚豬腩肉$48（小），薄切，都不錯！娃娃菜$28，新鮮，而且菜又入哂個湯汁手打墨魚滑$58，食得出係真手打，又有墨魚粒粒！所以入口好彈牙，又有咬口！再來一round 豐富海鮮餐，叫左（燒元貝$80、燒聖子皇$80、燒貴妃蚌$55），雖然全部係蒜蓉牛油，但燒既話一定係呢個做法最好！每一樣海鮮都食得出係新鮮，所以好抵食咸檸七$22，一邊食一邊飲呢杯咸檸七，真係好爽！本人向來喜歡這小店製作，味道有水準，而且服務一流，又有親切感！遲d冬天必定要再來多次encore

Heard a lot of good comments about this restaurant from my friends. Therefore, asked few of my fiends and tried it last week. It was on a Thursday, and we arrived around 20:00, and it was full house already. The restaurant can served about 25 customers. Difference chicken pots and BBQ skewers are 2 of their main signatures. Overall, I’ll rate the restaurant 4/5 and will definitely come here again and also recommend to my other friends and relatives to come try.Coconut Soup Base Whole Chicke

本身想去新蒲崗MIKIKI一田買野，順便食埋飯，但入停車場條隊太長了，於是放棄泊商場，唯有轉入內街搵位泊啦。去到衍慶街，泊低架車，就見到呢間燒皇燒烤雞煲專門店，老婆突然話想食雞煲，我話都好喎，橫掂好耐都無食過了。雞煲有麻辣、酸菜、藥膳，仲有養生推介嘅椰子雞，半隻$168、全隻$228，剛巧隔壁檯就係食緊椰子雞煲，比佢個椰香吸引住，於是就決定叫呢個椰子雞煲。除左雞煲，呢度仲有各式各樣嘅串燒，海鮮類、肉類、素食類等等最平$12已經有一串，價錢合理，人多可以叫多幾款添。ORDER完串燒，雞煲就黎啦，原隻雞夠晒肥美，店員將雞倒入窩內，話等12分鐘係最佳時間。轉頭一打開蓋，椰香撲鼻。再黎每位一碗椰子雞湯先，味道清甜，夠晒滋潤。炒蜆夠辣夠惹味，最重要係無沙，唔會食到「嗉嗉聲」，而且都幾大隻，份量又多，成碟滿滿咁上檯。蟶子王同大扇貝同樣份量十足，而且都做緊優惠，每隻$45，叫兩隻都只係$80，慳番啲錢又可以叫多幾串串燒啦。呢條大烏頭因為分左邊，燒得夠香又唔會太乾身，而且啖啖肉，非常吸引。串燒到啦，有燒牛舌、燒雞腎、燒雞軟骨、燒牛柳粒等，全部都燒得夠香口惹味，老婆就最鍾意牛舌，而我就鍾意佢個牛柳粒，啲

叫左個麻辣雞煲，好正，好野味，小麻小辣味道剛好！原來送上雞煲時，未係全熟，店員會起你面前炒雞，香到不得了！雞好滑，半隻價錢合理，一隻仲平小小，但我們3個人，半隻食完加湯打邊爐，再叫d串燒！有燒海鮮，我們叫左蠔同聖子！又雞煲又串燒勁滿足，開到2:30 ，宵夜可以慢慢食。

朋友大力推薦佢屋企附近嘅一間BBQ食店, 好啦~一齊去食啦! 入到去舖位唔大, 座位比較迫… 有得打邊爐,又有得食串燒, 兩樣我都好鐘意, 所以決定兩樣都食!我地叫左一隻雞, 椰子椰汁湯底, 煲左大概10分鐘, 隻雞雖然唔係好入味, 但雞肉又香甜又嫩滑… 食左個雞之後就要進入串燒環節喇燒法式鵝肝多士, 多士做得非常脆, 燒過嘅鵝肝出狙D油脂更香口!川燒特級茄子, 茄子真係好大條又厚肉,上面厚厚嘅蒜蓉加埋辣辣地嘅調味, 好正呀燒牛肋胸, 份量好多, 4個人都差D食唔哂. 牛味好重, 比較有o趙口, 燒得恰到好處, 真係唔錯!!芝士牛油焗金菇, 通常自己食都唔會加芝士, 但原來加左係咁好味架!!!!! 有創意~我鐘意 <3蒜蓉牛油燒生蠔, 大量蒜蓉加少少辣椒, 有點偏鹹, 蠔肉厚, 啖啖肉!仲點左燒雞中翼, 燒雞軟骨, 川燒蒙古羊肉, 微辣, 唔羶, 燒得剛好… 食哂串燒之後, 我地就開返個爐,頭先食完嘅椰子雞煲煲完先後超級甜, 食完D熱氣野飲幾啖湯, 真係好正呀… 飲下飲下, 差D成煲飲哂…勁飽, 勁滿足!!

新蒲崗 以往繁華嘅工廠區。另一間新開嘅餐廳，叫做燒皇燒烤! 外以為係一間普通嘅茶餐廳， 但係高手卻在民間裏。入面座位 唔多想食記得早啲到，叫菜之前除咗睇menu仲記得要睇下場上面嗰個嘅blackboard 睇下今日有啲咩新鮮食材!今次我就揀咗海鮮燒烤， 打頭盤嘅就係燒生蠔。 兩粒嘟嘟白雪雪嘅生蠔燒好擺喺面前香噴噴。跟住就係咪幾嚴重推介 - 聖子皇 , 應該係超大聖子皇！ 唔講你唔知 食海鮮乾淨衛生果緊要。 呢間燒皇餐廳 張聖子 清潔得乾乾淨淨 內藏裙邊 都同你清潔得 一塵不染！再嚟兩個 燒帶子! 大家睇睇 除咗 帶子同裙邊之外， 其他內臟 器官全部已經畀師傅清潔得乾乾淨淨， 食得安心又放心。仲未夠喉? 整多兩隻燒大蝦! 白灼蝦你又見得多。 你冇留意白灼蝦係唔會同你 清潔 蝦腸?而不少日本壽司 刺身 都唔會同你清潔蝦腸的。反而燒皇燒烤 燒烤方法相對重口味 但係 師傅都幫你細心咁將蝦場全部清潔得一乾二淨 我見細心功力之處。最後呢個我叫佢做魔鬼蟹蓋 >=< 你睇下佢啲蟹膏 幾咁魔鬼！ 食完要跑步環繞地球三週半先得。仲要記得試下佢哋嘅新鮮即開椰青 原汁原味凍冰冰，身心爽曬。

從來沒有帶爸媽食串燒和雞煲，上得茶樓多都悶，所以這晚心血來潮在openrice找找他們住區附近有甚麼好吃的，發現新開的燒皇燒烤雞煲專門店，就一於帶他們試試，帶來很大的驚喜⋯⋯位於新蒲崗，爸爸好熟路，反而由他帶路，來到燒皇燒烤雞煲專門店，座位雖然有少許迫，但氣氛相當不錯，店員友善又好客，跟食客打成一遍，在香港難得找到這種人情味小店，難怪整晚人流不絕⋯吃燒烤當然以海鮮為主，另外餐廳還提供雞煲及火窩，選擇多多⋯大力推薦這個椰子雞煲，雖然椰子雞煲不是甚麼新款菜式，但用上真材實料的真正「椰子雞煲」還是第一次，沒有改個花巧的名字，沒有吹噓的宣傳及推薦，低調又沉實地讓客人選擇雞煲款式，幸慶我們選對了，燒皇的椰子雞煲用上新鮮椰青水，再加上雪耳、椰肉、紅棗來煮成湯，椰青水以外沒有添加任何水份，赤裸裸的將椰青的鮮甜與清香散發出來，湯滾後店員幫忙將原隻雞放進湯內，煮12分鐘就可以享用，確確實實用上真材實料來煮的雞煲，開動前當然要先嚐嚐湯的清甜，而且非常滋潤，很適合近日乾燥天氣，我們每人都喝上幾碗，大家都讚口不絕﹗雞肉又厚又滑，嚐完湯及雞肉後可以請店員幫忙加湯，然後開始火窩，原來不單雞煲真材實料，連加湯的湯底

【新蒲崗雞煲】探開朋友黎到新蒲崗就記得之前係荃灣食過一間出色雞煲好似係附近開咗分店. 嫩雞又滑又夠晒入味, 椰子雞無咁油膩, 加埋老闆推介嘅青檸汁落豉油到, 女士們唔駛擔心有罪惡感啦 食多幾件雞就開始黎串燒喇~!蟶子多數食蒸多因為怕太乾, 黎到呢度就試試燒蟶子皇, 估唔到加埋辣椒啊蒜蓉啊蔥花去燒都幾好食, 唔乾得黎都仲有鮮味.然後上碟嘅係牛舌, 雞軟骨同埋金菇牛肉卷, 牛舌叫咗兩種口味, 原味同埋汁燒京蔥, 特別推介汁燒京蔥, 一啖蔥一啖牛, 原來加埋可以中和返油脂, 味道都好夾!燒秋葵配埋芝麻+調味粉,  啱噹想食串燒嘅女士們喇, 又可以食到串燒又唔駛怕肥 ^__^丸類方面叫咗燒花枝丸, 大大粒一串有三粒, $12 價錢算合理.最後串燒必食牛柳粒, 果然無失望仲叫多咗2串, 呢間串燒真係魔鬼黎, 食極都咁好味嘅!  *一開頭同朋友都擔心緊椰子雞煲會唔會比較辣味無咁惹味, 原來真係擔心多咗. 推介!*

雞煲的季節今次覓食覓到去新蒲崗! 黃大仙地鐵站得十零分鐘就到, 地點算方便易搵. 行到附近已經見到大大個招牌.呢到雞煲都好多種類, 有辣有唔辣任君選擇, 一於試試佢嘅椰子雞煲. 店員問我地試唔試飲啖湯先, 我地本身都驚油因為始終係雞湯, 但見佢咁有誠意就硬住頭皮try try…..點知….同朋友望住大家一齊講~~好好味啊！湯底好鮮甜, 可能加咗紅棗﹑雪耳同椰子。太有驚喜 食咗大部份雞之後就開始加料打邊爐喇, 唔好見佢鋪仔細細, 配料都好齊, 基本嘢有齊哂, 仲有海鮮添.不過我地想試下串燒關係就只係叫咗芋絲啦. 吸哂雞湯好入味. 黎到重頭戲串燒喇! 燒茄子絕係係串燒界靈魂, 好驚個D燒到唔熟 / 太乾個D, 呢到無失望啊蒜香多汁又唔乾, 值得一試!  芝士牛油焗金菇 - 大大塊芝士放係面, 啖啖都係大滿足. 燒秋刀魚 – 加埋檸檬汁, 肉質唔算乾, 皮又燒得好香口, $30一條算好抵食.最後黎多串燒雞翼我鍾意食, 加埋秘製調味粉, 一串兩隻真係唔夠喉, 所以忍唔住ENCORE多咗粉. 炒蜆呢到都有? 我地叫咗個辣味炒蜆, 雖然又無大排檔個D咁有鑊氣, 但都好惹味同埋唔係得D穀好多蜆肉 *

新蒲崗新開左間燒烤雞煲火鍋店，開正我地兩公婆果范~我地間唔中就北上去4果間某某4季椰子雞~~不過次次都要搭好耐車, 花錢花時間.估唔到而家在香港都有得食了~~時令野都有幾多好野食, 海鮮, 燒物都有好多款, 價錢公道~重點是呢個椰子雞, 同我在大陸用人民幣埋單的價位差唔多, 抵呀!雖然叫左椰子雞，但都想飲新鮮椰青呀~個人覺得冇衝突的，因為是兩種唔同我好味~~呢度用大大個泰國椰青，清甜好味道!食椰子雞通常我都會加份蔬菜，首先因為椰子雞唔油膩，其次係, 蔬菜本身的甜味好夾個湯底唔少得就係響鈴, 除左內脆外軟好好味之外，叫響鈴可以取代粉麵，食少D澱粉質，咁就冇咁肥啦~~呢個就係100%純椰青水煮出來的湯底，老闆說用了幾個新鮮椰青和椰皇的，完全沒溝水的~加入椰子肉同少量紅棗，好香~~未落雞我已經想飲了~呢個就係半隻雞，我以為佢上錯左全雞, 估唔到半隻都咁大碟~食開椰子雞就知，梗係要有竹笙先齊整架啦~~呢度叫一份都好大碟, 老闆好大方~~唔好淥咁耐呀~3分鐘左右~KEEP住爽口的感覺~落左雞落個湯度先~~店員蓋好藍, 滾大約10分鐘就叫我地飲左個湯同開始食雞~個湯好清，冇咩油，超·級·清·甜·!

身為港島區居民，今日去了朋友在新蒲崗的公司參觀，順便聚一聚餐。地膽朋友帶了我來這店，坐得鬆動、舒服。先叫了半隻雞的藥膳雞煲，鍋底不太濃，不會一開始就搞到飽飽滯滯，而且雞件煮完都好滑！安格斯肥牛，淥到全熟都可以入口即溶，質素超高！這裡還有燒烤食物，這份燒大鱔厚肉又大份。燒珍寶蟶子火喉剛剛好，完全無過熟，鮮甜又無沙，洗得夠乾淨，連蒜蓉都好好食。火鍋配料芝心丸，夠彈牙又食得出外層用料，証明食材用料好足。雲吞咬落去已經即刻食到鮮蝦，爽彈，推介！美國桶蠔實在是鮮味之最，大大隻無縮水，真材實料。燒羊架唔不會硬崩崩，保留到肉汁juicy狀態，加上串雞軟骨，已經飽到唔想走。1664生啤，用凍杯盛啤酒，有誠意，朋友果然無介紹錯。要俾10個讚！雖然這裡不是甚麼高檔食府，但店員們都好親切好幫忙，亦完全無hard sell貴價菜，全部食物都好味，值得一讚！

响新蒲崗開工咁耐，有時都幾驚喜吓 因為呢度 係一個臥虎藏龍嘅地方 有企喺餐廳質素可以係上天堂同地獄嘅分今日港島區朋友過嚟相聚 ，本來話想是附近幾間 蒸氣火鍋， 但我一早試過 ，嗰種迫夾 同埋 貴夾唔飽， 食一次已經夠 ，所以就帶咗個friend 嚟呢度！新開呢一間 見佢經常 好多人 ，今日早咗食飯 都滿座 ，好在 空間尚算 合理 ，我哋一行四個人都算坐得舒服！半隻雞嘅藥膳火鍋， 雞件夠滑而且唔係得 層皮 ，而係 好有肉地 ，還係 肉質 滑捋捋， 可以話畀到你一個 好有信心嘅開始！美國桶蠔絕對係無敵之選 ，收你$128 但畀足料你 ，絕對係童叟無欺。雖然我自己唔食鱔，但同行朋友 話呢個價錢值回票價 ，非常厚肉鮮味 ，而且燒得 極好食，尤其係調味方面。樣㗎完全唔騷，原來係紐西蘭 嚟嘅 羊肉， 果然係唔同啲， 雞軟骨 大大粒 ，咬落爽爽 ，調味一流千祈唔好以為 燒蟶子王好簡單 ，要燒得 啱啱好 唔會過硬 ，其實都好花心機， 而且睇得出佢哋响清潔上落足 心機 ，完全食唔到有沙 very good估唔到 安格斯肥牛係咁 嫩滑 ，可以話係入口即溶 ，就算 100 % 熟透， 都唔會靭，而且非常足料