燒皇燒烤雞煲專門店

营业中

休息中

這點面積比較細，論價錢同質數收費總算合理，遺憾就係串燒不算係燒，係炸嘅之後加D調味粉，就係咁樣串炸 ！ 燒大眼雞應該係先蒸熟再燒，燒大眼雞就係咁樣！見雞煲幾精美，睇吓下次試試，服務都好好同有禮貌👍🏼不防一試🌶

今日喺新蒲崗收工，同事相約一同吃飯，有男有女，同事建議不如雞煲，啱曬凍冰冰嘅天氣，當然支持。我們選擇了一家新開的店舖， 地理想於新蒲崗中心地帶，地理十分方便，但如果使用鐵路過來，可能還需要行一段路程，因此建議使用巴士或小巴。藥膳雞煲， 真材實料，藥材味十足。 最驚喜雞煲使用鮮雞半隻，原汁原味分上。店員在你面前烹調，更顯貴格。配料方面，點了娃娃菜，皇帝菜，自家水餃，自家雲吞，加拿大特級牛肩肉及日本黑豚豬腩肉。 食物素材新鮮，自家製水餃及雲吞味道鮮味，份量屬於中上水平，性價比不錯。店舖更提供串燒供應， 適合同類型嘅人士， 下次到臨，定必一嚐。

新開雞煲食評少，膽粗粗去試試，半隻雞$138，人多最好食一隻啦！好有鑊氣，一開蓋勁香，半隻雞好有肉好滑，好鍾意雞煲入面的洋蔥，好好味因為揀左少麻少辣食落唔夠過引😂😂燒聖旨$100/4隻，抵食，好新鮮，調味做得唔錯，但有少少沙影響了。貴妃蚌朋友食的，話好味，下次一定要試下平安夜前夕，落左成日雨，睇完胡桃夾子，凍凍地最岩食個藥膳雞煲👍🏻雞一樣半隻大大隻，圓肉，杞子，紅棗多而且望落質素唔錯，淮山，黨參等等...算足料但湯飲落偏鹹，應該係個湯底本身太鹹，藥材未出味，如果只食雞加湯打邊爐應該好好味，留返下次人多再試。燒韮菜，四季豆少辣都唔錯。鵝肝多士，好味仲要無加一收費架👍🏻👍🏻👍🏻

新蒲崗出名又多嘢食又夠平，呢間新開晚燒皇燒烤都一樣非常抵食!餐廳除咗有雞煲、打邊爐之外，仲有串燒食，價錢經濟實惠，而且食物種類又夠多元化。牆上寫有是日新鮮海鮮推介及價錢！雞煲絕對係冬季必食之選！呢度除咗有麻辣雞煲仲有胡椒豬肚雞煲、椰子雞煲及藥膳雞煲。同honey兩個人只叫了半隻麻辣雞煲，份量都頗多呢！麻辣雞煲可選不同麻及辣度。我哋所選嘅BB級麻辣度，就算唔食辣既朋友仔都會岩食喔！雞件入口甜甜地，隨後滲出微微既辣勁，非常滋味!食完雞煲，追加了火鍋配料打邊爐。手打蝦滑非常之有質素，入口非常爽彈，非常值得吃！即叫即炸既響鈴夠哂新鮮，滾一滾就食得，響鈴吸收晒湯底精華非常好味！特級牛肩肉肉味濃郁，雖然脂肪部份唔係太多，但肉質依然滑嫩。日本黑豚豬腩片比起一般嘅豬肉味肉更加濃！豬腩片脂肪較多，入口油脂香味係口腔激發！食雞煲食到熱辣辣當然唔少得飲汽水啦。鹹檸七同咸檸樂都原罐汽水奉上，夠哂份量！我覺得就算唔食雞煲，單吃串燒都100分呀！燒蜜糖芝士腸，一串有五條，份量比預期中多。芝士腸燒得外皮脆卜卜，一咬落口入面既芝士汁噴發，食既時候絕對唔可以心急呢

最近聽父親大人講佢公司附近有間雞煲+燒烤好似好吸引 星期五我地就一家總動員出發去接佢收工食雞煲開始轉天氣 麻辣雞煲怕太辣會上火 就揀左另一個椰子雞煲$128 原隻雞都幾大隻同有雞味 鍋底亦好足料 有雪耳 杞子 同新鮮椰子肉打開個鍋陣陣椰香侍應姐姐話原來除左新鮮椰青肉 仲落埋椰青水做湯底 難怪又香又清甜食完個鍋仲可以加肥牛同其他邊爐配料 烚下烚下就最過癮但當然今日黎到 點會一個雞煲 幾碟肥牛就可以打發到我?order返杯啤酒 準備食下半場蟶子皇 貴妃蚌都好大隻 加咗蒜蓉同指天椒一齊燒 保留返海鮮應有既鮮味 燒得剛剛好 彈牙又爽口食完爽口既 再黎海水味較濃郁既燒蠔同扇貝 質素都係好新鮮蒜香燒大海蝦 超正 勁大隻 新鮮蝦拎黎燒真係無可能會輸好彈牙 好好味見隔黎枱碟燒鰻魚好吸引 又叫埋一份真係好大串 啖啖肉 $88三串 抵食雖然舖面唔算好大 不過感覺做街坊生意非常有善一次過食齊雞煲 打邊爐 燒海鮮 滿足晒3個願望 好滿足

天氣開始涼涼地，所有十下十下既活動都出晒黎喇。正呀!!!!!!!!今次為食Chloe 就揀左一間位處於後巷內既串燒火鍋店。店內的食物款式好多，而且價錢合理，食物質素都好高! 我最欣賞以及一試愛上的胡椒豬肚雞煲真心要介紹給大家。胡椒湯底是師傳淆足一整夜。呷完一口湯整個人都興恰恰啊~~~而家天氣涼涼地，十分適合用來暖身啦。雖然我只叫了半隻雞，但份量都頗多的。啖啖濃香的胡椒以及雞香味，一陣陣暖意散發全身。溫韾提提你：胡椒豬肚雞湯一滾起後即刻先呷一大碗品嘗，如果加湯後味道就會變淡了！識食就一定會叫紅薯粉以及響鈴啦，完全吸收了湯式精華。當然不能少的招牌串燒啦，即叫即燒，送酒一流啊!!!!!!!!!!!必點推介串燒有: ~燒牛柳粒 – 肉質十分鬆軟，有種入口即熔的感覺、牛肉味重、十分多肉汁，加上調味料可將味道層次昇華。~燒鰻魚 (燒白饍) – 吸叫了鰻魚汁的魚皮燒得十分香脆入味，魚肉十分新鮮爽滑。~燒法式鵝肝多士 – 燒完的鵝肝，油脂滲入了香脆的多士表面，十分惹味同邪惡啊~~~芝士牛油焗什菌 – 整塊芝士放上什菌一齊焗，令芝士均勻地熔在每一個角落，芝士控的你不要錯過

很多地方都有雞煲+火煱，但燒皇再加川味串燒，你一定未試過，呢個組合好新鮮。8點後越來越多人，早食早享受。雞煲連火煱，都幾多選擇，仲有椰子雞、胡椒豬肚雞，冇加一，冇茶芥，冇醬料費，抵食！估唔到燒物也十分出色。酸菜雞煲($148/半隻)，可選麻度和辣度，芫荽洋蔥多少都有得揀，唔食得辣可以揀bb辣，煮8成熟。等一陣就聞到雞煲很香，原來放了很多香料，蒜頭、花椒、八角、辣椒、薑，雞肉嫩滑，麻得出色，醬汁滋味，加左酸菜，酸辣的味道，令人上癮，停不了。先食雞煲，後加豬骨湯火煱，推介加皇帝菜($28)，掛湯力強，十分美味。美國頂級安格斯肥牛($128/小)雪花分佈均勻，肉質非常唔錯，牛味濃郁。自家制手打配料手打墨魚滑($58)附黑色魚子，墨魚滑很彈，吃到墨魚肉，跟洋蔥和酸菜一起吃，更好吃。鹽燒大眼雞($68/條)配泰式酸辣醬，很特別，第一次食，坊間少有。燒M7安格斯牛肉($38/串)軟嫩得黎又有嚼勁，少少辣，很有質素。燒牛舌($18/串)燒得好香，肉質彈牙，抵食。汁燒白鱔($88/份)很新鮮，燒得皮脆肉嫩，時間控制得很好，醬汁不會太鹹，cp值很高。燒娃娃菜($29/客)味道豐富，醬汁好惹味，唔會好乾，

到訪友人在新蒲崗的家順道一嚐他推薦的雞煲店🐔🐓燒皇。🧐一般的雞㷛店都只是火煱或小菜掛鈎，但此店比較特別除了做雞㷛、火煱還做串燒及烤物🍗🌽雞㷛種類繁多🤩擇了養生推介的椰子雞㷛🐔貼心的店員說 : 雞㷛的湯底採用泰國鮮椰青🥥會比較清甜、可以嗎？👍 更温馨提示待湯滾後才可把雞放入，更為雞㷛烹煮計時、28分鐘後通知我們可以進食😋真窩心💖☺嘩！！！雞未下鍋已椰香撲鼻，湯底 用新鮮椰青水、椰青肉、雪耳、杞子、紅棗，好豐富呀！！！店員介绍雞煲一律採用龍崗雞🐔因喜其肉質豐厚、嫩滑 、容易入味。。⏱ 滴溚滴溚28分鐘啦🧐急及不待連飲2碗湯，椰香、雞香、充滿口腔滑嫩的雞肉更滲透著淡淡的椰香令我愛不惜口😋怎可無牛？加了一碟加拿大特級牛肩肉🐮特点油脂少而肉味豐厚，但可惜是比較嚡口。鍋中的雞雖然經了一段時間烹煮，但仍然嫩滑惹味。good ！！不容置疑有空一定會再來雞煲火煱一番😋🤩在等待期間下單的燒羊架🐐及大眼雞魚🐟總於來了 。羊架肉質的熟度掌握非常好但稍嫌孜然味太重。燒大眼雞魚在一般烤店比較少見，比店用鹽燒方法鹽味在烤的過情中經魚皮滲入、不會令魚肉變嚡再配上泰式醬非常鮮味。難怪好杯中物的友人把此店稱是飯堂。。

藥膳雞煲  $198雞煲食就食得多，但係藥膳雞煲我都比較少食。今次見到有，一於試一試。佢呢個雞煲唔係sell濃味，重口味，而係真係嚟飲佢真材實料嘅湯水。佢嘅材料有杞子，淮山，紅棗等等，所以飲落去非常清甜，同屋企媽媽煮嘅湯係一樣。另外佢嘅雞好滑，食落去一啲都唔柴，所以呢個雞煲除咗食雞之外，佢嘅湯底更加係另一個賣點。蒜味風味炒蜆  $65超香超濃牛油同蒜香味，而且啲蜆非常新鮮，一啲都冇沙。燒法式鵝肝多士  $45我好少喺串燒店食鵝肝多士，通常吃西餐先叫，但原來 串燒店嘅燒鵝肝多士係另一番風味。佢嘅鵝肝係偏薄身，但係鵝肝外皮燒到非常香脆，一啲都唔油膩，正。鹽燒黃立倉今餐除咗食雞煲之外，最主要都係叫多啲海鮮。我哋叫咗一個鹽燒黃立倉，佢嘅黃立倉非常大條，外皮燒到非常香脆，魚肉保持嫩滑， 濕潤，好香魚味，點上泰式辣醬，酸酸辣辣，非常開胃。燒原隻厚肉魷魚燒原隻魷魚又係非常大條，魷魚圈非常厚身，食落去啖啖肉。蒜香燒大海蝦呢個蒜香燒大海蝦又係超級好食，先唔講佢嘅蒜香調味調得不錯，佢嘅蝦係非常新鮮，肉質爽口彈牙，另外再加上蒜蓉去燒，食落去非常惹味。美國安格斯肥牛  $208牛肉質素非常高，雪花紋好靚，食落

藥膳雞煲  $198早排天氣涼涼地，肥妹仔同屋企人去咗新蒲崗嘅一間燒烤店到食飯。見到有藥膳雞煲，睇個樣望落都唔錯，所以就叫咗一隻嚟試下。佢個藥膳雞煲湯底有紅棗，杞子，淮山等等藥材，飲落去非常清甜。 而佢既雞係好滑，好香雞味，食落去啲肉一啲都唔柴，當個雞煲滾咗嘅時候，肥妹仔同屋企人都差唔多飲曬成煲湯，因為真係超級清甜，超 滋潤。蒜味風味炒蜆  $65豉椒炒蜆就食得多，蒜味炒蜆肥妹仔第一次食。呢一個蒜味炒蜆好香牛油同蒜香味，食落去好新鮮，一啲都冇沙，好好食。燒法式鵝肝多士  $45肥妹仔我係鵝肝多士愛好者，見到梗係會叫一客黎試下啦!呢度嘅鵝肝燒到非常香脆，口感好綿密，好香鵝油嘅香味，再加上多士烘到脆卜卜，塗上牛油，食落去非常正。鹽燒黃立倉肥媽係海鮮愛好者，所以叫咗條黃立倉畀佢食。佢嘅黃立倉亦都係燒到非常香脆，但係魚肉肉質亦都保持濕潤，值得一讚。再點上佢提供嘅泰式辣醬，食落去酸酸辣辣，非常滋味。燒原隻厚肉魷魚除咗黃立倉外，肥妹仔我哋仲叫咗一條燒魷魚。佢嘅燒魷魚係非常之厚身，而且燒得一啲都唔乾，食落去仲好濕潤，而且燒到有少少焦香，所以食落去好鮮味。蒜香燒大海蝦另外我哋仲叫咗兩隻燒大蝦，佢嘅蝦係

舅父剛剛從加拿大回來，點都要同佢食餐飯la佢想食火煱又想食串燒，同事介紹左燒皇俾我，因為可以滿足哂我舅父2個要求椰子雞煲(半隻)~以泰國椰青水作湯底，材料充足，有椰肉，雪耳，红棗，杞子，椰青湯底味道清澈香甜，椰子香味清香撲鼻雞肉是以龍崗雞切件，雖然只是半隻，但份量很大雞肉嫩滑有彈性，配埋滋潤的椰青湯底，特別美味加拿大特級牛肩肉(小)~嫩滑而牛味濃，油脂分佈平均是日海鮮推介和必食推介，寫在黑板上一目了然燒大扇貝~以大量蒜蓉，辣椒燒扇貝，更能帶出扇貝的鮮甜味燒牛舌，雞腎~牛舌和雞腎以孜然粉入味，超惹味！牛舌嫩滑，雞腎爽甜燒紐西蘭上級羊架~燒得外脆內鮮嫩，肉汁豐富，羊味濃，用孜然粉調味，更惹味可口鹽燒大眼雞~魚香四溢，用盬燒更能帶出大眼雞鮮甜的味道，魚肉嫩滑，蘸埋泰式酸辣汁，回味無窮

今日約埋朋友去新蒲崗工聯會學整蛋糕，順便睇睇附近有咩好食，行到衍慶街，就見到有間燒皇燒烤雞煲專門店，係食雞煲的，我同朋友都係食雞控, 當然唔會執輸啦。但店舖好細. 坐位都唔算多. 好彩我地時間尚早, 去到有位, 但店舖會禮貌地同我地講, 由於稍後有好多枱客已BOOK位, 所以想我地食快少少. 呢個當然唔係問題啦. 所以, 如果下次要再食, 一定要先BOOK位. 雞煲有麻辣、酸菜、藥膳, 每款雞煲唔同價錢的. 而且仲有養生推介嘅椰子雞煲, 而椰子雞煲就半隻$168、全隻$228椰子雞煲~之前係大陸食過, 都好掛住個椰香味. 所以我地決定就叫椰子雞煲. 燒皇燒烤雞煲專門店嘅椰子雞煲, 係用咗3個椰皇, 1個椰青的水, 再加埋椰青肉. 完全唔會加水或湯, 只用椰水做湯底. 再加上雪耳、椰青肉、紅棗來餚湯，所以成個湯都充滿住鮮甜嘅椰青味, 清甜程度非常高,   等咗一陣，雞煲就黎啦，我地叫咗半隻雞，店員將雞倒入窩內，如果想食剛熟嘅雞, 店員會建議煮10分鐘, 再焗5分鐘就食得. 雞件真係好滑, 又有雞味. 一打開蓋，椰香飛撲埋嚟我個鼻。索一吓…好香呀! 首先每人一碗椰子雞湯，味道清甜，夠晒滋潤

新蒲崗愈黎愈多美食住得咁近嘅我當然要去發掘下今次黎到滿座嘅燒皇燒烤雞煲專門店聽講椰子雞煲好清甜 雞肉好鮮嫩 ($168/半隻雞)果然聞名不如見面 真係好好味清淡得黎好滋補 雞肉真係啖啖肉 正😋其他普通配料 我唔多講但係加拿大特級牛肩肉 ($78) 必點 牛味重👍🏻至於燒烤方面 燒M7安格斯牛肉串 ($38)好juicy另外推薦的還有蒜蓉牛油燒生蠔 ($55/2)同埋川燒特大茄子 ($45) 兩個都好惹味🌶_________________________裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)________________________唔信我嘅可以自己去試試😂

今晚去左新蒲崗探朋友，之後一齊食晚飯～好友介紹試試呢間新開食雞煲既餐廳，我地先點左個藥膳鍋，湯底藥材味濃～要左半隻雞，唔好講笑，D 雞好嫩滑，而且啖啖肉！之後我地仲叫左D 串燒，有花枝丸、雞腎、雞軟骨，即叫即燒，正！另外仲點左蝦滑、芋絲、美國安格斯牛肉～蝦滑非常爽口，彈牙；而芋絲就好爽滑！美國安格斯牛肉，我地要左碟大既，賣相好得，油脂分佈平均，重牛味，唔錯！最後仲有烏冬，好滑溜，又飽肚！下次定必再黎 =]

爸爸生日，我決定帶佢食好野慶生！因為我地成家都鐘意食濃味野，所以我特登揀左間有得食雞煲又有得食串燒既餐廳，一次滿足佢兩個願望！麻辣雞煲味道好濃 雞肉嫩滑我地個個食到讚不絕口而呢到既串燒都好出色嫁身為食肉獸既我地點左牛舌、牛柳粒、雞軟骨、豬頸肉叫左少辣串燒既調味岩岩好 加埋孜然粉特別惹味其中最正既就係牛柳粒燒起黎無乾淨淨 肉質仲係好嫩好多肉汁登登登！呢碟燒牛肋胸係壓軸登場真係一試便愛上！首先佢既份量好驚人，加埋成條骨一齊上，好震撼！不得不讚廚師燒牛肋骨既火喉控制得好好外面燒得好香 ，但內面既肉係粉紅色嫁，生熟度岩岩好！牛肋胸出名肉質鮮美，真係無令我失望，肉味好濃 醃得好入味接近骨既地方特別有咬口仲有烏頭 略嫌燒得太熟 有少少乾身而令我爸最開心既啤酒實在太平啦！一杯64係55$ 我爸勁高興飲左三杯我地仲偷聽到隔離枱話tower都係200$飲開酒既朋友應該知道出面叫個tower有幾貴！呢到真係抵！雖然呢到地方唔算好大 我爸媽身形比較大份坐落會唔夠寬闊但呢到勝在既係人情味員工好熱情 細心服務之餘同個個都有講有笑 真係好難得！