燒鳥 (已結業)

"燒鳥"真係好有特色，全店得一個人，侍應、廚師、收銀一手包辦，如果人多都唔知點應付，但我相信應該不會太多人，因為我去過兩次都係小貓三四隻。講番食物質素︰以價論質，都算唔錯，很多串鐃都係$8便有交易，個人覺得牛舌、雞翼、鰻魚、雞軟骨最好味，多汁兼香口。飯和麵豉湯可以不試，因為超級難食。多叫幾款串燒已經飽肚。不過食物質素可能真係要看彩數，因為我有幾個朋友試過都話麻麻地。仲有要留意3:00-6:00會落場，

朋友想o黎好耐喇, 懷疑係咪只做晚市~ 今晚終於見佢有開, 就同佢o係依度食晚餐啦~ 但點解一個客都無o既?依度係一位日本人開o既, 得佢一個人打理全間舖~ 先講環境先~ 間舖真係好細, 仲好地, d裝修明顯好耐無翻新~ 依家28度, 入到去都無咩冷氣~ 因為無人, 同埋天氣唔算太熱, 否則應該會好焗~牆上面有個set menu, 邊邊寫住營業時間....中午十二時至晚上十時.......我weekday一點左右經過一兩次, 唔見佢有開喎..... 唔通同My Coffee一樣...? 講番食物, set menu上其中一個係"串燒拼盤+燒鰻魚米團+兩個飲品$98", 好平呀~~~ 就叫佢喇~ 飲品我o地要coke light, 但唔夠凍~ 串燒拼盤有:汁燒牛舌x2 - 燒得無問題, 但個sauce太鹹~汁燒鰻魚x2 - 燒得唔夠香, 都係個汁太鹹~汁燒肉丸x3 - ok, 但都係燒香d會好d~鹽燒雞翼x2 - 又係唔夠香~鹽燒雞軟骨x1串- ok~鹽燒雞腎x1串- ok~鹽燒豬頸肉x3 - 再燒香d會好d~鹽燒多春魚x2 - ok~汁燒冬菇x3 - ok, 但都係個sauce太鹹~燒

星期六去食晏，見$18個午餐仲有5至6款選擇。我叫左鰻魚飯，男友就要左咖哩豬肉飯，各送面鼓湯一客，我覺得個湯幾好，味道較其他地方香濃，仲有我最愛既豆腐粒。鰻魚飯條鰻魚好好味，不過d汁就少d，所以唔係好夠撈飯，反而男友碗咖哩豬肉飯d咖哩汁就好多，好好味架。不過間舖就真係好細而且d檯有黏黏咁。同埋佢上齊食物就會立即收錢架啦。不過咁平，咩都係番到啦。

若唔見食家介紹，燒鳥真係一間唔多起眼o既舖頭，裝修簡陋，地方淺窄，檯都唔多，L型間隔，三張四人檯，兩張二人檯。選擇最埋o既座位，見到one man band日本老闆，落柯打o既方法好在見到有張好似人地車仔麵剔食物紙咁，揀完比老闆就等開飯．．．叫左一客牛肉飯（附送麵豉湯）、牛油炒金菇、燒鰻魚、雞軟骨串燒。可能幾乎收舖先入去食，除左串燒同金菇，其餘食物都涼了一點，總體熱番o的會覺得好好味：大大碗牛肉飯：老實講，我覺得吉野家有牛肉味多o的，至於飯呢，感覺上好濕咁；麵豉湯：哩度o的麵豉湯同出面飲開果o的‘色水’唔同，味道都較為濃，由於我一向唔多鍾意麵豉湯，為左捧場，都係試左一啖，如果可以熱番o的就好喇！炒金菇：略為咸一點，但都好好味，一邊送牛肉飯，真係好鬼正！（請看圖～）鰻魚：得、掂（若再熱的話）雞軟骨串燒：不愧係大家讚不絕口抵食o既串燒，真係即叫即燒，唔係預先擺係到o架！其實，有好多野都好想試：拉麵、飯團、其餘飯款、雜菜串燒．．．我估我會繼續幫襯，直至試哂為止！

想在這裡吃串燒已很久了, 今晚終於來到, 晚飯時間但不多人, 一入店已見到日本老闆很忙碌的燒食物, 叫了些串燒, 特別喜愛燒冬菇, 一吃下便忍不住說了句:"從未吃過如些好吃的冬菇啊!", 其次是燒鰻魚, 鹽燒雞軟骨也是佳品, 也叫了個燒豬頸肉飯, 豬肉沒有加任何調味來燒, 雖然淡了點, 但也吃到肉味, 飯一粒粒的, 很好吃.雖然老闆的廣東話不靈光, 但也不要緊, 這樣令我覺得自己在日本吃東西呢!缺點是地方太細, 裝修太本地, 欠日本特色.

我好肯定以前唔只老闆一個的......有個女人幫手..唔知點解而家無人幫手呢?有時某D錢唔可以省的。KC 兄你日文掂不如下次你問下老闆做乜唔請人幫忙...?

忽然醒起我都遇到同mcwing 既同一經驗..老細收碟時不慎打瀉冷豆腐既醬油汁到我既大褸上,不過見對方一面歉意同實屬意外,都完全無放在心上,只要下次小心少少就可以喇..

睇番KC兄o既食評，當日幫襯o既時候只得幾個人，服務定必滿意~~諗番起小妹幫襯當晚，座o左十幾個客，見到店主一個人做到滿頭大汗，踢晒腳。除漏單之外，執檯果陣仲攪到我男友條褲污糟晒；其實我地都冇話過佢，但客觀D講句，若果間店可以請多個人幫手o既話，多客o既時候相信大家都會舒服一D。

有時吃大店有吃大店的要求，收得有番咁上下菜式方面當然要有幾度板斧，環境要舒適，服務要週到先得，好似去福記食少個崩都唔得。但「一腳踢」小店艱苦經營，有時老闆都係僅僅搵番自己份人工，所以在服務及環境上會有些少容忍。如態度如此店老闆般誠懇，食物又不錯，價錢又平的話，已算是食得過。

呀KC 兄，你都幾好肉地... 唔係，心地至o岩。hehe我見佢有個串燒拼盤，七十蚊十支，真係好平。

原先打算同女友去新羅寶試試,但礙於糧尾,決定到此小店闖闖..進鋪後,發覺係一間一人店,落單,執,拖地,煮食,收錢都由日藉老細擔當,辛苦哂喇..由於語言不通,查問set dinner 時都頗吃力,不過最後都order左一大堆食物..親子丼,咖哩漢堡飯--尤記得0係日本一d遠離都市既小店食過一客令我十分難忘既親子丼,今次希望從日藉師父中回味一下,不過蛋有輕微過熟,幸好食味都唔差,勁多汁,食到落碗底都啖啖汁,幾好味..不過咖哩就麻麻地,d咖哩太稀又唔夠濃,一上重以為係咖哩湯飯..不過d 飯份量幾大,女仔share 一個都可能夠..冷豆腐,牛油金菇--冷豆腐正~味道好,又夠凍~牛油金菇冇咩牛油味,但係落左勁多酒去炒,食落苦苦地,不過都唔錯~燒鰻魚飯團--好味~燒到d 飯乾乾地身,唔錯,比和民既好得多~八串串燒--質素幾平均,唔錯~一邊食,望見老細周身汗一腳踢又煮又燒又收錢,真係感動,再加上對方充滿誠意既態度同每刻都面帶笑容,令我明白到做事係唔應該怕辛苦,只要自己係樂在其中,辛苦d又何妨呢?埋單$162,由於搵唔到散紙,老細表示$2唔駛比,我同女友耍手擰頭,對呢d有誠意既小店,請願多給好過少比.

如不是看過其他食家的食評都不會留意這小店的存在。今日落開尖沙咀，想試試呢度，但又不知水準如何，所以使開了同事們自己來吃。來的時候是一點九，店內只有三個客人。呢度面積不大，樓面位置呈L形，坐廿個客人已經迫到不得了。環境就真係麻麻，可以整得潔淨一點就更好。午餐有六、七款選擇，逢一、三、五的特價只需18蚊，是平得沒話可說。店主急忙從廚房走出來落單，服務態度殷勤，見他側起頭的在聽，我就用我的地道港式日語叫了串燒飯，他聽見日文很高興，當然我連隨澄清自己是本地人。見廚房有一小電爐在整串燒，比一些食肆用煎或油炸來扮串燒來得有誠意；隨飯附送一個味噌湯，沒有蔥但有豆腐粒，味道不很差；串燒飯份量足夠，有三片燒鰻、兩隻燒雞翼、兩紮金菇牛肉卷，半片燒冬菇，全部都在電爐燒出來，用汁燒，幾好味道，其中姒份量最少的半片冬菇最正，差D唔捨得食；飯是溝米，並非純日本米，但煲得不錯，沒有散修修，淋上燒汁味道亦不錯，為表支持食到一粒都無剩。連一罐6蚊的汽水，埋單24蚊，幾平。臨走時除了多謝他的招待外，亦不忘說句勉勵話，換來的是老闆的禮貌鞠躬。當然要批評的話有大把野講，但對於小店尺度會寬鬆一點。環境不佳就要換來好服務和便宜價

而家十八蚊tim咋，見佢做得好辛苦，好心搵過識日文既提提佢。

其實呢間野除左串燒好食之外﹐曾幾何時午飯時的LUNCH SET都好鬼抵食﹗$20有個燒牛肉飯或燒豬肉飯﹐味道唔錯架﹐大大碗。仲有碗無乜味的麵豉湯送﹐0係尖沙咀黎講真係平到無人有。但係最大問題係個日籍老闆太故執了﹐做呢D無敵價﹐你都可以想象到午飯時間係會如何地多人等位﹐而間鋪又細﹐間隔又“騎呢”。要食就分分鐘要等幾個字﹐算了吧。所以我有好耐無食過呢間野了。而且服務真係唔掂﹐個日籍老闆雖然有禮﹐但唔係太懂中文﹐樓面招呼靠一個識日文的本地女人﹐但係個女人有時又要負責廚房﹐個日本老闆有時又負責樓面同落單﹐唔識中文之下有時落單落到一蹋糊塗﹐總之就係一個“亂”字。其實個老闆應該考慮換一間大少少的鋪頭﹐請多一個專門只負責樓面﹐自己集中負責廚房﹐重新編排坐位﹐LUNCH SET個價高返少少做$28絕對無問題﹐只要識變通﹐午市呢個金礦真係有得做的。做人有時太有性格﹐真係未必會成功。

近排深居簡出，冇乜點出街食飯。適逢西人鬼節，諗住出街玩下，行經亞士厘道一帶酒吧果陣，居然俾呢間小小燒鳥舖仔o既香味引o左入去。呢度舖位好細，頂多坐到十零廿人。地方好「up dup」，地下仲有幾灘水漬冇人處理~~成間舖只得一個人做o野，原來佢係個只識講少少廣東話o既日本人，廚司，執檯，洗碗一腳踢，做到滿頭大汗！講番D食物先。呢度好似日本街頭o既燒鳥店咁，主要都係食yakitori，價錢大約$8至$1x一串。我地叫下叫下，唔經唔覺就食o左餃子雞翼，雞翼串，雞頸肉，豬頸肉，多春魚，牛肉露筍，冬菰等等。燒鳥味道唔錯，可以揀汁燒、鹽燒、或味噌燒；個人偏愛鹽燒，始終比較原汁原味；味噌燒味道有D似海鮮醬，麻麻地。另外仲叫o左冷豆腐，滑一滑，味道唔錯。仲食o左個野菜拉麵，湯底味道好怪，拉麵又好難食，差~~Service方面，日本人其實幾有禮貌；但只得一個人做o野實在唔係好掂，漏單之餘，執檯果陣仲倒瀉D湯落我男友條褲度~~唉，唔該快D請番個人幫下手啦！！