爆丼丼 (已結業)

今日同老公諗住落荃灣買d野, 買之前當然都係要食. 熱辣辣當然就係想食d 生冷野啦. 見到呢間魚生飯滿晒魚生當然就想去試一試. MENU選擇其實都多, 而且荃灣黎講價錢唔算平但都滿晒客, 應該唔會差得去邊.呢個四重丼真係FULL 晒魚生響飯面~ 完全見唔到下面D 飯呀! 雖然個碗仔細細不過都份量十足, 魚生塊塊都厚切.套餐仲要有埋DRINKS.我地叫左個三文魚同帶子刺身黎SHARE. 每款都有3片~ 呢個係我叫另一個四重爆丼~ 真係見到都好爆呀! 上面有一個吞拿魚蓉波波下面有好大片既帶子, 圍到滿晒既海瞻同埋魚子. 真係爆丼丼呀~

差啲去錯左第二間，因為荃灣同一條街有兩間都係食呢啲丼飯，一間街頭另一間街尾，呢間就係街尾近小巴站入到去睇咗一陣餐牌，侍應走來同我講六點半前落單，呢個飯同另一個拉麵可以有半價，我二話不說就即刻叫左呢個四重爆丼飯。賣單只係90幾蚊，真係好抵食。有一篤拖羅蓉，有小小油花，唔錯有三文魚子，咸鮮，而目唔係咬落去淋嗰隻，係會爆汁嗰隻帆立貝，size適中，都算甜，肉質唔會好鬆散海膽，唔知點解有兩隻色，可能係嚟自兩個唔同嘅品種，但都好食又冇腥味，而且份量係四樣之中最多如果碗飯可以多小小就好啦！

天氣太熱實在唔想食熱野，食刺身壽司嗰啲就最啱。同男朋友去開荃灣行街，就問吓住荃灣嘅朋友有乜好推介，朋友話呢間爆丼都唔錯咁就試吓。我自己鍾意食海膽，夠creamy，送飯一流！見到佢呢一個四重爆丼有成半碗海膽咁鬼澎湃，即叫。男朋友就揀咗極上魚生丼，話果兩隻大蝦好吸引！原來每一個飯都會跟一碗麵豉湯，味道都幾濃！不錯飲完碗湯個飯就上啦！perfect!見到碗飯，心裏面不期然嘩咗出嚟！成板海膽咁上下呀！而且面頭輕輕用火炙過，香到不得了！加少少豉油Wasabi即刻開動！厚厚一層海膽，creamy口感，入口即溶包住每一粒飯，冇得彈！海膽新鮮又唔腥，正！拖羅蓉真材實料，仲有少少嘅陀羅件係入邊，睇得出嘅肥美，食落脂香十足。帆立貝大大件有兩件，甜。三文魚子鹹香，同海膽一齊撈飯食，完美。男朋友嘅極上魚生丼，兩隻大蝦入邊真係有膏㗎，味道好似蟹膏，甘香到極。如果可以送酒就好，可惜呢度只有罐裝啤酒。嘅另外兩種魚生都好肥美，而且厚切，口感同脂香十足。佢嗰碗都有海膽，新鮮靚仔到呢。總括嚟講呢餐非常滿足，爆丼丼嘅刺身質素真係唔錯，性價比高，下次會再嚟。

其實我已經係上個月食嘅，當時收到朋友whatsapp 試過這間，又做緊特價就被相片吸引，又剛好約了友人喺果邊行街，咁就喺行街前填包肚子吧。去到剛好員工用膳，拎了飛等了約30分鐘就可以進去了。我們一進去已下單，但是唔知係咪當時場面混亂，見人人都有得食係我無得食，原來侍應無同我地落單，好彩趕得切有特價優惠，唔係我一定好唔開心。衣間除左有丼外還有其他壽司拉麵供應。等了又等我想食的終於出現，整體感覺細碗，但是面頭係舖滿海膽吞拿魚蓉帶子三文魚，一如其名爆丼丼。刺身都算新鮮同好多，幾唔錯。但是啲飯太實吉吉，加上比個「痴立立」，我自己就唔太鐘意。不過我用半價食到覺得物超所值，而原價就稍貴了點。而附送個湯亦唔太特別。

兩公婆原先計劃回家煮食，當大家行去寶石樓附近坐小巴回家，比我地經過見到一間餐廳滿滿人，原來係食日本野，魚生丼牛肉丼咁，諗住揾日要試下，老公就提意不如就現在入去食啦，不用煮同洗碗，佢真係講中我心諗的。店內坐滿多客人，應該唔差，menu都好選擇，我被以下menu吸引住，一於order啦！安格斯牛肉鵝肝丼圖與實物略同，兩大件鵝肝還有好多安格斯肥牛，椰菜同香蔥，夠惹味啖啖肉餸飯好味道！ 火焰魚生丼賣相吸引，滿滿炙燒過過肥美三文魚，帶子，左口魚裙邊，蟹柳同好多蟹子，好豐富大滿足。 同老公share兩個丼都夠食。帶子刺身我最喜愛鮮甜軟滑口感。蟹子沙律滿滿蟹子將青瓜絲蟹柳絲沙律醬撈起好爽脆口有健康簡單，當然要先食沙律先啦 ! 芝麻雞亦無特別只是我想食 hahahaa 味道正常

左一句頂級，右一句神奇，全因為都是平價勁量爆丼! 舖面細細，客如輪轉，是近期荃灣這彈丸之地的人氣小店! 基本丼飯和拉麵烏冬由$50餘元起，配送一碗味噌湯，而魚生飯從$72元起，那當然還有勁量丼飯，例如四重爆丼($188)和安格斯牛肉鵝肝丼飯($108)。火焰魚生丼($98): 包含六款刺身，分別是火焰三文魚、帆立貝、左口魚、劍魚、蟹籽及蟹柳各兩件，三文魚以火槍輕輕燒香表面，不失三文魚香之餘，還多了一份惹味; 帆立貝鮮甜爽滑; 而左口魚入口即溶，魚油豐富，非常香甜。壽司 : 三文魚及帆立貝等已經吃過，只是換個方式表達，不再重複了。每件海膽壽司都有多塊海膽，色澤呈鮮橙，新鮮爽滑，最後忍不住Encore了一客海膽壽司。

廢話少講：四重爆丼，海膽，帶子，三文魚子，吞拿魚係同一個碗上面。一上菜，見到魚生份量多到，已經覺得呢間鋪咁做生意有無得賺錢。快快手影低佢個莊觀之勢(有圖有真相，自己決定試唔試黎一睹廬山真面目)，就「我唔客氣啦！」。一啖海膽，一啖三文魚子，材料好新鮮！講真，雖然咁大碗，但係好味到我10分鐘左右就食哂！店員好細心，驚你咁大碗一開始食會整跌就俾定個細碗你分d魚生出黎先。服務好，仲有禮貌！捱完一星期，星期五晚食餐正既真係好爽😋！

有一次男女小編好想食日本野，之後係荃灣行行下街見到喱間鋪頭😎見到喱間鋪頭啲丼個樣咁正，所以就入咗去試嚕😍#四重爆丼 ($188)😋好味指數：(7.5/10)⭐中午時段要加一海膽、拖羅蓉、帆立貝同三文魚子海膽份量超多😆食落去都好清甜，同埋都有啲海水味😍而且唔會話好腥，所以對於海膽一般般既朋友仔都可以試下😎拖羅蓉食落去都幾鮮味，上面有小小蔥花係到就更加香，又冇咁油膩😚#三文魚拖羅蓉火山丼 ($88)😋好味指數：(7/10)三文魚份量都好多，食落都幾鮮甜😎不過有啲就有少少筋🤔魚子份量都好多，不過就咁食或者一次過食好多就會好咸😣所以撈埋飯一齊食就一流😍拖羅蓉就同上😆

星期日放假，當然放縱一下，行完荃新天地係附近搵餐廳食，朋友醒起話呢間好食，一於去試下！去到好似好有人氣，全場full哂，門外仲有人等位，等了八分鐘左右就入到去。一睇餐牌，剩係比四重爆丼同埋火山爆丼吸引到，仲講到一試難忘，一於就叫呢二個丼。（當日食四重爆丼係做緊優惠，只需$158，$158就食到滿滿der海膽丼，所以CP值非常之高。）另外每客盛丼都配有一碗味噌湯，唔太咸，幾好飲。主角終於上枱，先黎四重爆丼，佢需然唔似圖中海膽鋪到成座山咁，但份量都唔少，都鋪都滿滿der，絕無欺場。四重爆丼入面有海膽、三文魚子、帆立貝、同埋頂頂既拖羅蓉。海膽味道正常，絕無任何腥臭味。三文魚子更是鮮甜，隨住三文魚子爆開，口腔充斥住鹹鮮！帶子肉質彈牙，拖羅蓉食落滑口，但唔夠肥美。另一個主角火山爆丼($168)，由多款剌身堆砌而成，都係有拖羅蓉、帆立貝、三文魚籽，但就多左吞拿魚、三文魚。呢個丼就堆得高Ｄ，份量都適中。呢個就略為遜色，三文魚同吞拿魚食唔出特別新鮮，好正常，同埋至少都冇任何腥臭味。拖羅蓉、帆立貝、三文魚籽都一樣鮮甜滑口。總括黎講，味道絕對對得住呢個價錢，海膽迷更可以黎一戰！

食丼飯嘅日本餐廳愈開愈多，今日就同朋友黎到位於河背街嘅爆丼丼食晚餐，估唔到夜晚七點，店內早已人聲鼎沸，擠得水洩不通！四重爆丼 $158(爆量海膽、拖羅蓉、帆立貝、三文魚籽)奉送麵豉湯/+$5要罐汽水朋友話一場黎到，梗係要食招牌丼，原價$188加一，依家優惠價$158加一喳！份量真係好多，滿滿的一大碗，海膽甘甜美味，帆立貝、三文魚籽都好新鮮，真係值得推薦！極上魚生丼 $148奉送麵豉湯我呢碗都唔弱，有三文魚、大蝦、海膽、帶子等等，全部肥美鮮甜，女仔食應該會好飽好飽，所以我聽到隔離女食客話要小飯，以免浪費。唐揚炸雞 $38炸雞不過不失。芝士年糕 $25/2件見到價錢咁抵，我當然忍唔住點我最鍾意嘅芝士年糕，記得趁熱食啊，的確「芝」味無窮！鍾意食丼飯嘅朋友絕對要來朝聖，保證你唔會失望！

去開荃灣做野，朋友帶左我去一間專食丼飯的日式餐廳，舖仔細細，枱仔密密，但充滿驚喜安格斯牛肉鹅肝丼$108成碗飯上都鋪滿安格斯牛肉，牛肉出乎意料之外的嫩滑，牛肉味濃厚，一D都唔嚡！好正2件大大件的鹅肝，外面煎得微焦，好香，內裏軟滑，半熟！充滿甘香四重爆丼$188嘩！嘩！嘩！D海膽多到呢真係鋪滿半邊飯面！最重要係極度鮮甜，一D腥味都無，真係very good帆立貝2片，一句講哂~鮮！再多2片就好la拖羅魚蓉亦是一大堆！好有魚香三文魚籽咬落卜卜脆，咸咸的，將拖羅魚蓉，海膽和三文魚籽和飯撈埋一齊真係每食一啖，個口都充滿甘香鮮甜味，好好味呀果然係鎮店之寶！每個丼飯都附送一碗麵豉海帶湯，清清地，唔錯呀！總括而言，這是一間令我充滿驚喜的餐廳，無諗過荃灣這種小店，竟然可以俾出這種高質素的出品，真是值得推薦

首先座位安排並不舒適..........服務方面一般，落單/跟單效率不夠價錢方面，廣告以性價比作招倈，其實並沒有想像中便宜，而且所謂爆丼，只是個碗細啲，咁裝咩都突爆瀉出黎啦，所以見到的相片都有欺騙成份，份量來說有好幾間香港的魚生飯店會多好多......味道方面，我只試了一款魚生飯，但三文魚，帶子食來就覺質素普通，而蝦雖然頗大隻，但也稱不上新鮮鮮甜。至於米飯也料理也不過不失吧了。總結而言，實在不值得排隊/花費以上價錢去試了。

見到好多人黎打卡！又點少得我wor🤤為食妹出動🧐🧐🧐好在6 點一開門就去炸！食到一半出面條人龍客親我😂四種爆丼🤤同松葉蟹海鮮爆拉麵6點半前叫只係$98👀係優惠👍🏻 4種爆丼既料真係爆曬出黎🤤，海膽勁新鮮☝🏻帶子都好大粒😍(不過飯唔太合我心意，因為唔係想像中粒粒分明既珍珠米口感😭）拉麵一舨，蟹腳是重點，都總算幾多肉幾大隻😌魚生是肥肥厚厚的😎原條蒲燒鰻魚丼🤤🤤🤤鰻魚燒得脆曬皮！(白飯都係要多加進步會更好😌）山葵牛丼牛肉爆多👍🏻抵食4 個人食左arround 800幾

見呢間都開左一排，但一直都未食過，就同班同事一齊試新野。因為我本身唔係咁鐘意食生野，所以就嗌左個咖哩雞球飯D雞球炸完好脆，好味。而其他同事就有人食魚生飯，聽佢地講都話唔錯，可以white list佢🤣但間鋪就有點細，坐得唔係太舒服。

今日經開荃灣做野搵到呢間日本野食咁就叫左個火山爆丼其實即係刺身飯黎嘅拖羅係勁好味 送飯一流第一時間就食佢帆立貝都勁鮮甜同新鮮直情想叫多碟刺身添三文魚籽都好多汁咬入口係有爆汁感覺好好玩三文魚同吞拿魚就不過不失但都係新鮮嘅仲配熱辣辣嘅麵士湯好入味之後再叫個甜蝦刺身有四隻$38蚊，個蝦頭係必食甜甘味道最後一個係串燒 雞賢兩串 $38新鮮熱辣，咸咸地咬落去爽口彈牙一個人可以食咁多野老闆應該好驚訝