爆丼丼 (已結業)

今日約左去荃灣做facial...做完faical就食埋野先返去，諗住搵埋個住係荃灣既朋友一齊食，點知佢唔得閒，佢叫我自己的食丼飯，佢介紹左一間係寶石大廈附近既小店，佢話成日去食好好味，咁我唔洗搵餐廳，就直接揀左佢推介呢間去到都已經多人，一路食仲係不斷有客入黎，真係好好生意見到啲刺身丼飯都好想食，隔離枱好多人都揀左，但我見佢安格斯牛肉鵝肝丼飯都好吸引， 心入面都15 16，揀咗好耐最終都係揀咗安格斯鵝肝丼， 再加埋三文魚腩刺身，明太子雞翼 其實都唔知食唔食得曬呀，可能眼闊肚窄， 唔理咁多啦食咗先算先嚟嘅係三文魚腩刺身， 每一舊都好大塊，好肥美新鮮個湯飯有湯送嘅，當然可以加錢轉嘢飲我嘅安格斯牛肉鵝肝丼飯， 上面鋪滿曬牛肉，仲有兩塊鵝肝， 下面嗰層就好多椰菜，牛肉份量多，每塊都好大片，醬汁濃，仲可以撈飯，鵝肝唔會太厚，薄薄地2片，夠哂，唔會煎得太燶或太乾，呢個飯又夠哂大碗，落足哂料最後黎左個明太子雞翼，有兩件，熱辣辣雞翼去骨，入面鑲滿明太子，脹卜卜，外皮香脆，入面咸咸地，唔錯食完後都勁勁勁飽，大滿足走果時出面都有人等緊位，呢間野，好抵食唔貴又大份，cp值高下次去荃灣時，都會選擇再幫襯

媽媽發現荃灣一間專食丼專門店，丼價錢由由$58 - 158 豐儉由人。由魚生丼到牛肉丼都有，平平地食個快飯最好選擇餐廳內木檯、木椅子，有日本local 餐廳感覺先送上味噌湯，味道剛好，唔會死鹹極上魚生丼 $148北海道帆立貝、三文魚、巨大蝦、海膽，魚生鮮甜！帆立貝好厚肉而且好大粒好鮮甜，大粒程度可以一粒切成三粒！厚切三文魚都新鮮仲有手掌般長特大赤海蝦 海膽吞拿魚蓉丼 $158海膽同吞拿魚碎份量多，海膽一半有炙燒過，味道更香，以$158有海量魚生份量，而且每啖飯都有海膽吞拿魚蓉，都幾抵食·Menu

想食魚生飯，又唔想排隊等位等到癲。原來荃灣都有得滿足呢個願望。荃灣的寶石大廈後面竟然有好野食，呢頭近街市，平時都好少經過，某日路過發現了這家小店，店鋪位唔多，大概得20個左右，細細間，未到食晚飯時間，6點半左右，都坐滿左8成，見到有魚生飯好似好吸引，人又唔少，應該唔會中伏掛價錢都ok, 想食魚生飯$100樓下都有，海膽都係$158！！ 抵抵抵。價錢就好吸引啦，味道又點呢？點了火焰魚生丼同雜錦魚生丼，本身就附送埋麵鼓湯。份量都唔細，魚生生鮮，都幾厚切，米飯都好粘，好好味。雜錦魚生既蝦好大隻，仲好甜！一定會再食！食完大概7點幾，已經有人排隊等位，如果大家唔想等，就早d去食啦

我和朋友都點了四重爆丼（$158），材料包括兩片大帶子，三文魚子，海膽和拖羅蓉。份量來說是挺充足，而且有贈送味噌湯/汽水。兩片帶子都頗鮮甜，而海膽亦很鮮甜，不苦，份量亦適中。三文魚子亦很鮮甜，而朋友亦讚拖羅蓉很好吃，並不腥。但米飯感覺上並不是使用日本米，因為其口感不是很煙韌，所以扣了一點分而餐廳環境十分乾淨，亦很舒適，而服務員態度亦很好，很主動幫忙。之前在旺角吃過海膽丼，價錢200多，這裡只要158，而且不用加一，性價比較高。

依家食丼，唔爆料，唔係滿滿嘅好似唔係潮流。亦都硬係覺得爆曬了料至會好食啲。喺荃灣嘅間爆丼丼亦以爆丼為綽頭，雖然佢嘅樣可能冇其他店咁大，但係原來食落去個份量都非常之足，個碗夠深。今日食呢個魚生當全部都係以火炙為主嘅，有火炙三文魚，劍魚。再有帶子同埋三文魚子，味道比一般嘅魚生飯更加香，有火炙嘅香氣，而且刺身當然非常之新鮮啦。另外一個看似普通嘅加州卷，但係食落去比起什麼大型連鎖店嘅加州卷黎得好食，個醋飯嘅味道調得不錯，而且佢入邊嘅配料有埋牛油果係我最鍾意。仲要提一提就係呢一個豬軟骨烏冬，唔好以為佢係味精嘅番茄湯，佢食落去的確係有新鮮蕃茄嘅味道，而且佢嘅湯係比較稠身，應該係煮湯後再將番茄打成蓉而成，非常之有心機。

晚飯時間又到，諗住周圍行下搵下有咩野食，行過見又有間新開嘅日本野，所以立刻走過去望望，睇到圖片同个menu都想試下，但見到鋪頭門口都有人等緊位，心諗應該有排等，但都問問里面嘅員工。啊，又咁岩2位唔洗等喎，就立刻入去坐，望住个menu已經比个"四重爆丼"吸引了跟手就叫埋就叫埋个"番茄豬軟骨烏冬"四重丼的海胆味道還算可以，不算難食，份量還ok, 帆立貝都可以，一个人食的話會好full。而个烏冬嘅豬軟骨嘅肉就比較靭，比較難咬，湯底算濃有味道，還可以吧。總括黎講，印象還不錯，下次再黎試吓其他款食物。

上網看到荃灣新開了(好像是)一間專吃各樣丼飯的日本餐廳，就『孖』女朋友去吃了。我們到時還未到六點已經見到有數人在排隊了。坐下後，地方其實並不寬敞，為免夜長夢多，所以我們不用多久就下單了。三文魚刺身每一次食日本菜都一定會點來吃的，這次也不例外。厚切的三文魚果然十分鮮甜美味，食完忍不住再叫一客，正呀喂！安格斯鵝肝牛肉 ($108)因為菜單上的照片實在吸引了，加上我們都對鵝肝有種情意結，所以對這個選擇毫不猶豫。整碗都是滿滿的安格斯牛肉，口感幾好，放在咀裡不用多久就溶化了，相當不錯。可是，不知是不是我錯覺，鵝肝好像不是太熟似的，但食下去味道又沒有異樣。極上魚生丼 ($148)賣相也是相當吸引，牡丹蝦十分鮮甜，至愛的三文魚也是十分肥美，但本人就不太會欣賞海膽啦。大致上都是挺好的，價錢對比起其他丼飯都為便宜，味道不俗，唯飯的份量太少，但還是值得再來的。

上次閒逛見到有間爆丼丼超多人排隊，在網路上也滿多人介紹，早兩天決定相約朋友去吃吃看。餐牌上有不同的食物供大家選擇、選擇不是太多，但價錢滿親民。原條蒲燒鰻魚丼份量非常多，吸收了鰻魚汁的飯更為香口，鰻魚肥美，個人覺得滑蛋再滑一點更佳。火山爆丼整碗丼飯佈滿了魚籽，粒粒飽滿，令丼飯不用配醬汁也有一定D鮮味，再吃一吃拖羅蓉 、帆立貝，整個人都滿足起來。鹽燒油甘魚鮫魚肉非常嫰滑多汁，不會燒得過火而乾身。大熱天真的要來喝一杯，消消暑。

我知荃灣有間hit 爆食丼飯，我同朋友慕名黎試下餐廳唔係好大，大約7點已經坐滿左8成除左可以食生熟丼飯，亦有咖喱，烏冬拉麵，刺身壽司，串燒等，就算有唔食生野既人都ok每個丼飯都跟麵豉湯，或者+$5 轉汽水我要左四重爆丼，即係有四種食材，包括拖羅蓉，帆立貝，三文魚籽，海膽丼飯搭得好高想開始食底下既飯，真係匙都插唔入拖羅蓉新鮮無筋，幼滑綿密帆立貝係珍寶size， 鮮甜美味三文魚籽卜卜脆係口裡爆破仲有爆量海膽，佔整碗既三分一位置，片片金黃既海膽乾身飽滿，入口味濃即化，叫人回味雖然d飯睇落唔係好多，食食下其實都夠飽整體不論份量上，鮮味度都幾出色朋友要原條蒲燒鰻魚飯，估唔到實物比圖片大咁多鰻魚長度同筷子差唔多，魚肉油脂豐富，肉身又夠厚蒲燒將醬汁融入鰻魚之中，醬汁甜蜜味美除左鰻魚正，隔離既滑蛋都好正，蛋香味濃滑口，蘊釀著蛋汁將飯粒加入鰻魚汁和滑蛋汁，雙重美味

今日又黎荃灣接n小姐收工佢實在太愛食魚生飯行經呢間 就過左黎食裝修走日風 開放式廚房 燈光柔和選擇都算多 除左丼飯 仲有串燒 拉麵😳😳我地簡左北海丼黑豹墨汁拉麵日式炸餃子每一個丼飯/拉麵都有跟味噌湯我本身就唔係太好味噌湯因爲好咸但呢個味道岩岩好 一d都唔咸北海丼（$128）滿滿ge刺身 再加上ininumum ge珍珠米😳😳刺身好新鮮 勁高質 128超級扺食黑豹墨汁拉麵（$88）食咁多次拉麵都係第一次食墨汁拉麵一上枱成碗野好黑 對我黎講好新奇面質係偏幼身而且軟硬適中墨汁湯底好特別 係帶有少少海鮮ge甜味配料都十分多 有3塊勁厚ge叉燒 好入味好正3粒帶子加魚子 好新鮮 👍🏻半隻糖心蛋 入味 好食仲有2塊好彈牙ge魚塊日式炸餃子（$28）炸到外脆內嫩 好足料👍🏻加埋一300都唔洗 平靚正

今日因為約咗朋友，所以就去咗荃灣個食晚飯。我哋搵左呢一間刺身日本餐廳。我叫咗個鰻魚蛋飯，芝麻雞翼，三文魚刺身，然之後再加＄5湯轉汽水。整體食物質素好食嘅，服務亦都好到位。可以再食！

荃灣出名多好嘢食就係人都知，久仰大名左好耐嘅爆井井，已經想食咗好耐。餐廳亦都有好多唔同選擇嘅井飯，有選擇困難症嘅我真係揀到心大心細。最後同男朋友決定叫呢個極尚魚生井，同埋安格斯牛肉鵝肝井。首先極尚魚生井，D魚生真係好新鮮鮮甜肥美，而且有我最鍾意嘅三文魚腩同埋甜蝦！海膽亦都好鮮甜！另外安格斯牛肉鵝肝井，真係一絕嘅配搭。鵝肝絕對冇油膩感，配搭埋新鮮嘅牛肉真係好正！原來每個餐都包一個湯，如果你唔想飲湯仲可以加＄5叫汽水添！

最近看到幾個朋友POST了很豐富的丼飯，原來是來自荃灣的一家餐廳，所以早已MARK了餐廳在TO-TRY LIST裡。這天又到荃灣睇傢俬，終於可以一試這個豐富無比的魚生丼飯。餐廳以不同的魚生飯為主打，另外還有幾款刺身﹑壽司和小食。本身就是為了這個四重爆丼($188)，睇相跟實物都令人覺得好興奮。丼飯上放滿了海膽﹑拖羅蓉﹑帆立貝和三文魚籽。海膽的份量舖滿了半碗飯，看到滿滿金黃色的海膽，真的食慾大增。又估不到海膽的質素一點都不差，完全沒有苦澀的味道，質地細滑而CREAMY，食完滿口都是其甘香鮮味。另外還有帆立貝和拖羅蓉，新鮮肉軟。而大量的蟹籽令丼飯更加添鮮味。安格斯牛肉鵝肝丼($108)寶寶則點了一個魚生飯以外的選擇，屬於熱食的安格斯牛肉鵝肝丼。份量很多，啖啖牛肉，加上牛肉汁的飯味道很香。而鵝肝就相對比較一般，不算太肥美，但飯粒混入鵝肝油脂都更添香味。每碗丼飯都跟一碗味噌湯或飲品。

之前已聽聞爆丼丼非常抵吃 但奈何總是人潮盡現，未曾光顧這天特意六點半左右到達，等了一陣子便可入座餐廳內裡不算大，座滿人相當擠迫食物選擇不算大多，以丼飯為主四重爆丼 $188上面蓋上爆量海膽、拖羅蓉、帆立貝、三文魚籽視覺上很豪邁海膽帶微甜，魚子咬開滿嘴的鮮味香蔥碎吞拿魚，油脂頗盛帆立貝頗嫰吃完這碗真的很有飽足感另外男友點的原條鰻魚滑蛋飯 $98鰻魚肥美且厚身鰻魚汁濃度跟鹹甜適中，令飯底更為濕潤滑蛋略不夠滑，且淡味了點鹽燒油甘魚鮫 $58魚肉嫩滑，魚油豐富荃灣河背街74號地舖

荃灣嘅日式餐廳愈開愈多, 有鑑於本人對日式美食嘅喜好，當然要吃盡呢個地區日本菜。星期六忙碌咗半日已經3點多，仲未食午飯嘅我見到已經流哂口水。我揀咗有海膽嘅 - 四色丼而同行同事揀咗以店名為名嘅 爆丼丼四色丼賣相比爆丼丼略為遜色, 海膽並不鮮甜可能飯係剛剛整好，熱力直接影響面頭刺身質素。所以刺身只能講係中規中矩。總結整體只是OK