爆丼丼 (已結業)

誤打誤撞享受咗個大優惠，其實一心諗住食咖哩飯，點知一坐低，又被餐牌魚生丼引誘到，跟住店員又話六點半前order，呢三款都係$98加一，聽落的確幾吸引，因為一個咖哩飯都要$5x-6x再加一，既然我同丼飯咁有緣，我就唔再推搪喇😁四重爆丼 $98 (包麵豉湯) 👍🏻👍🏻👍🏻==================四重指爆量海膽、拖羅蓉、帆立貝、三文魚籽，眼見一碗其實唔大，中式飯碗size，女仔嚟講食完一碗都會飽。首先講下魚生質素，海膽呢真係無得輸，最大片果d係加拿大海膽，入口甘香濃郁，略帶回甘🤤，深色果d應該係韓國海膽，味道較清，入口即溶；拖羅蓉味算濃，但食到好多筋；帆立貝好大粒，但鮮甜度差dd；三文魚籽唔腥有油香，整體嚟講算唔錯，而白飯呢，雖然係用珍珠米，但飯太爛影響成個丼水準😔，敗筆之處！二人共消費：$216

上網睇d人咁好評，諗住去會一會佢，點知失望到極，仲要一肚氣。三文魚帆立貝刺身丼，三文魚有筋，帆立貝還可以，但d飯淋到嘔，未食過咁難食嘅刺身丼。服務態度，差差差!!! 叫人加水，一個女職員大嗌叫其他人加水，另一個男嘅話好忙等陣，其餘兩個聽唔到（唔知真聽唔到定假聽唔到)，話好忙個個男人之後企喺度無野做，最後都係無人加！好忙，成間野得個十幾個客，四個職員，不知所謂。無下次，無下次，無下次。重要嘅嘢要講三次。

叫了一個四重爆丼。。送湯食材有。。帆立貝，拖羅容，海膽，三文魚籽。。因為特價時段order 2:30-6:30,所以只要98+10%..原價 晚市188+10%海膽有2種。。腥。。唔新鮮㠶立貝。。正常。。三文魚籽。。正常拖羅容。。沒特別圖片上說明爆量海膽。。我覺得是爆腥。。還好份量正常。味道只是一般。。下次不會再叫。。海膽腥。。好討厭。。嘗試食哂。。都係失敗。。隔離枱試左松葉蟹海鮮爆拉面。。好似好好食。。環境可以。。價錢唔太貴。。如果好食既話。服務還可以。。可能太忙。。水杯空了沒人理。。

是日相約好友出動荃灣區閒逛。好友收到友人訊息，介紹此日式餐廳的「四重爆丼」，原價$188，晚上6時半前下單只售$98，好友立馬要求一試🤣二人黃昏5時半到達餐廳門外，因員工用膳關係，晚上6時重開。幸好已取飛於門外乖乖排隊👭👫👬餐廳重開後門外食客魚貫入座，不消5分鐘已滿座，明顯不少食客均慕名前來。確認清楚價錢後我倆均點了「四重爆丼」。豈料等候差不多半小時仍未見「丼」，其餘食客的食物已陸續上檯😧細問下侍應竟未替我倆下單😤惟有再下單，20分鐘後終於見「丼」真身🤗四重爆丼上枱後，碗較細小，份量看似不大，但見魚生、海膽滿滿的，好感萌生🤣魚生份量與菜牌描述相乎：爆量海膽、拖羅蓉、帆立貝及三文魚籽😱材料份量蠻多的😍海膽有一半是生、一半是火灸🔥第一口吃下海膽，雖然並非很鮮甜，但口感幼滑入口即溶，味道亦濃😊其他魚生味道不俗👍惟一缺憾是飯煮得太爛熟粘口了，個人喜歡較爽口彈牙的飯。如希望以半價$98品嚐「四重爆丼」的朋友絕對可以一試，反之以正價出售此「丼」卻猶有不足。

早幾天同事👜在網絡上看到了介紹🖥，又發現跟公司💼的距離蠻近的，今天就決定帶我們一起去嚐鮮了💪🏻！不知道是因爲大家到看過了報道📱還是甚麼，中午時間坐滿了滿滿的食客🙄，店員忙得不可開交😥，連一杯茶🍵也忘了放下就走開了。除了壽司飯🍣，還提供了日式咖哩🍛、拉麵🍜、烏冬🍲等可供選擇，細心的照顧到不吃生的客人👍🏻。四色丼🐟：跟筋肉叔叔💪🏻一起挑了四色丼，因為他不吃三文魚🐟的緣故，特意請店員安排改成三文魚籽🧡。隨丼附送麵鼓湯一碗🥣或罐裝飲品🥤。魚生🐟新鮮度屬可接受程度，可惜油甘魚及劍魚腩🐠中的魚油都不足夠😥，肉質亦不夠嫩滑😢，不過海膽都算是綿密，可惜鮮甜味不足🤔。壽司飯🍙方面，雖然飯粒飽滿🍚，但米香及醋香也不太足夠，整體來說都算是失望的👎🏻。總結：店員👱🏻‍♀️因太忙根本沒有服務可言，加上性價比不高💸，真的是試了就算系列❌。

呢排keep fit .. 好想食海鮮丼見本地有本講飲食的雜誌，話荃灣新開間大大件海鮮丼，於是趁假日帶同小朋友到愉景新城放電，順道試菜。河背街相對於我們這些外地人當然唔熟路，而且唔係大街，但世上有google 大神，簡單沿著千色店往後行啦。小學隔離有一大堆人圍著舖面，人多都外面小巴站管理員出聲話危險⚠️等左大概45分鐘有枱不幸地，「譚仔」阿姐落單，兩樣野我重複四次用左10分鐘落單，問佢攞支义用，也都話無⋯ 就連飲品同我講要加錢， 同餐牌唔同，遺反商品說明條例！？極上海鮮丼上枱一刻，第一☝️感覺 - 隻碗有點細而縮水，但其實食落份量差不多，海鮮多而足料，兩隻大蝦和大大海旦。如醋飯再暖啲及有兩塊酸薑就完美啦。鮮茄豬軟骨拉麵阿仔要食麵，無味精鮮茄湯底絕對啱小朋友。豬軟骨多但碎加半隻「溏心」蛋味噌湯後上🤔但料足丼較麵食質素高好多，未食過可以試下，但請考慮排隊時間，尤其有小朋友！

同女朋友捐窿捐罅搵嘢食嚟到荃灣， 入到去得兩個侍應可能佢哋好忙， 都唔緊要叫咗一罐啤酒都要起碼等成二十五分鐘佢哋先記得攞返嚟， 講返呢個拉麵佢啲長腳蟹超鹹，個帆立貝有沙嘅， 個拉麵個湯底完全冇咩味， 而我女朋友食嗰個4寶丼， 啲海膽 好腥味， 個帶子完全冇味， 埋單二百五十三蚊， 總括嚟講不可一不可再

喂呀 荃灣都有丼丼飯食，仲洗出旺角尖咀嘅（誤）？近日睇fb見倒有飲食平台推介荃灣爆丼丼，顧名思義即係有大大碗魚生丼飯食呀。記得之後係荃豐中心一帶有間享丼丼d丼飯都幾好味，執左之後就一直都無一間魚生飯鋪頭。直到荃灣爆丼丼係河背街落戶，就遠少少都行去望下啦。唔知係咪因爲遠少少，我地食飯時間七點零到，入面都係得兩成客滿，唔緊要，如果好食，新鮮而又價錢合理，絕對唔怕無客人。我們二人嗌左個極上魚生丼，期間限定嘅四重爆丼同一客餃子。講下個極上魚生丼先，有兩隻甜蝦，兩片帶子，三文魚，吞拿魚同埋海膽。甜蝦勁大隻，本來滿帶期望應該好鮮味，雖然食落有蝦嘅黏口，但是唔鮮甜，帶子方面，其實都幾大隻，不過亦同樣唔算新鮮，無食落就帶甜味而係有少少雪味，三文魚就十分肥美，厚切上看到肥脂位好治癒，而最令人驚喜嘅可以算是海膽，數量雖少但十分出色，有鮮甜帶少少甘口，幾片海膽救點整碗魚生飯。而米飯方面，大大碗，基本上食唔晒，有啖啖嘅日本醋味，令人唔覺唔覺又食多啖。另外一碗係四重爆丼，即是有爆量海膽，拖羅蓉，帶子同埋三文魚子。呢碗晚市推介無係普通 menu 出現，首先講左頭先大讚嘅海膽先，都明白一板海膽總有好壞，呢碗爆丼飯上

上網見到,就推介朋友一起去。去到超多人排隊,好彩刚走一大批人。入到去,坐位勁迫。而且服務生質素麻麻地~叫了拉麵,等左5-10分鐘。味道一般~仲有朋友個湯等左勁耐先有~

得知有開張優惠，見到食評又幾好，特登黎試下，不過實在幾失望。題外話一則，點菜時重複左幾次，但職員都係聽錯，最後仲要落錯單，不過影響不大就算了。叫左招牌海鮮拉麵同粒粒魚生丼，兩樣賣相都幾好，海鮮的確幾好食又份量多，但湯底一般，拉麵亦唔好食，寧願食連鎖店仲好。魚生丼份量都多，尤其多飯，但魚生有啲暖，而且飯又痴埋一舊舊，所以口感奇怪。當日好多客人，可能食物質素因此下降，不過食野係主觀既，可能之前咁多俾正評既朋友真好覺得好食，但我就不敢苟同，唔會再食。

見早排facebook買哂廣告咁又話咩抵食 新鮮咁就同左個朋友黎試下我地大約7:05分到門水都見到ok多人張飛寫住仲要等24人心諗都應該有排等架啦不過因為前好多人都走左同埋個時咁岩啲人連續咁走7:20左右就坐低左都算幾快我地坐低左就即刻嗌野食事關有下場我地叫左兩個丼一份刺身同埋一份餃子🥟餃子就最先到個皮好脆 都知一定係炸架啦都ok juice等左一陣就上左個「四重爆丼」賣相唔錯。份量都好足呢個係朋友食既佢食第一啖既反應係「好晦」一食落就知係唔新鮮完全無鮮甜味反而個帆立貝ok但真係唔值$188 朋友個飯都食到一半我個個都仲未到催左一次單 個赤海蝦刺身先到肉質夠實 有咬口 好滿足最後 我個極上魚生丼終於到朋友一見到我個飯 都有啲後悔因為佢覺得我呢個睇落好過佢個個由於我好鐘意食赤海蝦第一啖就係食蝦但 同我散嗌個個赤海蝦完全唔同啲肉係散 個蝦仲要係臭同散嗌個個對比 簡直係天同地三文魚腩 好膩 同埋好散帆立貝反而係最正另外個款我唔知係咩魚爽口 ok 既講真 埋單都四舊水你問我抵唔抵我會覺得唔抵而且唔會有第二次我地食食下隔離枱都催單但店員居然同個客講無哂飯見隔離枱有嗌饅魚個個都真係幾大條不過聽佢地

好想食刺身飯 男朋友話有間唔貴既 帶左我食黎到都有好多款揀 當然有貴有唔貴 我地叫左兩款小食 日式餃子同埋雞翼啲雞翼好香脆 即叫即整餃子有五隻 好juicy又有軟骨做餡 點埋醬油食唔錯飯我地就叫左一個什錦魚生丼 一個北海丼好正 最高有層吞拿魚蓉撈飯一流啲刺身都算唔錯 三文魚 油甘魚劍魚腩 同埋帆立貝 每款兩件 百幾蚊 呢個質素係好什錦刺身都唔錯 有五六款刺身 每款一件 中意試唔同刺身既呢碗岩哂 仲有隻大甘蝦一碗既份量好似唔多 但連男朋友食完都話好飽 我食唔哂 就個份量一啲都唔小 因為刺身真係好多 幾抵

話說上個月知道呢間野新開 個陣心思思想試下個陣見到都有少量好評 無ok同劣食公仔頭兩次食落都正正常常 🤔都算係荃灣少有較平民丼飯見到近排有page推廣 影出黎幾靚 親戚朋友們睇到都諗住去試下我個陣第2次食 諗住再試下有無好/差左最後turn out出黎係 差左以下d相係第1次食既相：四重爆丼 吞拿魚蓉- 口感還好 但無乜吞拿魚味 海膽- 第1次食個陣得1款海膽 應該係加州膽黎唔會話鮮甜 但起碼入到口 唔會苦/ 腥到吐返出黎 到最近去食（睇到page介紹完之後）變左有兩款海膽 加左應該係韓國膽 發現兩款海膽都超級苦同腥！！！ 我食到最後剩幾舊海膽 因為實在太腥同苦！三文魚子- 最近一次食份量少左 質素又差左顏色偏淺色，無咁飽滿帶子- 應該係呢4樣野入面 質素最正常同keep到既一樣 雖然都知係急凍帶子刺身 但都幾新鮮 無雪味 入口微甜極上魚生丼 （只係第1次有食）牡丹蝦- 質素可接受 起碼唔霉同埋腥 海膽同帶子- 同上面個丼既一樣（詳情睇返上面）三文魚腩- 應該係呢款最好食既一款 有三文魚油香 而且厚切 口感十分好油甘魚- 魚肉較實淨 食得食油甘魚既清新 算係第2好食既刺身種類燒牛舌：（

位於荃灣河背街74號的爆丼丼，主打日本壽司及拉麵，看餐廳名字就猜到餐廳是主打丼飯，點了一客即點即製的火山爆丼，各主食奉送麵豉湯或汽水。其他日式咖哩飯約為五十多元，不會太貴，也可以單點刺身和壽司。約十分鐘後，火山爆丼來到了，賣相也是頗吸引的，滿滿的一盤頗為豐盛，材料包括拖羅蓉、帆立貝、呑拿魚、三文魚和三文魚籽。這碗飯頗為大碗，情侶們來到可以點一碗分享，再點其他小吃。各款刺身的份量也足夠，而且選材夠新鮮，個人頗喜愛吃三文魚籽，粒粒飽滿，咬落卜卜聲。如果下面的壽司飯可以更冰凍便好了。鵝肝壽司來到了，賣相誘人。鵝肝的size比想像中大塊，上面淋了日式燒汁和芝麻，食指大動。鵝肝十分香口，而且厚度足夠。底下的壽司飯是波波形狀，飯的份量不會太多。跟餐的飲品則選了罐裝汽水，冰凍解渴。用膳當天，侍應都是年輕人，態度友善而且食物上桌速度頗快。

日式餐廳，細細間的，裝修簡單、整齊，座位比較窄但係尚算舒服。主打丼飯，除左有海鮮丼、仲有咖喱丼、鰻魚飯、拉麵等等...價錢係由$52起，價格大眾化，底食。四重爆丼：限量發售！入面有海膽、拖羅蓉、帶子同三文魚子。拖羅蓉食落除左鮮之外，仲有層油香，海膽既比例都真係好多，仲有部份火炙過tim，鍾意食海膽既朋友就唔好錯過此丼啦！燒牛舌：價格平宜！牛舌好厚身、肥美、份量足！啖啖肉，加入調味料，十分惹味，不錯