爆丼丼 (已結業)

本身今晚諗住咁熱，必定要食日本野，又見到呢間野新開張，就走入去試試如何味道。好啦等位唔算長時間，約15分鐘，等到出汗都無所謂，美食總需要等待......終於坐低，叫單，我同3位朋友分別叫左 咖哩豬扒飯、粒粒魚生丼、什錦魚生丼及好大張圖的橫濱安格斯牛鵝肝飯。我地20:15落單，兩個魚生丼同豬扒飯都好快到餐，唯獨是我個安格斯飯遲遲未上...好啦，等多10分鐘，仲未有餐，索性開始催單，女店員亦好心幫忙...見咁積極，就繼續等。到左20:40，真心耐，開始感到漏單跡象，再催單，同時發現左遲我地10分鐘入座的客人，各有3份安格斯飯，全部俾哂佢地，即時覺得需要反映！之後其中一位店員見到我地咁鼓燥，竟然同我地講：「各位客人唔好咁煩燥，我地好快就出餐俾你，入面廚師係跟見到的單來製作，見到先會整～」最後仲加多句：「美食係需要等待架！」聽到呢句，只有覺得不可思議，代表左我檯張單擺到最後！？抑或漏單後作個藉口補救！？抑或我個飯係需要咁耐時間製作，而其他客人就唔需要！？最後於20:45，我個飯終於送到，盛惠98蚊加一服務費，再睇一睇個咁「用心製作」的飯，我就知道，佢餐單上的「超卓」「驚為天人」是如何令一檯客人

前幾日要嚟荃灣做野～🤧🤧同同事坐小巴🚌落車，見到附近就有間日本餐廳🤤睇落都幾精緻！決定支持下小店！☺️鐘意食海膽嘅我見到呢款四重爆丼真係即刻心心眼咗！❤️兩款海膽都已經好吸引！仲有大大片嘅帆立貝另外加拿大海膽有輕輕火灸過～味道更加出！OnTop嘅拖羅蓉好Creamy！佢唯一差啲嘅係唔方便食！因為太滿了 lol同事話太生唔想食 lol 唯有嗌嗰火焰魚生丼，點知一樣有驚喜！勁足料真係唔知老細點繼續做落去啊～

剛經過荃灣新開的爆丼店， 見到很多人排隊等候 ， 叫了一個鵝肝牛肉爆丼飯 ，鵝肝只得兩件少少的，但是苦的鵝肝的實在是吞不下了， 牛肉味道都不錯似吉野家 但是份量卻是很少， 米飯是普通的，並不是日本米。 98元 還要加一 ,非常失望沒有下次了。

荃灣都幾多魚生丼，今次揀左小店支持下，閒日晚上都幾多客人，幸好不用等位就剛好可以入座。我同友人點了兩個丼飯。安格斯牛肉鵝肝丼 $98估唔到熟食的丼飯抵食夾大份，放滿安格斯牛肉，再加上厚切肥美鵝肝，完美組合。牛肉口感如肥牛般嫩腍油香，入口快要溶化，但又牛咪濃郁，配埋煎得好香既鵝肝，外脆內軟，同樣既甘香味濃，食到一半係開始膩，所以我一開始分了點給友人。兩者好夾而又冇蓋過對方味道，喜歡油潤甘香與味濃既食友們，呢個丼飯係首選。火山爆丼 $168火山爆丼有齊5款魚生，分別有拖羅蓉、帆立貝、吞拿魚、三文魚及三文魚籽，款式算多，但份量較少。賣相反而吸引，有如火山一樣，爆出好多三文魚籽。拖羅蓉拌勻醋飯，魚油香散發，肥美脂香幾吸引。吞拿魚和三文魚都切成粒，感覺似什錦魚生，可惜只有半隻嫩滑帆立貝，如果多點會更好，有點不夠喉。最好味還是提升解味，又口感十足的三文魚籽，爆發出鮮味令整個丼飯的各款魚生的味道都融合。丼飯會附送麵豉湯，味道幾清且不太咸，配料有滑溜豆腐粒及油豆腐。

之前食過一次覺得好食，諗住今日再黎食啦，因為見到話六點前可以免收加一嘛今日五點黎到啦，點知出面貼左張野話員工五點到六點食飯，但明明另一個餐牌就話供應時間係五點半開始，咁就唔好貼話咩六點前免加一啦，同埋個供應時間又有出入，搞到要等成個鐘，想黎既人唔好俾佢呃話六點前免加一，一啲指示都冇，唔夠清晰搞到客人要等..............................

呢幾日熱到痴線，想食d凍少少嘅嘢決定黎爆丼丼試下！除左丼之外仲有咖哩飯、拉麵、烏冬、小食第一次黎食毫無疑問一定係食丼！叫左三文魚帆立貝丼 、火焰魚生丼同埋蟹柳小卷三文魚帆立貝丼($62)刺新都幾新鮮，三文魚有三塊，帆立貝兩片，帆立貝份量有點少，順帶一提呢度d wasabi 好辣！同出面個d差好遠，食到流眼淚火陷魚生丼（$78）份量都夠，多d唔同款嘅刺生三文魚、蟹肉棒、劍魚等⋯燒左都幾好食！不錯叫到隔離點左個炸餃子都唔錯！下次可以試試

開頭對而間日本野有點點希望，始終每日都有人去排下隊去食，但實際上食物料質量比較差，至於其他方面就只有一般！至於個人覺得不值得推介，希望店長可以提升一下質素由食材質素建議先食帆立貝～拖羅蓉～三文魚魚籽～海膽。由無咁重口味至重口味，否則食唔出味道，但眼見大多食客都唔清楚....... 如果店員可以貼心少少，講下會比較好！海膽質素差，食落去有陣屎味，海膽來源問題。帆立貝唔夠新鮮，食落口無味！拖羅蓉唔夠味，用左唔新鮮既吞拿魚！三文魚魚籽係成碗既精華，但彌補唔到其他野食！Wasabi 店長對此無要求，用左劣質貨！飯整得唔錯，但珍珠米質素一般！烏冬整體唔錯，湯底夠味、豬軟骨夠入味、烏冬岩岩好！芥辣八爪魚壽司一般質素缺乏水供應或者可能太多人值得一讚可預約，如果要排隊就不值得

同朋友見到佢咁出名就突燈去試下，點知兩個食完唔夠一個鍾就"肚痛加痾肚“我從來都唔鍾意寫食評，覺得好同壞個個人口味唔同，無需多講，服務態度差，環境差我都可以接受，不過搞到痾肚我就接受唔到，去試e間野之前請大家3思我地一個叫左"4重爆丼“ 一個叫左“火山爆丼“海膽：苦ge,唔新鮮帶子： 有青瓜味，好奇怪魚子： 粒粒都好鹹仲叫左個甜蝦，都係怪怪地，唔新鮮，外表都唔 光澤 ，食左一隻唔敢再食，無一樣野係好食如果本身腸胃差d真係唔好去食

我很喜歡食丼飯，因為一大碗飯上面放滿多種不同種類的魚生，色彩繽紛，未吃已先興奮，加上丼飯大大碗，食一碗已夠飽。知道荃灣有間新開的丼飯店，價錢大眾化，所以専程來吃個飯。什錦魚生丼$88-晚市套餐包一罐汽水，魚生丼有多種什錦魚生，有牡丹蝦、帆立貝、三文魚、劍魚腩、蟹子、吞拿魚等等。食完一碗真的飽到不得了，以價錢來說，$88可以吃到這碗爆丼，都算超值。南瓜薯餅 $18-剛炸起的南瓜薯餅，外脆內軟，味道清甜，價錢合理。內在環境餐牌

今次好似係第二次寫食評，其實從來冇咩興趣寫，但食到一肚火，唔寫唔得。俾啲咁嘅嘢人食仲要收$98蚊一碗😡我食嘢一向都幾小心謹慎嘅，雖然偶爾都會中吓伏，但經過幾個星期觀察，見呢間爆丼丼一直都咁多人排隊，諗住應該可以一試。點知今晚一食就中伏。我叫咗個所謂爆丼肥牛鵝肝飯，隔離枱都有點呢個，又話咩驚為天人，點知個碗好細，飯佔咗9成，只有少量好鹹嘅肥牛，同埋兩塊好細嘅鵝肝，鵝肝仲要唔熟嘅血淋淋。跟住四眼肥姐幫我換過一碗，隔離見我換，佢都提出話鵝肝未熟，真係同我一樣情況。可惜換返嚟嘅係燶咗嘅鵝肝，但中間都仲係有少少唔熟，又冇鵝肝味。至於我老婆叫咗果碗，就係鰻魚飯，成碟飯只有啲蛋係比較好食，但條鰻魚就係實的的果隻口感😖。碗面豉湯又係好鹹嘅😔⋯⋯但你要知道碗肥牛丼係$98蚊碗，鰻魚飯又係$98。$200食啲咁嘅嘢我真係接受唔到囉😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡😡我真係唔明點解仲有咁多人幫襯🤔，不過我見好多人都叫魚生壽司嘅，唔通魚生壽司會好食好多？🤔 我就一定一定絕對冇下次，大家有興趣又或者有多餘錢而又對食冇咩要求嘅都可以試吓嘅，或者魚生壽司好食呢🙊🙊🙊仲有仲有，差啲

公道d講啦，刺生方面質素還可，未至於要劣評既，但因為魚生飯系一定會配飯嫁麻，如果飯質素差，真系超級影響整體，令到每啖都變得好難食，就算d魚生ok，d飯差到極，真系咩mood都無，d飯點差法呢，勁粘，勁淋，一pat野甘，吾止我覺得，我聽到隔離枱都話d飯好差，所以我食完之後感覺真系失望，唉成間鋪最貴呢個飯嫁啦，滿心期待地來食，吾知系甘岩失手定咩啦，飯都做得甘吾正常，魚生又吾洗煮既，入貨炸麻，飯其實好重要都系主角，飯太差會影響哂d餸

見facebook介紹 又做緊優惠 就諗住試下 五點9黎到 門口已經排緊隊等6點食第一轉 最後等左十幾分鐘就入得我地兩條友淨係叫左一個四重爆丼同一客芝士年糕 年糕會有少少油 不過都係合格以上既 至於丼就比我想像中好好多 見其他comment又話唔新鮮又話臭 但事實又另一回事 魚生份量唔少 亦唔會話冇味唔新鮮 係海膽有少少少少苦 另外見其他人話冇service可言 但其實店入面既姐姐勁好服務 舖頭又忙又多客 仲會係咁主動幫你加茶 收走枱啲垃圾兩條友食到飽 埋單都係$138+25 再另外加一 其實真心抵食 可以再戰

聽人講過荃灣的「爆丼丼」幾抵食。這天傍晚正好經過附近，便去嘗嘗其丼飯也。雖然我曾在荃灣居住及讀書逾十年，但此店的位置連我這個老荃灣都要找一會才找到。閒日傍晚六時多來到已七、八成客滿，七點前已full house了，可見此店應有些口碑才會這麼多人幫襯。看menu此店應主打海鮮丼，價錢也比九龍或港島的海鮮丼店便宜一、兩成。不過這天不太想吃魚生，便叫了一個安格斯牛肉鵝肝丼也。先來一碗附送的麵豉湯，偏鹹，無甚特別。等了十多二十分鐘牛肉丼來了。老實講碗的size比我原來想像的細，但牛肉份量都算多，至少看來夠澎湃。肉的調味唔錯，尤其加入大量芝麻加添了香味。這裏用的安格斯牛肉雖非一級貨，但質感軟硬適中而且不老。鵝肝細細件（共兩件），看價錢質素不會太苛求，但至少沒有異味，入口亦夠油份。連埋加一$108。呢個價錢呢個份量算合理了，至少沒有賺到盡吧。

不外如事，見面不如聞名，叫左2個飯，我食安格斯鵝肝飯，牛肉唔熱既，個汁ok,鵝肝巳凍曬，鵝肝完全唔香口野味……同食m記豬柳蛋隻蛋一樣口感！我朋友食粒粒魚生飯……完全同日本超市賣的飯盒一樣，只是三文魚粒大一點……

上網睇到呢間爆丼丼開係荃灣非常就腳，所以就去試下，大約晚上8:30去到就唔洗點等位！我就叫左個四重爆丼，海膽夠甜，帆立貝夠新鮮朋友叫左個鵝肝牛肉丼，有驚喜鵝肝口感食落好‘林’而牛肉味道似係日本食咁另外店員服務態度很友善